يا جماعه الاسعار قاعده تنزل

[بووصالح]

السلام عليكم لوحظ في الاونه الاخيره في عزوف عن الشراء وكثرة العروض في المنتديات والجرائد الاعلانيه + صدور توزيع قسائم 2600 قسيمه في جابر الاحمد + تصريح الشيخ وزير الاسكان بتوزيع منطقة صليبيه قسائم سكنيه + توزيع صباح الاحمد 600 متر ابلاش اللي يبي يروح يقدم مما ادى نزول واضح بأسعار بالقسائم السكنيه حوالي لا يقل عن 10 الاف لكل قسيمه والخير جاي راح تشوفون اسعار اللي شفتوها قبل حوالي سنه ​

 

[بث مباشر]

الله يسمع منك وتنزل جميع العقارات ياااااااااااااااااااااااااااااااااااااااااااااااارب تنزل

 

[النجدي2007]

بالمناطق الداخلية ماعتقد

 

[ابوبدر33]

قريبي عنده مكتب عقار يقول فيه عزوف عن الشراء فيه عروض بس شراء قليييل

 

[hassan_abu3eed]

انا مادري منين تجيبون الاخبار هذه
الاسعار بارتفاع والطلب زاد عن العرض

بس ربك كريم

 

[بووصالح]

السلام عليكم ..الله يهداك اخوي حسان الظاهر ما عندك خبر عن آخر اخبار البنك المركزي ؟ صدور ايقاف جميع القروض على جميع البنوك على الشركات وعلى الافراد مما سوف يؤثر على السيوله العقاريه تأثير مباشر ناهيك عن هروب جميع الشركات العقاريه تقريبا الى الدول المجاروه .. آخر هذه السنه سوف ترى نزول واضح والله اعلم وانا معاك بهذا المنتدى ​

 

[nas79]

قريبي عنده مكتب عقار يقول فيه عزوف عن الشراء فيه عروض بس شراء قليييل

السلام عليكم
عزيز هذا الكلام غير صحيح
انا لدي مكتب عقاري والطلب أكبر من المعروض

 

[لؤلؤة الخيران]

قريبي عنده مكتب عقار يقول فيه عزوف عن الشراء فيه عروض بس شراء قليييل

الظاهر قريبك ماعنده زباين

 

[gulffalcon]

السلام عليكم
عزيز هذا الكلام غير صحيح
انا لدي مكتب عقاري والطلب أكبر من المعروض

اذا كان المعروض بأسعار خياليه فأكيد راح يزيد الطلب عن المعروض لان 75% من المعروض سعرهم اللي حاطينه مبالغ فيه وايد اكثر من السوق
يعني عندي ارض سعرها بالسوق 100 الف اعرضها ب150 أو 200 ألف وماني محتاج اذا انباعت زين على زين واذا مانباعت بالطقاق خلها دايره بالسوق شهامني
هذا تفكير بعض التجار

 

[المهندس حسين]

السلام عليكم ..الله يهداك اخوي حسان الظاهر ما عندك خبر عن آخر اخبار البنك المركزي ؟ صدور ايقاف جميع القروض على جميع البنوك على الشركات وعلى الافراد مما سوف يؤثر على السيوله العقاريه تأثير مباشر ناهيك عن هروب جميع الشركات العقاريه تقريبا الى الدول المجاروه .. آخر هذه السنه سوف ترى نزول واضح والله اعلم وانا معاك بهذا المنتدى ​

سليم 100%

 

[محمد السليمان]

انا سمت ارض بشرق القرين شارع واحد 107000 محد عطانى يعنى الاسعار بإرتفاع.

 

[ALIMTIAZ]

والله اسعار ولا بالخيال ليش ما تدرى ...

يا عمى لف العالم كله وبالاخص الخليج تشوف اسعار مقبوله وحتى لو تزيد

تزيد بالمعقول ...

يعنى هالعالم ما عندها نفس ما عندنا بارتفاع مواد البناء .. ولا بس بالكويت .

وحتى بعز الازمه الاقتصاديه على قولتهم والركود الاقتصادى وشح السيوله

وتشدد البنك المركزى وقرارات البنك المركزى الاخيرة والاسعار نار الا جهنم

على شنو كلها ارض جلحه ملحه وبذاك السعر .. والا بيت حكومه طايح حض

حضه صار له 30 و 40 سنه يقولك واصل السوم عليه 140 الف يعنى

الحجى ليلحين مو عاجبه السعر لا ويبيله ترميم بحدود 30 الف عشان يطلع

اسمه بيت ...

