جئتكم بالخبر اليقين والله العزيز الحكيم (شرق القرين)

الموضوع في 'اعلانات العقار' بواسطة خسران جداً, بتاريخ ‏10 مايو 2010.

  1. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    بسم الله الرحمن الرحيم

    بعد ما حسيت وعرفت ان السوق واقف وماكو زحمه قلت خل اروح انظر واشوف بنفسي واتعلم..المهم قررت الذهاب الى سوق عقارات الكويت وسوق الجت ..و دشيت محل وقعدت عنده وقمنا نسولف. قلت له على اي اساس ارتفاع الاراضي؟ قال ماكو اساس ولا عندي سبب مبرر جان اقول له على جم اسعار شرق القرين عموماً؟ قال بو فطيره اردى ارض ب110 والمسيله اردى ارض ب150 (واكون صريح وياكم ماجبنا طاري الفنيطيس) قلت له والله انا اشوف الاسعار عاليه صراحه وصعبه الواحد يشتري. جان يقول اصلا الاراضي راح يدفعون ضريبه اخر السنه فأكو احتمال كبير انها تنزل. جان اقول له انزين وهل اقدر ابني على طول والا تطول السالفه؟ جان يقولي المسيله تقدر تبني اما ابو فطيره لازم تخلص البنيه التحتيه بالاول وبعدين تقدر تبني. والدليل اللي خلاني اتأكد من كلامه. ان بو فطيره لي الحين ماكو بيت واحد قاعد ينبني فيها واصلا القطعه مصكرينها ودخولها صعب.
    المهم مع السوالف والكلام قلت له انا ادش موقع وزارة العدل اشوف اللي انباع واللي ما انباع وماكو ضغط على هالمنطقه واللي يشترون اغلبهم بلوكات وشركات قالي اي صح كلامك. قلت له انزين والعقيله؟ قال العقيله ماعندي اراضي بس اخر ارض بعتها فيها قبل 6 شهور!!!

    فأنا اقول والعلم عند الله ان على سنة 2011 راح تنزل الاراضي بأذن الله:)

    والراي بيدكم يا شباب والتوفيق من عند الله والله يوفقنا ويوفقكم ان شاء الله...إحذروا المطبلين خصوصاً اللي بهالمنتدى(اللي اعرفه اللي يشتري ارض خلاص يبني ويسكن ولا همه كلام الناس نفس اهل اشبيليه...بس الشريطيه اللي بالمنتدى يطبلون للشي ويدافعون عن تطبيلهم بدفاع مستميت..إحذروا منهم)

    ومطلوب ارض بالمسيله موقع و500 متر ب90 الف. والشراي موجود
     
  2. TCR3

    TCR3 عضو جديد

    التسجيل:
    ‏26 يناير 2009
    المشاركات:
    412
    عدد الإعجابات:
    0
    اخوي خسران جدا ليش ما سئلت عن الفنيطيس انا سامع ان الارض 500 متر مربع مردوف 45 الف دينار :)
     
  3. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    ان غداً لناظره قريب.

    بنشوف هالاسعار بإذن الله:)
     
  4. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    يرفع للاستفاده
     
  5. ديناركو لمتد

    ديناركو لمتد عضو نشط

    التسجيل:
    ‏13 مارس 2010
    المشاركات:
    681
    عدد الإعجابات:
    0
    المعذه

    45الف دك ههههههههههههههههههههههههههههههههههههههه
     
  6. bu sale7

    bu sale7 عضو نشط

    التسجيل:
    ‏13 أكتوبر 2008
    المشاركات:
    829
    عدد الإعجابات:
    0
    غاليه ههههههههههه
     
  7. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    اتحدى أكبر تاجر ان ترتفع اسعار اراضي شرق القرين اكثر من الاسعار الحاليه:)
     
  8. أبوعلي1

    أبوعلي1 عضو جديد

    التسجيل:
    ‏8 يوليو 2009
    المشاركات:
    281
    عدد الإعجابات:
    0
    مكان الإقامة:
    الكويت
    عسيْ آللهْ يرزقْ آلموآطنينْ ملوآْ مِنْ / آلإنتظآرْ
     
  9. ديناركو لمتد

    ديناركو لمتد عضو نشط

    التسجيل:
    ‏13 مارس 2010
    المشاركات:
    681
    عدد الإعجابات:
    0
    استمرار

    اخوي خسران جدا حشى الله ان تكون ضحكتي استهزاء في احد وكلكم اخوان

    بس مو معقوله فنيطيس 500م 45 الف هذا الي ضحكني واتمنه انه كل الربع المواطنين يسكنون وبأقل من هالسعر بس يخوي
    بديرتنا ما اعتقد انه الأسعار راح تنزل ابد وانت عايش وشايف حته النخي والباجله سرو على اسعارها وارفعوها

    واخر كشف شفته اشهر الي الطاف 600م انباعت 185 الف واهم قطعتين ارض


    وربي يرزق الجميع
     
  10. لؤلؤة الخيران

    لؤلؤة الخيران عضو جديد

    التسجيل:
    ‏21 يونيو 2009
    المشاركات:
    599
    عدد الإعجابات:
    0
    فى 2008 بوفطيرة 70الف وقالو بتنزل وفى 2009 بوفطيرة 105قالو بتنزل وفى 2010 بوفطيرة 115 وقالو بتنزل وفى 2011 بوفطيرة الشارع واحد ماتصيدها حتى 150 وتذكر كلامى والله يعينكم
     
