عاجل يا اخوان @@@@@@@@@@

[بو معاذ 2006]

السلام عليكم


ضروري الله يخليكم تفيدوني ...


انا بخاطري من زمان ابي اتداول بالسوق الامريكي ...


مشكلتي باللغه ميح ما اعرف غير قفمي وتر ..


وابي افضل طريقة لشراء واللبيع يعني التداول

وين افضل شركة . وهل التداول اكتروني ولا لازم بروكر ..


واذا تداول اكتروني انا ما اعرف لغه ميح .......


وهل فرق العمله بالتحويل والشراء واللبيع يفرق حيل ؟؟؟

الله يخليكم ابي واحد يشرح لي الطريقة من طق طق لغاية امر الشراء ..

يعني وين اروح اي مكتب . او شركة ..







والله يرحم والدينكم دنيا واخره ..

 

[kanigham]

انا انصحك اولا باستثمار مبلغ بسيط جدا عن طريق الاوسط او اي بنك يكون فيه حسابك لان اغلب البروكرات بالكويت باللغه العربيه عيبهم عموله الشراء والبيع غاليه شويه وبعض الخلل الفني .

لما توقف على حيلك افضل وسيطين عالميين هما ايتريد واميرتريد وعمولتهم مناسبه وسو عليهم بحث راح تلقى شرح عن طريقه اشتراكهم باللغة العربيه ...... قبل فتره مو بعيده شفت احد الاخوان يعمل لك الاشتراك ويفعله وله عموله بسيطه اتوقع 20 دينار بس نسيت باي موقع

واي سؤال حاضر

 

[بو معاذ 2006]

انا انصحك اولا باستثمار مبلغ بسيط جدا عن طريق الاوسط او اي بنك يكون فيه حسابك لان اغلب البروكرات بالكويت باللغه العربيه عيبهم عموله الشراء والبيع غاليه شويه وبعض الخلل الفني .

لما توقف على حيلك افضل وسيطين عالميين هما ايتريد واميرتريد وعمولتهم مناسبه وسو عليهم بحث راح تلقى شرح عن طريقه اشتراكهم باللغة العربيه ...... قبل فتره مو بعيده شفت احد الاخوان يعمل لك الاشتراك ويفعله وله عموله بسيطه اتوقع 20 دينار بس نسيت باي موقع

واي سؤال حاضر

ياجعل والدينك بالجنه ..


يعني الي فعمته منك ..

اذا عن طريق البنك عموله غاليه ؟

واذا من الاخوان تيدر وبيدر ارخص .. عفوا والله ما اضحك اتكلم

جد تريدر هذا شركة ولا شخص ؟

وابي احول الفلوس كاش كويتي وبعدين يحولونها بالدولار

هذي الي احس انها مشكله فرق التحويل .؟

وانا بنك الخليج . عندهم تداول ؟

وهل التداول الاكتروني ارخص عموله ؟ وهل فيه عربي ؟

وادري دوختك .

 

[العابر3]

الفاضل ابا معاذ
ياليت تفيدنا انت باي دولة .... واضح انك خليجي .... خابرهن ست دول

المفيد
هل انت بالسعودية او بالكويت وعلى ضوء الاجابة اعطيك تجربتي لعلك تستفيد منها

لك ودي

 

[بو معاذ 2006]

انا يالاخو من الكويت

واتداول بسوق الكويت من 2005 من خساره في خساره

واذا تفيدني اكون ممنون فديتك

 

[بو معاذ 2006]

للرفع ..

وعندي استفسار . ادري دوختكم

اشلون اتابع اوامر السق الامريكي ؟

وهل فيه موقع لمتابعة السوق ويكون باللغه العربيه ؟

انا ما لااعرف انجليزي

 

[بو معاذ 2006]

لرفعععععععععععععععععععععععععععععععععععععععععععععع

 

[البحــــر]

البنك الاهلى المتحد الاسلامى شئ تعرفه وتثق به انا انصحك فيه

 

[أبو العتاهيه]

نصيحتك لك واسمح لى خارج نطاق سؤالك
اذا عندك سيوله ..السوق الكويتى اسعار الاسهم فيه مغريه بل اقل من القيمه الدفتريه
وشى تعرفه افضل بكثير من شى تجهله ..
خصوصا بان السوق مقبل على انتعاش على ضوء المشاريع التى سوف تقدمها الدوله بخطة التنميه ..ومن جهه أخرى السوق العالمي بدأ يتعافى من الازمه ..
..

 

[FreeTrader]

دزلي رقمك يا بومعاذ على الخاص
واشرحلك الي تبيه على الراحه

وما يصير خاطرك الا طيب

 

[mr_n]

نصيحه لوجه الله

أنحش من السوق الأمريكي ترى السوق هذا من خساره الى خساره .

 

[FreeTrader]

نصيحه لوجه الله

أنحش من السوق الأمريكي ترى السوق هذا من خساره الى خساره .

ياريت تكمل نصيحتك بدلائل !!!

صارلي اكثر من اربع سنوات واشوفه انه افضل الاسواق الموجوده ؟

كأمان وفرص اكثر

كون انه الانسان يختار خطأ او اهتمامه قليل ويحكم على السوق انا مو معاك يا خوي

السوق حاله حال اي سوق اخر .. فيه الربح وفيه الخساره

 

[المستثمر الراكد]

الأخ فرى تريدر كلامه صح السوق الأمريكي ممتاز

لكن إبعد عن البني ستوك