ودي أدش السوق الأمريكي

[Bo_Rashed]

يا أخوان ودي أتداول بالسوق الأمريكي من زمان , بس المشكلة مو عارف بأسهمهم ولا بأخبار الشركات عندهم ولا بالمصطلحات اللي تستخدمونها بقسمكم اللي كل يوم أدش فيه أبي أستفيد وأخرج بخفي حنين .
يقولون أنه السوق الأمريكي أحسن من الكويتي اللي صار لي فيه بحدود 3 سنوات والحمدلله أهو زين بس أبي أكسب الخبرة في السوق الأمريكي .
اللي عنده أستعداد يعلمني ما راح أنسى فضله علي وجزاه الله خيرا

 

[ahmadq8]

هلا ومرحبا اعتقد انه في المؤشر بيانات ومعلومات بحر تكفي كل واحد اقرأ المواضيع المهمه اول شي وبعدين ادخل دورة المؤشر وتابع منتدى المؤشر وراح تشوف كل شي بسهوله ماشي معاك وخصوصا انت مارست بيع وشراء الاسهم بالسوق الكويتي يعني لا تحاتي من شي
واعذرني

 

[الحمرانى]

اخى العزيز نصيحه لوجه الله تعالى

اولا وقبل كلشى بنسبه للمصطلحات ممكن تبحث وتجد والاخبار تجى على رمز السهم اما بالوسيط الى انت معه او عن طريق الياهو او اى موقع مختص بالاسهم مجانى او بشتراك كلهاء بسيطه هذى ولاكن المهم والاهم هى الى يقال عليها مربط الفرس اما اذا كنت بتعتمد فى الدخول والخروج فى السهم على المنتديات فانا اقول الله يخلف عليك فى راس المال الى بتدخلبه من الان اكثر والاغلبيه فى المنتديات كلهم قص لزق مامن خبرة والا فهم يكتب ماحلاله واناس مساكين يفكرون انى الى كتب عن هذا السهم انه مابعده هذى حقيقة وممكن تجدها فى المنتديات بمتابعتك انت لازم تعتمد على نفسك والا تشترك مع محلل يعطيك الدخول والخروج افضل شى حتى تعرف كلشى مع الزمن

وارجو من المولا عز وجل انيرزقك ورزق كل اخواننا المسلمين من واسع فضله

 

[صاعد نازل]

بو راشد ابدء صح
واشترك فى دورات للمبتدئين
وبعدها ادخل
هاذى نصيحتى
والله يوفقك

 

[aziz abo omar]

دش وتوكل على الله
بس انتبه لا تأخذك السكين ستربح في البداية بإذن الله وستنبهر من ذلك وتندفع بعد ذلك بدون تفكير
اذا شريت وبعت وبمكسب انشاء الله حاول تفكر بعد ذلك في الخطوة التالية ولا تستعجل في الشراء واقراء في المنتدى وافهم كيفية الشراء والبيع باستخدام الطرق العلمية
والله يوفقك

 

[اول]

يا أخوان ودي أتداول بالسوق الأمريكي من زمان , بس المشكلة مو عارف بأسهمهم ولا بأخبار الشركات عندهم ولا بالمصطلحات اللي تستخدمونها بقسمكم اللي كل يوم أدش فيه أبي أستفيد وأخرج بخفي حنين .
يقولون أنه السوق الأمريكي أحسن من الكويتي اللي صار لي فيه بحدود 3 سنوات والحمدلله أهو زين بس أبي أكسب الخبرة في السوق الأمريكي .
اللي عنده أستعداد يعلمني ما راح أنسى فضله علي وجزاه الله خيرا

ابوراشد مساك الله بالخير والسرور
وبختصار شديد اذاكنت تبغى تبدا من الخطوه رقم500 الى الخطوه رقم1000
ادخل هنا >>>http://www.indexsignal.com/vb/showthread.php?t=21697
وذا كنت تبي تتعلم من خساير راس مالك وتبدى من الصفر الى 500مره ثانيه فاشتر وبع على كيفك

 

[بوعنتر]

عزيزي بوراشد انا انصح كل واحد بانه يستثمر فلوسه بشي يعرفه فاذا انت صارلك 3 سنوات بالسوق الكويتي ليش تغامر بالامريكي انا صارلي 3 سنوات بالكويتي وسنتين بالامريكي وصراحه تحسفت ليش اني دشيت الامريكي ....عموما الحمد الله ونصيحتي انك تقرأ وايد والمتندى فيه وايد مواضيع ممكن تستفيد منها وتدرسها ونصيحه ذا بتدش بالبدايه خصص مببلغ بسيط للتجربه او انك تسوي محفظه افتراضيه وتشوف نفسك ....وخلك بعيد من البني ستوك والشركات الصغيره لانه ممكن بيوم واحد يروح اكثر ن نص راسمالك الجماعه ماعندهم حد اعلى وحد ادنى مثلنا ...وصارت معاي بطلت الجهاز الا السهم نازل اكثر من 50% وانا نايم بالعسل

 

[Bo_Rashed]

أشكركم جميعا أخواني الأعزاء لحسن أستماعكم و أبداء النصائح الثمينة لوجه الله عزوجل ومن لا يشكر الناس لا يشكر الله .

أخواني ahmadq8 - الحمرانى - صاعد نازل - aziz abo omar - اول - بوعنتر أشكركم جميعا وانشالله دعواتي معاكم بالتوفيق والأزدهار .

الرجاء من المراقبين والمشرفين شطب موضوعي لكي لا أضيع للأعضاء وقتهم الثمين و لأني أكتفيت بأجاباتهم القيمة .

وشكرا ,,,,,,,