إفيدوني : تـويـوتـا السايــــر قســـم الحــداده و الصبــغ

[nokia*nokia]

السلام عليكم ورحمة الله وبركاته


أخواني عندي مشكله صارت معاي بوقت السرايات من قبل اسبوعين

كانت الرياح شديده وسقطت المظله على السيارات وكانت الاضرار متوسطه

فحبيت أصلح السياره وهي : تويوتا أوريون 2009

واللى فيها ضربتين من حديد المظله : ضربه على نص الكبوت (( غطاء المكينه ))
وضربه على نص الدبه وهذي صورتين توضح الضربات :

غطاء المكينه

الدبــه

فرحت للساير وبعد المعاينه عطوني السعر النهائي 450دك !!!؟

والسعر يشمل : تبديل الكبوت + الدبه + أجور الصبع والمصنعيه

فأتمنى أنكم تفيدوني يا أخواني هل السعر منطقي ؟؟؟ وهل يوجد كراج بمستوى وكالة الساير

لأن السياره جديده والدرجه الأولى وبنفس الوقت إستعمال ولاعندي نية بيع

فأنتظر الرد منكم يا أخوان لأني مستعجل على تصليحها وأبي منكم الرأي الصائب

موفقين بإذن الله​

 

[nokia*nokia]

(( أرجوا من المشرفين نقل المشاركة بقسم المركبات وأعتذر عن الخطأ ))​

 

[سلطان الخليج]

منطقي جداااا

لان التبديل ليس مثل السمكرة

 

[ابو نواف محترف]

سو سمكره احسن مايكلف عليك 40 دينار ابرك من 450 دينار

 

[maax1]

انا اقول اذا ناوى استعمال سوها سمكرة بكراج محترم احسن من التبديل فى الوقت الحالى
لآنك بتستعمل مو ناوى تبيع واذا بعدين طلعت من خاطرك ونويت تبيع مر السكراب و اخذ كبوت واخذ غطاء الدبة واصبغهم عشان يبين تجميلى بلفحص مو نسبة معجون < ما يعيبها
والخيار الثانى ان تشتريلها من الشركة بعدين اذا نويت تبيع

والساير اسعارهم غالية بلمقارنة مع الشركات الاخرى

صديق سوا حادث على افالون 2006 من جدام اتصل على ونش الشركة وسحبوها الى كراجهم
فى الرى خلف سنتربوينت وطلب مقاييس حصر الاضرار وقيمة التصليح
قالو تكلف عليه 5600 د.ك واهى قيمتها برا مستعملة 5800د راح طلعها من عندهم بعد دفع 25 دك المقاييس
وكان ناوى يسقطها مع انها ماشية 48.000كم بس قال خل امر كم كراج دامها على الونش
وبطريجها للسكراب حصل كراج فى الشويخ مدحوه له كذا واحد قاله اجورنا سمكرة وصبغ عام وتعديل شاصى 750 دك والقطع اشتراهم من برا بس اصلى طلعو 1400 دك
الكراج قالة شرط قبل تسلمنا فلوسنا اخذها افحص بأى مكان اذا بين شى لا تعطينا فلوس
لآنه بيستعملها عشان جذية حرص على الكراج الزين والقطع الاصلية
خل تقعد عنده 3 سنوات اهو الربحان ولا يبيعها حق افغانية السكراب ب700د ويطلعون منها
قطع فوق ال 3000د

انا كتبت لك عشان ابين لك انه اضرار سيارتك بسيطة بلمقارنة
وضرباتها عادية جدا ماتعيب السيارة نهائيا

واذا تبى اسم الكراج اطرشة لك < ولا تفكر اعلان او عمولة < اقسم بالله خدمة فقط

وخطاك السوء

 

[ح.الموسوي]

الله يوفقك يا رب

انصحك اذا استعمال ما تبي تبيع صلح بره بكراج مضبوط في فرق بين محترم ومضبوط في كراجات بس اسم وفي كراجات متروسه سيارات لان شغلها مضبوط

وانا عن تجربه اقولك عندي لكزس جي اس تعور الباب رحت الساير على التامين طبعا صلحوها وبدلو الباب وكل شي اوكي يوم بغيت ابيع قالو لي مصبوغه يعني حتى لو تبدل يبين الصبغ والله يوفقك يارب

 

[ابومحمد75]

[color="darkred

واذا تبى اسم الكراج اطرشة لك < ولا تفكر اعلان او عمولة < اقسم بالله خدمة فقط

وخطاك السوء[/color]

ممكن اسم الكراج وعنوانه على الخاص اذا تكرمت

 

[بث مباشر]

السلام عليكم

اخوي معروف عن الشركة انهم نصابين وسعرهم عالي تبي نصيحتي انا اقولك اهلي سوا حادث على كامري ٢٠٠٧ تضرر المدكر والليت والدعامية الامامية من جهت اليسار رحت وديتها عند
باكستاني في الشويخ وما خذا علي آكثر من ١٢٠ دينار طبعا شريت الليت من الوكالة ومع شغل ايده بس خذا ١٢٠ حتى لقيت عنده لكسز ٢٠٠٨ مدعومه وشفته بعد ما خلص شغله عدل الدعمة وصبغها ومشاء الله شغله ما يبين أن السيارة مدعومة كلش لا اللكسز ولا الكامري إذا تبي رقمه بس دزلي رساله على الخاص

 

[nokia*nokia]

