استشارة شباب شنو احسن شركة كوالتي نت - فاست - كيمز

[maax1]

الله لا يهينكم

بسوى اشتراك وايرلس للبيت اى شركة تنصحون
لان عندى فيفا نت وادفع كل شهر 25د ولخدمة بلقطارة مو شى
وعندى اشتراك زين وهم ادفع كل شهر 15د وماشى حاله
ناس انصحونى بدال لا ادفع شهرى 40د
اسوى اشتراك مع وحدة من هشركات افضل

بصراحة ماعرف عنهم شى ودنا اصحاب الخبرة يساعدونا فى النصائح

وجزاه الله خير كل من يقدم معلومة تفيدنا وتفيد غيرنا

 

[aq8]

شركة كوالتي نت
اليوم الاشتراك مااالهم حده بطيئة
ومزعج بعد
يقووووووولون ان الكيبل البحري مقطوووع

والشركات الثانية ما جربتها اخوووي
بالتوووفيق

 

[ba7aar]

اخوي احسن خدمة وسعر وسرعه بصراحة فاستلكو حاليا
والحين عندهم عروض
حسب تجربتي مع كل شركات النت بالكويت

 

[المستعمل]

كواليتي نت وبس
مع العلم جميع الشركات يصير فيها بعض المشاكل .

 

[بو بـدر]

لا تشترك هل يومين ...

الكيبل مقطوع والخدمة تعبانه فماتقدر تختار الى يناسبك

 

[أحمد ظاهر]

السلام عليكم

اخوي صراحة من واقع تجربتي وتجربة كثير من الشباب اقول لك: ابعد عن كوالتي وفاست .. حتى لو يعطونك الاشتراك ببلاش!! .. حتى احترامي للجميع هذي وجهة نظري

اما بالنسبة للفيفا .. صراحة انا استخدمتها وما شاء الله عليها طيارة .. كله استلفها من رفيجي لما اجي احمل ملفات او برامج كبيرة .. استلفها منه 24 ساعة فقط .. اخلص شغلي وأردها

والله يوفق الجميع

 

[maax1]

ماقصرتو والله عساكم على القوة شباب

بس اقول لآخوى احمد الطاهر الفيفا كان ممتاز بس من شهرين صار يعطى 10%
بطييييييييئ واخر اشتراكين مو حلال عليهم وما استعملتة شغال على ايقو زين قلت يمكن هليومين يرجع نفس قبل بس صارت شهرين السالفة
سألت عن الخلل قالو فرق الازالة شايلين كذا برج تقوية لهم ومتوهقين

بس هم ننتظر باجى الشباب يفيدونا عشان نحدد الشركة الى نشترك فيها وتسلموووووووووون

 

[أحمد ظاهر]

اول شي: انا اسمي احمد ظاهر .. وليس طاهر

ثاني شي: بالنسبة للفيفا وحسب علمي المتواضع تفرق من منطقة لمنطقة .. مو بس الفيفا حتى الوطنية وزين .. ممكن القطعة تكون شغالة بمنطقة بشكل ممتاز تكون بمنطقة ثانية لا .. يعني حسب قربك او بعدك من ابراج التقوية مثل ما تفضلت

وعموما الله يوفقك ويهديك للقرار الصحيح

 

[advisor]

ولا شركة في الكويت عليها القيمه شاطرين بس بلهط الفلوس ..
ربع اللي ندفعه ناخذ فيه اشتراك 40 ميغا باوروبا .

