منو افضل اليوكن ام الاندروزر 2009

الموضوع في 'اعلانات المركبات' بواسطة المستعمل, بتاريخ ‏5 مايو 2010.

حالة الموضوع:
مغلق
  1. المستعمل

    المستعمل عضو نشط

    التسجيل:
    ‏22 مايو 2008
    المشاركات:
    450
    عدد الإعجابات:
    0
    يا اخوان ناوي اشتري واحد من هالسيارتين وياليت تفيدوني الافضل في الاستعمال والافضل في البيع .
     
  2. ابو الاسهم

    ابو الاسهم عضو جديد

    التسجيل:
    ‏30 أكتوبر 2005
    المشاركات:
    68
    عدد الإعجابات:
    0
    وانا بعد وياكم
     
  3. maax1

    maax1 عضو جديد

    التسجيل:
    ‏5 مارس 2009
    المشاركات:
    367
    عدد الإعجابات:
    0
    مكان الإقامة:
    KUWAIT
    انا اقول لاندكروزر افضل كثيييييييييير بكل شى قوة عملى سعر الحين وبعدين وشكل حلو ومواصفات

    اتمنى نسمع من اعضاء المؤشر بعد

    وموفق بأذن الله
     
  4. abu yousef

    abu yousef عضو جديد

    التسجيل:
    ‏22 مايو 2007
    المشاركات:
    548
    عدد الإعجابات:
    0
    ما فى وجه مقارنه اكيد لاندكروز يعتبر شيك متى ما تبى تبيع الف شراى له وموتر مشهود له تويوتا وبس والله يوفقك بالموتر الى يسرك
     
  5. ابن ضعيان

    ابن ضعيان عضو نشط

    التسجيل:
    ‏11 مايو 2008
    المشاركات:
    349
    عدد الإعجابات:
    0
    ضع أمامك ميزان وضع مواصفات اللاند كروزر واليوكن :

    1- اليوكن سعره بالعرض 9500 موديل 2009 (أنا أخذته) /// اللاند كروزر بالعرض 14800
    2- اليوكن مواصفات رائعة منها الديكور والتلبيس الرائع من داخل السيارة والمرايا الآلية والكاميرا الخلفية والتحويل من قير توماتيك لقير عادي بضعطة زر وسيارة جميلة جداً //// اللاند كروزر من داخل أسود مواصفات لا يوجد للسيارة من داخل ولو طلبت من الوكالة تضع المواصفات الموجودة باليوكن راح يكلفك 1000 دينار زيادة على المبلغ .
    3- سعر السيارة : اليوكن بعد خمس سنوات سعره راح يكون ما بين 6000 و 5000 حسب النظافة //// بينما اللاند راح يكون سعره ما بين 9000 و7000 حسب النظافة يعني اليوكن نزل سعره تقريباً 4000 دينار بينما اللاند نزل سعره تقريباً 6000 دينار
    4- بالنسبة للدبل ماراح تحتاجه بالسنة إلا يمكن مرة واحدة , وإذا كنت راعي بر خذ لاند موديل 2000 نظيف بـ4000 أوفرلك
    5- وصدقني لا يغرك باللاند الشكل تراه بلاستيك وبراغي مثل براغي الألعاب بس مكينة وقير , وحتى اليوكن كذلك .
    وفر 5000 آلاف دينار حطها بجيبك أنت أولى بها من هالنصابين

    وبالنسبة لخدمات الوكالات تراها سيئة
    ونصيحتي لك خذ يوكن نظيف موديل 2005 أو 2006 حتى لو كان أمريكي سيارة دعامياتها حديد وقوية أحسن من اليوكن الجديد الشكل رائع لكن سيارة بلاستيك وحتى اللاند كذلك سيارات زيادة بالإنتاج وسوء بالجودة
     
