بداية التصريف على الاراضي بالعقيلة وابوفطيرة

[خالد العليان]

الشركات العقارية اللي مستحوذة على الاراضي في ابو فطيرة والعقيلة...بدت تصرف الاراضي اللي عندها بالوقت الراهن قبل الصيف اللي راح تطيح فيه اسعار الاراضي..وهذي معلومة معروفة عند العقاريين ان الصيف تطيح فيه الاسعار...و اغلب الاراضي بالمناطق هذي هي ملك لشركات عقارية شرتها ايام الرخص وتبي تبيعها اضعافا مضاعفة على حساب جيب المواطن المسكين..
عموما قبل لاتقولون من وين هالمعلومات اقول هذا الاعلان الاول
للبيع اراضى فى ابوفطيرة 173قسيمة مساحات مختلفة 400متر و500متر فى قطعة 1+2+3+4 السوم 320دينار للمتر للجادين فقط
__________________
مصطفى العربي
99500597 - 24742789
.......173 ارض مرة وحدة نزلت السوق
وقبل عشر ايام في شركة وحدة طرحت 80 ارض للبيع في العقيلة وهذا رقم اللي عارضهم اسمه ابو احمد 94494641
...بالمختصر المفيد بداية الغيث قطرة...والحين اشوف المطر قام يهل على اللي ينوون الشراء بالمناطق هذي...واقول الصبر مفتاح الفرج وراح الكثير ومابقى الا القليل...وياشباب لاتستعجلون...الشركات تبي تصرف اللي عندها قبل لايطبقون عليها قانون الضريبة مع بداية العام الجديد...10دنانير ضريبة على كل متر...والحسابة بتحسب..

 

[MUSAED77]

اخوي بو وليد وين تصريف سعر المتر 320 للمتر للجادين

320*400=128 الف دينار ينطح دينار

وين تصريييييييييييييييييييييييييييييييييييييييييييييييييييييييف ​

 

[عذبي 71]

توصيف

اخوي بو وليد وين تصريف سعر المتر 320 للمتر للجادين

320*400=128 الف دينار ينطح دينار

وين تصريييييييييييييييييييييييييييييييييييييييييييييييييييييييف ​

يمكن الاخ خالد العليان يقصد توصيف وخانه التعبير؟!
او تصريف قياسا باسعار سنة 2007
لان التاجر اذا حب يصرف بضاعه بكمية كبيره يخصم بالسعر ليجذب الناس والمشتري يجيه يركض لكن على هالحسبه الي حطها العليان واضحه السعر 320دك للمتر المربع اعلى من المعروض بالسوق يعني هالتاجر قاعد يأسس سعر جديد ، وانتبه بان بائع الجمله سعره اقل من القطاعي .
وهذا اللي نعرفه لكن اللي ما نعرفه شنو مشكلة خالد مع بوفطيره ؟؟
*

 

[ودي اربح]

هلا بالشباب

الاخ خالد العليان الله يعطيك العافية على جهودك الرائعة

ولكم عندي مداخلة بسيطة وارجو انى استفيد من خبرتك

هل اذا احد التجار اراد ان يقوم بتصريف سلعة معينه ينزلها جمله ؟؟؟
هل اذا اراد احد التجار التصريف ينزل سلعتة و يبيع سلعته بمعنى اصح على الطلب يعنى يقبل يبع بسعر الطلب ؟؟
واللى اعرفه انه التصريف: عادة ما يكون عند تنفيذ الطلبات بسعر الطلب فيقوم بعرض السلعة بكميات قليله ومتتابعه في غمرة تفاجيء المتعاملين بسعر السلعة وشرائهم لها حتى تنتهي الكمية التي يمتلكها

 

[خسران جداً]

