طبعاً الموضوع ليس كسر بحلال الاوادم ولكن استفسار اذا امكن... بعرف شغله ليش كل من شرى لاندكروزر الجديد مامداه مشى 4000-5000 الا عرضه للبيع هل فيه عيوب نورونا يااخوان شنو عيوبه وليش العرض زايد عليه وبكثافه مثيره..؟ في ناس قالو زين للديره وجامد واستعمال ولااحسن لكن موعملي للبر والحفر واللي عنده حلال ورايح جاي وطبعاً هذا مايعيبه بس ياليت احد يعطينا تفصيل لان النيه ندور واحد وشكراً
مساك الله بالخير خالد الجيب الجديد ممتاز جدا بس فيه عيب شرعى الى اهو البريك يقطك على صخر مر الوكاله وشوفهن مدعمات والسبه البريك ولا ببيزه عندنا 2008 جى اكس و2009 في اكس حلو وخفيف بس نفس ماقلتلك النجله قصدى البريك
اعرف واحد قالي اذا تبي كامري من الساير اجيب لك خصم 500 دينار و الكامري سعرها 5375 شلون لاندكروزر سعره 14 أو 15 ألف كم راح يخصمون طبعا انا اشتريت كامري بدون لا اكلم الحبيب اللي قالي لأني ما أبيها سافله تصير علج بحلجه العمر كله بلا منت أحد
ولا عيوب ولا شي اخوي فيه بنوك مثل الوطني يشتري لك السياره من الوكاله على راتبك والسياره حر التصرف فيها يعني قرض والجماعه يبون يحللونها بدال الربا البنك يشتريها ويبيعا اقساط على الراتب بالحاله هذي مايذكر بالدفتر انها مطلوبه يبيعها كاش وسلامتك ليش اللاند بالذات السبب قيمته وسعره فيه بعد خروجه من الوكاله
أنا بقولك اكثر الناس وانا واحد منهم فيه طنخه جاء بخاطره الموتر ودقه ولا استعمله اكثر من شهرين طفش والعيب مو من السياره منا حنا فيه ناس مثلي يملون من السياره لو شتكون يحبون يغيرون دائم
ما أظن السياره فيها عيب بس مثل ما يقولون هل سياره شيك بالجيب .. فبعض الي يبيعونها أتوقع محتاجين او عندهم التزامات السياره اخذت اكبر من حجمها وسعرها مبالغ فيه لكن الشعب عاوز كده ..
سياره ... ولا اروع منها ..... والتجربه خير برهان ... ويدلك على الخيل غلا ثمنها ولاتوجد اعيوب فيها ... وفعلا اتبتت جدارتها ... سواء بر او مدينه وعسانا بس وفقنا معك يالحبيب
انا اعتقد في ناس وايد انغشوا بسمعه الموتر هو زين ماعليه كلام ومايخترب لكن الناس تدور الرفاهية وللاند خشن ومافيه اوبشن ومو مريح وناعم حق الاستعمال داخل المدينة مثل اليوكن مثلا فهمت قصدي