انزين الحين اسعار النفط طاحت والمواد الانشائيه طاحت وركود اقتصادى

والناس كلها منتهيه قاضيه والسبه القروض والديون للى عليها وليلحين

الاسعار جهنم ..

ليش جذى .. احنا من بد العالم كله على راسنا ريشه الله يعين لو كنا

مقطعين الصناعه والتصدير شغال على ودنه و الا الجو الخيالى والطبيعه

الخلابه والا عندك دورى مثل الانجليزى و الاسبانى والايطالى والناس طق مطاقق على السياحه للى عندنا .. والا والا لى باجر ما تخلص الالات ...

والله قاعد يصير جنون

متى تتعدل الاوضاع ما يندرى .. وسامحونى .

 

[القصاص 2]

السلام عليكم ورحمة الله بركاتة

في اى المناطق الاسعار نزلت بو صالح

احبكم بالله

 

[2943]

اذا زاد العرض اكيد تنزل الاسعار ..........!

 

[الدهليز]

كلام اخوي بوو صالح عدل والله السوووق ميت حيل ماكو بيع بالمره ... طبعا نتكلم عن السكن الخاص اما الاستثماري مالنا فيه نصيب يالله حسن الخاتمه
لكن ان شالله واذكرووها ان ماطاح العقار طيحه محد يتوقعها

 

[المراغى]

السلام عليكم ورحمة اللة وبركاتة /وفقك اللة اخوى ورعاك / انا استاذنك ان اعرض منتجاتى من قبل منتدياكم المحترم عندى مكتب استشارى هندسى ومقاولين جميع الاعمال ولدى وكالة اصباغ ايطالية خاصة حصرى داخل الكويت ومنفز منها مواقع وفللا وقسائم فى جميع مناطق الكويت ولدى الصور وشر ط العينة قبل العمل واقل الاسعار ولك جزيل الشكر

 

[بووصالح]

السلام عليكم .. الكلام موجه حق اخوي القصاص .. طال عمرك بالخير ان شاء الله الاسعار قبل حوالي 5 شهور تقريبا للاراضي السد كالتالي المسيله من 160 الى 170 ابوفطيره من 125 الى 135 الصديق من 220 الى 235 ..اما الاسعار الحاليه وهى كتالي المسيله من 145 الى 155 ابوفطيره من 115 الى 125 الصديق من 210 الى 225 انتهى ... معلومه على الطاير تثمين اصحاب بيوت خيطان مع الجليب هي سبب رئيسي لثبات وارتفاع الاسعار بالفتره الماضيه وافهم يا فهيم يعني الكل تقريبا شرا من هؤلاء العوايل ما بقى منهم الا القليل وراح تشوفون الهبوط الحر ان شاءلله ..

 

[بودانة]

مشكور اخوى بوصالح على وجهة النظر بس ممكن توضح شنو دخل شراء العوايل للاراضى

 

[القصاص 2]

السلام عليكم .. الكلام موجه حق اخوي القصاص .. طال عمرك بالخير ان شاء الله الاسعار قبل حوالي 5 شهور تقريبا للاراضي السد كالتالي المسيله من 160 الى 170 ابوفطيره من 125 الى 135 الصديق من 220 الى 235 ..اما الاسعار الحاليه وهى كتالي المسيله من 145 الى 155 ابوفطيره من 115 الى 125 الصديق من 210 الى 225 انتهى ... معلومه على الطاير تثمين اصحاب بيوت خيطان مع الجليب هي سبب رئيسي لثبات وارتفاع الاسعار بالفتره الماضيه وافهم يا فهيم يعني الكل تقريبا شرا من هؤلاء العوايل ما بقى منهم الا القليل وراح تشوفون الهبوط الحر ان شاءلله ..

السلام عليكم ورحمة الله بركاتة

الله يجزاك خير يا بوصالح
يعنى متى تنصحنى بالشراء وعند اى سعر اشترى وشكرا

 

[بووصالح]

السلام عليكم ... هلا بودانه المقصود ( بالعوايل ) هي العوائل الكويتية جمع عائله ... هلا اخوي القصاص انا وجهة نظري والله اعلم انتظار لي آخر هذا الصيف حتى تتضح الرؤيه اكثر .. بالنسبه حق توقيعك اخوي القصاص ما يجوز وضع محمد ص الصحيح محمد صلى الله عليه وسلم جزاك الله خير​