وين رايحين..!!!

الموضوع في 'السوق الكويتي للأوراق الماليه' بواسطة بوعنتر, بتاريخ ‏20 فبراير 2005.

  1. بوعنتر

    بوعنتر عضو نشط

    التسجيل:
    ‏30 مارس 2004
    المشاركات:
    821
    عدد الإعجابات:
    257
    الحمد والشكر لله على هذا الارتفاع اولا ...اللى شفناه باليومين اللى طافو ماشفتهم من سنتين اخر مره اذكر ارتفاعات بالشكل هذا قبل اكثر من سنه ونص....ثانيا نبارك لحمله اسهم المخازن واخواتها :) وانشالله الباجي عن قريب والله يرزقكم من حيث لاتعلمون.....طبعا معروف سبب ارتفاع المخازن واخواتها بالحد الاعلى وانشاء الله الى الاعلى والاعلى ولكن الغير مفهوم كثير من الشركات ليش مرتفعه بشكل غير منطقي وغير معقول ؟؟؟؟!!! وينهم من زمان ؟؟؟اخشى ان تكون فرصه للتصريف بحسبه بسيطه قيمه العقد 3 مليار دولار اي تقريبا مليار دينار كويتي لو نزيد سوقنه مليار راح يصير تقريبا 21 مليار هذا بفرض ان القيمه السوقيه للسوق 20 مليار اي بعباره اخرى لازم يرتفع المؤشر السعري بحدود 4% يعني محتاجين250 نقطه تقرييبا.... امس واليوم شفنه 180 الباجي 70 نقطه وراح اشنوفها باجر انشالله هذي الحسبه من تأليف بوعنتر :d خلاصه القول المفروض المخازن واخواتها اهي ترتفع واهي اللى لها نصيب من ال250 نقطه مو الاسهم اللى طايح حظها طول السنه ولقوها فرصه يمشون بضاعتهم وحشر مع الناس عيد ...وطبعا الحين الوضع والبيئه مناسبه جدا حق الاشاعات وانا الحين بألف لكم جم اشاعه

    -المخازن راح تورد (دواجن) و(لحوم)
    -المخازن راح تستعين بوسائط (نقل)و( معدات)واجهزه (تبريد)
    -الشركه الفلانيه اكتشفت ان عندها اسهم بالمخازن يوم ماكان سعر السهم 100 فلس (ويطلعون 50 سهم ) :d
     
  2. bu3teeg72

    bu3teeg72 عضو نشط

    التسجيل:
    ‏21 سبتمبر 2004
    المشاركات:
    798
    عدد الإعجابات:
    0
    مكان الإقامة:
    الكويت
    أما سالفت حشر مع الناس عيد فهذي صج.. الأسهم اللي لها واللي ما لها صعدت
     
  3. المستثمر الراكد

    المستثمر الراكد عضو جديد

    التسجيل:
    ‏13 يناير 2005
    المشاركات:
    622
    عدد الإعجابات:
    0
    إى و الله حشر مع الناس عيد . أنا بس ودى أعرف سهم طايح حظه مثل العقارات المتحده صار له سنين نايم شنهو اللى صحاه اليوم . ديروا بالكم ترى حتى لو يعطونه عقد جامبو له بروحه ما يصعد . العابهم صارت قديمه .
     
  4. بوعنتر

    بوعنتر عضو نشط

    التسجيل:
    ‏30 مارس 2004
    المشاركات:
    821
    عدد الإعجابات:
    257
    عزيزي السهم الراكد سهم العقارات المتحده سهم ىمحترم جدا وكنت متوقعله صعود بس مو الحين بس بما انه السوق كله صاعد اللى له واللى ماله شغل
    مع الخيل ياشقرا فصارت زلقه بطيحه ....هذا اولا
    حاليا تتجه معظم انظار المضاربين باتجاه مجموعه المخازن وراح يوخرون عن الشركات الثانيه ممايؤدي الى تحرر بعض الاسهم من ضغط المضاربين فتشوفها خفيفه جدا تطير مثل الفراشه ..تطير بالعالي بعد مايخلصون المضاربين من شغلهم بالمجموعه الطيبه يلتفتون حق الاسهم الثانيه طبعا تكون بالعالي فيصدونهم المحافظ والصناديق مثل صيد الحمامه وسلامتكم ;)
    هذا ثانيا
    فى ناس بارك الله فيهم مطلعين نظريه تقول قط فلوس باي شي السوق طالع ..كله يودي ...كل الطرق تؤدي الى روما ..... :d

    المجموعه منطلقه الى الهدف بقوه بيان اجتازت الحاجز الاول بنجاح 475 مقاومه قويه جدا جدا لبيان باجر ال500 اذا طافتها بيان فاللعب راح يحلو وللحين المخازن والوطنيه تسخين ماشفنه شي متوقع اللعب راح يكون حامي جدا

    انشاء الله موفقين ياخوان بس لاتطمعون ..