للي مرت علية طقة الجير يفيدنا....

الموضوع في 'اعلانات المركبات' بواسطة you1, بتاريخ ‏15 مايو 2010.

حالة الموضوع:
مغلق
  1. you1

    you1 عضو جديد

    التسجيل:
    ‏21 ابريل 2009
    المشاركات:
    90
    عدد الإعجابات:
    0
    السلام عليكم ورحمة الله وبركاتة....
    انا ياشباب عندي فورد اكسبلورر 2005 وكالة ماشي 128000 ونظيف جدا بس فية بعض المرات طقة قوية جدا عند وضع الجير علي ال r وبعض المرات اذا وقفت السيارة عند الاشارة وفضيتها وبعدين نقلت لل d يتاخر ثواني و
    يشبك؟؟؟؟؟وفية بعد اذا كنت ماشي وخففت احس بطقة خفيفة عند رجوع الجير من الثالث للثاني؟؟؟ انا اليوم وديت السيارة لكراج الباخرة وجرب السيارة وقال هذا عندك سويتش الكهرب اللي بالجير لازم يتبدل ... وقال ان الخراب منة بنسبة 90%
    وسالتة لو اني ماصلحت الجير هل يتاثر؟؟ ويمكن اسافر علية...قال اكيد راج يخرب عليك بسبب ان السويتش الخربان راح يخرب المسننات... المهم شغل يدة 40والقطع اللي هي السويتش ودهن الجير والفلتر تقريبا ب 90... شرايكم ياشباب هل اسوية عندة او امشي عليها وماراح ياثر؟؟؟؟ لاني سمعت وقريت ان هالطقة عادية وما تاثر؟؟؟ علما بانها مرات قويه جدا جدا ومرات تختفي؟؟ والجير تري تبديلاتة طبيعية جدا وناعمة ومن اسبوعين مبدل دهن الجير والفلتر بالوكالة( علما بان الطقة كانت موجودة من قبل لا ابدل الدهن).. سامحوني ياشباب علي الاطالة والف شكر.علما بان السيارة 6 سلندر.
     
  2. خالد32

    خالد32 عضو نشط

    التسجيل:
    ‏15 أكتوبر 2009
    المشاركات:
    358
    عدد الإعجابات:
    0
    لاتستعجل اسأل غيره يمكن تكون سهله ورخيصه وافضل انك تمر الوكاله لوفقط للسؤال والمقارنه
     
  3. بو خـالـد

    بو خـالـد عضو جديد

    التسجيل:
    ‏16 ديسمبر 2009
    المشاركات:
    212
    عدد الإعجابات:
    0
    انا اعتقد انه القاردن , بس قبل لاتسويه عنده اخذلك كذا فره الميكانيكيين وشوف شنو يقولولك وقارن السعر .
     
  4. مضارب عنيف1

    مضارب عنيف1 عضو نشط

    التسجيل:
    ‏2 يناير 2008
    المشاركات:
    485
    عدد الإعجابات:
    0
    حبيب قلبي موترك فيه فضاوه في الباككس حلو ويمكن بذراع القير فيه فضاوه بعد وللعلم ماتاثر نهائيا دام الموتر تبديلاته مافيها شي حلو وعلى فكره نص الامريكي لوتركبه راح تلقا فيه نفس المشكله عموما انا ماني قاطع رزق الرجال الي بيسوويه ولاكن قوله اسويه بس بشرط اذا ماراحت الطقه نهائيا ترجع فلوسي وبس وبعدين موتر ماشي 128الف ماتوقع يجيه هل خراب حده فضاوه في البكاكس الا اذا استعمالك اقشر وسمحلي الا اذا احد يقحص على الموتر يمكن يصير الي تقول عموما انت اشرط عليه اذا ماراح يرد فلوسك وبس
     
  5. you1

    you1 عضو جديد

    التسجيل:
    ‏21 ابريل 2009
    المشاركات:
    90
    عدد الإعجابات:
    0
    كفو والله ياشباب هذي الهقوة فيكم دايم تفزعون....
    والله بالنسبة لكلامك اخوي مضارب عنيف اعتقد انة اقرب للواقع لاني اسمع الطقة واحس فيها بالخلف صوب الباككس والسيارة فيها نفضة من ال100 وطالع (مو رجفة) يعني مثل الشفر القديم اذا اختربت صليبات القاردن شلون يقوم ينفض وراعي الكراج يقول السويتش بنسبة 90%... وبالنسبة للاستعمال والله وانا اخوك ما ادري انا شاريها من راعيها الاصلي اللي فاكها علي ايدة وهو رجال كبير وكان يوديها سيرفس وما يصلح الا بالوكالة وكل فواتيرة بالدرج والموتر عمرة ما دش بر بس ما ادري شصاير؟؟؟؟
    عموما شكرا لكم ياشباب علي الردود والتفاعل واللي مرت علية هالشغلة بموترة يفيدنا ولة الشكر.
     
