بعد انتكاسة العقار

الموضوع في 'اعلانات العقار' بواسطة القصاص 2, بتاريخ ‏6 مايو 2010.

  1. القصاص 2

    القصاص 2 عضو جديد

    التسجيل:
    ‏20 أكتوبر 2009
    المشاركات:
    1,704
    عدد الإعجابات:
    0
    السلام عليكم ورحمة الله وبركاتة

    ارجوا من الاخوان التعاون ومد يد العون الله يجزاكم كل خير

    يا اخوان بعد نزول العقار واجد من الشباب بقولون في بيوت اسعارها زهيدة جدا وفي اراضي اسعارها نازله جدا ارجوا المساعده منكم

    فكرت انى افتح الموضوع بعد اذن الجميع ويكون عباره عن مرجع لنه جميعا يعنى اى احد منكم يلقي اى اعلان في الجرايد او يجي مكتب ويلقي الاسعار عنده نازلة يجيب لنه رقم تلفونه او يرفق رابط بالمشاركة للاني للامانه تعبت بالحيل وانه افتر على المكاتب واقري الجرايد منها الوسيط والصفاة وغيرها ولم اوفق باعلان من اللى تشوفونهم

    الله يرحم والديكم ارجوا التعاون من باب حب لغيرك ما تحب لنفسك واتمنى اللى يلقي بيت يكون سعره معقول ومقدور عليه او ارض بشرق القرين بحدود 90 الف بالمسيلة او الفنيطيس او ابو فطيرة يدلني وله مني الدعاء باذن الله عز وجل وشكرا

    اخوكم بومزيد
     
  2. القصاص 2

    القصاص 2 عضو جديد

    التسجيل:
    ‏20 أكتوبر 2009
    المشاركات:
    1,704
    عدد الإعجابات:
    0
    السلام عليكم ورحمة الله وبركاتة

    علما بان كشف وزارة العدل اللى جابوه الشباب الله يجزاهم خير في اراضي انباعت على 80 الف دينار الله يجعل فيها البركة لاصحابها نبي من هالاسعار الطيبة وشكرا
     
  3. ابو رجا

    ابو رجا عضو جديد

    التسجيل:
    ‏21 ديسمبر 2006
    المشاركات:
    787
    عدد الإعجابات:
    0
    مكان الإقامة:
    أم الخير
    ابو مزيد بعد التهديدات الايرانيه لضرب القواعد الامريكيه بالخليج نزل العقار

    وراح ينزل لسعره الطبيعي بأذن الله لان العقار يتأثر بنقص السيوله واغلب البنوك ماتمول الراغبين باشراء واذا بتمول من 20 ال 30 الف والتهديداتشي رئيسي
     
  4. القصاص 2

    القصاص 2 عضو جديد

    التسجيل:
    ‏20 أكتوبر 2009
    المشاركات:
    1,704
    عدد الإعجابات:
    0
    الله يجزاك خير ابو رجا

    وبانتظار مشاركة الشباب
     
  5. القصاص 2

    القصاص 2 عضو جديد

    التسجيل:
    ‏20 أكتوبر 2009
    المشاركات:
    1,704
    عدد الإعجابات:
    0
    السلام عليكم ورحمة الله وبركاتة

    يا اخوان ما فيه ارض بالسعر هذا او ما ودكم تساعدوني
     
  6. القصاص 2

    القصاص 2 عضو جديد

    التسجيل:
    ‏20 أكتوبر 2009
    المشاركات:
    1,704
    عدد الإعجابات:
    0
    السلام عليكم ورحمة الله وبركاتة

    هي وحده من الثنتين امه انتم ما ودكم تساعدوني بالحصول على بيت او ارض بسعر مناسب ومن الا سعار اللى تلقونها وانه ما اشوف لا بالسوق ولا بالجرايد منها

