عضو جديد ونصيحه لمستثمرين السوق

الموضوع في 'السوق الكويتي للأوراق الماليه' بواسطة صنيتان, بتاريخ ‏5 مايو 2010.

  1. صنيتان

    صنيتان عضو جديد

    التسجيل:
    ‏2 مارس 2010
    المشاركات:
    6
    عدد الإعجابات:
    0
    السلام عليكم وصبحكم الله بالخير انا بصراحه متابع قديم جدا للمنتدى وكنت اقرأ بعض التعليقات والتحاليل الفنيه وكنت بصراحه استفيد منكم.

    وحسب خبرتى المتواضعه حبيت اعطيكم بعض النصائح وخصوصا للناس اللى ماعندهم خبره بالسوق وقاعدين ياخذون معلومه منيه ومناك.

    اولا: اخوى المستثمر او المضارب السوق الكويتى يختلف اختلاف كلى عن اسواق العالم مو الخليج لانه لاسف يتحكم فيه بعض التجار اللى مستحيل يعطونك ويعطونى فرصه انه نسترزق او نستفيد معاهم فيجب عليك ان تتعلم اشلون تقرى افكارهم وادش معاهم.

    ثانيا: لا ادش براس مالك كله خل دخولك السوق بنسبة 40 بالميه من راس المال والباقى خله احتياط فى حالة الازمات تقدر انك تبرد وتكون فى بر الامان
    وما انصح انك تاخذ قرض وتقول بدش البورصه او ببيع بيتى وبجرب حظى لانه الدين ينتهى بدين وهذى نصيحه من ناس مجربين

    ثالثا: تابع الاخبار وقراءة الصحف والمواضيع الاقتصاديه وخل عندك اكثر من مركز مالى ويفضل بحدود 3 مراكز خصوصا اذا كنت مستثمر صغير عشان تقدر اتركز وتحقق نتائج حلوه ومايمنع انك تستمع للنصائح لكن البيع والشراء هذا قرارك انت وحدك

    رابعا: السوق الكويتى حاليا مو ماشى على التحليل الفنى وهذا جواب البند الاول لانه اللى حاصل الان انه المحافظ قاعده تغير مراكزها الماليه وتنشأ تحالفات جديده وتخارج من بعض الشركات اللى متعثره وخصوصا شركات الاستثمار وبعض من شركات العقار والصناديق الغير كويتيه فيجب الحذر واخذ الحيطه

    خامسا: السوق الان متوجه الى نقطة 7153 وهذا تحليلى انا مع وجود تجميع قوى على بعض الشركات وخصوصا زين ومجموعاتها وباذن الله راح يكون فيه ارتداد الى 8000 مع بعض المطبات العملاقه على نقاط 7400 و 7630 (هذا حسب تحليلى قد اكون مخطئى)

    سادسا: حاول انك ما ادش بالشركات اللى اقل من 60 فلس ليس لانهم معرضين لافلاس ولكن مامنهم فايده بالوقت الحالى انا بصراحه افضل المضاربه فى مجموعة الخرافى والصناعه

    ===============
    هذى بصراحه مجموعة نصائح اللى حاليا فى بالى وحبيت انى انقلها لكم بكل شفافيه واهى موجه بالتحديد للمستثمرين الجدد .

    اخوكم / ناصر العتيبى
     
  2. الطير القطامي

    الطير القطامي عضو نشط

    التسجيل:
    ‏25 سبتمبر 2007
    المشاركات:
    2,178
    عدد الإعجابات:
    2,852
    مكان الإقامة:
    kuwait
    مشكور وجزاك الله خير
     
  3. مستثمراستراتيجي

    مستثمراستراتيجي موقوف

    التسجيل:
    ‏27 ابريل 2010
    المشاركات:
    227
    عدد الإعجابات:
    0
    يعطيك العافيه
     
  4. The Phenomenon

    The Phenomenon عضو جديد

    التسجيل:
    ‏15 سبتمبر 2008
    المشاركات:
    325
    عدد الإعجابات:
    0
    جزاك الله خير اخوي علي النصائح
     
  5. ابو عبادي

    ابو عبادي عضو جديد

    التسجيل:
    ‏3 ابريل 2010
    المشاركات:
    383
    عدد الإعجابات:
    0
    مشكور اخوي على النصيحه الطيبه

    بس تقول لاتدخل على سهم اقل من 60 انا اقولك اقل من 100 فلس لا تدخل عليه لو فيه خير كان ما نزل اقل من القيمه الاسمية