شمال غرب صليبخات وبسسسسسسس

[مستريح]

المناطق المقرر انشاءها كلها بعيدة وخارج المناطق الحضرية ..

مثل صباح الاحمد والمطلاع والخيران ...

الذكي اللي يختار في هذه المنطقة لاسباب ذكرتها ولا باس لو كررتها

تابعة للعاصمة

قريبة من البحر

قريبة من المناطق المأهولة بالسكان ,, مثل الصليبخات والدوحة وغرناطة

وهي آخر منطقة تابعة للعاصمة ..

أسعارها الي الان مناسبة

وبحكم خبرتي ... ستكون أسعارها خيالية بعد التوزيع الرسمي


ونصيحة اللي ماحاشته القسايم ياخذ في البيوت ولا تطوفون وراح تشوفون اسعارها تولع نار بعد مدة قصيرة ..


الله يوفقكم الي الخير دائما ودمتم

 

[العوشز]

متى يسمحون في التبديل الرسمي مجهز خمسين الف على صوب وناطر متى الفرج

 

[ودي اربح]

يا شباب شنو سبب ارتفاع الاسعار في المنطقة وليش واصله الى 100 الف مع انها حكومية

 

[مستريح]

اخوي انا ذكرت الاسباب فوق والذكي اللي يلزم صاحب القسيمة ببيعة مضمونة من الان لان الاسعار راح تولع نار بعد التبديل الرسمي والله اعلم

 

[مارس1]

واحد يرفع واحد يجبس

 

[الدهليز]

اي والله مشكله يقووول فوق المية الف ... الظاهر للحين ماقام من الحلم ههههههههههههه
نام ابوي نام وانطر لمن تجيب لك 300 الف لانها على البحر مباشره هههههههههههه

 

[صقر3]

شمال غرب الصليبخات

هي منطقه بصراحه حلووووو بس المشكله انها فيها مجاري يمكن اشتري قسيمه مع كمام خخخخخخخخخ

 

[بوعبدالله _ 66]

قول عني ماتقول....صوبي كم صعب الوصول

واللي مايطول العنب حامضِ عنه يقووول

 

[كنز المعرفه]

واحد يرفع واحد يجبس

صادووووووووووووه
عادي تعودنا نشوف هالسوالف مطبلجيه وعلى مستوى​

 

[بلاحدود]

هي منطقه بصراحه حلووووو بس المشكله انها فيها مجاري يمكن اشتري قسيمه مع كمام خخخخخخخخخ

اتفق معــاك.. هناك ريحة مو طبيعية.. والسبب وانتو بكرامه صب المجاري في هالمنطقة على مدى سنوات وسنوات طويله وخاصة في البحر.. وعلى فكره.. قربها من البحــر نقمة وليس نعمة.. وسيكون سبب في تدني الاسعار و ليس ارتفاعها.. فالبحر.. عبارة عن صبخــة ملحية وطين وملوثات عضوية وغير عضوية خطيرة تنبعث منها ريحـة تخنق الأنفاس وتدمع العيون وتزكم الأنوف..
باعتقادي أنه لا يمكن تحويل الشاطيء أو استغلاله كشارع كرنيـش.. ابدا.. وحتى ردم البحر و زيادة الشريط الساحلي فكرة فاشله.. فاشله.. لأن الارض اساسها غير قوي (طينية و رواسب رملية متحركة).. واللي يشتغلون بالمنطقة يعرفون أنه توجد أماكن لو حفرت فيها بعمق مترين فقط راح توصل لمستوى المياه الجوفية المالحة (المناطق الصبخه).. يعنى بكره كل بيت يقدر يحفر بوسطه جليب!!! و الله يكون بعون أصحاب السراديب...

ممكن ترتفع الاسعار و لكن السبب ليس من (جمال المنطقة) ولكن تماشيا مع ارتفاع سوق العقار ككل.. وغير ذلك من أسباب لا أعتقد أنه سيؤدي لإرتفاع الأسعــار.. وستلاحظون موجة الهــروب الكبـير من المنطقة مع أول بارقة للسماح بالتبديل..