 

[hoot_hn]

الحين فاست تيلكوو مسوويه عرض تشترك اي اشتراك تاخذ ست 6 اضاعاف الاشتراك يعني واحد ميقا يعطيك 6 ميقا من الساعه وحده الصبح الى 7 الصبح وسعره 99 دينار واشتراك 2 ميقا يعطيك 12 ميقا بسعر 159 دينار كوالتي انا كنت مشترك 4 ميقا شهر ولا شبك ولا مره 4 ميقا الحين نزلوو الاشتراك الى 3 وهم ماشبك ولا مره الحين هم نزلووه خلووه 2 ياله شبك ولا كل يووم يفصل واتهاوش وياهم يعني شركه مووو زينه من تجربتي مو سنه ولا سنتين 3 سنين على التوالي الفاست تيليكو احسن بوايد عند عيال عمي مايفصل عندهم الا يمكن بالشهرين مره وانت وراحتك

 

[ME911]

افضل عرض الحين
شركة فاست تيلكو
سعر وسرعه

 

[bader34]

مثل ماقلو الاخوان فعلا كوالتينت ساعات تقث وساعات تكون قويه بس فاست تلكو حسب تجربتي حلو يعني ومافيه شي

 

[BoooArab]

للعلم فقط

اذا حسيت في بطئ بالنت اليومين
تري الكيبل الانترنيت البحري مظروب

 

[kwspace]

اخوي من واقع تجربة

انصحك بقوة بـ كيمز

لانها تبع زاجل

وزاجل اول شركة فتحت بالكويت حسب علمي


ملاحظة مهمة: حسب خط البيت عندك لانه مثل ما انت عارف البنية التحتية والتوصيلات حق التلفون في بعض المناطق الخطوط تعبانة وفي مناطق ( المناطق اليديده ) يعطيك انترنت قوي جدا


هذي وجهة نظري

والله يهديك للراي الصحيح

 

[Prnce]

كوالتي نت افضل واقوى دعم فني وصيانة 24 ساعة ومجانية وعروض حلوة والاجهزة الي يوزعونها ممتازة كنوعية ..

 

[maax1]

كفوووو عليييييييكم ماقصرتو الله يجزااااكم كل خيييييييير يارب

احمد ظاهر السموحة اخوى غلطت بالآسم عزيزى

عسااااااااااكم على القوووة

 

[الملكي هوست]

والله ياخوي انا اقولك ابعد عن كواليتي نت
كلها مشاكل والله

تخيل انه واحد من مواقعي مسكرينه يعني محظور لما اتصل عليهم يقولون اكتب طلب للدعم والله صارلي 3 اسابيع فاتح طلب للدعم
على كيمز يفتح الموقع وعلى زين ايقو كله الا كواليتي نت
ومشاكل كثيره انا بعد شهر يخلص اشتراكي وياهم انقل لكيمز او اي شركة ثانيه

 

[Black]

لي تجربة لسنوات مع الكواليتي و سرعة الخط قبل لما كانت 256 احسن من الحين اللي مسويه 1 ميجا ، و الخط كلماله بنزول و ما اصدق اذا يوم اشتغل عدل .
و مرة رحت لهم اجدد الاشتراك اقول لهم مافي خصم او شي تعطوني و صارلي معاكم 6 سنوات ، حتى جهاز وايرلس مافي ، قالولي اذا انت مشترك جديد نعطيك جهاز جديد مجانا و اذا قديم لا ، يعني الجديد يعاملونه افضل من القديم .
و ان شاء الله مع نهاية اشتراكي هذا بغيرها لأي شركة ثانية
شركة مو هامها شي و مسيطره على اغلب السوق سواء الشركات او الوزارات ، خصوصا بعد ما سكرت وزارة المواصلات شركة كيمز قبل سنوات بحجة انهم ما يدفعون الرسوم للوزارة ، و للأمانة ان الخدمة الهاتفية لشركة كواليتي ممتازة يعني بأي وقت ادق يردون عليك إلا اذا خط النت صارت فيه مشكلة و ما قام يشبك ، اذا اي واحد يدق يلاقي الخط ما يجمع يعني تفهم ان حتى خطوط الشركة مو شغالة .
والله يعين الناس

 

[firask]

كيمز وبس

 

[maax1]

تسلموووون والله على المعلومات الطيبة