###هــــــــــــــــــــــــــــــام حق مصلحتك عشان لا تصير فيك نفس ما صارت فيني###

الموضوع في 'اعلانات المركبات' بواسطة بوجويس88, بتاريخ ‏8 مايو 2010.

حالة الموضوع:
مغلق
  1. بوجويس88

    بوجويس88 عضو جديد

    التسجيل:
    ‏28 فبراير 2009
    المشاركات:
    168
    عدد الإعجابات:
    0
    بسم الله الرحمن الرحيم


    يوم الاربعاء رحت انا و أخوي نشوف لكزس معروض للبيع بأحد المكاتب وارد أمريكا

    و كان سعره حلو

    و كنا شايفينه بموقع كيوايت كار و هذي صورته

    [​IMG]


    بعد ما رحنا شفناه كانت ماشية 47 الف ميل و كل شي تمام التمام
    و السيارة من داخل نظيفة

    و أخوي دخلت بخاطره خصوصا ان راعي المكتب مدحه وايد و قال هذي السيارة ما ياخذونه الا الدكاتره لأنها غالية مناك

    و بعدين عربنا السيارة و هذي صورة الوصل

    [​IMG]



    و بعدين كنا قاعدين بالشاليه و ولد عمتي توه ياي من أمريكا و أخوي فتح موضوع السيارة
    جان يقول ولد عمتي : اصلا مكاتب الكويت ما يبون الا زبالة أمريكا انا كنت مناك و الاسعار نفس الاسعار ما تفرق وايد و خذها مني بدام سيارتك بهذا السعر أكيد سيارتكم من شركة تأجير لأن مناك كل شي يتأجر و نصيحة مني دش موقع carfax و حط رقم الشاصي و تأكد من السيارة

    المهم اليوم حطيت رقم الشاصي طبعا مع دفع 15 دولار حق خمس سيارات

    و شوفو الكاااااااااااااااااااااااااااااااااااااااااااااااااااااااااااااااااااااااااثة


    السيارة ماشية 77 ألف ميل و مالت شركة تأجير و هذي صورة التقرير


    [​IMG]

    طبعا راعي المكتب لما وريته التقرير قال الي تامرون فيه انا حاظر و رجع العربون بدون اي معارضة

    و لكم التعليق​
     
  2. am7

    am7 عضو نشط

    التسجيل:
    ‏6 فبراير 2006
    المشاركات:
    618
    عدد الإعجابات:
    3
    مو بس جذي
    السيارة عليها تقرير حادث
    Accident Damage Reported
     
  3. بو جابر

    بو جابر عضو جديد

    التسجيل:
    ‏7 يوليو 2009
    المشاركات:
    617
    عدد الإعجابات:
    0
    الله يعطيك العافية حجي معروفة السالفة أغلبية السيارات اللي تجي من بره مظروبه ومع الاستعمال راح تبين المشاكل عندك أفضل شيء أنك تأخذ من الوكيل حتى لو تدفع شوي أغلى على الاقل يعطيك كفالة والله يعوضك خير
     
  4. صقرالبحر

    صقرالبحر عضو نشط

    التسجيل:
    ‏23 سبتمبر 2005
    المشاركات:
    2,703
    عدد الإعجابات:
    4
    ماشاء الله عليك
    شريت السياره ودفعت عربون
    بدون لاتفحص وجاي تنصحنا بعد

    بدال ماترجع السياره ودها الرمال الذهبيه
    وافحصها ويبين هناك اذا زينه ولا لا
    وماقصر راع المكتب المفروض مايرجع العربون
    اصلا

    قالي ولد عمتي
    مادري شنو ولد عمتي
     
  5. نواف الخالدي

    نواف الخالدي عضو جديد

    التسجيل:
    ‏26 سبتمبر 2008
    المشاركات:
    405
    عدد الإعجابات:
    0
    نفس الموضوع صار معااي بس انا كنت اشطر منك وخذيت رقم الشاصي بالاول قبل لا ادفع شي وجيكت
     
  6. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    لا يحوشك ..!
     