الله يوفق الجميع و يرزقهم.. وهذا كان رأيي الشخصي بالمنطقة..

 

[الجود الاول]

الاخوه الحسّاد

يوم ان المنطقه كخه ومجارى

شاللى حارق اعصابكم وميتين قهر ليش اسعارها قبل التبديل خياليه

عاد شوفوا بعد السماح بالبدل الرسمى جم بتوصل؟

والله احاتيكم باجر لا شفتوا السد ب100 الف

بعد هالايام الواحد يكون قاعد فى امان الله والا جلطه والا سكته

الله يكافينا واياكم شر الامراض

عن الحسد ياعيال عن الحسد

 

[بوعبدالله _ 66]

اتفق معــاك.. هناك ريحة مو طبيعية.. والسبب وانتو بكرامه صب المجاري في هالمنطقة على مدى سنوات وسنوات طويله وخاصة في البحر.. وعلى فكره.. قربها من البحــر نقمة وليس نعمة.. وسيكون سبب في تدني الاسعار و ليس ارتفاعها.. فالبحر.. عبارة عن صبخــة ملحية وطين وملوثات عضوية وغير عضوية خطيرة تنبعث منها ريحـة تخنق الأنفاس وتدمع العيون وتزكم الأنوف..
باعتقادي أنه لا يمكن تحويل الشاطيء أو استغلاله كشارع كرنيـش.. ابدا.. وحتى ردم البحر و زيادة الشريط الساحلي فكرة فاشله.. فاشله.. لأن الارض اساسها غير قوي (طينية و رواسب رملية متحركة).. واللي يشتغلون بالمنطقة يعرفون أنه توجد أماكن لو حفرت فيها بعمق مترين فقط راح توصل لمستوى المياه الجوفية المالحة (المناطق الصبخه).. يعنى بكره كل بيت يقدر يحفر بوسطه جليب!!! و الله يكون بعون أصحاب السراديب...

ممكن ترتفع الاسعار و لكن السبب ليس من (جمال المنطقة) ولكن تماشيا مع ارتفاع سوق العقار ككل.. وغير ذلك من أسباب لا أعتقد أنه سيؤدي لإرتفاع الأسعــار.. وستلاحظون موجة الهــروب الكبـير من المنطقة مع أول بارقة للسماح بالتبديل..

الله يوفق الجميع و يرزقهم.. وهذا كان رأيي الشخصي بالمنطقة..

وييييه ليهدرج امراض ومشاكل يامعود وينك ماقلت للي اخذوا قبل

مايتدبسون بالمنطقه

تصدق لما قريت مشاركتك تذكرت القنبله الذريه اللي ضربة مدينة

هيروشيمى اليابانيه والمشاكل اللي صارت بالمدينه بعدها


وهم نرجع ونقول .... اللي مايطول غرب صليبخات شيقووول

 

[maax1]

والله انا مفكر اشترى فى المنطقة بس متردد كثير
حتى امس قاعد مع صديق ساااكن فى الدوحة فى البيوت الى جدام ماكدونلدز تفتح على شارع بوظبى يقول والله المنطقة حلوة بس الخوف من ريحة المجارى الله يكرمكم
يقول اذا صارت رطوبة الريحة توصلنا الدوحة حتى مانقدر نتمشى رياضة

كلامى تراء مو عن حسد وغيرة مجرد استفهام والله
انا متردد مادرى شنو راح يصير بعدين لآن حتى الطين هناك متشبع مجارى

واذا عن الموقع ماعلية كلام

 

[بوعبدالله _ 66]

انا مستغرب شلون شباب ومثقفين تفكرون جذي

ذاك اليوم كنت بالبحرين مودي الوالد لدكتور هناك وشغلت النفقيتر لان من

زمان ماجيت الديره ومتغيره علي الشوارع ولما طلعت الخريطه ولا انا

امشي فوق البحر

تدرون ليش لان الشارع اللي انا ماشي عليه عباره عن بحر مدفون

والحين تقولون صبخه وريحه!!!...

