ابي نصيحتكم في برج زمزم شراء اسبوع في السنه مع التفاصيل الممله وهل هم ثقه ام ماذا

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
:) :) :) :) :)
 
التسجيل
13 يناير 2005
المشاركات
622
ثقه أعتقد نعم ...... العرض هل هو مغرى .... أعتقد لا .....

بصفه عامه فكرة شراء الوقت فاشله فاشله فاشله ....
 

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
شكرا المستثمر الراكد
بس يقولك تقدر انتفاع وتقدر استثمار والأستثمار لا يقل عن 15%ربح

ابي تفاصيل احد ملم فيها جيدا او داخل فيها
 

nasr 2

عضو نشط
التسجيل
28 نوفمبر 2004
المشاركات
393
الإقامة
عوهه
تبي نصيح لاتحط نفسك بزاويه

خلك حر يوم فى فندق ويوم فى شقة ;)
 

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
اخ ناصر مو شرط اسكنها اقدر استثمرها
 

nasr 2

عضو نشط
التسجيل
28 نوفمبر 2004
المشاركات
393
الإقامة
عوهه
نعم تقدر تأجرها او تبيع هذا مالك لك حر التصرف ;)
 

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
ابي تفاصيل اكثر عنها واحد يعرف لهم
 

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
نبي احد عنده خلفيه عنهم من جميع النواحي
 

الخلوري

عضو متميز
التسجيل
17 مارس 2004
المشاركات
831
الإقامة
الكويت
الاخ حسن
حسب المعلومات البسيطة الي عندي ان برج زمزم وقف والمدة التي يمكنك استثمارها اعتقد انها 25 سنة ويمكن توريثها وكذلك بيع المدة المتبقية

الاسعار لا اعرفها ولكن تزيد الاسعار بحجم الشقة المراد شراءها بالبرج

اذا كنت مستثمر فافضل وقت تشتري وقتك ( اسبوع او اكثر ) خلال 10 الاواخر من رمضان لانك تضمن التأجير فى هذا الوقت وباسعار مرضية وعائد لا بأس به
ويمكنك ايضا بيع المدة المتبقية لمن يريد الشراء

واذا كنت تريد المزيد من المعلومات لهم فى سوق المهلب موقع يمكنك الاستفسار منهم

الخلوري
 

محمد2000

موقوف
التسجيل
6 فبراير 2005
المشاركات
1,004
الإقامة
الــQ8ــكــويــت
السلام عليكم
برج زمزم لك اسبوع بالسنة تقدر تختار اي وقت ماعدا رمضان والحج لايوجد لك اسبوع وعلاوة علي ذلك تدفع مصاريف عامة علي الاسبوع سنويا مثل الحراسة والتنظيف وباقي الخدمات اعتقد 100دينار سنويا لمدة 25 سنة من غير السبعه آلاف اللي راح تدفعها كاش او بالتقسيط.
وعليك الحساب .
وسلامتكم وتعيشون
 

المقرود

عضو نشط
التسجيل
8 نوفمبر 2004
المشاركات
838
توصية شخصية من مدير كبير في شركة زمزم ، قال:

(أنصحك ألا تشتري)

هذه التوصية طبعا من ناحية استثمارية ، أما من ناحية انتفاع شخصي واستغلاله بالسكن ، فنعم ، بالطبع سيوصي بها
 

زيبق

عضو نشط
التسجيل
20 نوفمبر 2004
المشاركات
133
استثمار، فاشلة جدا... لأنه صعب جدا تأجيرها أو بيعها.. لسبب بسيط، إذا الشركة نفسها تفحط لين تسوق اللي عندها من شقق شنو فرصتك أنت في أن تقوم بتسويق شقتك :) وأيضا شنو احتمال انهم يسوقون لك شقتك ويستثمرونها نيابة عنك، بينما هم لا يزالون يملكون شقق لم تباع؟!

