استطلاع للرأي للشباب حول سعر الشراء في ابو فطيرة

[خسران جداً]

انصحكم انكم تخلون قرار الشراء مدروس و بعيد عن الانفعال العاطفي

انصح اللي يبي يقرر يشتري و لا ينطر ، يدرس وضعه عدل و شنو اللي قادر عليه ، و هذا نوع من الارشاد:

1- قاعد عند الوالد ولا تدفع ايجار؟ اذا ساكن عند الوالد و مرتاح انسى تشتري بيت و انطر دورك!
2-كم قاعد تدفع ايجار حاليا (450 مثلا)؟ اخصم بدل الايجار (يعني صافي تكلفة الايجار 300 مثلا.
3-جم مستعد تقط على البيت سواءا اقساط أو مع دفعة اولى (شراء و ترميم) زائد ال70؟ اهني السؤال المهم:
لا تدغدغ مشاعرك و تقول الأسعار صاعدة و لا نازله هذا ماله شغل بالقرار لانه من علم الغيب و انت يهمك انت شكثر مستعد تدفع من جيبك أو من خلال الاقساط (و هو من جيبك على مدى بعيد) على المنطقة و مستوى البيت اللي يرضيك على الأقل، لأنه لو تفكر فيها اذا حصل تغير في الأسعار بالمستقبل كم راح يكون +- 20 الف؟ هذا مستوى التذبذب الممكن و بصراحة ما تسوى تبني قرارك على هالفروقات لانه الوقت يمشي و التضخم ياكل من قيمة الفلوس و الايجارات قاعدة تروح هباء منثور.

أعطيك مثال ، اذا معاشك يسمح تاخذ قرض قسطه 450 دينار أعتقد ممكن يجيبلك 50 الف على 15 سنة ، و اذا عندك مثلا كاش 20 الف صارو 70 الف ، و انت مقتنع اب بيت حكومة بالقرين مثلا اب 130 الف زائد ترميم 10 الف ، اهني تسوى تشتري هالبيت لأنك خذيت بيت كامل و طلعت من الشقة و سكنت فيه و هو لك و فلوسك رايحه حق استثمار بعيد المدى و فرق التكلفة الشهرية 200 دينار مع الكهربا و الماي و تسوى عندك حوش و طابقين و قاعد اب بيتك ( و قسط التسليف انت دافعه دافعه سواء شريت بيت الحين ولا نطرت دورك نفس الشي راح تدفعهم لين تموت).

و اذا قدرت تأجر جزء منه يكون احسن و بهالحالة يكون قرار الشراء فيه توفير لك و استثمار بعيد المدى.

مثال آخر ، انت من الطبقة الأغنى و حاليا ايجارك حق طابق بجنوب السرة اب 600 دينار ، و مرتاح من هالتكلفة الشهرية بس متحسف على الفلوس ، اهني ممكن تفكر تاخذ قرض 70 الف كاملة و زوجتك مثلا تاخذ 50 الف (أو انت تحط 50 الف تحويشة) يكون عندك 120 الف تقدر تتصرف فيها ، يا تاخذ بيت محترم بالعقيلة على 190 الف و تسكن فيه كله أو جزء منه و تشوف صافي التكلفة الشهرية كمقارنة (نفس المثال السابق) ، أو انك تزيدهم شوي و تخصص كاش للايجارات حق مدة البناء و تاخذ أرض بشرق القرين و تبنيها على مدى سنة.

