المانيا ؛النمسا ؛ايطاليا؛ فرنسا؛ هولندا

[سعوود العنزي]

السلام عليكم

طبعا احب اشكر القائمين على هل منتدا الي صج وايد عجبني وستفدت منه وايد
وخاصه قسم السياحه والسفر



بس حبيت تساعدوني

انا نشالله مسافر 23 /5 الجاي ورحله راح تكون
من لكويت لفرانكفورت وميونخ وزلمسي وميلان وباريس وامستردام وارجع فرانكفورت

طبعا على الخطوط الكويتيه وطلعت علي التذكره 120 دينار كويتي

طبعا المده 15 يوم
والمزانيه 1300 دينار كويتي من غير سعر التذكره
سؤالي هل المناطق الي حطيتها زينه والمسار اوكي وهل تكفي المزانيه على العلم معاي صاحبي نفس المازنيه بعد يعني كل واحد 1300 دينار كويتي
وهم حبيت اسئل عن القطارات بين هل دول سهل التنقل فيه

وعلى العلم انا وصاحبي اول مره نروح اوربا وناوين نتنقل بين هل مناطق بقطار
ولو قلنا نشيل دوله من الي بروحلها اي دوله ترشحون اشيلها من الحسبه
يعني الي ما تسوى الواحد يروحلها
وهم ستفسار بخصوص الفنادق انا وايد حصلت فنادق من النت رخيصه ومواقع معروفه مثل فندق دوت كوم وعجبني كذا فندق من ناحيت الصور الي عارضينها للفندق سؤالي مضمون الحجز عن طريق النت

اتوقع اني تكلمت وايد

اعذروني ودي اقولكم شنو بيصير معاي عشان تفيديوني
ويا ريت الاقي منكم رد لستفساري واكون شاكر لك

 

[مزدحم]

أنا أقترح تلغي ميلان من الرحلة وتحط بدلها جنيف لعدة أسباب

1. أحلى وأجمل
2. على الطريق من زلمسي لباريس أقرب لك من ميلان

والحجز للفنادق مضمون إن شاء الله واستخدم موقع بوكينج أفضل

و 1300 إن شاء الله تكفي

وترد بالسلامة

 

[بورغد]

نصيحة من اخو

شيل عنك ميلان نهاااااااااااااااااائيا لانها تضيق الخلق وما فيها شي

والراي الثاني لاتروح امستردام

خلك على فرانكفورت وميونخ وزلمسي وفرنسا
واذا انتو شباب اجر لك سيارة واخذ معاك نفيجيشن واستمتع بالطرق وخلك حر نفسك وين ماتبي تروح او توقف في مدينة معينة ... وترا الاجار رخيص وخصوصا من المانيا
ولاتقول صعبة ترا سهالة جدا .. انتو شباب
ولا تطول بفرانكفورت
وخل اكثر ايامك بفرنسا لانها متعة

واذا تبي استفسار بعد انا حاضر

 

[بو عيد]

تاجير السيارة من الكويت فية شركة يمكن الغانم والشروط الي تبيها وتري حدها رخيصة والسفرة من دون سيارة ماتسوي أحسن من القطار مليون مرة تمشي على راحتك وتستلم بالمطار فرانكفورت
الفنادق لا تاخذ على الصورة نفسي والله توهق
أسال عن الفنادق اول وبعدين احجز على النت لا يغرك الصورة على النت

هذا فندق انا ساكن فية بون روعة ومكانة روعة على نهر الراين ورخيص وعنده سلسلة فنادق
http://www.deraghotels.de/en/Rates2008_overview.htm

 

[FreeTrader]

انا ايضا مع اقتراح الربع تلغي ميلان وايطاليا بكبرها
وتروح سويسرا في مناطق اقرب من جنيف واحلى منها تقع بالقرب من الحدود النمساويه والالمانيه

الفنادق : اذا انتو شباب بتكون سهله حتى لو ما حجزت من الكويت لانها متوفره بشكل جيد في كل مكان وانا اقترح عليك انك تاخذ نظام الشاليه او الاكواخ بتكون عليك ارخص وامتع في الرحله .. انت مسافر مسافر لازم تغير من طريقه الفنادق والاكواخ او الشاليهات ماعليها قصور نظافه 100% وشي مرتب
واي استفسار حاضر

 

[almu7ank]

كنسل ايطاليا وحط مكانها سويسرا

المناطق الحدوديه بين فرنسا وسويسرا روعه وفرنسا ارخص من سويسرا يعني ممكن تسكن في فرنسا ويكون كل يومك في سويسرا

وهولندا امستردام مافيها شي يذكر بس لو تروح المناطق الحدوديه هولندا مع المانيا اوكي

 

[بلازمي]

السلام عليكم
اخوي سعود
المده اللي انت حاطها موكافيه ل هالبلدان الله يسلمك
انت مو مطرود او ملاحق من الشرطه
بعدين كل بلد من هالبلدان تبي لها 15 يوم ؟؟؟؟؟؟؟؟
نصيحه من مجرب
خلك على بلدين او بالكثيــــــــــــــــــــــــر ثلاثه
وانا للامانه ارشح
ميونخ وماحولها
5
ايام
زل ام سي 7
ايام
جنيف او انتر لاخن الباقي من المده
ونصيحه اخو
خذ لك سياره ماتطلع عليك من الكويت حتى عشرين دينار باليوم
لان التنقل هناك غــــــــــــــــــــــــــــــــالي
بس ممكن عاد تبحبح الميزانيه شوي
على الاقل ميزانيه السياره
قول 200 دينار منك ومثلها من صاحبك
على فكره
مو لازم ترجع للبلد اللي طبيت فيها على شان ترد للكويت
خل وصولك مثلآ الى ميونخ
والعوده من جنيف
ترى ماتفرق التذكره
بالتوفيق
سلام

 

[بو عيد]

موضعه مهمل ولاهو مهتم فية