مصادر لـ "زووم": "هوشة" في بنك الوطني لتخلف مجموعة الخرافي عن سداد مديونيتها

[Trillion]

اذا راح الخرافي ثلث ارباع الاقتصاد الكويتي راح وهشي ما راح اصير

يا جماعه الخرافي وفق النشره الأخيره هو الكويتي الوحيده في عز الأزمه ظل من ضمن قائمه اغنى

أغنياء العالم !!!

 

[shark_1]

الكلام اللى وصلنى صار ملاسن بالاجتماع بين حمدالصقر ودبدوب وطلع دبدوب من الاجتماع مصعب وبالفعل قدم استقالته لاكن محمد البحر رفض الاستقاله وخلاه يتراجع

 

[مضارب شجاع]

وليش مايبيع الخرافي جزء محمل بدينه بعمليات أفريقيا! ويفك زين من المشاكل المستقبليه!!!! وكذلك ليسدد ماعليه من إلتزامات كونه تاجر بمصداقيه؟ بل بالعكس أشوفها قناعه بقسمة الله سبحانه ... وصبر على الملمات .... وللوفاء بالإلتزامات اللي عليه! ورب ضارة نافعه!!!

وليس مثل بعض القروبات اللي لاهي راضيه تبيع شي! ولاهي راضيه تسدد اللي عليها سواء للغير لو للصناديق اللي شفطت فلوس مستثمريها ولا لشركاتها التابعه اللي بلعت رؤوس أموالها وأموال مساهميها الآخرين!!! وأقولكم ليش؟

لأن أصلا هالجروبات الدايخه .... مافي شرايه لأصولها المنفوخه عالفاضي كلها نفخ بتقييم وإعادة تقييم ولاكو شي تشغيلي إلا ماندر !!!!! وهذي هم منفوخه عالفاضي!!! والموضوع مجرد شراء وقت لعل وعسى تنزل عليهم معجزه!!!!!!! ولا يدشون بمفاوضات للبيع تكشف الأسعار الحقيقيه لأصولهم بالمقارنه بالأسعار الخرندعيه اللي كانو يدعونها لإستثماراتهم الدايخه مثلهم ....

عموما الخرافيالمجموعات اللي يتفاخر بها الكويتيين ومبطي من من الناجحين والنادرين بوقتنا واللذين كانو ولازالو وسيضلون يتمتعون بالمصداقيه على المستوى المحلي والأقليمي والعالمي .... وليس من هالطراثيث اللي طلعو فجأه بليله وضحاها وختفو بنفس السرعه!!!

وقديما قيل .... من راقب الناس .... مات هما ...

صج صرنا مثل ما قال الشيخ زايد الله يرحمه ... لما راحوله مجموعة كويتيين يشتكون على أهل دبي يقولونله "دبي صارو أهلها فسده" ورافعين عليهم اسعار العقارات بمنتصف التسعينات! رد عليهم زايد وقالهم للأسف إنتو يالكويتيين صرتو "حسده" .... لاحول ولاقوة إلا بالله العظيم

حاكم السوق لا تعم على كل الكويتيين حسده
الكوتيين اهل خير وناس طيبين
وكل شعب فيه الزين والشين
والحسد موجود بين التجار وهم من يتحاسدون على المناقصات وعلى الوكالات وحتى الفقير يحسدونه على معاشه واذا قالت الحكومة راح نزيد رواتب الشعب أول من يعترض هم التجار
وشكرا

 

[my life]

مالنا لا ناقه ولا جمل الله يرحم الحال

 

[بوحسن777]

أنا ما ني عارف ليش بعض الناس تحارب الخرافي أحد أعمدة الأقتصاد الكويتي
بهذه الطريقه مع العلم أن باب المنافسه مفتوح للجميع يأخي تبي تنافس الله يرزقك ويزيدك بس تشوه صورة غيرك ترى مايجوز
والله خير الرازقين

 

[مضارب بورصوي]

الخرافي يفلس ؟ لو يفلس تفلس الكويت الخرافي لو يبي ميزانية الدوله يعطونه هذا حبيبهم

 

[zizo 40]

كلامك عدل أخ بلاحدود واتفق معاك ,, ليش باع زين بالذات بالوقت هذا !!!

