مساعدة يالربع :( نصيحة + استفسار

الحالة
موضوع مغلق

BlueOne

عضو نشط
التسجيل
13 سبتمبر 2008
المشاركات
109
الإقامة
Kuwait
السلام عليكم ورحمة الله وبركاته

شلونكم يا اخوان شخباركم ,,
الموضوع وما فيه
قررت اشتري جيب اي نوع مهما كان افتريت على الشركات وكانت الاسعار حيل خياليه ومرتفعه ,
حصلت عند واحد من الربع جيب كوندر jeep commander الي تكون قصته نفس الشيروكي
موديل 2006
كامل المواصفات
8 سلند
3 فتحات
وارد امريكا
وطبعاً حيل عجبني وسعره مع التحويل 6000 لكن بصراحه حبيت اسأل لانه تعرفون السياره بتكون سيارة العمر والواحد مو قادر يشتري له كل يوم سياره خصوصاً ان الاسعار صدمتني عند التمويل ..
الي حبيت اعرفه هل سعرها مناسب؟ والسياره نظيفه والله ومو ماشيه شي قليل , واذا سعرها زين شنو عيوبها؟ لاني قتله 8 سلندر بتكسر ظهري بانزين قالي لا اهيا 8 سلندر لكن مكينة الصرف 6 سلندر المهم هذا الموضوع سألت فيه خبير وشرحلي الموضوع كله للامانه السياره بخاطري لكن مادري ليش خايف منها , مرات اقول خلاص اخذها اتراجع اقول لا لا وانا ان شاء الله بصلي صلاة استخاره والله يكتب الي فيه الخير اذا كانت من نصيبي الي بعرفه هل خرابتها واجد؟ قطع غيار متوفره؟
الي مو عارفها يقدر يدخل قوقل ويكتب jeep commander

والسلام مسك الختام
 

خالد32

عضو نشط
التسجيل
15 أكتوبر 2009
المشاركات
358
والله ياخوي الفاضل دام ماعليها طلب اكيد في شئ غلط اسأل اكثر واستخير وسيارت عمر يعني فكر بيوم بتبيع وانا بحياتي ماسمعت احد اعرفه شرى مثل هالسياره اوقال اسمها حتى
 

بو بـدر

عضو نشط
التسجيل
7 أغسطس 2009
المشاركات
463
الإقامة
الكويت
فكر بالتاهو كقطع وسوق ورغبة ... الشيروكي أيامه كانت بالتسعينات والحين ماله سوق الا قليل
 

S.D

عضو نشط
التسجيل
19 يونيو 2004
المشاركات
128
فكر بالتاهو كقطع وسوق ورغبة ... الشيروكي أيامه كانت بالتسعينات والحين ماله سوق الا قليل

رايي من راي بوبدر الشيروكي انقرض وراحت عليه ويكفي ان الوكيل يبالغ

بأسعار القطع واستغلالي شوفلك تويوتا وحط راسك ونام ولاتحاتي هذا اللي ماشي بالخليج .
 

Se7T

عضو نشط
التسجيل
25 يونيو 2009
المشاركات
1,079
شوفلك يوكن هالسيارات قطع غيارها غاليه ومالها سوق بسبب سوء ادارة الوكيل ...
 

B-A-1983-A-B

عضو نشط
التسجيل
9 فبراير 2010
المشاركات
5,076
الإقامة
حيث لا احد !
شوف ياخوي جانك راعي ميزانية على قد حالك انصح بالباثفاندر قصة الـ2002 لين 2005 والله خوش موتر استعمالة حلو علتة بانزينة مايقعد اذا انت تدوس ،،، او اخذ يوكن او تاهو خوش موتر شي مرتب وحلو عن نفسي يعجبني اليوكن موديل 2005 اكثر وسعره بالسوق الحين مناسب مو غالي وايد وتقدر علية بس هم علتة لهيط بنازين اذا انت راعي مشاوير ،،، ودي انصحك بالــ q7 اودي بس مشكلتة قطع غيارة نار ... هذا اللي اقدر اقولة لك وانشالله تحصل مرادك وتاخذ موتر يطيب خاطرك .. موفق خو قلبي
 

مساهم11

عضو نشط
التسجيل
29 سبتمبر 2008
المشاركات
2,233
الإقامة
الكويت
انا مدري ليش هالسيارات مو راضيه تدخل راسي
الي هي انواع الجيب الامريكي

انصحك اخوي الكريم تفكر عدل
والمثل يقول اشتر تبيع
مو سياره ان حبيت تبيع تبلشت وان خربت تيلشت وان خليتها تبلشت

رايي عليك حاول تشتري لاند كروزر موديل 2005 او 2006 واحلاهم ال 2007 بس للاسف ما تلاقي النظيف

ولا تطلع من صنفين تويوتا او نيسان كد ومد

انا شخصيا ما اشتري الا جيب نهائيا
وحاليا انا نفسك ادور بس ميزانيتي علي قدي ممكن اخذ باجيرو او ناتيفيا
 

q81963

عضو نشط
التسجيل
8 أغسطس 2008
المشاركات
331
السياره مو معروفه فاكيد انا خرياتها واجد لا وبعد شرط لو تسال راعيها عن الحراره بيقولك ترتفع واجد وانت بسعرك هذا الي هو 6000تقدر تاخذلك جيب موطبيعي ولافيه خرابات وموديله جديد ومكيفه ثلج تدري شنو براااااادو سته سلندر بس خفيييف وطيااره وبالبر وبالشارع يعجبك وبسعرك هذا تقدر تاخذ موديل 2005 او 2006 وموفق خير اخوووي
 

اسكاليد

عضو نشط
التسجيل
4 أكتوبر 2009
المشاركات
703
اسكاليد من 2005 الي 2006 سعره مايتعدي 6000

كل الي تبيه فيه .. فكر فيه :)
 
الحالة
موضوع مغلق
أعلى