منطقي جداااا

لان التبديل ليس مثل السمكرة

يعطيك العافيه أخوي سلطان الخليج

وكلامك صحيح التبديل مو مثل السمكره لكن السعر كان عالي

تحياتي لك وبالتوفيق بإذن الله

سو سمكره احسن مايكلف عليك 40 دينار ابرك من 450 دينار

هلا أخوي ابونواف

الله يعطيك العافيه على مشاركتك واخذت القرار بإذن الله

تحياتي لك

انا اقول اذا ناوى استعمال سوها سمكرة بكراج محترم احسن من التبديل فى الوقت الحالى
لآنك بتستعمل مو ناوى تبيع واذا بعدين طلعت من خاطرك ونويت تبيع مر السكراب و اخذ كبوت واخذ غطاء الدبة واصبغهم عشان يبين تجميلى بلفحص مو نسبة معجون < ما يعيبها
والخيار الثانى ان تشتريلها من الشركة بعدين اذا نويت تبيع

والساير اسعارهم غالية بلمقارنة مع الشركات الاخرى

صديق سوا حادث على افالون 2006 من جدام اتصل على ونش الشركة وسحبوها الى كراجهم
فى الرى خلف سنتربوينت وطلب مقاييس حصر الاضرار وقيمة التصليح
قالو تكلف عليه 5600 د.ك واهى قيمتها برا مستعملة 5800د راح طلعها من عندهم بعد دفع 25 دك المقاييس
وكان ناوى يسقطها مع انها ماشية 48.000كم بس قال خل امر كم كراج دامها على الونش
وبطريجها للسكراب حصل كراج فى الشويخ مدحوه له كذا واحد قاله اجورنا سمكرة وصبغ عام وتعديل شاصى 750 دك والقطع اشتراهم من برا بس اصلى طلعو 1400 دك
الكراج قالة شرط قبل تسلمنا فلوسنا اخذها افحص بأى مكان اذا بين شى لا تعطينا فلوس
لآنه بيستعملها عشان جذية حرص على الكراج الزين والقطع الاصلية
خل تقعد عنده 3 سنوات اهو الربحان ولا يبيعها حق افغانية السكراب ب700د ويطلعون منها
قطع فوق ال 3000د

انا كتبت لك عشان ابين لك انه اضرار سيارتك بسيطة بلمقارنة
وضرباتها عادية جدا ماتعيب السيارة نهائيا

واذا تبى اسم الكراج اطرشة لك < ولا تفكر اعلان او عمولة < اقسم بالله خدمة فقط

وخطاك السوء

هلا بأخوي maax1

كلامك عين العقل وشي من الواقع والله يعطيك العافيه على مشاركتك وأتمنالك

الصحه والعافيه وانا اخذت قراري اليوم وتم تصليحها خارج الوكاله

تحياتي لك

الله يوفقك يا رب

انصحك اذا استعمال ما تبي تبيع صلح بره بكراج مضبوط في فرق بين محترم ومضبوط في كراجات بس اسم وفي كراجات متروسه سيارات لان شغلها مضبوط

وانا عن تجربه اقولك عندي لكزس جي اس تعور الباب رحت الساير على التامين طبعا صلحوها وبدلو الباب وكل شي اوكي يوم بغيت ابيع قالو لي مصبوغه يعني حتى لو تبدل يبين الصبغ والله يوفقك يارب

هلا بأخوي الموسوي

والله انك صاج وانا اخذت قراري وصلحت خارج الوكاله وان شاء الله يتمم علينا

بالخير وكل هذا جاء من فضل الله و قراراتكم الصائبه .... وألف تحيه لك

السلام عليكم

اخوي معروف عن الشركة انهم نصابين وسعرهم عالي تبي نصيحتي انا اقولك اهلي سوا حادث على كامري ٢٠٠٧ تضرر المدكر والليت والدعامية الامامية من جهت اليسار رحت وديتها عند
باكستاني في الشويخ وما خذا علي آكثر من ١٢٠ دينار طبعا شريت الليت من الوكالة ومع شغل ايده بس خذا ١٢٠ حتى لقيت عنده لكسز ٢٠٠٨ مدعومه وشفته بعد ما خلص شغله عدل الدعمة وصبغها ومشاء الله شغله ما يبين أن السيارة مدعومة كلش لا اللكسز ولا الكامري إذا تبي رقمه بس دزلي رساله على الخاص

هلا بأخوي بث مباشر

كلامك سليم 100% وعلى راسي ياخوي

وأنا أخذت قراري بكراج غير الوكاله والله يعطيك العافيه على توضيحك ومداخلتك

وبالتوفيق بإذن الله

..................................................

أخواني : أشكركم بشخصكم الكريم ومشاركتكم بتوجيهي بأخذ القرار الصائب

وأحب اقولكم أني أخذت قراري والسياره اليوم دخلتها بكراج (( أنوار كاظمة ))

وتم الإتفاق على تبديل الدبه فقط و تصليح الكبوت مع أجور المصنعيه والصبغ

وطبعا الدبه تم شرائها من الوكاله وكانت التكلفه الإجماليه للدبه + التصليح :

300 دينار مع كفاله 3 سنوات

والله يجزيكم خير لكل من شارك وأبدى برأيه وتحياتي لكم ​

 

[q8free2009]

السلام عليكم خطاك السو صلحها بالساير واشتر انت القطع من الساير بنفسك ترا ارخص دير بالك ترا الفرق وااجد انا صارت معاااي قبل ثلاث اسابيع حاسبين علي الليت ب 79 دينار مع الخصم ولما رحت اشتري الليت الثاني احسبوه لي ب 50 ولما كلمتهم قالوا فعلا اذا انت تشتري القطع تاخذ خصم احسن من لما الكراج ياخذهم لك