4- الزبدة انت لازم تشوف وضعك و قدرتك المالية و لازم تتذكر انه قرار الشراء مادي بحت و لازم تدرسه على اساس التكلفة الشهرية و الفرق بين القرارين ، و دائما حطلك خط رجعة و خصص فلوس احتياط أو مصدر دخل احتياطي (كمثال دخل زوجتك بالوثيقة و القرض اذا حسيت ان العملية حده حده)

و تذكر انه صحيح ممكن في نزول أو صعود في الأسعار و لكن حسب تاريخ الكويت هذا تذبذب محدود و لا يؤثر على قرارك في الاستثمار على المدى البعيد ، اذا تبي تنطر سنة أو سنتين و تجرب حظك تمام مو مشكلة بس أكثر من جذي لا تنطر و اتخذ قرار حسب وضعك لانه الدولة فيها تضخم مو طبيعي و الدينار قيمته تقل مع الوقت ، و لا تنسى الايجار اللي قاعد يروح عليك مع الوقت (اذا ايجارك 450 يعني ال 300 دينار صافي البدل على سنتين يطلعون 7000 دينار مو شوية)

و الكل كان يتكلم عن العقار و الايجار انه غالي قبل عشر سنين بس قارنه مع الحين راح تلاحظ اثر التضخم مو طبيعي ، تذكر انه العقار بالكويت يتناسب تناسب طردي مع مستوى الدخل و هذا الشي واضح ، على سبيل المثال من كان يتخيل قبل عشر سنين انه كل جامعي معاشه يوصل 1000 على الأقل؟ تذكر سنة 2000 و قارن معاشات الناس مع الحين ، راح تلاحظ انها زادت 100% تقريبا (الضعف) و كذلك العقار زاد 100% تقريبا!

(مثال الأرض كانت بجنوب السرة على 60 الف الحين 180 الف يعني 200% بعد! طبعا لان هالمنطقة جدا مرغوبة و هذا عامل يدخل في الحسبان)

و ارجع عشر سنين قبل راح تلاقي نفس السيناريو و اسال واحد عود عند عايلتك راح يقولك نفس الشي عن التغير من سنة 1980 و 1990!

والله اتذكر انه الدينار كان يسوي شغل بطفولتي حق طلعة وناسة (أول الثمانينات) و الحين العشر دنانير يالله تكفي حق طلعة و هذا تضخم 900% خلال 30 سنة!

أراضي بيان كانت تنباع على 2000 دينار بآخر السبعينات

و كون واقعي أكثر و تذكر انه الوضع الحين أصعب، في بطء في انجاز البنية التحتية و بطء في التخصيص و توزيع القسائم بشكل مخيف اذا اعتبرنا نسبة زيادة عدد طلبات الاسكان! 7000 طلب جديد كل سنة و الحكومة قاعده تخصص قسايم قابلة للبناء (و ركز على هالشي انها قابلة للبناء) بمعدل يقل عن 1500 قسيمة سنويا ، و يوجد اكثر من 80 الف طلب عالق!!!

و تذكر ان الأراضي تحتها بحر من النفط و قالولك مؤخرا النفط موجود و يكفي اكثر من 300 سنة ، و هالاراضي ما راح تزيد و الكويت ما راح تكبر بس الشعب قاعد يزيد.

يعني الحسابات بحد ذاتها مخيفة ، و هل انت ضامن ان الحكومة راح تعطي ال 70 الف في المستقبل؟ و هل انت ضامن ان الحكومة راح تستمر في بدل الايجار؟ و هل انت ضامن ان تكلفة البناء ما راح تتضخم مع الوقت؟و هل و هل...؟


و لا تصدق الحكومة و لا تقولي الحكومة راح توفر و راح تسوي كذا و كذا كلام فاضي ، الحكومة المحتكر الأساسي و شوف لعبتهم اهي لعبة منوبولي! الف قسيمة اهني و 500 قسيمة اهناك و حول هاذي القطعة قسايم و هذا الحجي الفاضي ، لو يبون يحلون المشكلة الاسكانية جان حلوها خلال أشهر معدودة! و المليارات مو لك ( الصراحة ضرورية ولو مؤلمة ، الحكومة ما تهتم فيك! بس تهتم انها تعطيك على قد انك تعيش في حاجة دائمة من غير لا تكون مطهد لدرجة انك تفكر في شي موزين)

ولا تقارن الاسعار مع الدول الاخرى و اذا تقارن قارن بشكل منطقي ، و اذا تبي مقارنة مخيفة و واقعية قارنا مع البحرين! اسعار بيوتهم تقريبا نفسنا و ماعندهم ال 70 الف و تعتبر دولة خليجية فقيرة نسبيا!