اذا كان هناك مشلكه فأكيييد لها حل مع اني استبعد اي مشكله بالمنطقه

الجميله اللي تقع على ضفاف الخليج

 

[algabry911]

المشكلة يا شباب مجاري يعني صادق أخونا لازم جهز كمامك ولا إسطوانة أوكسجين وإنت تسوي رياضة على البحر أقصد على البعر هههههههههههههههههههههههه

 

[tmh]

السلام عليكم

انا سمعت راح يسمونها منطقة (( النخبة ))

السد واصل 30 الف والموقع 50 الف واهيه للحين ماخلصت والريحة فايحه فيها عيل شلون لو خلصت وصارت جاهزة للبنيان وعالجوا المجاري والتربة شنو تتوقعون راح يصير؟ ساعتها اتمنى اشوف ردودكم.

والي يبدل الحين بسعر مثل 50 الف و60 الف هذا راح يندم ساعتها

 

[العوشز]

سبحان الله

عيبنا احنا الكويتين الحسد ولا نتمنى الخير للناس . ياعالم اصحوا شوي .. منطقة غرناظة بجم اسعارها ؟؟؟؟ وهي بينها وبين شمال غرب صليبخات 2 كيلو شلون تقولون ريحه ومجاري ؟

اذا بيوت غرناطة وهي قديمة اسعارها خياليه ومحتكره لعوائل معروفه ! فما بالكم في منطقة جديدة واقرب الي البحر ؟ واللي يقول ريحة مجاري ياليت لو يزور المكان ويقعد ويشوف ويسال المهندسين عن المنطقة ككل

وثانياً الرياح اما شماليه غربية او جنوبية غربيه صح ؟

اذا شماليه غربيه فالريحه بعيده لو فرضنا فيها ريحه وانا اشكك باللي يقول كمامات وريحه وغيره

وشوفوا المنطقة وشوفوا اتجاهات الهوا الشمالي الغربي راح يدفع الريحه بعيد

وعموما اسالوا اهل الصليبخات والدوحه بيقولون ان المنطقة من افضل المناطق والكل ينتظر التبديل الرسمي وسلامتكم

 

[العوشز]

اذا اسعارها الان تتراوح مابين 35 الي 50 الف فكم تتوقعون بعد التبديل الرسمي ؟؟؟
انا مو من صالحي اعطيها دعايه لاني ناطرها على احر من الجمر وشاري شاري وحرام تكسرون البيوت والمنطقة الكل يقول من افضل المناطق ويكفي انها بالعاصمة

 

[العوشز]

واللي مايطول العنب حااااااااااامض عنه يقول ههههههه

 

[مستريح]

اخواني الافاضل - مساكم الله بالخير , المنطقة ماعليها كلام وافضل من فهد الاحمد ومن جميع المناطق التي ظهرت مؤخرا وبلا منازع , واستغرب كلام بعض الاخوان اللي يحاولون يذمون المنطقة وقالوا ريحه وصبخه و و و و و
اذكروا كلامي زين ,, اذا ماوصلت الي اسعار خياليه فوق المستوى فأنا ماافهم .. والاسباب واضحه جدا ... هل هي افضل او سعد العبد الله ؟؟
هل هي افضل ام جابر الاحمد ؟؟
هل هي افضل او المطلاع مثلا او صباح الاحمد او الخيران .؟..

اكيد وبدون ادنى شك هي افضل لاسباب كثيرة لانها تبع للعاصمة وقريبة من البحر ومن المناطق السكنية وتطلع منها تدخل منطقة ثانية يعني مو مقطوع في بر .. وقريبة من الخدمات .. والكل عينه عليها ..

اللهم لاحسد والله يوفق الجميع واستبشروا خير يااهل شمال غرب صليبخات او منطقة سالم العلي وصدقوني السد بيوصل الي 60 الف والراس زيدوا عليها عشرين وسلام