قواكم الله نبي شي يمتن :)

[بوناصر العجيل]

السلام عليكم جميعا
والله يا اخوان حست بالمنتدى حوسه كله تخسيس ورجيم نزل وزنك وطيح كرشك

ما شالله السمنه زايده عندنا لا اله الا الله


عموما انا بغيت احد يدلني وله يرشدني على طريقه تمتن اخوي العصل


عندي اخوي ضعفه مو طبيعي وحالته ماتسر وكله مايبي ياكل !!!


الله يرحم والديكم شوفلنا حل لو اكله لو حبوب لو انتفخه بكراج


وقواكم الله

 

[qadsawi]

انا اقولك اخوك اذا يبي يمتن اول شغلة اذا مومتزوج يتزوج وخل المرة تسويله من هالاكلات وخله اكله كله اكل بيت خل ينسي شوي المطاعم ويبعد عن هارديز وربعة ويبعد عن الحبيوب والادوية الي تمتن وعليه بالعسل يزيد الوزن ويعطيه صحة واذا اخوك يدخن خل يترك التدخين تري التدخين يضعف وموفق خير

 

[بوكرار]

خله ياكل عسل سدر كويتي وراح يحس بالجوع بشكل مو طبيعي

لآن العسل الطبيعي وخصوصا السدر مزاجه حار ويسّرع عملية الهضم
فتلاقيه يجوع بسرعة ويرد وياكل مرة ثانية

 

[بوناصر العجيل]

الله يعطيكم العافيه حبايبي وماتقصرون والله بجرب معاه الي قلتوه

والي عنده اي اقتراح يقوله ترى النصيحه عليها اجر

 

[SARAD66]

السلام عليكم

اذا اخوك يدخن اول شي واهم شي يبطل زقاير

وبعدين سجل الخلطة هذي عندك

(عسل سدر اصلي+غذا ملكات فرش + مكسرات) يخلطهم مع بعض وياكلة مرة باليوم

وراح يمتن وبعدها تدورلة حق تخسيس


موفق انشالله

 

[كويتيه @]

حليب سوستاجين ينباع بالجمعيه والصيدليه

 

[بوناصر العجيل]

قواكم الله بميزان حسناتكم

سراد يدخن للاسف

بس ان شالله يبطل

ومشكورين وايد استفد منكم عساكم ذخر