الاسعار المعروضه غير قابله للشراء سواء كان تصريف او تجميع او اي شي ثاني. ومايشتريها الا المجوي على مخه او اللي مبحبحها ومو ضاره المبلغ...واخر شي بيسكنون بروحهم بالمنطقه لانها راح تكون منطقة اشباح ومافيها احد ...على سبيل المثال شوفوا العقيله جم صارلها؟ 5 سنوات ونصها لي الحين فاضي ولا فيها خدمات ولا مدارس ولا فيها اي شي. اللي بيشتري بشرق القرين عموماً يبيله اكثر من 10 سنين على ما يصير فيها خدمات ويصير فيها سكان. اما بهالاسعار ما هقوتي بنشوف بيوت وان شفنا بنشوف كميه بسيطه وانا اتوقع مو اكثر من الربع.

 

[ودي اربح]

هلا بالغالي خسران جدا عاااش من شافك يا الغالي


خسران جدا بسئلك سؤال وابي ردك بالامانه يكون بصدق لو سامع كلامنه وشاري ارض لمن كانوا على 70 الف وبايعها اليوم 110 جم ربحك راح يكون اربعين الف وحاطها بحساب في بيت التمويل حق اذا صارت الاراضي بالسعر اللى تبيه اللى اهو 50 الف يكون عندك 40 الف وتزيدهم 10 الاف دينار بس

 

[bu sale7]

السلام عليكم

ودي اربح انا ما احب اشارك بالمواضيع هذي حتى لا يقولون عني اضلل الناس

لكن بقول تجربتي انا احد الاشخاص اللي كنت مصدق سوالف النزول وكنت من اللي يدندنون

في هالموضوع لو تشوف مشاركاتي في بدايتي بالمنتدى كنت مع موجة النزول مع خسران جدا

وبومهدي اللي اختفى وراحت علينا فرص لكن ما اقول الا الحمدلله على كل حال والحين ما احب

اشارك حتى لا اضلل احد

وتقبلو تحياتي الحاره

 

[بودانة]

السلام عليكم اخوى كسلان جدا انت تقول ان ابو فطيرة مدينة اشباح حرام عليك انا متحسف واللة وكلى ندم انى ما شريت من قبل على ايام الرخص لكن كل شى نصيب

 

[ودي اربح]

السلام عليكم اخوى كسلان جدا انت تقول ان ابو فطيرة مدينة اشباح حرام عليك انا متحسف واللة وكلى ندم انى ما شريت من قبل على ايام الرخص لكن كل شى نصيب

هلا بالغالي بو داااانه

 

[المنظور الشامل]

شباب شفيكم على الرجال هديتو عليه يواش يواش


خله يسولف ويقول إلي يبيه الكـــــــــــــــــلام أبلاش

الأسعار واضحه بكل مكان والناس تعرف طريجها


يمكن الطيب تنقصه شوية معلومات عن العقار


على فكره شخبار الأستبيان للحين ما صار متى ينتهي يمكن مع نهاية الصيف


وأنا أقول وايد تكلموا وأنقرضو لأن كل كلامهم طلع العكس


وأذا واحد يتعبر كلام الأخ صحيح خله ينطر النزوووول الكبير بعد أكتمال البنية التحتية للمنطقه وبعد بناء الناس قسايمهم .


وبالنسبه للعضو المحترم إلي يقول المنطقه بيسكنها أشباح ( أحنا راضيين لو يسكنها جوووج ومؤجوووووج )

وللرواد للأستفاده عن المنطقة والاسعار وأخر الخبار حياكم بصفحتنا الغالية وراح تشوفون أخر الأخبار بمصداقية وشفافيه صفحة بوفطيرة


وتقبلوا مروري

 

[محمد الدوسري 22]

اسعاااااااارررر ناااااااااااار

و بتطيح بكبودهم

شارع واحد 400 على 120 شلون يبوني اشتريها

اخذها و ابني عليها خيمه و لا شنوو ؟؟؟؟

و المشكله محكور في 400

اجل لو 1000 متر كم بيقول ؟؟؟؟؟؟؟؟

مردهم للنزول و غدا لناظره قريب يا اهل المكاتب

 