ولا تقولي الخفجي ما الخفجي ، تبي تعيش في الخفجي؟ لو كنت تبي جان رحت اهناك و هني يتمثل فرق السعر في العقار ، معظم السعودية الشقيقة لا تقارن مع الكويت و هذا سبب الفرق في الاسعار ، و لكن اذا قارنتنا مع جدة مثلا تلقى تقارب في اسعار البيوت، ليش؟ بسبب تقارب مستوى جودة الحياة ( وجرب تبحث عن عقار في جدة راح تنصدم انهم نفس طقتنا)

و اذا قارنتنا مع اوروبا أول شي قارن موقع العقار و قربه من أماكن العمل و مساحة البناء و راح تلقى ان احنا بخير و نعمة! و لا تقارن مع أرض فاضية على جبل أكيد ارخيصه لان الظروف تختلف اهناك (تكلفة المواصلات و البناء و التدفئة و الضرائب و كل هالأشياء عالم ثاني)

شوف اليابان و الدول الغنية من اوروبا و راح تلاحظ ان معظم الناس ساكنة في شقق ، و الكويت جاي دورها و لا أعتقد ان من الغريب انه تملك البيت أصبح حلم بعيد

و أخوي انا ابي الخير لك و اتمنى نزول الاسعار و احب الخير للجميع و لكن هذا لا يعني اني اسكت و ما أبين الواقع اللي احنا فيه ، و ما عندي أي فائدة من هالمشاركة نهائيا ما عدا محاولة فعل خير باذن الله

الواقع ان من الصعب جدا جدا انه يكون في نزول معتبر في المستقبل القريب او البعيد مالم تحدث معجزة أو كارثة بهالديرة!


اذا ابني قرارك على أساس قدرتك المادية الحالية بعيد عن الأحلام و الأمنيات

موضوعك طويل و دراستك فاشله مع احترامي لك. شهالشقه اللي ب450 دينار؟ اللي مأجرها مجوي على مخه
بعدين ادفع اللي وراي و دوني على شان اشتري بيت حكومه بالقرين؟ واقعد اقاسط 15 سنه ومشقوق شق وادفع كهربا وماي. لا يبه اسكن اجار ب10 سنين ومرتاح على الاخر ولا ادفع غير الاجار وانطر الحكومه تعطيني ارض وابنيها بنيان سنع ومحترم وشغل عدل. بعد عشر سنين اسكن بيت انا بانيه وبتصميمي واختياري ولا ادفع 15 سنه اقساط على بيت حكومه.

 

[سويسرا]

جزاك الله خير

كل واحد على قدة قال وعلى قدرة المالية يعني مد ريولك على قد لحافك حت لو طولت بالشراء

دراسة وتجميع مال يعني شوي شوي المهم واحد يمسكلة ارض ويتكتك البنيان ان شاء الله لو بعد خمس سنين يبني

 

[خالد العليان]

جزاك الله خير

كل واحد على قدة قال وعلى قدرة المالية يعني مد ريولك على قد لحافك حت لو طولت بالشراء

دراسة وتجميع مال يعني شوي شوي المهم واحد يمسكلة ارض ويتكتك البنيان ان شاء الله لو بعد خمس سنين يبني

هلا سويسرا من النك نيم...المفروض انت شراي بالغالي...
عموما يالحبيب اتمنى تكون اجابتك بنعم او لا عشان الاستطلاع يالحبيب
شكرا

 

[خالد العليان]

اخوي خالد لو تشوف مشاركاتي في المواضيع الثانيه اللي تتكلم عن سالفة نزول العقار راح

تلاقيني نصوح لاخواني لكن كلامي ان ما يهني لانه ما راح ياثر على نفسيتي ان شريت غالي