  7. am7

    am7 عضو نشط

    التسجيل:
    ‏6 فبراير 2006
    المشاركات:
    618
    عدد الإعجابات:
    3
    هذا سلمك الله ولد أخت أبو بوجويس88
    شكله حكيم زمانه و ما يثنّـي السالفه :)
     
  8. ابو نواف محترف

    ابو نواف محترف عضو نشط

    التسجيل:
    ‏12 ابريل 2010
    المشاركات:
    641
    عدد الإعجابات:
    2
    مكان الإقامة:
    السعوديه بلدي
    الله يسامحك ياراعي الموضوع يمكن مايدري صاحب المحل ان بعض ظن اثم ياخوي يا تقول خير او اسكت ==


    والد عمتي اي والله شنو والد عمتي======= قول والد عمي
     
  9. بوجويس88

    بوجويس88 عضو جديد

    التسجيل:
    ‏28 فبراير 2009
    المشاركات:
    168
    عدد الإعجابات:
    0
    اشكر كل من ساهم بالموضوع

    أخوي صقر البحر شالأسلوب جن محل السيارات محلك عسى ما شر ،،،، الظاهر ما قريت الموضوع عدل انا قلت عربنت ما شريت


    الشي الثاني حبيبنا بونواف انا ما اتهمت الريال و قلت عنه نصاب و لا جذاب انا مجرد نقلت الحادثة الي صارت معاي

    عاد الله أعلم الريال يدري و لا ما يدري


    بعدين انا ناقل الحادثة حق مصلحتكم تخيل السالفة تسير فيك و تشتري السيارة ما تتضايج

    انا مثل ما ارضىاها حق نفسي همن ما ارضاها حقكم

    و أرد و أقول جزاه الله ألف خير ولد عمتي الي نبهني على الموضوع


    تسلم أخوي am7 ؛)
     
  10. الجعص

    الجعص عضو نشط

    التسجيل:
    ‏14 فبراير 2010
    المشاركات:
    136
    عدد الإعجابات:
    0
    جزاك الله خير يا طيب
    شاكرلك على نقل موضوعك ونصيحتك لنا:)
    ما يحس فيها الا اللي يطيح فيها
     
  11. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    اخوي ليش تقطع رزق الريال امسح الموضوع الله يجزاك خير دام تعاون وياك صاحب السياره
     
  12. abo_ghala

    abo_ghala عضو جديد

    التسجيل:
    ‏12 ديسمبر 2009
    المشاركات:
    32
    عدد الإعجابات:
    0
    الاخوه الشريطية اللي ردو على الموضوع ارجو انهم يعتذرون لصاحب الموضوع على الكلام الفاضي اللي قالوه

    قل خيرا او اصمت

    واحد يقول قطعت رزق الرجال -- الحين لي شفت الحرامي وبلغت عنه اكون قطعت رزقه من السرقه ولا الافضل اعلم الناس واحذهم منه ؟؟؟؟!!!!!افضل
    الا الله يجزاك خير يا صاحب الموضوع على التنبيه لا ينصبون علينا

    وبعدين الشريطية اللي تسولف عادي عندهم هالشيئ اهم يسوونه ما يبونك تخرب عليهم .عيب عليك تعلق على كلام الرجال ولا تعلق على الموضوع نفسه وانت شكو ولد عمته ولا ولد عمه تعرف المرجلة انت عشان تعلم الناس

    لأن الرجال الواعي ما يغلط على الناس بهالطريقة

    شكرااا مره اخرى لصاحب الموضوع
     
  13. عمر العوادي

    عمر العوادي عضو جديد

    التسجيل:
    ‏10 نوفمبر 2009
    المشاركات:
    45
    عدد الإعجابات:
    0
    اخوي انت الغلطان بالاول

    مافي احد يفكر ياخذ سيارة قبل ما يفحصها.... يعني اي مكتبه سيارات بيقولك شيل السيارة افحصها قبل ما تدفع العربون عادي

    بس شكله لانها دخلت خاطركم وعجبتكم فاتسرعتوا وما فحصتوها بالاول

    والحمد لله ان ولد عمتك نبهك ولا جان طاحت براسك

    وعلى فكره الكار فاكس يوم يعطيك تقرير الحادث ما يبين شو الحادث... يمكن مجدر زجاج النافذه ولا شي بسيط ما ياثر

    والسموحه منك
     
  14. ابو نواف محترف

    ابو نواف محترف عضو نشط

    التسجيل:
    ‏12 ابريل 2010
    المشاركات:
    641
    عدد الإعجابات:
    2
    مكان الإقامة:
    السعوديه بلدي
    الله يجزاك خير وانا اسف علي كلامي
     