وليش ما يبيع؟ الأصول الأفريقيه شروها ب 3,3 مليار دولار وباعوها ب 10,9 مليار, بعد سداد الديون المستحقه ربح صافى 4-5 مليار تقريبا

بإختصار صفقه ممتازه لزين ومجموعة الخرافى, وهذى الصفقه شالت السوق فتره طويله وما زالت, تخيل وضع السوق بدون الصفقه!!!

التأخير فى الصفقه لا يعنى إلغائها, والدليل جدية بهاراتى من ناحية التمويل والتوظيف وإلتخطيط وإبرام العقود ولا ننسى الشرط الجزائى, كلها أسبوع وفلوس الصفقه تندفع لا تحاتون

 

[المطبه]

اذا راح الخرافي ثلث ارباع الاقتصاد الكويتي راح وهشي ما راح اصير

يا جماعه الخرافي وفق النشره الأخيره هو الكويتي الوحيده في عز الأزمه ظل من ضمن قائمه اغنى

أغنياء العالم !!!

بعرف شنو أستفادت البلد من هالخرافي غير لهف المناقصات
ووين الاعمال الي تبرع فيها للبلد
شاطرين يعمرون في الدول الي برا للأسف
::verymad::​

 

[دار الفلك دار]

أصدق الحكومة تفلس و لا الخرافي يفلس!!!

تفكيرك على قدك اخي الكريم

الخرافي من شهر 10 من سنه 2008 ارسل كتاب للبنك المركزي عدم القدره على السداد

 

[zizo 40]

لايكون 3 مليارات بحطهم بالتجوري عنده في البيت

فلوس صفقه زين افريقيا تدخل حق شركة زين الام

وزين الام فيها كثير من كبار الملاك غير الخرافي وكل واحد منهم ياكل من الكيكه

أكيد إنه ما راح يحطهم بالتجورى بس الخرافى أكثر واحد راح ياكل من الكيكه

معروف إنه شركات الخرافى أكبر مستفيد من صفقة زين
شوف أرباحهم للربع الأول, وفى الربع الثانى مع التوزيعه راح تزيد أرباحهم وايد, وأتوقع ترتفع قيمة أسهم المجموعه أقل شى دبل, لا تستغرب إذا شفت الإستثمارات ب 700 فلس والمال والسوريه والساحل بربع, الخرافى راح يستفيد من التوزيعه ومن زيادة قيمه أصول شركاته, يعنى مو كيكه وحده صاروا كيكتين

ذكرتنى أم العيال أعلنت وقت الغدا إسمحلى

وإنشالله نتحلى كيك أمريكانا, وإنشالله أذكرك

بالتوفيق

 

[NEW حاكم السوق]

أولا : صح كلامك مضارب شجاع .... موكل بس أغلب الكويتيين! صارو حسده! وكنت أقصد هالناس اللي حاطه دوبها دوب هالخرافي! وعموما إنت فاهم شقصد أخوي .... وهذا إنت أخوي مضارب عممت على كل التجار .... وأدري إنك تقصد بعضهم

ثانيا : الموضوع يتكلم عن إستقالة دبدوب من عدمه وكيف تطور إلى ذم وظرب بالخرافيه!!!!! وأي موضوع له علاقه بالخرافي من بعيد لوجريب ... يصير ذم وظرب بالخرافيه بمناسبه ومن غيرها ...... بعد إذا هذا موحسد مدري شنو عبل؟ أخوي مضارب

ثالثا : الوطني خلص نفا إستقالة دبدوب .... ويالا عاد فكوها من سالفه ... ناس تبي أي شي للتهجم عالخرافي ومجموعتهم وشغلهم وأعمالها بالكويت وغيرها سواء بعالم ألأعمال لو الخير

ودمتم سالمين ....