    او انه الاسعار ذي مالها اى وجود

    انه كذبت نفسي وصدقتكم مع انى بحثت تقريبا في اغلب المكاتب العقارية وهالاسعار ما شفتها الا بالمشاركت اللى عندنه بالمنتدي امه الجرايد وعروض البيع بالجرايد والمكاتب العقارية غير كذا واسعارهم خيالية وين النزول فهمونى دلونى علموني
    وقلت ان شاء الله واحد يجيب لى سعر زين بس للاسف الظاهر انه كلام في كلام
     
  7. ديناركو لمتد

    ديناركو لمتد عضو نشط

    التسجيل:
    ‏13 مارس 2010
    المشاركات:
    681
    عدد الإعجابات:
    0
    نصيحه اخوي

    نصيحه اخوي

    للعلم قررت اني ادش المنتدي للقراءه فقط

    اخوي في هالمنتدي وايد شباب مالهم شي بالعقار كلش ويطبلون لمجرد الأستمراريه بالموضوع ؛ وعمره ماكان كشف وزارة العدل مقياس للأسعار مجرد يبين لك عددصفقات وسعارها

    قبل فتره تقربيا شهر يناير اقلب المطبلين يقولون فيه نزول معتمدين على الكشف ، كنت محصل ارض ملك لي شركه بالمسيله اعرضوها علي 155الف قلت ها الصبر زين والركاده حلوه ونيه ابي اسكن , وصلو المعلومات حق المنتده كأنه راح تصير الأراضي باسعار التسعينات 50 و70 الف بعد الأنتضار لين تاريخ 25 /3 بالضبط شريت نفس الأرض 170 الف واليوم اعرضو علي شراها 175 الف ورفضة لسبب البنيان اخوي اتعب ارض بالمسيله 400م سد ماتحصلها اقل من 145 الف وبالذات المسيله تتميز انه 5 قطع ومافيها قسايم كثيره



    ولي يقولك القانون الي افرضوه على الشركات بخصوص الضرائب على الراضي اخوي روح بنفسك حق بيت التمويل وشركات الي تملك اراضي
    اسمع منهم اقلب الشركات الي شغاله صح راح تدفع الضرائب ويرد عليك رد بسيط المبلغ الي دفعناه راح انظيفه على سعر الأرض بتقوله ماكوشرايه ساعته يرد عليك الأرضي الموجود مو وايد كلها 4 او5 مناطق ونصها مملوك حق المواطنين الي شرو فلا تعب نفسك



    وازن امورك واذا حصلت في ابو فطيره على 110 او 115 الف توكل على الله اذا تبي تسكن


    اخوي هذا رايي ولاتلتزم فيه مجرد للقراءه
     
  8. بودانة

    بودانة عضو نشط

    التسجيل:
    ‏6 فبراير 2010
    المشاركات:
    254
    عدد الإعجابات:
    0
    اخوى ديناركو رايك مو مجرد قراءة عابرة بالعكس كلامك عين الصواب وانا بعد ما صبرنى الا الاقاويل اللى من غير دراية ولو شارى من قبل توفيرى مو اقل من 50000 دينار يعنى بهالمبلغ ابنى فيها بيت دورين تقريبا او سعر ارض بالخيران ولكن لو تفتح عمل الشيطان والحمدللة على كل حال
     
  9. wiiner

    wiiner عضو نشط

    التسجيل:
    ‏24 يوليو 2008
    المشاركات:
    2,263
    عدد الإعجابات:
    60
    والله ما ادري شنو الي قاعد يصير ، بس اعرف انه نزول ما كو نزول ابدا ... بالعكس راح تشوف صعود تدريجي ، في اقل حسبة الحين البنوك قامت تضك على أهل الودائع ، وهناك ودائع سحبت من البنوك من بداية الشهر وفكر معاي شنو البديل طبعا الابن البار (العقار) هوه افضل استثمار .
     
