انا موجود الان بلندن

[jassem777]

السلام عليكم


اخواني انا حاليا موجود بلندن

وانصحكم لاحد يحجز من الكويت فندق

انا اخذت فندق الكمبرلاند من لندن 66دينار مع الافطار

وبالكويت حصلته 97 و105 بدون افطار من لندن ارخص بواجد

طبعا الجو صعب صعب صعب ويتعب

والي يبي شي خلال العشر ايام اناحاضر​

 

[بومساعد30]

سفره ممتعه.........وترجع بالسلامه

 

[فارس الكويت]

تروح وترد بالسلامة يارب

الفعل سعر حلو للفندق

ودائم انصح الاخوان والاخوات بحجز الفنادق او التذاكر لا يعتمدون على مكاتب السياحه
مبالغ فيها حيل

بالنسبة لفندق الكمبرلاند
بصراحه سعرك حلو
لفيت على مواقع الحجوزات على النت
لقيت مقرب من سعرك بحدود 63 او 64 او 68 وفي موقع لقيته 76
بس سعرك رائع

وتروح وترد بالسلامة وسفرة موفقة يارب

 

[jassem777]

ابومساعد

فارس الكويت

الله يسلمكم ومشكور ين

هم في ملاحظه المكاتب السياحيه الي في اجورود واكسفورد اسعارها مناسبه

 

[محمد الدوسري 22]

هلا اخوي جاسم

الصراحه انا شهر 9 بروح بريطانيا للدراسه

و بصراحه متردد جدا جدا و خايف من الغربه هناك خصوصا اني اول مره اروحلها

دراستي بتكون في كوفنتري
ابي اعرف كيف المعيشه هناك و لو عندك جم معلومه اساسيه تساعدني فيها

و اكون شاكرلك

 

[jassem777]

هلا فيك اخوي هذي بعض المعلومات انشالله تفيدك

هذا رابط الموقع تلقى فيه انواع الغرف وانواع البيوت وانواع كل شي
http://coventry.gumtree.com/coventry/2327_1.html

وهذا دليل

http://translate.google.com/transla...wn.com/LondonStreets/coventry_street_fd0.html

ولاكن حسب ماسمعت انها الديره امان فيها طلبه واجد واغلبهم خليجين

والمملكه المتحده بشكل عام غاليه

اتمنى لك من الله التوفيق وترد لنا بشهاده

 

[jassem777]

السلام عليكم

اخواني حصلي موقف

دق التلفون علي وانا بالغرفه قالي انه حجزك انتهى اليوم وعليك تخلي الغرفه

الساعه 12

ابو فهد ليش

قال اخوي عندنا التزامات مع شركات لان يوم الاثنين في عطله

ابوفهد ضاق خلقه الحين شسوي مطر قوي وبرد وبعد ساعتين بشارع

لاحول ولاقوة الابالله

ركبت رحت ركض حق فندق ماربل ارش سألته قالي مافي غرف

والغرف الي متوفره بدون افطار وسعرها 220 باوند

ابو فهد ليش

قال هذا المتوفر

ركب ابوفهد التاكسي العجيب وقاله اطلع للهيتون الي في بداية شارع ادجوارود

وقف التكسي وعطيته 6 باوند

ابو فهد اخوي عندك غريفه

قال اي عندي اي نوع

ابوفهد نبيلنه غرفه زينه وسعره مناسب

قال موجوده سعرها 145 شامل الضرائب والفطور طبعا باوند

حجزت الغرفه وعطيته الجواز والفيزا كارد وخلصت اجرائاتي

وعقب رحت للفندق واخذت اغراضي ورديت للهيلتون

وصعت للغرفه والله ياخواني اني احمد ربي انهم طلعوني من الكمبرلاند

وانبهكم من الكمبر لاند اول شي لوبي يضيق الخلق ومافيه الابار عزكم الله

وشارع اكسفورد الساعه 7 مثل الدجاج كل واحد داخل محكره

وانصحكم الي يبي فندق هيلتون مترو بلو ​

 

[تويجر]

فعلا هلتون مترو بول من افضل الفنادق وحتى مكانه بالنسبه لي افضل من الاكسفورد

وفي وراه عماره اسمها ويست اند دايم اسكن فيها عجيبه وترد الروح

يبيله لندن بس هالصيف قررت اغير واروح امريكا والله يستر

 

[jassem777]

كلامك عدل

الويست اند شقق راقيه جدا مريت واحد من الشباب شئ روعه

وانصح فيها


ملاحظه سعر الغرفه وصاله 550 في السبوع من غير الصيف

وسعر غرفتين من 700 الى 800

طبعا سكن راقي جدا ولايوجد ملاحظات

سعر الصيف دبل ​

 

[SAM7]

السلام عليكم

اخواني حصلي موقف

دق التلفون علي وانا بالغرفه قالي انه حجزك انتهى اليوم وعليك تخلي الغرفه

الساعه 12

ابو فهد ليش

قال اخوي عندنا التزامات مع شركات لان يوم الاثنين في عطله

ابوفهد ضاق خلقه الحين شسوي مطر قوي وبرد وبعد ساعتين بشارع

لاحول ولاقوة الابالله

ركبت رحت ركض حق فندق ماربل ارش سألته قالي مافي غرف

والغرف الي متوفره بدون افطار وسعرها 220 باوند

ابو فهد ليش

قال هذا المتوفر

ركب ابوفهد التاكسي العجيب وقاله اطلع للهيتون الي في بداية شارع ادجوارود

وقف التكسي وعطيته 6 باوند

ابو فهد اخوي عندك غريفه

قال اي عندي اي نوع

ابوفهد نبيلنه غرفه زينه وسعره مناسب

قال موجوده سعرها 145 شامل الضرائب والفطور طبعا باوند

حجزت الغرفه وعطيته الجواز والفيزا كارد وخلصت اجرائاتي

وعقب رحت للفندق واخذت اغراضي ورديت للهيلتون

وصعت للغرفه والله ياخواني اني احمد ربي انهم طلعوني من الكمبرلاند

وانبهكم من الكمبر لاند اول شي لوبي يضيق الخلق ومافيه الابار عزكم الله

وشارع اكسفورد الساعه 7 مثل الدجاج كل واحد داخل محكره

وانصحكم الي يبي فندق هيلتون مترو بلو ​

ترا فيه نوعين من الغرف الأولى تفتح على الأجورود أعتقد الشرقية والثانية وهي الأفضل الغربية اللي تفتح على العمارة الحمرا ودايماً يسكنون فيها الأجانب ، وإذا بتطول بلندن يا بو فهد خذ شقة بالعمارة الحمرا ترا مستواها زين مقارنتاً بعمارات أجورود ، وعندك بنهاية الشارع اللي أنت فيه (باريد ستريت) فندق باديقتون ستيشون هيلتون أرخص بس أقل جودة .

 

[هامور 2000]

يا اخوي جم كلفك الاكل للشخص الواحد خلال اسبوع تقريبا