ابى شركة تبنى على المفتاح

الموضوع في 'اعلانات العقار' بواسطة بودانيه, بتاريخ ‏4 مايو 2010.

  1. بودانيه

    بودانيه عضو جديد

    التسجيل:
    ‏24 ديسمبر 2009
    المشاركات:
    49
    عدد الإعجابات:
    0
    ابى ابنى بيتى عن طريق شركة بالمفتاح وبصراحة السوق يخرع لكن ما عندى خبرة فى البنيان ومحتاج شركة تسلمنى البيت جاهز... واحد من الربع بنى بيته وتلعوز تعامل مع احسن شركة على كلامه وهى شركة مرايم غروب وسمعتهم كانت زينة ولعوزوه مع ان الدفعات يستلمونها اول بأول... مرة المراقب مسافر شهر ونص والبيت محد يسأل عنه ومرة المراقب موجود و مطنش ما يمر البيت ومرة يجيبون عمال مو على كفالتهم يخربون فى الشغل والمراقب مايتابعهم ومرة يجيبون عمالة تعبانة والبلاط يطبل واذا كلمهم يقولون احنا ركبنا الارضيات وخلصنا... آخر شى سلموه البيت ناقص والله العظيم حتى اعمال الكهرباء ما كملوها وهو كمل التشطيبات من جيبه يقول اجيب عمال وادفعلهم واراقب شغلهم بنفسى ... وما قدر يحجهم فى المحكمة لانهم مضبطين عقودهم على طريقة الدفعات... مثلا الدفعة الاخيرة بعد انتهاء اعمال المساح والصبغ ويستلمونها وهم بعد ما خلصو اعمال الكهرباء او الشتر او الدربزين وغيرها فيظلون ماسكين عليه فلوس...
     
  2. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    السلام عليكم

    اول شئ مبروك علي الارض وان شاء الله تبني بيتك كأحسن مايكون .. اخوي في شركات كثيره تبني عالمفتاح واشهرهم شركه غسان الخالد .. وفيه شركات بس للاسف ( اغلبها ) شغلهم مو مظبوط .. فالحذر الحذر .. ثانيا البنيان مايبيله شئ .. توكل علي الله وابنيه انت احسن لك الف مره .. وخلنا ناخذها بالمنطق الشركه راح تبني لك وتربح من وراك مو اقل من 5 الالاف .. انت اولي بهالمبلغ .. صح ولا انا غلطان ؟؟ ابني انت والسالفه مايبيلها شئ .. بس أسأل .. أسأل .. أسأل .. وراح تعرف كل شئ .. وانصحك تروح بهالموضوع وتقراه عدل مدل وبالتفصيل .. لان الشباب قالوا انه نفعهم كثير ولله الحمد ..
    http://www.indexsignal.com/vb/showthread.php?t=165101
     
  3. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    نفس ما قالك الأخ
    ابعدددددد عن البنيان على المفتاح

    ولا تلعوز نفسك بكثرة التفكير
    اخذها خطوة خطوة
    الخطوة الاولى التصميم
    تتعاقد مع مكتب هندسي (اغلبهم بمجمع الاوقاف)
    وبعدها مقاول تتعاقد معاه على المصنعية فقط
    عندك مواد مدعومة مثل الاسمنت والحديد والطابوق الابيض
    بنك التسليف يعطيك ورقة فيهم موجهة للتجارة
    والتجارة تحدد لك الكمية مع عناوين الشركات

    وباقي المواد من محلات مواد البناء في الصناعية

    اخوي نصيييييييحة البناء على المفتاح
    كارثة لان المقاول راح يحسب عليك اتفه شي ويحط عليك فايدة بعد
    وباقل جودة
     
  4. بودانيه

    بودانيه عضو جديد

    التسجيل:
    ‏24 ديسمبر 2009
    المشاركات:
    49
    عدد الإعجابات:
    0
    جزاك الله ألف خير و راح اسأل عن شركة غسان الخالد...

    ارجو من الى عنده شركة ثانية يفيدنا لانى معزم ابنى على المفتاح اخوكم حده اعليمى لا تقصرون معاى
     
  5. almellyarder

    almellyarder عضو نشط

    التسجيل:
    ‏5 سبتمبر 2009
    المشاركات:
    1,673
    عدد الإعجابات:
    16
    مكان الإقامة:
    الكويت
    سلام عليكم

    ممكن أعرض عليك صفقه تخلص نفسك بنفسك وأنت مرتاح .