  10. ديناركو لمتد

    ديناركو لمتد عضو نشط

    التسجيل:
    ‏13 مارس 2010
    المشاركات:
    681
    عدد الإعجابات:
    0
    شكرا للمشاركه

    اخوي بودانه شرايك بمقولة

    لن يعود العقار إلى عصرة الذهبي مع وجود قانون 8 و 9 2008

    انه اقول انه صاحب هذي المقوله ماسك العصاية من طرف الشمال

    لسبب لو انه يراجع اسعار العقار من سنة 1980 لين اليوم راح يلاحظ الأرتفاع الثابت ، صحيح راح يلقه النزول والأرتفاع ولو يلاحظ انه اسعار النزول راح يلقه التذبذب

    واقوى ازمه حاشتنا بالكويت اهي ازمت المناخ الي كسرة ظهور ناس اكبار
    وكان اشدنزول في العقار يومها وصل النزول فيها تقريبا لين 50%بعد مرور اقل من سنتين صعد العقار بشكل موطبيعي ولاحظ انه التاجر الي يشتري العقار عمره مايفكر بالخساره

    وعلى المقوله الي ذكرتها اصبر سنه من بعد تطبق القرار مارح يلقى
    شي من الأسعار في يومناهذا والضرايب الي راح تدفعها الشركات راح يسددها الشاري الأرض وخل يقرون قانون الخصخصه الجديد بعد ينسي مقولته هذي بالمره
     
  11. ودي اربح

    ودي اربح عضو نشط

    التسجيل:
    ‏1 أكتوبر 2004
    المشاركات:
    3,728
    عدد الإعجابات:
    0
    مكان الإقامة:
    ديرة الخير
    أتمنى العقليات اللى مثلك تشارك معانه وتنور الشباب
    كلامك عين العقل وهذا اللى صاير بس وين اللى يقتنع :)
    الله يعوض عليك على الفرقية وطالما انه الارض سكن لك وعيالك لا تتحسف والف مبروك
     
  12. ودي اربح

    ودي اربح عضو نشط

    التسجيل:
    ‏1 أكتوبر 2004
    المشاركات:
    3,728
    عدد الإعجابات:
    0
    مكان الإقامة:
    ديرة الخير
    هلا بالغالي بو دانه كلامك هم عدل وعجزنه وحنا نقول على الاقل الفرقية ال 50000 الف جان شرا فيها شي او تبرع فيها او بني مسيد بسمه في ارض الله الواسعه
    بو دانه اخذ الراي من العقل واللى له خبره بالعقار واذا بتسمع قيل وقال بتم طول عمرك ناطر وتتسحر على نفسك :)
     
  13. عذبي 71

    عذبي 71 عضو جديد

    التسجيل:
    ‏21 ابريل 2009
    المشاركات:
    1,617
    عدد الإعجابات:
    0
    شكرا ديناركو على المشاركة الرائعه
    وشكرا بودانه الغالي
    وشكرا ودي اربح الحبيب

    أؤيد كلامكم واتفق معاكم واسمحولي بالمداخله:

    الاسعار الحالية..
    اسعار الاراض بالكويت غالية ومافي 2 يختلفون على هالامر ولو كنت املك نصف مساحة الكويت اتمنى نزول الاسعار لسبب مهم الاول هو اني مجرب ويلات الايجار وعدم الاستقرار ... ومجرب هموم الاقساط التي ترتبت من بعد الشراء ...وابناء هذا الوطن الكرام يستحقون العيش الكريم والسكن المستقر على ارضهم وفق امكانياتهم المادية المتفاوته...

    الفرق بين الواقع والخيال..
    كلنا نتمنى تغير الاسعار وانخفاضها ونحلم بهذا الشيئ.. لكن الواقع يختلف مع هذا الحلم البريئ والخيال الواسع.. فهذا القطاع التجاري(العقاري) خاضع تحت مظلة كونكريتيه لاتضرها القوانين الحكومية ولا تحطمها الصيحات الشعبية... قد يبني بعضنا توقعاته على مؤشرات خاطئة ويجزم بان الاسعار ستتجه للهاويه كـــ...(الصيف تنزل الاسعار وقانون الضرائب و الجيش الامريكي المفاعل الايراني...) نحن نتفق بان الصيف هو فترة الركود الاقتصادي بشتى الاصعدة لكن بشكل محدود ولفترة محدودة وهالمحدودية لاتعد مكسب للعازم على الشراء..