[خالد العليان]

هلا مساعد

اخوي بو وليد وين تصريف سعر المتر 320 للمتر للجادين

320*400=128 الف دينار ينطح دينار

وين تصريييييييييييييييييييييييييييييييييييييييييييييييييييييييف ​

مساعد صديقي شلونك
يالحبيب ماعليك بالسعر...عليك بكمية المطروح...سواء كان المتر بمية او 500حتى...الفكرة ان التجار بلشوا بالتصريف...واذا مالقوا احد يشتري فهم مجبورين على تخفيض الاسعار...
وياخوك التجار كانوا بالفترة اللي فاتت يوزعون الاراضي عند كذا مكتب عشان لايوضحون للمساكين انهم بدوا يصرفون الاراضي اللي عندهم ويلحقون عمرهم قبل لايدفعون 10 دنانير على كل متر...بس الوقت الحين بدى يضيق عليهم..ويايلحقون على الاسعار الموجودة...او الاستسلام للامر الواقع ويخفضون الاسعار..الموضوع قضية وقت بس..
شكرا

 

[خالد العليان]

يمكن الاخ خالد العليان يقصد توصيف وخانه التعبير؟!
او تصريف قياسا باسعار سنة 2007
لان التاجر اذا حب يصرف بضاعه بكمية كبيره يخصم بالسعر ليجذب الناس والمشتري يجيه يركض لكن على هالحسبه الي حطها العليان واضحه السعر 320دك للمتر المربع اعلى من المعروض بالسوق يعني هالتاجر قاعد يأسس سعر جديد ، وانتبه بان بائع الجمله سعره اقل من القطاعي .
وهذا اللي نعرفه لكن اللي ما نعرفه شنو مشكلة خالد مع بوفطيره ؟؟
*

عذبي كيف الحال
انا ابشرك اللغة العربية عندي ممتازة والحمدلله لرب العالمين...واعرف الفرق بين التوصيف والتصريف...هذا اولا..
ثانيا من قال ان التصريف لازم يكون باسعار منخفضة...التصريف يكون بطرح الاراضي سواء كان بسعر غالي او رخيص..والسوق يحكم اذا كان في شراية ولا لا...وهذي اراضي الشركة وتحط السعر اللي تبيه والله يرزق الجميع...بس مو بكيف الشركة انها تحدد سعر السوق..اللي يحدده الشراية المواطنين المساكين..
ثالثا الحسبة على قولتك مو انا اللي حاطها...هذا سعر وكمية المعروض من قبل الشركة او المكتب العقاري وانا مجرد ناقل للخبر...وناقل الكفر ليس بكافر...
رابعا ماعندي مشكلة مع ابوفطيرة ابدا يالحبيب بس حبيت ادلي بدلوي..واتمنى الشي هذا مايضايقك..
والسموحة على الاطالة

 

[بودانة]

اهلين بالعزيز ودى اربح

 

[خالد العليان]

ودي اربح تحياتي

هلا بالشباب

الاخ خالد العليان الله يعطيك العافية على جهودك الرائعة

ولكم عندي مداخلة بسيطة وارجو انى استفيد من خبرتك

هل اذا احد التجار اراد ان يقوم بتصريف سلعة معينه ينزلها جمله ؟؟؟
هل اذا اراد احد التجار التصريف ينزل سلعتة و يبيع سلعته بمعنى اصح على الطلب يعنى يقبل يبع بسعر الطلب ؟؟
واللى اعرفه انه التصريف: عادة ما يكون عند تنفيذ الطلبات بسعر الطلب فيقوم بعرض السلعة بكميات قليله ومتتابعه في غمرة تفاجيء المتعاملين بسعر السلعة وشرائهم لها حتى تنتهي الكمية التي يمتلكها