  6. al_ma6rood

    al_ma6rood عضو جديد

    التسجيل:
    ‏15 أكتوبر 2008
    المشاركات:
    121
    عدد الإعجابات:
    0
    الله يعطيك العااافيه يالعوووود
    مشكلتك نفس الي عندي ضبط
    و نفس المووتر و نفس الموديل
    و وديتهاا الوكااله قالولي لازم انجفت الجير
    وديتهاا عند صاحبي قاالي طبيعيه
    و كل ماله و الطقه تزيييد ,,, يا معود اذا صااحبك مضبووط خنودي المووتر و نسويه عنده
    مابي اعابل بالسياره لأن استعمال الوالده
    فييدني الله يجزاك خيير
     
  7. you1

    you1 عضو جديد

    التسجيل:
    ‏21 ابريل 2009
    المشاركات:
    90
    عدد الإعجابات:
    0
    والله يالطيب انا مثلك بس اصبر خل ناخذ راي الشباب تري فيهم بركة... وبالنسبة لكراج الباخرة والله انا اشوف الناس تمدحة ورحت لة بس للامانة ما ادري عن شغلة شلونة...
    بالنسبة للوكالة هذا اللي انا خايف منة... يعني ماعندهم تصليح الخراب وبس لا عندهم بدل كل القطع الصاحية والخربانة...زين اخوي كم قالوا لك سعر التجفيت؟؟؟
     
  8. الوانيت1

    الوانيت1 عضو جديد

    التسجيل:
    ‏11 يناير 2007
    المشاركات:
    323
    عدد الإعجابات:
    0
    ألاسباب :
    1) حجم التواير أكبر من رقم الوكالة
    2) دهن الجير ناقص

    عندى أكسبلورر 2008 وذهبت به الى الوكالة وتم تبديل التواير وتركيب حجم الوكالة المطلوب وتبديل دهن الجير مع الفلتر مع الكفالة وأختفت الطقة تماما .
    أنصحك أخى أن تمر على الوكالة وتخليهم يفحصون السيارة على الاقل يكون تشخيص الخلل واضح لديك وبعدين بكيفك وتاخذ تقرير بالخلل .
    وشكرا ,,,,/////.
     
  9. you1

    you1 عضو جديد

    التسجيل:
    ‏21 ابريل 2009
    المشاركات:
    90
    عدد الإعجابات:
    0
    شرفت الموضوع بمرورك اخي الكريم الوانيت....
    بالنسبة للتواير توني مبدلهم الاربعة ونفس قياس الوكالة ودهن الجير ماصار لة شهر مبدلة مع الفلتر بالوكالة....
     
  10. abu yousef

    abu yousef عضو جديد

    التسجيل:
    ‏22 مايو 2007
    المشاركات:
    548
    عدد الإعجابات:
    0
    اخوى الوكاله وبس ان صار شى بالموتر عليهم شلكم بالكراجات نصيحه انا عندى فورد 2002 من عمره بالوكاله غيره ما افكر واسعارهم حلوه خصوصن الفورد والله يوفقكم
     
  11. you1

    you1 عضو جديد

    التسجيل:
    ‏21 ابريل 2009
    المشاركات:
    90
    عدد الإعجابات:
    0
    مشكور يا بويوسف والله كلامك صحيح وعين العقل الوكالات عموما شغلهم طيب ومكفول بس المشكلة الاسعار نار... فيهم مشكلة كبيرة انهم لا فكو الشي يالله بدل وبس حتي القطع اللي سليمة مايطالعونها... بدل علي طول وكلة بحسابة!!!
     
  12. heart

    heart عضو جديد

    التسجيل:
    ‏15 نوفمبر 2007
    المشاركات:
    341
    عدد الإعجابات:
    0
    السلام عليكم اخوي روح اخذ سيارتك ورا الغانم الي في الري في محل اسمه صن ستي للفحص هذا اهوه متخصص بفحص الفورد يقولك شنو عله القير لانه يبين اذا سويج القير على جهاز الفحص وهذا متخصص بفحص الفوردات وريح راسك لانه السويج ماينفع فيه التخمين لازم يعرف اي واحد لانه جنه فيه سويجين والله يعينك
     
  13. i-phone

    i-phone عضو نشط

    التسجيل:
    ‏4 مايو 2010
    المشاركات:
    120
    عدد الإعجابات:
    0
    السلام عليكم

    والله ياخوي كان عندي لاند كروزر كان فيه نفس سيارتك اذا بارد واذا سخنته وطلعت عليه يروح كل شي وديته كراج قالي سويتش القير وماصلحته سنه وبعته علي وضعه واسمحلي هذا اللي اعرفه بس
     
