أحدث نكتـه , وزارة التجارة اليوم صرحت السلع الإستهلاكية عندنا الأرخــــــص بالخليــج

[am7]

ما يصير
لا و يقولون بعد دراسة مستفيضه و بحث بالاسعار بدول مجلس التعاون
جان قايلين السلع الإستهلاكية عندنا الأرخص بالعالم بعد

معقولــــــــــــــــــــــــــــــــــــــــــة !!!
لهالدرجة معطين مشاعر الناس سكيب
ملينا من الخمبقه الزايدة ترا
يكفي قطر عندهم الماي و الكهربا ببلاش
و التموين بقطر ببلاش بعد

ماقول الا الله يكون بعون البدون
اللي حنا يالكويتيين نسينا طعم الزبيدي الكويتي من سنوات طويلة بسبب خمبقكتم الزايد عن حدها
​

 

[aq8]

ماقول الا الله يكون بعون البدون
اللي حنا يالكويتيين نسينا طعم الزبيدي الكويتي من سنوات طويلة بسبب خمبقكتم الزايد عن حدها
​

لا بعد مو بس الزبيدي الكويتى
حتى لحم الغنم النعيم صار بالحسره يا معود
سعر الذبيحة 80 دينار ليش ياربى ليش

وهذا رابط الخبر
http://www.alraimedia.com/Alrai/Article.aspx?id=199291&date=25042010

 

[بوعلي الشمري]

ارضاء الناس غايه لا تدرك

سؤال لكل متحلطم كويتى انت شنو قدمت للدوله ,,,,مو باقي الا الحكومه توكلنا ببيوتنا وتغنى لنا اغنيه قبل النوم كافي نستلم رواتب بلا مقابل موظفين اعمارهم بالعشرينات كنهم متقاعدين وكل اداره 500موظف واللي يداوم 5 ..... بالشكر تدوم النعم

 

[العاشق]

تمت يالربع جايتكم الخصخصه تحل مشاكلكم كلها



والله بيجيكم يوم حتا الجرجير تشتريه بالدين وماطوله الا بعشر دنانير ​

 

[am7]

سؤال لكل متحلطم كويتى انت شنو قدمت للدوله ,,,,مو باقي الا الحكومه توكلنا ببيوتنا وتغنى لنا اغنيه قبل النوم كافي نستلم رواتب بلا مقابل موظفين اعمارهم بالعشرينات كنهم متقاعدين وكل اداره 500موظف واللي يداوم 5 ..... بالشكر تدوم النعم

عندنا خبير فني بريطاني بالدوام راتبه 2200 دينار صافي , طرطنقي ماعنده عيال ولا هم ولا غم ولا أمل بالحياة الا الإنترنت لما يطلع من الدوام لغاية اليوم الذي يليه

انا فني و شهادتي من بريطانيا 3 سنوات دراسه و أعلى من شهادة هذا الفني البريطاني العادي و معترف فيها دوليا و راتبي 1050 دينار مع علاوة زوجية و 3 أطفال , يعني لو تشيل هالعلاوات يطلع راتبه دبل راتبي ثلاث مرات

ياحبيبي يابو علي الدولة هي اللي تبيك ما تشتغل
ليش , لأنه ما يبون يعطونك فلوس , يبونك محتاج لهم على طول , هموم أقساط من سيارة و بيت و تلفون و قرض و و و .......ألخ

اذا حصلت واسطه و قدرت تحصل على stinking bone عظم باقي الوليمة أنت محظوظ ( و أخذت نصيب غيرك )

أفهم

 

[away1979]

لازلنا بنعمه احمدو ربكم لانروح بطيخ

نقدر نلبس إلي نبي
نقدر نشتري إلي نبي >> طبعا بالمعقول
نقدر ناكل إلي نبي

عسى الله يديم النعمه إلي حنا فيها يالله لك الحمد ​

 

[am7]

لازلنا بنعمه احمدو ربكم لانروح بطيخ

نقدر نلبس إلي نبي
نقدر نشتري إلي نبي >> طبعا بالمعقول
نقدر ناكل إلي نبي

عسى الله يديم النعمه إلي حنا فيها يالله لك الحمد ​

اي والله و أنت الصاج أخوي
حتى لو وزارة التجارة تضحك على شوارب المواطنين في سبيل إرضاء التجار و تستخف عقول الناس عادي الحمدلله حنا بنعمه
الله يديمها



بس البقرة اللي بتوقيعك هاذي عجيبه بتوايرها
Zero emissions هايبرد ههههههههههه
very funny
.

 

[العاشق]

لازلنا بنعمه احمدو ربكم لانروح بطيخ

نقدر نلبس إلي نبي
نقدر نشتري إلي نبي >> طبعا بالمعقول
نقدر ناكل إلي نبي

عسى الله يديم النعمه إلي حنا فيها يالله لك الحمد ​

اوي ولا هانو الربع

والله انا كنت اقول جذي وعندي شويه تفائل

وانا شخصيا وضعي الحمد لله حيل زين ودخلي عالي وموري مستوره على الاخر

بس يحز بالنفس اذا كويتي ياكل لحم استرالي الله يديم النعمه ويتشفق اهو وولاده اللحم العربي
والله تغدا عندي واحد من الربع حلفت عليه بعد صلاة الجمعه اهو وولده عمره 6 سنين يوم كلا الولد اللحم قال بابا لحمهم حلو مو نفس لحمنا