الأمر الثاني: الانتفاع... أيضا فاشلة لكن ليس جدا :)
هناك رسوم سنوية للصيانة والحراسة وما أعرف ايش، يعني كأنك تدفع إيجار سنوي... تخيل إنك في سنة من السنين لم تستطع أن تذهب إلى العمرة، ولم تستطع (وهو محتمل جدا) أن تؤجر الشقة، يعني دفعت فلوس على خالي بلاش :)
هذا الأمر سيتكرر أكثر من مرة، لذلك بعد كم سنة ستكتشف إنك متوهق بفترة زمنية تدفع أجرها سنوي، بدون لا تستفيد منها :)

لكن إنما إن كنت من أصحاب الوقت المرن، وبإمكانك متى ما بغيت تشيل (قشك) وتروح العمرة، مع ملاحظة إن الشركة (زمزم) لن تعطيك الشقة بمجرد أن تتصل عليهم وتقول أنا بروح العمرة، سوف يخبرونك لو سمحت لازم نشوف الحجوزات والدور والوقت، ولازم تبلغنا قبلها بمدة كافية، الخ! يعني قصة كبيرة!
باختصار ما تقدر تروح العمرة متى ما طرى على بالك، لازم تبلغ الجماعة قبلها بفترة كافية ليحضرونها لك... ويا ترى منو يبي يشتري شقة وبالأخير يكتشف انه ما يقدر يستخدمها إلا إذا بلغ الشركة قبلها بشهر أو شهرين يمكن!!

في الختام... القرار قرارك... لكن أنا لي تجربة وعذاب مع (التايم شير)، وصلت فيه في نهاية المطاف إلى أنه نظام ما يصلح لنا يا الخليجيين... التايم شير يصلح للأجانب اللي يخططون سفرتهم قبلها بسنة، ويرسمونها من الألف إلى الياء!

وسلامتكم :)
 

دهن العود

عضو نشط
التسجيل
14 مايو 2004
المشاركات
49
الإقامة
الكويت
السلام عليكم

بالفعل كما قالوا الاخوان حاول الابتعاد عن هذا العرض اذا كنت ناوي ان تستثمر

انا واحد من الناس اللي قعدت مع احد الموظفين وسألتة عن التفاصيل الممله
وحسبتها كالاتي :

اخترت عرض اول عشر ايام في شهر رمضان القيمه اكثر من عشرين الف دينار
لنفرض ان تأجير الشقه في اليوم الواحد 90 دينار
90 ظرب 10 = 900دينار

900-100 الرسوم السنويه على الخدمات - عشره في الميه عمولة التأجير عن طريقهم يعني 80دينار = 720


كل سنه اربح 720 بعد ما اكون دافع عمولة التأجير للشركه ورسوم الخدمات والصيانه

720 ظرب 24 سنه المده الاستنفاع = 17280 دينار هذا ربحي
الحين كم دفعت للشركه جزاها الله خير

اول عشر ايام في شهر رمضان قيمت العقد اكثر من عشرين الف دينار كويتي ابصراحه ما اقدر اذكر الرقم بالتحديد لاني ناس والله اتمنى على اللي يعرف ان يذكرني
بس اللي متأكد انه اكثر من عشرين الف دينار

ولو طبقت هذه الحسبه على جميع العروض سوف تجد نفسك بعد اربع وعشرين سنه خسران جزء من راس مالك :)
تخيل لو شاري اسهم المخازن ابهالسعر وبعد اربع وعشرين سنه جم راح تملك :D

هذه الحسبه التقريبيه تبين ان الشركه لم تفكر في مصلحه المستثمر بالدرجه الاولى وتجدهم دائما يذكرون انه قريب من الحرم المكي وكأن لايوجد في مكه إلا هالمكان
الان للي ذهب الى مكه المكرمه راح يشوف اكثر من 5 مشاريع (سكن استثماري) ضخمه تحت الانشاء
هذا غير المشاري المستقبليه التي تساعد على رخص الاجارات في مكه المكرمه

يعني في المختصر المفيد ما انصحك في الاستثمار في زمزم


وبالتوفيق

دهن العود
 

فهد9

عضو نشط
التسجيل
23 فبراير 2003
المشاركات
118
الإقامة
الكويت
بالنسبه لى اخذت اول 10 ايام فى رمضان تقريبا طلع 7000 دينارتبدا من اول رمضان الى 10 وفى امكان احولها الى من 10الى 20ولاكن 10الاواخر سعرهم مرتفع حيل
وتفرق بين استثمار وبين واحد يحب انه يتواجد فى شهر رمضان للعمره
وكان لى تجربه فى رمضان اللى طاف اخذت غرفه بايلاف كنده يومين ب3000ريال او اكثر
وفى عندهم مشروع زمزم فى المدينه
ونصيحه اذا بتاخذ اخذ فى موسم رمضان لانه فيه طلب اذا حبيت تأجير
وبالتوفيق ان شاء الله
 

