مشكلة الاسعار الفورية بالبلاك بيري؟

[سياف]

السلام عليكم ورحمة الله وبركاته ,,


اولا الموضوع ليس له علاقة بالسهم بس مادري وين مكانه


عاد هذي عليكم انقلوه للمكان المناسب واذا جاوبتو على

الاستفسار وهوه بالمكان


هم خير وبركة ,,,, عموما في واحد من الربع اخذ جهاز بلاك بيري


واتصل فيني ( اهو جديد على عالم الاسهم ) قال دشيت على سايت

البورصة عن طريق الجهاز ولمى فتح وياي بس حاولت ادش على اسعار

فورية طلب مني جافا مادري فلاش بلير هل المطلوب 1 جافا ام فلاش بلير

2 واذا جافا او فلاش بلير هل الجافا او فلاش بلير هم نفس الي نستخدمهم

لل لابتوب ؟؟؟؟؟؟؟؟؟؟ ,,,, طبعا اخوكم سياف عطاه حوصة وقلت له انا

الحين نايم اكلمك لمى اقوم من النوم ,, على باله انا كنت موظف

بميكروسوفت ,, مايدري قبل اسبوعين تعلمت شلون ينحفظ الرقم

المهم قلت استفسر من الشباب واذا عرفت الطريقة اتصل فيه وقوله

توني قمت من النوم امرني لمى يقولي الموضوع اقوله الطريقة

الله يا كبر الفشيله جانه شاف المشاركة بس الي متاكد منه انه مايعرف

شنو يعني مصطلح ( منتدى ) يعني ماكو امل يدش منتديات بالوقت

الحاضر لاكن يمكن فيما بعد يتعلم عاد اهوه يحب ينبش شكله بيطلع

مشاركتي بعدين من الارشيف بس انا متاكد مارح يكمل بعالم الاسهم

شكلة يبي ينصمخ بجم سهم ويصك البلاك بيري بالطوفه ويكنسل رقم

التداول ,, الله يبارك فيكم الي يعرف الطريقة لا يبخل علينااا


لاني هايطة جدامة قبل جم سنة لمى كنت بريعان الشباب

قبل لا الاسهم تشوتني يمين ويسار وصاحبنا للحين مو ناسي

وللعلم نصحت لين خاب ثناي انه يترك الاسهم بس ماطاع يقول بجرب

قلت له شتجرب انت دشيت سوق الغنم قبل جم سنه صار سعر الخروف 25 دينار

الحين حولت للبورصة يعني رحنا وطي اسهمنا الخمطة بربع قاام يضحك ( تراه صاحبي اكثر من 30 سنه وحسبة اخوي )

والحمدلله رب العالمين والصلاة والسلام للمبعوث رحمة للعالمين

محمد ابن عبدالله

 

[basmman]

هههههههه

ليش ما قلت ما أعرف و فكيت حالك ؟

 

[aclient]

نعم اخوي سياف محتاج جافا عشان يشتغل معاه الاسعار الفورية

و هم يحتاج الفلاش بلير عشان يشتغلون معاه مواقع اخرى مثل التوب

 

[سهمك اخضر]

قصه طريفه

 

[level-1]

ههههههه شكله سالك ومارديت عليه رد وسالنى بس الحين صدتك ياتطلب لى وجبه من ماكدونالز والا ابلغ عليك ادخله يشوف مشاركتك

 

[BARKAWI]

عندي نفس الإشكالية

أفكر في شراء نقال أستطيع من خلاله مراقبة الاسعار الفورية لكن لا أعرف ما هو أفضل جهاز لذلك؟؟

كما أنه وللأسف حسب علمي أنه لا يوجد أي جهاز نقال ينزل عليه برنامج تداول (مثل الاوسط أو بيتك للتداول)

 

[Motfa2eL]

عندي نفس الإشكالية

أفكر في شراء نقال أستطيع من خلاله مراقبة الاسعار الفورية لكن لا أعرف ما هو أفضل جهاز لذلك؟؟

كما أنه وللأسف حسب علمي أنه لا يوجد أي جهاز نقال ينزل عليه برنامج تداول (مثل الاوسط أو بيتك للتداول)

هلا بو باسل , في ما يخص سؤالك انصحك في Ipad طبعا موجود في الوزان للكترونيات - معرب وجهاز تلفون واعمال انصح فيه
لا وبرستيج بعد هاهاهاا

اخوي انا مستخدم بلاك بيري الجافا المطلوبه عشان تشتغل الاسعار الفوريه في التلفون غير متوافقه - يعني ما في جافا للموبايل بلاك بيري - وهالشي قصور من الموقع مو من الموبايل

 

