نبي نصيحه اذا سمحتوا الافادة (ضروري)..

[investor100]

السلام عليكم و رحمة الله و بركاته ....


شنو تنصحون بتركيب بوكسات الكهرباء للبيت (بوكسات التوزيع) ؟؟؟
من اي شركة ؟؟؟؟
و شنو امجربين لبيوتكم و كيف وجدتوا الكفاله و الجودة؟؟؟

وشكرا لكم ،،،

 

[investor100]

سبحان الله و بحمده ... سبحان الله العظيم ...

 

[investor100]

معقوله شباب محد عنده نصيحه ...

يلا يا جماعه نبي همتكم ...

وجزاكم الله خير ...

 

[طارق55]

البوكسات الكبار الي بره طبعا الجسار او شركه ثانيه كويتيه اغلي شوي من الجسار وتلقاهم عند ابيات او اي مكان ثاني
الصغار الي داخل قلت حق الكهربائي مالي عطني اسم اي بوكسات تركب عليهم الفيوزات الانجليزيه المنتشره عندنا وعطاني اسامهيم وشريتهم من السوق وركبهم بس مااعرف اسمهم ..
اخوي أسأل الكهربائي مالك وخله يكتبهم بورقه .. وروح سوق الكهربائيات في الشوبخ وأيضا أسأل .. راح تعرف ماهو افضل واحسن من طرفين او حتي ثلاث اطراف .. وبعدين قرر .. تشتري من وين

 

[investor100]

يعطيك العافه اخوي... مثل ما قالولي الجسار احسنهم بالسوق كسعر و جودة ...

 

[ديناركو لمتد]

مشاركه

الحال من بعضه نسأل والله كريم


اغلب الربع الي بنو بيوتهم اجمعو ان الجسار افضل من ناحية السعر والجوده احرص على الوايرات خليجي كويتي والديبي الجسار داخلي وخارجي

واذا تبي افضل نوع ديبي بوكس سمنس بس شوي غالي


ونتمنه لك التوفيق

 

[investor100]

الحال من بعضه نسأل والله كريم


اغلب الربع الي بنو بيوتهم اجمعو ان الجسار افضل من ناحية السعر والجوده احرص على الوايرات خليجي كويتي والديبي الجسار داخلي وخارجي

واذا تبي افضل نوع ديبي بوكس سمنس بس شوي غالي


ونتمنه لك التوفيق

هلا اخوي يعطيك العافيه عالمشاركة ....

انا كذلك تحريت و جمعت معلومات و اثبت ان الجسار الافضل سعرا و جودة كذلك ... الجسار كل القطع اللي داخل الديبي سواءا للرئيسي الخارجي او التوزيع الداخلي القطع المانيه و انجليزيه اصليه ... و هذا للأفاده

و بالتوفيق ....