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
مشكورين على التفاعل والردود انزين اذا بغيت احول من اسبوع الى اسبوع اخر شلون وما تزيد على رسوم الصيانه بالمستقبل واذا في اشياء غامضه نبي نعرفها مو بعدين يقولون غير وجم نسبة ارباحهم وجم المتوقع للأستثمار اول اسبوع من رمضان
 

نوط بو 1000

موقوف
التسجيل
6 يونيو 2004
المشاركات
1,426
اخوي حسن ..
اخذها مني كاش .. انحش !!

لا توهق نفسك مع التايم شير طيعني ..

لا بتقدر تسكن ولا تستثمر و بتتمرمر ..

و اذا على السكن ياخي لو تحسب عمرتك كل سنه مره لمدة 25 سنه مع تذكرتك ما يوصل مبلغ العقد !!
 

ميثاق

موقوف
التسجيل
1 فبراير 2003
المشاركات
595
اييكد ثقة انشالله بس شلك فيهم من كثر ماتروح مكة يعني بعدين اذا انك رايح راد لمكة افتر على الفنادق والشقق واخذ لك سكن عندهم مو احسن منها تير ومنها يفرق السعر معاك... :)
واذا انت معزم توكل على الله بس الاسبوع الي ماتروح فيه اعتبرة هدية منك :)
 

بو النور

موقوف
التسجيل
16 أغسطس 2004
المشاركات
133
لا تشتري - دبي أفضلك وايد للإستثمار

أخوي
وخر وخر وخر
أولا ترى موقعهم مو زين وايد في مباني وايد أقرب من الحرم
ثانيا المبلغ وايد وإنت أكيد ما راح تقدر تروح بنفس الموعد بالضبط بكل سنة
ثالثا صعب جدا إنك تستثمرها
رابع اهم بعد مو ثقة
خامسا الأجار بمكة يم الحرم غالي في رمضان وفترة الحج بس
في فترة الحج ما تحتاج تكون يم الحرم ، وفي فترة رمضان تقدر تسكن بعيد وتروح لصلاة التراويح والقيام بس وتكون أخذت أجر عمرة كحجة مع الرسول عليه الصلاة والسلام
والعروض التجارية على أفا من يشيل خلال فترة رمضان وبأسعار معقولة مقارنة باللي تدفعه حق الشركة
سابعا ماكو نظام قانوني واضح في السعودية حق هالنظام من التملك على الرغم من أن الشركة كبيرة وسمعتها طيبة

نصيحتي لك إذا تبي تستثمر روح دبي وإشتر شقة تمليك
وعلى فكرة روح إشتر مباشرة من دبي لا تشتري من الكويت ترى السعر أغلى هني
مع الشكر
 

بو النور

موقوف
التسجيل
16 أغسطس 2004
المشاركات
133
hassankoc قال:
اذا بغيت احول من اسبوع الى اسبوع اخر شلون وما تزيد على رسوم الصيانه بالمستقبل واذا في اشياء غامضه نبي نعرفها مو بعدين يقولون غير وجم نسبة ارباحهم وجم المتوقع للأستثمار اول اسبوع من رمضان

إذا حولت من إسبوع إلى إسبوع بالسنة راح ياخذون رسم 25 دك تقريبا إلا إذا كان أسبوع أغلى أساسا فراح ياخذون زيادة

نسبة ارباحهم عالية بس إنت مالك شي في لإنك زبون وإنت مو مالك أو مساهم في المبنى إنت شاري منهم وقت بس.

وأعتقد إنه بعد صعب تأجر وقتك حق غيرك لأنه مو فندق والتسويق صعب ولازم تعطيهم فترة طويلة لما تقرر تأجر وقتك
 
أعلى