[Q8 Stock]

بعدنا على المستشار الفضي

 

[سويسرا]

هلا بو باسل , في ما يخص سؤالك انصحك في ipad طبعا موجود في الوزان للكترونيات - معرب وجهاز تلفون واعمال انصح فيه
لا وبرستيج بعد هاهاهاا

اخوي انا مستخدم بلاك بيري الجافا المطلوبه عشان تشتغل الاسعار الفوريه في التلفون غير متوافقه - يعني ما في جافا للموبايل بلاك بيري - وهالشي قصور من الموقع مو من الموبايل

بالنسبة للايفون هل يوجد نظام الجافا لمتابعة الاسعار الفورية

 

[سويسرا]

متابعة الاسعار الفورية من خلال جهاز اي فون

السلام عليكم

شباب لدي جهاز اي فون اود متابعة الاسعار الفورية

بس مايفتح معاي ليش

 

[دولار$]

السلام عليكم

شباب لدي جهاز اي فون اود متابعة الاسعار الفورية

بس مايفتح معاي ليش

ماتقدر للأسف
وأنا حاولت وماقدرت .. ورحت عند الفنيين وقالولي ماتقدر

 

[AL_RAGI]

شباب انا عندى hd2 ومايفتح الجافا للاسعار الفورية لانه اصلا اذا دخلت موقع الجافا مايعطيك تعريف للتلفونات والاى فون ونفس الشى عندى ايميت مايفتح يعنى مافيه مجال الا الموقع نفسه ينزل برنامج جديد​

 

[BARKAWI]

ماتقدر للأسف
وأنا حاولت وماقدرت .. ورحت عند الفنيين وقالولي ماتقدر

دولار تبيع جهازك؟؟ :d

 

[دولار$]

دولار تبيع جهازك؟؟ :d

والله يا بوباسل انت لو تطلب عيوني ما أردك
أفاء عليك .. تبي جديد والله أمرني أمر انت

بس اهم شي البرشا يفوزون بطولة أوروبا ​

 

[BARKAWI]

والله يا بوباسل انت لو تطلب عيوني ما أردك
أفاء عليك .. تبي جديد والله أمرني أمر انت

بس اهم شي البرشا يفوزون بطولة أوروبا ​

تسلم يا بو بدر ، أحرجتني بلطفك والله ، غريب مع انك برشلوني إلا انك عزيز وغالي والله

خلينا بموضوعنا أحسن

أنا سمعت انه الاجهزة اللي تعمل على نظام وندوز (مثل htc) ممكن ينزل عليها الجافا وبالتالي تشتغل عليها الاسعار الفورية

وسمعت انه الاي فون حتى على صفحة الاسعار العادية يعلق وما يعطيك كل الاسهم!!

 

[دولار$]

تسلم يا بو بدر ، أحرجتني بلطفك والله ، غريب مع انك برشلوني إلا انك عزيز وغالي والله

خلينا بموضوعنا أحسن

أنا سمعت انه الاجهزة اللي تعمل على نظام وندوز (مثل htc) ممكن ينزل عليها الجافا وبالتالي تشتغل عليها الاسعار الفورية

وسمعت انه الاي فون حتى على صفحة الاسعار العادية يعلق وما يعطيك كل الاسهم!!

الله يسلمك
اخوي بوباسل .. راح ينزل الأيفون الجديد ( 4 ) وراح تقدر تنزل الجافا
هذا اللي قاله لي الفني
وأنا اتابع السوق عن طريق الأيفون بس مو فوري ولازم اسوي ريفرش على الصفحه

 

[BARKAWI]

الله يسلمك
اخوي بوباسل .. راح ينزل الأيفون الجديد ( 4 ) وراح تقدر تنزل الجافا
هذا اللي قاله لي الفني
وأنا اتابع السوق عن طريق الأيفون بس مو فوري ولازم اسوي ريفرش على الصفحه

سمعت عن الايفون 4g، وانه نزل بامريكا ن لكن متى يشرفنا هني بالكويت؟؟

 

[بن زيمه]

سمعت عن الايفون 4g، وانه نزل بامريكا ن لكن متى يشرفنا هني بالكويت؟؟

هلا بوباسل حمدلله عالسلامه
وسلامه الاسفار
الفور جي تو الناس عليه ماراح ينزل بأمريكا الا شهر 7 وشوف عاد يبيله شكثر يالله يوصلنا خصوصا ان ماله وكيل حصري بالكويت

 

[دولار$]

سمعت عن الايفون 4g، وانه نزل بامريكا ن لكن متى يشرفنا هني بالكويت؟؟

ان شــــــــــــاءالله شهر 6 أو 7 ​