مرحبا يا اخوان لو سمحتوا ممكن احد يفيدني فى طريقة شراء هالمحفظة من الامازون وهل هناك رسوم اخرى تضاف غير السعر المعلن http://www.amazon.com/CrazyOnDigita...tal-wristband/dp/B003FCW9S6/ref=pd_rhf_shvl_2
اي يالغالي بخصوص الشراء جدا بسيط وسهل اول شي تفتح حساب بالامازون وتخزن رقم البطاقة اللي تبي يستقطعون منها سواءا الفيزا او غيرها ثاني شي تفتح حساب عند ارامكس ومكانهم بالعارضيه الصناعيه وفيه عليه رسوم فتح ملف بحدود العشره وتالي تقدر تطلب اللي بخاطرك من اي مكان بالعالم بخصوص الرسوم طبعا فيه رسوم اضافيه اولا لمن تدخل عالامازون وتشوف شي معين استمر بخطوات الشراء لحد ما يعطيك التكلفة النهائية فراح تشوف انه ضاف عالمبلغ مبلغ التوصيل ويعتمد على نوع التوصيل لانه فيه توصيل عادي وفيه سريع وفيه مستعجل وغيره وراح ياخذون منك ارامكس رسوم على حسب وزن البضاعة يعني اول نص كيلو بحدود ال3 دنانير اذا ماني غلطان وكل نص كيلو زيادة اظن يزيد عالمبلغ 2 دينار وفيه رسوم جمارك المطار بحدود الدينارين بعد وانا انصحك تتصل على ارامكس وتسأل عن كل التفاصيل لانهم اكيد اخبر مني 1820011 واذا مالك خلق اللويه شوفلك احد تعرفه عنده حساب جاهز واطلب عن طريق حسابه ووفر رسوم فتح ملف ارامكس واتمنى قدرت افيدك
السلام عليكم اخوي سعر القطعه مع الرسوم 25 دولار + الشحن الى الكويت مع الرسوم 4 د.ك يعني التوتال تقريبا 12 ك.د واصل لي عند باب بيتكم اتمنى اكون فدك