  6. الوالي@

    الوالي@ عضو نشط

    التسجيل:
    ‏23 يونيو 2009
    المشاركات:
    220
    عدد الإعجابات:
    0
    السلام عليكم
    والله يا خوي كل وله راي انا اقول اذا عندك عائلة طبعا اليوكن احسن لانه وسيع واقتصادي في استهلاك الوقود
    انا مثلك كنت متوهق بين الاندكروزر واليوكن لاني ابيه حق سفر رحت الوكالة شفت اليوكن وشفت الاندكروزر لقيت الاثنين فيهم مشكلة مافي مكان حق الشنط وفي الاخير اخذت يوكن xl
    وذلك بعد استخارة الله سبحانه
    وبالنسبة للسعر بعد خمس سنين تلقى مافي فرق بالسعر
     
  7. ابوساره009

    ابوساره009 عضو جديد

    التسجيل:
    ‏16 فبراير 2009
    المشاركات:
    794
    عدد الإعجابات:
    0
    والله يأخوان اللاندكروزر ما فيه كلام بس يأخوان والله نصب وأحتيال

    أدفع 15400 هذا بالنسبه لكامل المواصفات وأخر شى الطبلون لونه أسود

    وأدفع 15400 وأخر شى الكراسى تحرك يدوى والله قمة المصخره


    والله عند أخوى يوكن أستعملته والله قمه فى الأستعمال

    المشكله عندنا فى الكويت الوكيل نصاااااااااااااااااب
     
  8. ابوفهد الدوسري

    ابوفهد الدوسري عضو جديد

    التسجيل:
    ‏16 فبراير 2009
    المشاركات:
    232
    عدد الإعجابات:
    0
    عليك باليوكن نصيحة اخو سعر وميزات اكثر وخاصة من 2008 وفوق
    انا عندي يوكن 2008 قمة في الاستعمال
    تشغيل عن بعد في اليوكن ، الاندروزر ما فيه
    وغيره كثير ،،،، وسلامتك
     
  9. ابو يعقوب SS

    ابو يعقوب SS عضو جديد

    التسجيل:
    ‏2 أغسطس 2009
    المشاركات:
    233
    عدد الإعجابات:
    0
    هههههههه يعني بتقولي سعر اللاند بعد خمس سنين راح يكون بين ال7000 و 5000 دينار .......؟ عيل شلون تقوله اخذلك لاند موديل 2000 ب4000 دينار ....؟ ليش ماصار ب1000 دينار بس على قولتك او بتقنعني انه ماكو فرق بين موديل 2010 و2000 فقط 3000 دينار هههههههههههههههههههههه
     
  10. ابو يعقوب SS

    ابو يعقوب SS عضو جديد

    التسجيل:
    ‏2 أغسطس 2009
    المشاركات:
    233
    عدد الإعجابات:
    0
    حبيبي نصيحه اخو .. اخذلك لاند حته لو موديل 2006 او 2007 وتوكل على الله السياره سعرها فيها ومتى مابقيت تبيعه موجوده الشرايه وماكو خساره باذن الله ... على قوله المثل قط فلوسك في الشمس واقعد في الظلال
     
  11. mxxy

    mxxy عضو مبدع

    التسجيل:
    ‏28 فبراير 2007
    المشاركات:
    2,665
    عدد الإعجابات:
    1
    مكان الإقامة:
    Kuwait
    جربنا اليوكن جنرال موترز - جربنا الاند كروز تويتا


    آنه أنصحك بشراء يوكن ويفضل دينالي لو كنت قادر ، ولو مو قادر أشتر يوكن عادي وهوه في الحالتين أفضل من الاند كروزر ( اليوكن صناعة أمريكية من جنرال موترز الي تصنع أفخم السيارات ومن ضمنها بعض أنواع المرسيدس والهامر والجي أم أس و التاهو والشفر وتصنع سيارات حربية وسيارات الجارجر والكدلالك يعني من ناحية الهيبه فأنت راكب سيارة محترمه ومحد يقول عنك راعي غنم :p )