  15. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    يا ابوي انا اقول شتخربط لا ني شريطي ولا شي و صاحب المكتب لو حرامي جان كله فلوس الريال من العربون , عشان جذيه انا اقوله لا تقطع رزقه و سامحه دام تعاون وياك ..... شكرا
     
  16. بوجويس88

    بوجويس88 عضو جديد

    التسجيل:
    ‏28 فبراير 2009
    المشاركات:
    168
    عدد الإعجابات:
    0
    اشكر كل من شارك بالموضوع

    خصوصا ابو غلا و الله كلامك على راسي بس ما ودي اتكلم

    اول شي يا حبايبي لو اروح افحصه ما يبين اذا العداد ملعب فيه لا لأ

    بعدين تكفون شالمنطق و المبدأ الي يقول بدام ردلك العربون لا تقطع رزق الريال

    قصدك لا اقطع بوق الريال ،،،

    يعني لو نصاب بايق مليون و انا بايق مني الف و ردلي اياه ،،، حرام ابلغ عليه بالمحكمة عشان لا اقطع رزقه بصراحة منطق غريب عجيب !!!!!!!!!
     
  17. LEEDAR

    LEEDAR عضو جديد

    التسجيل:
    ‏28 يناير 2009
    المشاركات:
    276
    عدد الإعجابات:
    0
    مكان الإقامة:
    كويت العز
    اشتريت سياره من مكتب بالري فورد جراند ماركيز 2009 ماشيه 25 الف طبعا اخذت صورة الدفتر قلتله بحولها اقساط ورحت للوكاله وجيكت على اااااخر سيرفس طلع 40 الف .مو معناتها كل المكاتب نصابين بس ديربالكم قبل لاتشترون سياره الواحد يكون حرررررريص
     
  18. am7

    am7 عضو نشط

    التسجيل:
    ‏6 فبراير 2006
    المشاركات:
    618
    عدد الإعجابات:
    3
    اسمحولي يا شباب
    بس ترا المكاتب اللي يجيبون سيارات ملعوب بعدادها من أمريكا إذا مو نصابين فهم أغبياء
    معقوله مكتب متعود يجيب سيارات من أمريكا ما يشيك عليها بكار فاكس
    إذا حنا ناس عاديين نشيك بكار فاكس يعني مكتب ما يشيك
     
  19. ربيع الصمان

    ربيع الصمان عضو جديد

    التسجيل:
    ‏23 يناير 2009
    المشاركات:
    102
    عدد الإعجابات:
    0
    السلام عليكم ....... بحكم دراستي في امريكا وماشفته جدامي
    الموضوع جدا" بسيط ولايستاهل ...... ولكن ابشارك عل الفائده تعم الجميع........

    اولا" : موقع carfax (غير دقيق) وبالاخص الموديلات الحديثه ومو كلها تلقاها بالموقع من 2007 وفوق
    ثانيا": تقول السياره ماشي 47 وبالموقع 77 يعني مافيه فرق عادي
    ثالثا": قبل ماتشتري وتدفع عربون ...... افحص السياره.... لان العربون مايرجع
    رابعا": مافيه مكتب يضمن العداد ..... وماعليك من اللي يمدح سيارته لاتشتري منه ....... اهم شي الفحص
    خامسا": بالتحديد 11/2006 صدر قرار من الوكيل المساعد للمرور ومن الجمارك ...... ممنوع دخول والترخيص (لسيارات السالفج) الغرقانه والمدعومه
    وبصراحه صاحب المكتب اكيد وافد وتعاون معاك ..... لو من ربعنا انسى يرجع العربون ولو تشتكي لتجاره مافيه سند قانوني وموثق رسميحتى مانظلم صاحب المكتب حتى السيارات المستعمله عندنا فيها متلاعب بعداداتها لا وسيارات تاجير مثل السيارات الضخمه نازله عن الاستعمال الشخص اكثر من 1000 وسمحولي على الاطاله
     
  20. اماني الكويتيه

    اماني الكويتيه موقوف

    التسجيل:
    ‏2 مايو 2009
    المشاركات:
    566
    عدد الإعجابات:
    0
    بو جويس
    عسى ربي ينور عليك دنيا واخره مثل مانورت علي خوانك واخواتك
    والله انا مالي بالسوالف بس فعلا انت رجل فيك خير وعسى ربي
    يرشدك لصواب انت وذريتك وكل من تحب يارب
     
حالة الموضوع:
مغلق