    نصيحة من القلب...
    يبقى امر اخير طالما كررناه للاحبة الذين يقسمون ويجزمون ويؤكدون على النزول القادم.. قبل سنه كان موعدهم الصيف الماضي وانتهى الصيف الماضي قالوا 2010.... واليوم يقولون 2011 والحبل عالجرار... والايام لا تعزي الخسران... وهالحبايب لو في مخابيهم دراهم جان شروا من زمان لكن في ناس ما عندها قدره ماليه ولا تملك غير محاربة هالفكرة...يعني جنك تسأل راكب تاكسي بالاجرة اشرايك بسيارة رولز رويس... بيقولك اي مجنون بيشتريها ومن عنده فلوس يضيعها على سيارة جلحه ملحه وهذي سيارة فاشلة ومافيها خير ... وبكرة بتشوفها لتوصيل طلبات المطاعم...

    بالنهايه...
    العاقل خصيم نفسه واحنا ما نتكلم لمصلحه خاصة والله يشهد ..
    ومن يتهمنا بمشاركاته باننا اصحاب مصالح فهؤلاء لايخافون الله.. والله حسبهم ونعم الوكيل..ولن تهمنا اتهاماتهم..
    هدفنا هو تنوير الناس... وانا يحترق قلبي لما اشوف اخوي بودانه وديناركوا والقصاص وغيرهم يفوتون الفرص .. ويدفعون بالتالي الطاق طاقين بسبب نصائح هوجاء ...وكلمن بعقله راسه يعرف خلاصه.
     
  14. ابو نجم

    ابو نجم عضو جديد

    التسجيل:
    ‏2 مايو 2010
    المشاركات:
    94
    عدد الإعجابات:
    0
    الأسعار في أبوفطيره

    تابعت الأسعار في أبوفطيره منذ فتره - والأسعار في تصاعد تدريجي شبه ثابت- وزادت بشكل واضح في الأيام الأخيره على عكس كلام بعض الشباب
     
  15. look4lands

    look4lands عضو جديد

    التسجيل:
    ‏17 أكتوبر 2009
    المشاركات:
    99
    عدد الإعجابات:
    0
    الأخوة الكرام الصابرين

    لا تتأثر بكلام اللي شاري على غلاء و متحسف ، الكل يبي يدافع عن قراره بس مو على حساب العقل و المنطق

    شوفوا كشف العدل وراح تلقون النزول الحقيقي و التدريجي ، انا برايي تنتظرون لين يتم تطبيق قانون الضرائب على الأراضي الفضاء و راح تشوفون التجار و محتكري الأراضي يصرفون ممتلكاتهم و هذا الشي ملاحظ من الحين و منطقي ، اللي يملك أكثر من 5000 متر مربع راح يدفع 10 دنانير سنويا لكل متر مربع ، يعني مثال من اللي هالأيام قاعدين يعرضون بلوكاتهم على 50 قسيمة ضريبتهم 200 الف دينار سنويا!! قولي منو من هالتجار الجعوص راح يتحمل يدفع هالضرايب؟ راح يتخلصون من الأراضي و يطرون بتخفيض الأسعار و هذي دوامة تأثيرها قوي على الأسعار و الكل فاهم ضغوط البيع على الأسعار

    و اللي يقولك قيمة الضرايب راح تنضاف على قيمة البيع أقولك هذا ما عنده سالفة ، اذا الحين و بهالأسعار محد قاعد يشتري و البيعات تنعد على الأصابع شلون راح يبيع بسعر أعلى و الكل يدري ان تاجر الأراضي مضغوط و لازم يتخلص من ممتلكاته قبل تطبيق الضريبة للسنة المقبلة؟؟؟؟ بالعقل و المنطق راح يبيع على سعر أقل و هذا سيجذب انتباه الناس بأن اتجاه السوق الى الأسفل
     