ودي اربح شلونك
اشكرك على الكلام الطيب...والطيب مايجي الا من الطيب...
الاجابة علي سؤالك...التصريف مثل ماتفضلت يبدي بشكل تدريجي عشان لايكون العرض اكثر من الطلب...وهذا اللي كان حاصل طول الفترة اللي فاتت...الشركات معتمدة علي كم مكتب عقاري عشان تصرف اللي عندها بشكل تدريجي...بس الحين الشركات الوقت اللي قدامها صار ضيق...وفترة الصيف قربت وهي بحاجة الى الكاش..لتعديل وضعها المادي في الربع الاول من العام خصوصا ان اغلب هالشركات مدرجة بالبورصة...ووراها مصاريف ورواتب وايجارات وعندها مشاريع تبي تنفذها...من ناحية ثانية راح احسبها لك حسبة بالارقام..اذا الشركة عندها 100 ارض علي اساس ان الارض الوحدة تبلغ مساحتها 400 متر..وهذا يعني ان الشركة عندها 40 الف متر..سعر الضريبة على الشركة 400الف دينار كويتي تدفعها سنويا للدولة دينار يلحق اخوه...والمبلغ هذا راح تدفعه الشركة اذا ماقدرت تصرف اللي عندها قبل شهر 4/2011
...هذا بالمختصر المفيد...وانا ياخوك مااذكر شي واحلل واقول اشتروا او لاتشترون...انا اللي اسويه انقل المعلومات مثل ماهي بدون اضافة او نقصان...والقرار للشراية..
اشكرك

 

[خالد العليان]

المنظور الشامل .. تحياتي

شباب شفيكم على الرجال هديتو عليه يواش يواش


خله يسولف ويقول إلي يبيه الكـــــــــــــــــلام أبلاش

الأسعار واضحه بكل مكان والناس تعرف طريجها


يمكن الطيب تنقصه شوية معلومات عن العقار


على فكره شخبار الأستبيان للحين ما صار متى ينتهي يمكن مع نهاية الصيف


وأنا أقول وايد تكلموا وأنقرضو لأن كل كلامهم طلع العكس


وأذا واحد يتعبر كلام الأخ صحيح خله ينطر النزوووول الكبير بعد أكتمال البنية التحتية للمنطقه وبعد بناء الناس قسايمهم .


وبالنسبه للعضو المحترم إلي يقول المنطقه بيسكنها أشباح ( أحنا راضيين لو يسكنها جوووج ومؤجوووووج )

وللرواد للأستفاده عن المنطقة والاسعار وأخر الخبار حياكم بصفحتنا الغالية وراح تشوفون أخر الأخبار بمصداقية وشفافيه صفحة بوفطيرة


وتقبلوا مروري

هلا بالمنظور الشامل...كيف الحال...
انا ماقلت ان الاسعار راح تنهار...اتمنى تقرى المشاركة عدل...
وانا ياخوك ماافتيت بمعلومات من المريخ اللي قلته انه في شركات بدت التصريف للاراضي اللي عندها...وحطيت الارقام الخاصة بالشركات عشان لاتقولي من وين هالمعلومات..
كنت اتمنى تناقشني بمعلومات غلط انا ذاكرها...بس مع الاسف دشيت عرض بمواضيع مالها داعي...عشان جذي ردي عليك بحدود تعليقك...الناس تبي معلومات صحيحة مو حجي...ومهايط...ماله داعي..
وانشالله اتابع صفحتك الغالية...مع اني عارف اللي راح اشوفه بصفحتك..الكتاب باين من العنوان..
شكرا

 

[خسران جداً]

هلا بالغالي خسران جدا عاااش من شافك يا الغالي


خسران جدا بسئلك سؤال وابي ردك بالامانه يكون بصدق لو سامع كلامنه وشاري ارض لمن كانوا على 70 الف وبايعها اليوم 110 جم ربحك راح يكون اربعين الف وحاطها بحساب في بيت التمويل حق اذا صارت الاراضي بالسعر اللى تبيه اللى اهو 50 الف يكون عندك 40 الف وتزيدهم 10 الاف دينار بس