    خلنا بالتفاصيل الانسب والعلميه واتركونا من النزعات :D

    1- يوكن ما فوق 2008 (( مكيف قوي بارد خلفي مقسم لجهتين ومكيف أمامي - مناظر كهربائية ذاتيه - تثبيت سرعه بكل الانواع للسفر - تشغيل السيارة من بعيد مع إمكانية وضع التحكم في الصيف والشتاء ليبرد أو يحرر قبل دخول السيارة - مساحة واسعه وكبيرة وسلاسه في القياده لدرجة انك تحس انك راكب سيارة صغيره - كاميرا خلفيه بالمرايه الاماميه مع سنسنر خلفي - جير تبترونيك يصل حتى 6 غيرات - تكنلوجيا داخليه من ضمنها التحكم بمضخمات الصوت تلقائيا على حسب النمط - سهولة تركيب ادوات الزينه وسهولة التصيلح وجود مصنع وسيرفس خدمه جديد الاكبر والارقى والاضخم حاليا في الكويت ويستخدم فقط ل 4 انواع من السيارات الانفوي واليوكن والاكاديا والدينالي يوكن فقططططط - السيررفس مو غالي وشامل والسيارة مكفولة بالكامل وتبديل الدهن بكل مكان وبدون خوف - انه عن نفسي جربت السيارة لموديل 2010 و 2009 - تستخدم السيارة من النوع المتطور وهو الدينالي في حماية الشخصيات الكبيرة مثل الحرس الاميري في الكويت ولا يستخدمون غيرها من السيارات للحرس الاميري علما بأن سعر الدينالي اغلى من الاند كروز لأن الاند كروزر مثلا سعره 14.250 بدون شاشة وسقف والدينالي شاشة وسقف سعره 16.250 وطبعا في لاند كروز ب 17 يوصل لكن اسمع الزوايد كشن مفصول !!! - ثبات في الطريق وعزم كبير في السرعه يدووس قومته قويه والاهم من هذا ان البدي ألف مره اقوى من الياباني ومن اللاند كروز - وبالنسبه حق البر فهم قوي وحتى لو مافيه دبل هم قوي لكن لو فيه دبل بعد اقوى واقوى وخاصتا ان الدبل اتوماتيك مثل الرنج روفر و البورش - وفوق هذا بريك اليوكن وايد اقوى من كل سيارة يابانيه او الكوريه 1- بريك الالماني والاروبي بعدين الامريكي وبعدين الياباني وطبعا اخر رتبه من البريك التيوتا أتوقع السبارو اقوى منه )))




    2- الاند كروز حاليا وضعه وسمعته طاحت وخاصتا بعد سالفة عدم الثبات و مشاكل بالكمبريسور وهذا تقدرون تتأكدون منه في قوقل ( الاند كروزر يعتبر غالي جدا لمواصفات وكل شي فيه يدوي حتى الكشن اللهم لو اخذت كامل المواصفات ب 17 ألف ، وكلنا عارفين ليش جذي سعره وهذا لأن الساير اهوه يرفع سعره وبمزاجه - قوي في البر ويصلح لتطعز في البر وقومته عاديه وما يدوس - لا ثبات في الطريق ولا أمان من جميع الطرازات ماعدا اللكسزس ، قطع الغيار اصليه متوفره من الساير (( كان عندنا موديل 2005 و 2008 برادو ما شفنا مشاكل من الان كروز غير ان السياره من بعد دعمه وحده الهيئه الاماميه طاحت كلها مع ان الدعمه كانت وايد عاديه ، طبعا كل الي شرو سيارات فوق ال 2008 وخاصتا 2009 و 2010 زادت مشاكل الاند كروزر وفقدنا الثقه فيها بالكامل / )) ولي كان يبط جبدي ان كل شي لازم من الساير وبأعلى الاسعار ، وطبعا يوم وصلنا سنة 2008 السيارة بدت تبجي شوي وتقول ابي معونات يديده ويوم بدلناها بعد شهر واحد ردت مرة ثانية تقول ابي معونات يديده فبعناها وبسعر نازل يمكن لأن 2008 بداية الازمه الماليه لكن ما بعناها بسعر زين


    بيني وبينكم أفضل اليوكن وما أرتحنا للاند كروزر لكن شريناه اذكر لأن كانوا وايد ناس يمدحونه وعلى شنو مادري . لكن ما انكر ان كان هم مريحنا لأن خرابته قليله .... لكن الحين اليوكن افضل بكثير يعني يوكن مفصخ سلط ملط اشرف من جيب لكسزس الكبير .


    هذي من وجهة نظري وكل واحد يحدث عن الي شافه .
     
حالة الموضوع:
مغلق