  16. القصاص 2

    القصاص 2 عضو جديد

    التسجيل:
    ‏20 أكتوبر 2009
    المشاركات:
    1,704
    عدد الإعجابات:
    0


    السلام عليكم ورحمة الله وبركاتة

    الاخ ديناركو الله يجزاك كل خير على نصيحتك وان شاء الله في ميزان حسناتك
    انه دشت على السنه الثانية وانه ادور بيت او ارض بسعر مناسب نزلت الاسعار اول 2009 بس صار معي مع اغلب اللى اعرفهم واللى بالمنتدي ترهيب وتدري الشرا يبيله قرار واذا انت معزم ويجيك واحد يقولك كلمة ترد وتسحبها الف حسبه وتقول الدينار الزيادة حق عيالى ابرك وقررت الانتظار ولكن الاسعار عادت الى الارتفاع ووصلت حد فوق استطاعتى ومقدوري المادي وهذا الحين اخوك منتظر الفرج من الله عز وجل عل وعسي تنزل اشوى
    انه عن نفسي كانت مثلا ارض في شرق القرين معروضه على ب 73 الف دينار فقط والتردد والترهيب قلت ال 5 الاف انه اولى فيها لو تنزل الاسعار وبكره افضل من اليوم واللى حصل انه بدال لا اوفر ال 5 الاف دينار صارت الفرقية 42 الف دينار
    يعنى اليوم الارض الشارع الواحد ب 115 الف - 73 = 42 الف دينار الله المستعان
    وطبعا الفرق ما اقدر اجيبه من وين الفرق كبير وهذ اانه متعلق والله انى تعبت وانه اجي المكاتب عرفوا وجهى العالم
    قسما بالله خير ما فعلت انك تجرات وشريت وجعلها ارض مباركة ولا فيها حسوفه هي بيت العمر وكل ما ضاق صدرك من اللى دفعته شوف عيون عيالك وقول لنفسك اللى سويته لهم وشكرا
     
  17. القصاص 2

    القصاص 2 عضو جديد

    التسجيل:
    ‏20 أكتوبر 2009
    المشاركات:
    1,704
    عدد الإعجابات:
    0
    السلام عليكم ورحمة الله وبركاتة
    هذا اللى صار معي بالضبط والله المستعان وشكرا
     
  18. القصاص 2

    القصاص 2 عضو جديد

    التسجيل:
    ‏20 أكتوبر 2009
    المشاركات:
    1,704
    عدد الإعجابات:
    0
    السلام عليكم ورحمة الله وبركاتة
    الله يجزاك خير على مداخلتك
    الفرق صار من 73الف الى 115 الف انت قولي نزول او صعود وشكرا
    الصبر ثم الصبر ثم الصبر
     
  19. ديناركو لمتد

    ديناركو لمتد عضو نشط

    التسجيل:
    ‏13 مارس 2010
    المشاركات:
    681
    عدد الإعجابات:
    0
    سلام للكرام

    الله يبارك فيك وان شالله تجاورنا على الأقل بشرق القرين

    بس ياخوي الي قاعد يصير ذنوب بذنوب لمه تعطي واحد معلومه مغلوطه ويعتمد عليها ويخسر اهني تكون اذنبت وهذا الي صاير اليوم
    العالم تتكلم وهي مالها شغل بالعقار


    والله المستعان
     
  20. ديناركو لمتد

    ديناركو لمتد عضو نشط

    التسجيل:
    ‏13 مارس 2010
    المشاركات:
    681
    عدد الإعجابات:
    0

    هلا اخوي عذبي

    الله يبارك فيك تره متابع واقره لك ودي اربح الصور الي مصورينها بالمسيله
    الله يعطيكم العافيه :)