  14. ابو فاطمه906

    ابو فاطمه906 عضو جديد

    التسجيل:
    ‏12 فبراير 2009
    المشاركات:
    191
    عدد الإعجابات:
    0
    السلام عليكم ...
    اخوي اعتقد مشكلتك مثل مشكلتي ترجف السياره ولاكن ليست رجفيه ومرات تروح ترا على فكره انا صار لها سنه ونص مطنشها مرات ترجف ومرات ماترجف دام التبديل مافيه شيء ... الخلل في بطيخة القير وماعليك من الكراجات اكثرهم يتفلسف ... على فكرة سيارتي فورد فكتوريا واسمحلي على الاطاله وموفقين ان شاء الله
     
  15. you1

    you1 عضو جديد

    التسجيل:
    ‏21 ابريل 2009
    المشاركات:
    90
    عدد الإعجابات:
    0
    بيض الله وجيهكم ياشباب وجزاكم الله خير....
    والله كلامك عدل اخ heart اذا الكراج اللي ذكرتة يبين الخلل اروح لة واخلية يفحص الموتر كمبيوتر احسن لعل وعسي يبين.. واللة انا ماعندي مشكلة اصلحة باي قيمة بس يضبط وما يدوخوني كل شوي روح وتعال...
     
  16. al_ma6rood

    al_ma6rood عضو جديد

    التسجيل:
    ‏15 أكتوبر 2008
    المشاركات:
    121
    عدد الإعجابات:
    0
    الله يعطيهم العافيه الشباااب
    و بخصووص الوكاله ماذكر جم قالولي السعر
    بس المهم ان بالفحص قالي على طول تبديل الجير
    و ماكو الا فحص كمبيووتر
    شووف الي يروح يفحص اول فينا يبلغ الثااااني
     
  17. you1

    you1 عضو جديد

    التسجيل:
    ‏21 ابريل 2009
    المشاركات:
    90
    عدد الإعجابات:
    0
    ماشي طال عمرك ....
     
  18. mrhbaa

    mrhbaa عضو نشط

    التسجيل:
    ‏2 فبراير 2009
    المشاركات:
    195
    عدد الإعجابات:
    0
    مكان الإقامة:
    kuwait
    مع احترامي لردود الشباب كلهم على راسي
    بس ردودهم متفاوته كلها بالتخمين بين وبين
    اخذ الكلام اللي يجمد على الشارب واللي لازم اتسويه بدون مناقشة لانه منطقي جدا
    1- روح حق كراج الربيع(( رافي)) بالشويخ تخصصة فحص كهربة قيرات نار على علم يحدد لك اذا كانو السويتشات ولا غيرهم
    ليش قلتلك اتروحله لأن كراج الباخرة بشكل تخميني قال بدون فحص كمبيوتر انه % 90 من السويتشات بدون دليل فعلي
    اما اللي يفحصلك بالكمبيوتر راح يأكد الكلام بظرف 5 دقايق يقولك الصحيح ناهيك عن المشاكل القيرات اليومية اللي عنده لا وبعد يصلح لك القير وتستلم منه كفالة

    2- وبعدين سعر الفحص 5 دنانير بالكمبيوتر بس ها مو اي كمبيوتر مثل باقي الكراجات حاطلة كمبيوتر بالشارع ويقول افحص.

    3- انا امجربة ومجرب غيرة 2 كلهم ارمنية بالعربي مافيا كمبيوترات بالقيرات ومحتكرين السوق بأجهزتهم عموما مالي اي مصلحة غير الافادة لك واخوانا بالمنتدى.

    (( الكراج مكانة خلي مخرطة السلام على يدك اليسار وانت داخل شارع الاوكسجين وكمل نص الشارع اسال عن كراج رافي وهذا اسم المعلم الكل يدلك
    الثاني كراج بيروت في نهاية الشارع واسم المعلم ليون
    والثالث تقريبا على دوار شهرزاد اسم المعلم هاروت

    وأي استفسار انا بالخدمة اخوك المهندس محمود الصالح
    66286464
     
  19. you1

    you1 عضو جديد

    التسجيل:
    ‏21 ابريل 2009
    المشاركات:
    90
    عدد الإعجابات:
    0
    بيض الله وجهك اخوي وماقصرت علي المشاركة... والله كلامك سليم بس عفوا اخوي تحملني شوي... اذا دخلت الشويخ من الدائري الرابع وطفت المطافي وطفت اول دوار تجيني مخرطة السلام علي الدوار الثاني... اكمل بعد ويصير علي يميني صح؟؟؟؟ وشاكر لك..
     
  20. 1aziz

    1aziz عضو نشط

    التسجيل:
    ‏22 مايو 2005
    المشاركات:
    1,162
    عدد الإعجابات:
    8
    السلام عليكم
    1. اكس عامود القاردن.
    2. كراسي المكينة.
    3. كراسي القير.
    وبس
    سويج الكهربه يبدل بسرعه..... يطول بالتبديل ..... ما يبدل.
    الطقه يعني صوت ... الصوت ما يي من كمبيوتر
    السلام عليكم
     
حالة الموضوع:
مغلق