استفسار يترتب عليه حياتي

[saadsad]

السلام عليكم ورحمة الله وبركاته

اخواني بدخل بالموضوع على طول

الله يسلمكم انا عندي مبلغ وعرض علي شخص ان يشتغل فيه بالبورصه بمقابل ان ينزلي كل شهر مبلغ معين وباقي الارباح له

شلون اقدر احفظ حقي بحيث ان فلوسي ماتروح علي بحالة خسارته مثلا ؟
وهل اقدر اشرط عليه اني استرد المبلغ وقت ما انا ابي ؟

يزاكم الله خير​

 

[GMC1]

وعليكم السلام.
أخوي الباب اللي يجيلك منه الريح سدة واستريح
دام انك ذكرت انة يترتب عليه حياتك
وخاصة في البورصة
ياما فلوس ناس راحت
اسلم على راس مالك وحطهم في استثمار أخر أفضلك من البورصة

 

[rahaly]

ممكن تتفق بموجب عقد على كافة الشروط .. وتنشأ بينكما شركة محاصة
تضعون الشروط واضحه

 

[saadsad]

GMC1
يزاك الله خير عالنصيحه بس يخوك في مبلغ ضروري اوصله !!
واذا تعرف طريقه لاستثمار مبلغ بقيمة 10000 دينار ويكون ربحه مضمون فيدني فيه !!

rahaly
اخوي المبلغ الي عندي ماهو ذاك المبلغ يعني تقريبا 10000 دينار الحمدلله

والعقد الي يكون بيني وبين الشخص يتسجل عند محامي يعني ؟

انزين سؤال بعد اذا ممكن ..
في طريقه اقدر اعرف من خلالها ان هذا الشخص فعلا شغله ماشي بالبورصه ولا لا ؟!
لاني ماعرفه نهائيا وانا جاهل في امور البورصه ولا اعرف عنها شي كل الي طالبه يكون لي مثل راتب شهري معين وباقي الارباح حلال عليه !!

 

[KUWAIT- STOCK]

السلام عليكم ورحمة الله وبركاته

اخواني بدخل بالموضوع على طول

الله يسلمكم انا عندي مبلغ وعرض علي شخص ان يشتغل فيه بالبورصه بمقابل ان ينزلي كل شهر مبلغ معين وباقي الارباح له

شلون اقدر احفظ حقي بحيث ان فلوسي ماتروح علي بحالة خسارته مثلا ؟
وهل اقدر اشرط عليه اني استرد المبلغ وقت ما انا ابي ؟

يزاكم الله خير​

اخى الكريم نصيحة لوجة الله لا تدش فى هل موضوع اولا الناس قاعد تشتغل بفلوسها وخسرنا 50% و 60% وشلون بفلوس غيرها يعنى المخاطرة بتصير اكبر

ومن جهة اخرى اعلم كل العلم ان الربح السريع يقابلة مخاطر كبيرة


واخيرا اذا كنت بتدش بتدش الحل هل لضمان حقك

وهو ان تقوم بفتح حساب للتداول الإلكترونى بأسمك انت وتحط الفلوس فى الحساب وتخلى الشخص يتداول بأسمك

هذا افضل و اسهل حل ولكن اذا خسر ستخسر انت

 

[rahaly]

هذا الموضوع قد لا يحتاج الى محام .. لكن اكتب معاه عقد بالاتفاق الذي بينكما .. المهم يكون هناك عقد يبين ما اتفقتما عليه

 

[al3mlaaq]

ياخوي دير بالك اي عقد بتسوية مايفكك لاسمح الله عند الخسارة والبورصة بحر الناس كلها غرقت فية دير بالك ياخوي شوفلك اي شيء فاهم فية لو اتبيع ولاعات ولا قلاسات بس افلوسك جدامك ولا البورصة اتطير فلوسك والله الحذر الحذر افتح مطعم فطاير ولا مصبغة ولا بقالة افضلك علا الاقل تلقا واحد ياخذها ضمان منك ويدفعلك مبلغ شهري وفلوسك جدامك

 

[saadsad]

يزاكم الله خير عالردود والنصايح .. سلام عليكم

 

[الشاهين1]

اخي الكريم ارجو قراءة رسالتي بالرسائل الخاصه

 

[fayoona74]

اخوي حط فلوسك بالبنك وزورهم كل يوم ابرك من البورصة او افتح حساب تداول ولازم تعرف احد فلته بالبورصة يعلمك شنو تشتري وشنو تبيع يعني تبيع وتشتري بنفسك وكل يوم ادعي ان الله يرزقك

 

[rahaly]

اخوي حط فلوسك بالبنك وزورهم كل يوم ابرك من البورصة او افتح حساب تداول ولازم تعرف احد فلته بالبورصة يعلمك شنو تشتري وشنو تبيع يعني تبيع وتشتري بنفسك وكل يوم ادعي ان الله يرزقك

نقدر نقول يعني (الله قارصته الحية يخاف من جرة الحبل) ؟؟

 

[fayoona74]

لايأس مع الحياة ولاحياة مع اليأس

 

[مشعل المحامي]