ونزل العقار بالعكس لي اخوان اتمنى انهم يقدرون يشترون عندي

ارجو انك تكون فهمت قصدي

وتحياتي لك

يعطيك العافية يالحبيب عالرد الراقي

 

[haddaq8]

موضوعك طويل و دراستك فاشله مع احترامي لك. شهالشقه اللي ب450 دينار؟ اللي مأجرها مجوي على مخه
بعدين ادفع اللي وراي و دوني على شان اشتري بيت حكومه بالقرين؟ واقعد اقاسط 15 سنه ومشقوق شق وادفع كهربا وماي. لا يبه اسكن اجار ب10 سنين ومرتاح على الاخر ولا ادفع غير الاجار وانطر الحكومه تعطيني ارض وابنيها بنيان سنع ومحترم وشغل عدل. بعد عشر سنين اسكن بيت انا بانيه وبتصميمي واختياري ولا ادفع 15 سنه اقساط على بيت حكومه.

والله ردك و نكك الفاشل مع احترامي لك ، اذا عندك وجهة نظر مختلفة عبر عنها بأسلوب راقي بدون هالألفاظ يا خسران

اذا تعتقد ان دراستي فاشله ليش ما توضح السبب؟ كل الشباب اشكروني عليها و ما قصروا

بيت حكومة يالحبيب قيمته تكمن في الأرض كعقار قريب نسبيا للمناطق الداخلية مقارنة مع المناطق الجديدة البعيدة

اذا ما تقيم موقع العقار و مدة الانتظار فهذا الشي راجعلك و هذا شي شخصي بحت ، و لكن في ناس تقيم الموقع و غير مستعدة تسكن مناطق بعيدة و بعد مدة انتظار 10 سنوات

 

[خالد العليان]

كيف الحال...لجميع الشباب

شباب يعطيكم العافية جميعا...
ارجو الارتقاء بالنقاش...كل واحد يقول اللي يبيه...خلونا نسمع الجميع..الله يسلمهم اخواني الكويتين نار وشرار..مايتحملون الكلمة..
لايوقف...بانتظار بقية الاجابات على الاستطلاع..عشان نعرف النتيجة ونعلنها رسميا...
شكرا للجميع

 

[محمد الدوسري 22]

هذا استطلاع للرأي للشباب رواد المنتدى..ولضمان مشاركة اكبر قدر ممكن لنعرف وضع واتجاه السوق العقاري ...فان السؤال سيكون محددا والاجابة نريدها (بنعم او لا)...وساقوم بعد فترة بتفريغ الاستطلاع واقدم النتيجة النهائية لايصال رسالة الى اصحاب العقارات بهذه المنطقة...وسانقل النتيجة بكل ذمة وامانة...
سؤال الاستطلاع:
هل تنوي شراء ارض في ابو فطيرة 400 متر شارع واحد بسعر 110 الاف؟

لا .

و يعطيك العافيه اخوي خالد العليان على كل ما تطرح من مواضيع راقيه وجميله

قامو يبيعون بالبلوكات
طاحت بكبودهم في عزوف عن الشراء في ابو فطيره و هذا يأكد كلام كل من قال ان الاسعار بتنزل

لكن مدري ليش يمشون الروتين و هم عارفين ان سلعتهم ما راح تنباع بأرقامهم الخياليه

 

[خالد العليان]

يامرحبا

لا .

و يعطيك العافيه اخوي خالد العليان على كل ما تطرح من مواضيع راقيه وجميله

قامو يبيعون بالبلوكات
طاحت بكبودهم في عزوف عن الشراء في ابو فطيره و هذا يأكد كلام كل من قال ان الاسعار بتنزل

لكن مدري ليش يمشون الروتين و هم عارفين ان سلعتهم ما راح تنباع بأرقامهم الخياليه

هلا بالدوسري كيف الحال...؟
شكرا على الاجابة والرد المختصر المفيد...