    بعد ما تخلص المخطط أعرضه على أكثر من نجار وحداد !

    العمل بالسوق الهيكل الاسود سهل وله عدة أختيارات ( خلط جاهز / خلط ميكانيكي )
    المواد مدعوم عندك يعني إي مكتب يمكن أن يحسب لك ثلاث أدوار ب 45 طن حديد فقط وتقريبا من 400 الى 450 متر خرسانة . والنجار يأخذ منك القسيمة من 3000 الى 3500 د.ك والحداد من 1000 الى 1200 د.ك فقط بالمقطوعية ويتم تحديد الدفعات مثل نظام الهرم .
    والطابوق الابيض مدعوم والاسود يبين بالمخطط كم ألف محتاج بس أنت محتاج تشتري خشب بقيمة 1500 د.ك الى 2000 د.ك وتبيعهم بعد الانتهاء من البناء لو نص القيمة المهم أنت ما خسرت كثير والطريقة الصحيحة كالاتي .
    اتبع وأسأل عن النجار المسلح + الحداد + الكهرباء + الصحي + معلم طابوق + تركتر للحفر .
    شوف في منطقتك أكثر من مقاول أسأله عن البناء ولو يعطيك خبرة عن الهيكل الاسود وعن الكهربائي والصحي وأشلون تتعامل معاهم وخليك ذيب بالموضوع .
    بعد نهاية الهيكل الاسود تدخل مرحلة التشطيب وأعتماد على مسألة حسابية فقط وتستدعي شخص مهنته ( كيال ) وتعطيه 50 د.ك تقريبا ويحسب لك البيت بالكامل وتعطي بنود البيت لعدة جهة أفضل من شركة واحدة علشان لا تتورط وياهم .
    يعني في عدة شركات للصحي و الكهرباء والاصباغ ....... الخ .
    البناء مسألة بسيطة وممكن أتابعك أول بأول عن طريق النت أو بالموقع وإن شاء الله أكسب من وراك أجر عند الله .
     
  6. moschin0

    moschin0 عضو جديد

    التسجيل:
    ‏31 يناير 2009
    المشاركات:
    158
    عدد الإعجابات:
    0
  7. بودانيه

    بودانيه عضو جديد

    التسجيل:
    ‏24 ديسمبر 2009
    المشاركات:
    49
    عدد الإعجابات:
    0
    مشكور والله يجزاك خير والواحد عى نيته الله يرزقه... مشكلتى انى مو ذيب والبنيان مثل ما قلت يبيله ذيب لكن راح افكر بطريقتك

    مشكور اخوى راح اتصل عليهم واسألهم...
     
  8. ابن تيميه

    ابن تيميه عضو نشط

    التسجيل:
    ‏25 يوليو 2009
    المشاركات:
    643
    عدد الإعجابات:
    10
    مكان الإقامة:
    الكويــــــــت
    مشكور للشرح .. شنو شخص مهنته (كيال) ؟ وليش يشتري خشب اذا هو راح يرجع يبيعهم ...............؟
     
  9. ابن تيميه

    ابن تيميه عضو نشط

    التسجيل:
    ‏25 يوليو 2009
    المشاركات:
    643
    عدد الإعجابات:
    10
    مكان الإقامة:
    الكويــــــــت
    يا كثر الي مثلك ... والله ما ألومكم لان تجربه البناء مره واحده بالعمر وما في مجال تغلط ..
     
  10. العقل الحر

    العقل الحر عضو جديد

    التسجيل:
    ‏30 نوفمبر 2009
    المشاركات:
    65
    عدد الإعجابات:
    0
    اخوي

    نصيحه ابتعد عن المفتاح

    يا ليت تدز لي رقمك على الخاص قبل لا تعتمد وان شاء الله تبا تلقا اللي يسرك
     
  11. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
    شركة مرايم الكويت موقعها الفروانيه قالي عنها واحد من الشباب يقول اغلب ربعه بنو عندها وراعيها كندري والله اعلم
     
  12. algabry911

    algabry911 عضو جديد

    التسجيل:
    ‏16 يناير 2009
    المشاركات:
    66
    عدد الإعجابات:
    0
    بصراحة يا المليادير أشكرك وأدعيلك بالخير لأنك حبيت تخدم أخوك المسلمك لوجه الله وقليل من يسوي سواتك
    والله يجمعنا معاك بالفردوس الأعلى ومن يسمعنا ويرانا
     
