للبيع حوت موديل 2000 .... قولو ما شاء الله !!

[ناصر الشريفى]

شباب البيع حوت موديل 2000 ... فل اوبشن .... اللون عنابي ... الموتر مصبوغ صبغه تجميلية .. و شرط الفحص من اول برغي لي اخر برغي ..

و هاذا رقم راعي السيارة ... 99018007 ... فيصل العنزي



و الي عنده سومه يدق على راعي الحلال ... بس يا ريت السوم فوق ال 5200 د.ك
يعني ما نبي شغل شريطية ..

 

[أبو الجوري]

شغل شريطية شلون ابي افهم وانت محدد السعر فوق 5200 سعرك غالي

اذا بغيت ان تطلع فطلب المستطاع

تحياتي لك

 

[sound blaster]

شغل شريطية شلون ابي افهم وانت محدد السعر فوق 5200 سعرك غالي

اذا بغيت ان تطلع فطلب المستطاع

تحياتي لك

ههههههه


تصحيح ..!


تطلع = تُطاع


بالتوفيق ..!

 

[قناص_السوق]

كلش انت مو شريطي اخاف غلطان بالموديل بس و احنا ما ندري يمكن موديلها 2005 سيارتك تأكد يالحبيب

 

[ناصر الشريفى]

لا يبا 2000 .... و روح المكاتب شوف اسعارهم على 6000 و 6500

ماما ما تعرف بالمرسيدس لا تقعد تفلسف اقول لك حوت فل اوبشن و مواصفات خاصه و ماشي 149 الف كم تقولي غالي ...

حياتي انت وياه كل واحد فيكم يروح يشوف له بوحديده ولا لانسر على قد حاله ولا يقعد يكسر بحلال الناس

 

[سهمك اخضر]

5200 عدل هذا سعرك

 

[القراشي]

ممكن بس تتأكد من الموديل لو سمحت من راعيه

 

[ناصر الشريفى]

متاكد و توني داق عليه ... موديله 2000

و منو قالكم انه سعري ب 5200 د.ك ؟؟؟ هاذي سومت واحد سامه و الرجال يبي زوود

 

[سهمك اخضر]

متاكد و توني داق عليه ... موديله 2000

و منو قالكم انه سعري ب 5200 د.ك ؟؟؟ هاذي سومت واحد سامه و الرجال يبي زوود

5200 مو بياع بعد الله يرزقه 10,200

بس الخوف بعد مو بياع ب10,200

 

[VXR2009]

كون واقعي شباب عندي حوت 2002 ذهبي صبغ الوكاله شرط الفحص ماشي 130 ---320لارج بيع5000 الي له خاطر يراسلني والله يبارك لخونا الشريفي في موتره ويرزقه البيعه الي بخاطره

 

[ناصر الشريفى]

حبيبي ان شاء الله ما تكسر بموتري و تعرض موترك عندي ... خلاص عندك موتر سو لك موضوع بروحك ... خل الناس تترزق الله

 

[VXR2009]

كلامك صح شباب اسف علي عرضه في صفحة اخونا الشريف لايجوز البيع علي بيع اخونا راح انقل الموضوع صفه ثانيه

 

[ابو حبيب]

اخوي عيد نظر بسعرك وحد من ربع توه ماخذ 2004 البشر صبغة الوكالة 6900:ك فل ابشن الي تجي شاشتة عريضة ماشي 108 وسيرفس بلوكالة ولا انت موترك مصبوغ مادري مالك البشر ولا مولبشر ابي انصحك من باب نصيحة ولا اكثر ولا اقل الله يرزقك

 

[coco28]

في اكس ار الله يبيض وجهك
بس ابلغ الناس الى موجودين ترى حنا الحين ب2010
يمكن الحبيب عباله ليما الحين ب2000
وعلى فكره ترى الحوت ال2006 ينباع ب11700
بلاششش شغل شريطيه تسنعوا

 

[Singel]

انت عارض حوت ولا عارض ولا لاند كروزر يبا السعرر هذا موصحيحي ولا سعر ه في السوق انا عندي 2002 بشر 320 لارج ابيض تشتري 2700

 

[life-enginer]

انت عارض حوت ولا عارض ولا لاند كروزر يبا السعرر هذا موصحيحي ولا سعر ه في السوق انا عندي 2002 بشر 320 لارج ابيض تشتري 2700

الله يوفقك اخوي انا بشتري دزلي رقمك عالخاص

وبالنسبه لل5200 الله يوفقك بس انا شفت قبل يومين موديل 2001 ب 3100 د.ك شرط الفحص بس هم كل شئ جايز
يجوز شاصي مو متأكد

 

[ابو يعقوب SS]

ناصر الشمري ... الظاهر للحين متاثر في الموستنج ...ههههههههههههه.... ماعليك منهم كل حلاله عنده

 

[ناصر الشريفى]

والله بلشه هالعالم ناشبين لي بحلالي ...

 

[أبو الجوري]

لا طبعا موناشبين لك بحلالك ياخي خاطب الناس بما يفهمون فهمني شلووون الموتر مسيوم 5200 موديل 2000 ياخي والله قوووويه قوووويه البحر صار صخر

 

[ناصر الشريفى]

شنو اهو الي شلون ..؟؟

قاعد اقول لك يا بني ادم مرسيدس حووت .... جيبات شروكي قاعد ينباعون على 1500 د.ك
و سفاريات على 3000 د.ك .. ولانداات على 5000 د.ك و نفس موديله

و اذا مو عاجبك السعر روح ارقع راسك بأقرب طوفه ...