 

[خالد العليان]

ايه والله ايه من زين المدارس ولا المستشفيات ولا كل مطره تقحص واخاف الشرطة يسون لهم شىء شوف اشارة الرحاب و اشبيلية استعراض بنص الشارع
يعطيك العافية يالحبيب

 

[لؤلؤة الخيران]

للبيع ارض زاوية فى بوفطيرة المساحة 400م الحد 140الف للمراجعة 65999828

 

[خالد العليان]

للبيع ارض زاوية فى بوفطيرة المساحة 400م الحد 140الف للمراجعة 65999828

بجد موعارف سبب وجود هذا الاعلان ...مع ان الموضوع بصوب والاعلان بصوب ثاني...عموما اذا لؤلؤة الخيران قصده ان الاسعار بابوفطيرة وصلت للسعر هذا اقوله غلطان...واللي حاط الاعلان عايش في الاحلام..
الان سعر الشارع الواحد110 مع المكاسر يوصل105 والزوايا 130 مع المكاسر125
اما اللي ينزل اعلان هنيه وهناك...ويحط اسعار حلمنشية...اقوله راجع موقع وزارة العدل...الاسعار هذي المعتمدة رسميا...بجد مشكلة...يعني اذا واحد من الدلالوة حط اعلان للبيع ارض في ابوفطيرة 200الف...خلاص نعتمد المبلغ اللي حطه...هذا مومنطق..
شكرا على المرور

 

[zaid__77]

السلام عليكم ..... أخي العزيز خالد العليان

كلامك عدل وموضوعك جميل ، وسبق وتحدثنا ونؤكد أن الأسعار ستنزل أنشاء الله ...

يا أخوان ... بالمنطق جميع المناطق الجديدة وأولهم بوفطيرة أكثر من يمكلك فيها التجار والشركات ، وبعد القانون أنكشفت أوراقهم وخير دليل البيوع الوهمية وهذا شيئ من لا شيئ .

عزيزي أود أن أعيد على كلام الأخوان بأن لا تتعب نفسك مع يجادلك بالباطل وليس معه حجة ، فهؤلاء لا يعرفون سوى بيع الكلام واللف والدوران ، وهذا من مهنتهم لمن يستغلها من دون أمانة ، وسبق وتحدثنا في أكثر من موضوع في النقاش لا يعرفون سوى الهروب من الأسئلة والكذب والتظليل ، وأكثر مواضيعهم تجدها عناوين فقط وهذا لتظليل الناس ، تستطيع أن ترجع إلى المشاركات وتشاهد وتحكم من هو على باطل .

دعهم يصرخون فالصراخ على قدر الألم ..... والنزول قادم قادم لا محالة بإذن الله ...

 

[خالد العليان]

مرحبا

السلام عليكم ..... أخي العزيز خالد العليان

كلامك عدل وموضوعك جميل ، وسبق وتحدثنا ونؤكد أن الأسعار ستنزل أنشاء الله ...

يا أخوان ... بالمنطق جميع المناطق الجديدة وأولهم بوفطيرة أكثر من يمكلك فيها التجار والشركات ، وبعد القانون أنكشفت أوراقهم وخير دليل البيوع الوهمية وهذا شيئ من لا شيئ .

عزيزي أود أن أعيد على كلام الأخوان بأن لا تتعب نفسك مع يجادلك بالباطل وليس معه حجة ، فهؤلاء لا يعرفون سوى بيع الكلام واللف والدوران ، وهذا من مهنتهم لمن يستغلها من دون أمانة ، وسبق وتحدثنا في أكثر من موضوع في النقاش لا يعرفون سوى الهروب من الأسئلة والكذب والتظليل ، وأكثر مواضيعهم تجدها عناوين فقط وهذا لتظليل الناس ، تستطيع أن ترجع إلى المشاركات وتشاهد وتحكم من هو على باطل .

دعهم يصرخون فالصراخ على قدر الألم ..... والنزول قادم قادم لا محالة بإذن الله ...