عندي لك مشروع ابرك لك من البورصه الف مره حلال وربحه وفير والله كل 3 شهور تستلم الف شرايك لا وبعقد موثق رسمي

 

[WSM]

السلام عليكم ورحمه الله وبركاته
اخي العزيز اذا انت ناوي تدخل بالبورصه وانت ما تعرف فيها شي فنصيحتي لا تدخل مع واحد انت ما تعرفه لكن نصيحتي الثانيه لك اهو اذا بخاطرك ادش بالبورصه في دورات لتداول الاسهم من الالف الى الياء مدتها اسبوع
وبعدها افتح احساب تدوال بالبنك وتصير انت الي تدير امورك ان ربحت الله يرزقك بزود وان خسرت انت الوحيد الي تتحمل الخساره وتكون بعيد عن العقود او قضايا وعوار الراس


وتقبل مروري

 

[fawazzz]

اذا فلوسك ماتبيها حطهم بالبورصة
حتى لو ربحت سنة سنتين فجاة وبيوم وليلة تخسر كل اللي ربحته وفوقه خسارة

 

[أوتاد]

وعليكم السلام ورحمة الله وبركاته ..

اخوي دير بالك .. فلوسنا وفلوس اهلنا حرصنا عليها ولكن قدر الله وماشاء فعل

وانت تبي تعطي فلوسك شخص ماتعرفه ...؟؟

الله اعلم بالنيات لكن عن نفسي خلاص ماعاد اثق خصوصا في هالامور

 

[ترافيانية]

اقولك اللي عطونا اياه بالمدرسة
هذي تعتبر شراكة منك راس المال ومنه العمل
ويجوز فيها تحديد نسبة ولا يجوز تحديد مبلغ معين
عشان لا يصير ضرر لاي من الطرفين
لان انت بهالحالة حتى لو ربح ربح عالي مالك منه الا اللي حددته لو كان شوية وبهالحال انت انظلمت
واذا الريال خسر راح يتحمل الخسارة كلها وبهالحالة اهو انظلم
ف ما يجوز هذا اللي خذيناه بالمدرسة

 

[مهلب]

يعطيك العافيه نصيحه واحد قالي مثلك ورفهني بالبدايه والله عندي تمويل خليجي من 1100 دك الحين 30 فلس وعندي اسهم وقصيت فيها وفلوسنا بالاجل كلها راحت نصيحه ابي انصحك لله ابتعد عن شيء اسمه بورصه لو تحطهم بالبنك وطالعهم احسلك لو اتجوف البورصه خضره كل يوم لادش الباب مال البورصه اذا جفته لف ويهك وطالع السوق ابركلك ترى افلوسنا كلها راحت والله حطهم بشغلات تجاريه ابركلك نصيحه من اخوك ترى انا قلتلك لو تجوفها خضره لاتدشلها لان هذي كلها افلام من تجارنا عشان يطمعونك بالبدايه وتدش وتربح وتربح وبعدها ينشفونك فاسمع الكلام وانا اخوك (((( النصيحه اليوم بلاش باجر ماحد يبيها باجر بفلوس والكل يدورها ))))

 

[rahaly]

يعطيك العافيه نصيحه واحد قالي مثلك ورفهني بالبدايه والله عندي تمويل خليجي من 1100 دك الحين 30 فلس وعندي اسهم وقصيت فيها وفلوسنا بالاجل كلها راحت نصيحه ابي انصحك لله ابتعد عن شيء اسمه بورصه لو تحطهم بالبنك وطالعهم احسلك لو اتجوف البورصه خضره كل يوم لادش الباب مال البورصه اذا جفته لف ويهك وطالع السوق ابركلك ترى افلوسنا كلها راحت والله حطهم بشغلات تجاريه ابركلك نصيحه من اخوك ترى انا قلتلك لو تجوفها خضره لاتدشلها لان هذي كلها افلام من تجارنا عشان يطمعونك بالبدايه وتدش وتربح وتربح وبعدها ينشفونك فاسمع الكلام وانا اخوك (((( النصيحه اليوم بلاش باجر ماحد يبيها باجر بفلوس والكل يدورها ))))

ياخوي وين داش عرض ؟

 

[Lawyer25]

السلام عليكم ورحمة الله وبركاته ...

اخوي الغالي الاخوان ردو عليك الرد القانوني الي احبتت ان تعرفه فجزاهم الله خير الجزاء ..

انا برد عليك رد عقلاني شوي ..

واحد من الربع ياله شخص قاله عطني عشرين الف دينار او اكثر شوي واعطيك 24 شيك بمبلغ 1500 دينار كل شهر واعطيك اياهم دفعه وحده بتواريخ معينه وطبعا في بينهم شروط معينه الريال قعد يفكر ومحتار المهم الحمد لله استخار وجذي والحمد لله تبارك وتعالى ما سوى هالمشروع واخر شي طلع ((((((( نصـــــاب )))))))
وانت افهم مغزى كلامي وعدل وعسى ربي يحفظك من كل شر .. ولا تنسى تستخير

والله تبارك وتعالى اعلم