  11. B M W

    B M W عضو جديد

    التسجيل:
    ‏11 مايو 2010
    المشاركات:
    38
    عدد الإعجابات:
    0

    كل شئ معقول هذي ازمه عالمية وطويلة المدى قد تأخذ عشرات السنين
     
  12. خالد العليان

    خالد العليان عضو جديد

    التسجيل:
    ‏23 مارس 2010
    المشاركات:
    530
    عدد الإعجابات:
    0
    وجهة نظر

    خسران جدا ....:كيف الحال؟
    الحين الدولة ملتزمة توفر 200الف قسيمة سكنية للمواطنين خلال 3سنوات...الموضوع هذا قانون رسمي الحكومة ملتزمة بتطبيقه..
    بالمختصر المفيد...اذا الدولة بتعطيني ارض+قرض من غير فوائد بقيمة 70الف دينار كويتي وبالاقساط المريحة...واقدر ابني احلى بيت على 600متر..ولا اقساط ولافوائد..
    شلي جابرني اروح اشتري ارض400متر سد لد ب110 ماخذهم قروض مع الفوائد تطلع 160 الف ومع 70الف الحكومة البيت يطلعلي230الف دينار كويتي ..زائد اضيع طلبي بالاسكان ..الحسبة غريبة...والاغرب اللي يغامر يشتري بالاسعار المجنونة الموجودة حاليا بالسوق العقاري...
    ياجماعة الدينار اللي نطلعه موقاعد يجي بالساهل...تعب وسهر وحسبات مالها لااول ولا اخر...اذا الدولة قاعد تقول يبا اسكن بمبلغ70 الف دينار كويتي..شلي جابرني وحادني اروح احط على نفسي 230الف..
    ياشباب الله عرفناه بالعقل...والعقل يقول وفر160 الف...وخلنا نقول ان الواحد فينا راتبه الف دينار شهريا..عشان اوفر مبلغ160 الف...يعني انا محتاج اخش الراتب ولا اصرف منه ولا دينار لمدة13سنة...يعني تعب 13سنة في الوظيفة...دوام وكراف وعذاب ومشاكل..واخرتها اخذ راتبي واعطيه للتجار اللي اشتروا الاراضي بابخس الاثمان ويبون يبيعونها لي باغلى الاسعار...
    خسران جدا...ياخوك العمر مش بعزأه...على قولة اخواننا المصريين..
     
  13. النموذج الدولي

    النموذج الدولي عضو جديد

    التسجيل:
    ‏6 مايو 2010
    المشاركات:
    9
    عدد الإعجابات:
    0
    يعطيك العافية اخوي خسران وكلام اخوي خالد العليان صحيح وعين العقل الصبر مفتاح الفرج
    والله المستعان
     
  14. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    و مو معقوله ارض بالفنيطيس 500 متر ب110 وما اقدر ابنيها الا بعد اكثر من سنه وكل شي اقتصادي هابط والناس خسرانه.

    اما بخصوص الكشف اللي تقوله...اصلاً كل الناس فاقدين المصداقيه فيه لان هذي لعبة التجار اللي ملينا منها على شان يوهمون الناس فيها بأن هالاراضي صج هذا سعرها ولعبتهم قبل الاراضي رفعوا اسعار البيوت القريبه من هالاراضي و وصلوها للقمر بس على شان يصير سعرهم منطقي مقارنه مع المناطق المجاوره ومع العلم بأن المناطق المجاوره تشفط لها تشفيط من ناحية الخدمات ويكفي ان البيوت الغير مسكونه فيها تعادل 5% ان كثرت مو 95% من المنطقه اراضي وماعندي جيران:> روح شوف المسيله منطقه شكبرها مافيها الا 3 بيوت قاعده تنبني. والشريطيه مسوين احتفال على شان هالثلاث بيوت.
     
  15. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    للعلم فقط: مدينة الحرير راح توفر 250 الف وحده سكنيه...يعني من اول ما يخلص جسر الشيخ جابر الله يرحمه ان شاء الله راح نشوف المدة 20 سنه جدام راح يكون في طفرة اسكانيه و هالاراضي اللي معروضه ب110 راح يتمنون يجيهم شراي بنص القيمه.
     
  16. Cozmo

    Cozmo موقوف

    التسجيل:
    ‏11 مارس 2008
    المشاركات:
    5,333
    عدد الإعجابات:
    0
    مكان الإقامة:
    دار جابر وسعد ومن بعدهم صباح ووليه نواف راعي العهد
    حبطتني بصراحه عندي اراضي معروضين على 210 وانت تقول 90 الف :confused:
     
  17. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    210:)الله يوفقك شناطر بيع..حتى ب100 الف انت ربحان...هالمره 210:)
     
  18. Cozmo

    Cozmo موقوف

    التسجيل:
    ‏11 مارس 2008
    المشاركات:
    5,333
    عدد الإعجابات:
    0
    مكان الإقامة:
    دار جابر وسعد ومن بعدهم صباح ووليه نواف راعي العهد
    الاراضي تبع الشركه عندنا والله
    وصلوا 180 ما باعوا والله
    فبصراحه انا كموظف ومسؤول عندهم بلغتهم بالي شفته وقريته في موضوعك
    لكن بصراحه الواقع يقول شي ثاني ؟
    شركتنا عمرها الفعلي داخل الكويت كبيع وشراء ما تعدى السنه فما اقدر اسمي نفسي او شركتنا من كبار شركات العقار في الكويت
    لكن فعلا وصلوا 180 الف والله وما باعوا الشركه ؟
    والسعر فعلا حاطين ببالهم 210
    وانت تقول من مصادرك كلامك على العين والراس
    بس الواقع له كلمه
    هل انت محصل احد يبيعك ب 90 الف ؟؟؟