ابوه اعتفس وتفشل قال واحد الظاهر طباخكم موعاجب الولد قال اي يمكن

وانا فاهم ليش وحتا تالي كلمته قال والله ماياكلون دجاج بس يبون اللحم والعربي ماقدر عليه ثلاث ذبايح بالشهر والذبيحه 80 او 85 دينار منين اجيب هالمبلغ



الناس بعضها دخلهم بسيط جدا وظروفهم صعبه الله يكون بعونهم​

 

[قلم حر]

تبون يوميا لحم عربي ويوميا زبيدي
وتلبسون اغلى الملابس وتسكنون بقصور

انتو على بالكم بالجنه كل شئ تبونه يتحقق


الحمدلله عايشين بنعمه وخير والله يديم النعمه علينا​

 

[away1979]

اوي ولا هانو الربع

والله انا كنت اقول جذي وعندي شويه تفائل

وانا شخصيا وضعي الحمد لله حيل زين ودخلي عالي وموري مستوره على الاخر

بس يحز بالنفس اذا كويتي ياكل لحم استرالي الله يديم النعمه ويتشفق اهو وولاده اللحم العربي
والله تغدا عندي واحد من الربع حلفت عليه بعد صلاة الجمعه اهو وولده عمره 6 سنين يوم كلا الولد اللحم قال بابا لحمهم حلو مو نفس لحمنا

ابوه اعتفس وتفشل قال واحد الظاهر طباخكم موعاجب الولد قال اي يمكن

وانا فاهم ليش وحتا تالي كلمته قال والله ماياكلون دجاج بس يبون اللحم والعربي ماقدر عليه ثلاث ذبايح بالشهر والذبيحه 80 او 85 دينار منين اجيب هالمبلغ



الناس بعضها دخلهم بسيط جدا وظروفهم صعبه الله يكون بعونهم​

العاشق كلامك كله صح وانا معاك هذي إلي حاصل

لكن إلي اتمناه لاتسوء الحال اكثر واكثر ​

 

[العاشق]

العاشق كلامك كله صح وانا معاك هذي إلي حاصل

لكن إلي اتمناه لاتسوء الحال اكثر واكثر ​

امين امين
بس شكلها للاسوء بقانون الخصخصه الجاي

الله يرحم الحال ويحفظنا ويحفظ الكويت​

 

[رعب]

الحمدالله عالصحه والعافية
والحمدالله ان عايشين بأحلى عيشه
والدوله مو مقصره معانا والله
بس مشكلة البني آدم طماع
ما يعجبه العجب وخاصة بهالزمن
والله والله والله....ناس تقول دولة الفلان احسن وتسوي كذا وكذا ودولة الفلان كذا وكذا
انا اقول لو يسحبون جنسيتك ويعطونك جنسية الدوله اللي تتكلم عنها وتمدح فيها...راح تموت من القهر وتعرف قيمة جنسيتك شنو
يا اخوان انا اعرف واحد تجنس...والله انه يقولي بفترة تجنيسه:: الحمدالله على الأقل اظمن مستقبل عيالي
تخيلوا؟
ما تكلم عن شهادات عياله او خبراتهم؟
الكويتي عايش بخير ونعمه ومو قاصر عليه شي ولا الحكومه مقصره معاه
بس المشكله الواحد هو اللي يورط نفسه بشغلات مو قدها
اسمحولي لو احد تضايق من كلامي
بس لان هالموضوع شبيه لكذا موضوع ينفتح بكذا مكان حتى بالقنوات نفسهم صاير يتبطل والناس مو مصدقه يتصلون واسمع العجب
ولحد ياخذ بخاطره مني
وجهة نظري
من الأخر صارت زمبليطه

 

[am7]

الحمدالله عالصحه والعافية
والحمدالله ان عايشين بأحلى عيشه
والدوله مو مقصره معانا والله
بس مشكلة البني آدم طماع
ما يعجبه العجب وخاصة بهالزمن
والله والله والله....ناس تقول دولة الفلان احسن وتسوي كذا وكذا ودولة الفلان كذا وكذا
انا اقول لو يسحبون جنسيتك ويعطونك جنسية الدوله اللي تتكلم عنها وتمدح فيها...راح تموت من القهر وتعرف قيمة جنسيتك شنو
يا اخوان انا اعرف واحد تجنس...والله انه يقولي بفترة تجنيسه:: الحمدالله على الأقل اظمن مستقبل عيالي
تخيلوا؟
ما تكلم عن شهادات عياله او خبراتهم؟
الكويتي عايش بخير ونعمه ومو قاصر عليه شي ولا الحكومه مقصره معاه
بس المشكله الواحد هو اللي يورط نفسه بشغلات مو قدها
اسمحولي لو احد تضايق من كلامي
بس لان هالموضوع شبيه لكذا موضوع ينفتح بكذا مكان حتى بالقنوات نفسهم صاير يتبطل والناس مو مصدقه يتصلون واسمع العجب
ولحد ياخذ بخاطره مني
وجهة نظري
من الأخر صارت زمبليطه:d

سلاما سلاما

 

[aq8]

اخوانى كل واحد وعنده ظروووف تفرق عن الثانى
باختصار
اللى ايده بالماي مو مثل اللى ايده بالنار