هلا بالحبيب زايد...شلونك..ويعطيك العافية..
انا من فترة طويلة اتابع موقع العقار في المؤشر نت...وانت الله يعطيك العافية من الشباب المنطقيين وطرحك دائما راقي..وبالفترة الاخيرة شفت رأي الشباب اللي بالي بالك...هو المسيطر على اغلب المواضيع...قلت لابد من ذكر الحقائق...وسويت استطلاع رسمي...وبعد فترة قليلة راح اعلن نتائج الاستطلاع عشان نحط النقاط على الحروف...
وعلى فكرة استطلاعات الرأي علمية ومعتمدة عند جميع الجهات الرسمية وغير الرسمية...علشان لايطلع فلان وعلان ويقول على اي اساس تقولون الشباب ماراح يشترون بالسعر هذا...
شكرا على المشاركة الطيبة

 

[zaid__77]

هلا بالحبيب زايد...شلونك..ويعطيك العافية..
انا من فترة طويلة اتابع موقع العقار في المؤشر نت...وانت الله يعطيك العافية من الشباب المنطقيين وطرحك دائما راقي..وبالفترة الاخيرة شفت رأي الشباب اللي بالي بالك...هو المسيطر على اغلب المواضيع...قلت لابد من ذكر الحقائق...وسويت استطلاع رسمي...وبعد فترة قليلة راح اعلن نتائج الاستطلاع عشان نحط النقاط على الحروف...
وعلى فكرة استطلاعات الرأي علمية ومعتمدة عند جميع الجهات الرسمية وغير الرسمية...علشان لايطلع فلان وعلان ويقول على اي اساس تقولون الشباب ماراح يشترون بالسعر هذا...
شكرا على المشاركة الطيبة

أخي العزيز .... الله يعطيك العافية على هالمجهود ،،، لكن صدقني والله لو الشعب الكويتي يصوت 99% على أن العقار سينزل ، وحتى لو ينزل في الحقيقة ، ستجد هؤلاء يمشون عكس التيار في التظليل واللف الدوران وتغيير الحقائق مثلما يحدث الآن ، وكأنهم شريطية في سوق حراج ، يريدون تعويض خسارتهم على ظهر المواطن المسكين ، لا تتعب نفسك ودع الأيام تصدمهم بالحقيقة ، فالأمو تسير بالإتجاة الصحيح ، فهم لا يملكون الحجة في النقاش ولا الردود المنطقية وكل مواضيعم تثبت ذلك .

 

[خسران جداً]

بعض تجار العقار الاغبياء يبون يلعبون بالعقار نفس لعبة البورصه...يبيعون للناس غالي ويطيحون الاسعار بالقاع بعدين. بس من زود غبائهم نسو ان البورصه مقدور عليها ولكن اسعارهم مو مقدور عليها...ومصيرهم بيملون ويبيعون برخيص

 

[خالد العليان]

بعض تجار العقار الاغبياء يبون يلعبون بالعقار نفس لعبة البورصه...يبيعون للناس غالي ويطيحون الاسعار بالقاع بعدين. بس من زود غبائهم نسو ان البورصه مقدور عليها ولكن اسعارهم مو مقدور عليها...ومصيرهم بيملون ويبيعون برخيص

وجهة نظر طيبة...
اشكرك يالحبيب

 

[خالد العليان]

جزاك الله خير

كل واحد على قدة قال وعلى قدرة المالية يعني مد ريولك على قد لحافك حت لو طولت بالشراء

دراسة وتجميع مال يعني شوي شوي المهم واحد يمسكلة ارض ويتكتك البنيان ان شاء الله لو بعد خمس سنين يبني

وينك يالحبيب ماجاوبت للحين
عسى المانع خير

 

[خالد العليان]

يعطيكم العافية جميعا
نهاية الاسبوع راح اعلن نتيجة الاستطلاع
انتظروا النتيجة...وبانتظار مشاركاتكم..