  13. بوفهد123

    بوفهد123 عضو جديد

    التسجيل:
    ‏14 يناير 2009
    المشاركات:
    33
    عدد الإعجابات:
    0
    جم رقم الشركة الله لايهينك
     
  14. سويسرا

    سويسرا عضو نشط

    التسجيل:
    ‏26 مايو 2006
    المشاركات:
    604
    عدد الإعجابات:
    8
    غسان الخالد يمدحونة اذا احد يعارض يعطينا الأسباب
     
  15. dr.moon77

    dr.moon77 عضو جديد

    التسجيل:
    ‏20 مارس 2009
    المشاركات:
    529
    عدد الإعجابات:
    4
    احسن شي البنيان على المفتاح
    بس اهم شي الشركه المسئوله عن البناء
    لازم تقرا العقد عدل و تشاور عدده اشخاص ذوي خبره في البناء علشان الشركه ما تقص عليك
     
  16. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    الاخ ابودانيه

    اول شئ .. انت ماقلت لنا البيت ارض وقرض من الحكومه ولا اشتريت الارض وعندك كاش تبي تبني ؟؟
    اخوي الشغله سهالات وتفاهه بتفاهه لاتستصعب الموضوع .. اول شئ انت حر بدوامك ولا التزام وماتقدر تطلع من الدوم ؟؟ لانك ان تقدر تطلع الصبح وتجابل العمال الشغله سهله .. شوف انا كنت نفسك مااعرف بالبنيان كوعي من بوعي .. لكن خطوه خطوه الان والحمد لله اعرف الشئ الكثير بحيث مافي احد يقدر يضحك علي بالبنيان بفضل الله سبحانه .. اول شئ كان صديقي يبني .. وقعدت معاه .. وقالي الشسغله سهالات وعطاني مقاوله الي مجربه وخطوه بخطوه .. وأسأل .. وأسأل .. والشغله سهله وانا اخوك ومايبيلها فهاميه زايده .. توكل علي الله واخذ لك مقاول ممتاز .. والامور تمشي بسلاسه .. تري مو كل المقاولين نصابين فيهم الكثير اعيال حلال يبي يترزق الله بالحلال ( عندي واحد مجرب ) .. واذا تبي استشاره او اي شئ انا حاضر .. علي العموم انت قريت موضوعي الي انا حاطه لك ؟؟
    علي العموم اذا تبي تزورني بالقسيمه تشوف الشغل علي الطبيعه ونسولف وندردش انا حاضر .. صدقني راح تستفيد من هالزياره الميدانيه وايد : )
     
  17. بودانيه

    بودانيه عضو جديد

    التسجيل:
    ‏24 ديسمبر 2009
    المشاركات:
    49
    عدد الإعجابات:
    0
    مشكور وما قصرت

    كلمت مهندس مصرى وقال مستعد يقرا معاى العقد مقابل 50 دك ويحط لى ملاحظات خصوصا فى طريقة تسليم الدفعات قالى ان طريقة الدفعات تخلى الشغل يمشى عدل

    مشكور اخوى طارق انا ما اعرف افصل دشداشة اشلون ابنى بيت :) المفتاح وايد اسلم حق اللى مثلى
     
  18. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1

    تسليم دفعات من غير جودة بالشغل ماكو فايدة وتنفيذ شغل بدون دفعة مسبقة محد يشتغلك

    حبيبي روح غسان الخالد ابرك لك مدامك لا انت ذيب ولا تعرف تفصل دشداشة
    على الاقل لها اسمها في السوق ومنفذين الكثير من المباني
    اليوم مر علي مندوبهم بالدوام سألته قال المتر على المفتاح تقريبا 110 دينار
     
  19. بودانيه

    بودانيه عضو جديد

    التسجيل:
    ‏24 ديسمبر 2009
    المشاركات:
    49
    عدد الإعجابات:
    0
    غسان الخالد مسجل معلوماتهم وراح اتصل عليهم... اعتقد سعر المتر يختلف على حسب نوع التشطيبات
     
  20. سويسرا

    سويسرا عضو نشط

    التسجيل:
    ‏26 مايو 2006
    المشاركات:
    604
    عدد الإعجابات:
    8
    لاهل الخبرة

    ماهي افضل شركة لبناء المنزل؟

    وماهي الشركات الجيدة ؟

    وماذا تعرفون عن شركة غسان الخالد اسيكو لبناء البيوت وكيفية البناء؟