قصدك اني لو متدبس وشاريها ب70 الف..........ما اعتقد ان في شراي جاد يشتري الارض ب110 واذا وجد هالشراي فأعتقد انهم ينعدون بالاصابع. بأذان الله بتنزل الاسعار وهالخرابيط اللي قاعده تنكتب والاسعار الخياليه كلنا ندري ما هي الا اسعار وهميه ومافي ضغط شراء على هالاراضي. الصبر برهان الكلام

 

[ودي اربح]

ودي اربح شلونك
اشكرك على الكلام الطيب...والطيب مايجي الا من الطيب...
الاجابة علي سؤالك...التصريف مثل ماتفضلت يبدي بشكل تدريجي عشان لايكون العرض اكثر من الطلب...وهذا اللي كان حاصل طول الفترة اللي فاتت...الشركات معتمدة علي كم مكتب عقاري عشان تصرف اللي عندها بشكل تدريجي...بس الحين الشركات الوقت اللي قدامها صار ضيق...وفترة الصيف قربت وهي بحاجة الى الكاش..لتعديل وضعها المادي في الربع الاول من العام خصوصا ان اغلب هالشركات مدرجة بالبورصة...ووراها مصاريف ورواتب وايجارات وعندها مشاريع تبي تنفذها...من ناحية ثانية راح احسبها لك حسبة بالارقام..اذا الشركة عندها 100 ارض علي اساس ان الارض الوحدة تبلغ مساحتها 400 متر..وهذا يعني ان الشركة عندها 40 الف متر..سعر الضريبة على الشركة 400الف دينار كويتي تدفعها سنويا للدولة دينار يلحق اخوه...والمبلغ هذا راح تدفعه الشركة اذا ماقدرت تصرف اللي عندها قبل شهر 4/2011
...هذا بالمختصر المفيد...وانا ياخوك مااذكر شي واحلل واقول اشتروا او لاتشترون...انا اللي اسويه انقل المعلومات مثل ماهي بدون اضافة او نقصان...والقرار للشراية..
اشكرك

هلا بالغالي خالد العليان

شاكرك على توضيح وجهة نظرك وكلي تقدير لذوقك واخلاقك العالية بالرد

شكرا خالد على المعلومات

 

[TRADING]

الاخ خالد بارك الله فيك علي حبك الخير لاخوانك ممن يبحثون عن سكن العمر وجعلها الله في ميزان حسناتك

الاخ المنظور الشامل انت فك نفسك من اعلاناتك ودعايتك العقارية وتالي تحجي علي الاسعار وان الناس متوهمة
لا اخوي الناس ماهي متوهمة والنزول قادم واهم شي لازم اتعرفه ان جميع من علق وقال وتوقع ان هناك نزول قادم لاسعار العقار قالوا ان النزول يبدا من بعد منتصف 2010 او اخر هالسنة وهو الهدف اللي ذكره اغلب من قال ان هناك نزول قادم للعقار وهو قادم باذن الله وشورانا ننطر لي سنة 2011 ما فرقت مع احد ناطر سنين بتفرق سنة ويشوف بعينه الاسعار تتهاوي وكله بتطبيق قوانين تداول العقار اللي بتحرم الشركات من العبث بمستقبل المواطنين
الله لا يخسر المسلمين بحلالهم بس بعد الله لا يربح من يلعب باستقرارهم وايهامهم بالباطل
واشارات التداعي بينت وشكلها بعد تفليسات شركات و بيت التمويل متكسرة ضروسه - يعني ابشروا بالخير عسي الخير لكم

الله المستعان

 

[MUSAED77]

اشكر واشكر واشكر
الجميع علي الاسلوب الراقي وانتوا والله العظيم اخوان وانا توني شاري بس اتمني انها تنزل الاسعار ومشكورين كلكم احباب والله