للنخبة وللي ماله خلق للبنيان

[ابونوكيا]

للبيع فيلا في الزهراء 500م بطن وظهر 3ادوار ونص وسرداب
تشطيب فاخر جدا جدا بها كل ماتتمناه من افكار البناء
ديونيات + صالات+ ديكورات في السقف فاخره+حمام سباحة+حمام سونا+غرف خدم +شقتين فاخرتين في الدور الاخير مدخولهن المتوقع 1000دينار _ تشطيبات داخلية رائعة ( المطابخ من اجود انواع المطابخ والحمامات ارضيات وفسيفساء في قمة التشطيب وابوابها من الزجاج السميك الحاجب للرؤية) موقع استراتيجي مقابل جميع الخدمات
الرجاء كل الرجاء من الاخوة المكاتب عدم الاتصال منعا للاحراج
للجادين فقط مراجعة 510.000دك
ابو عمر 60000281​

 

[محمد الدوسري 22]

نص مليون ؟؟؟؟؟؟؟؟

شدعوه

حافرين بير نفط تحتها ؟؟؟؟؟؟؟؟؟؟؟

 

[عاسف الأصايل]

اسومها ب 160 الف 70 الحكومه والباقي كاش

وش قلت بعت

 

[العوشز]

سعر خيالي ....

نص مليوووووووووووون ؟؟

الفيلا وارضها ماكلفت عليك 300 اذا قلنا اقصى حد

 

[الحريه وطن]

ياجماعه بالعكس سعرها مناسب
ومساحتها حلوه

 

[B-A-1983-A-B]

شسالفة ياجماعه الريال حر بحلالة ماطق احد على ايده وقال اشتر !!
اهوا عارض البيت وحاط سعر اللي يازله يدق علية مايازلة يشوف بيت غيرة مافيها شي ياخوان ترا عادي ؟
بعدين الريال ذاكر فوق للنخبة يعني بالكويتي اللي مخباته دافيه : )

 

[Bu Yousef]

الناس اتعبر عن استنكارها واستغرابها

وليش أنتوا بعد مو عاجبكم أن الناس اتعبر عن استنكارها واستغرابها من هالبشر اللي يعرضون بأسعار ما أنزل الله بها من سلطان ولا تتناسب أبدا مع نوع العقار المعروض أو متوسط سعر العقار بالسوق وهم بعد ترى ما طقوه على أيده علشان يبيع بالسعر اللي يبونه بس قاعدين يعبرون عن رايهم وهذا مو عيب. وخاصة أن كثرة العروض المبالغ بأسعارها تعطي صورة خاطئة بأن هذه هي الأسعار السائدة وهو أبعد ما يكون عن الصحة. وأخيرا شكرا لكل من عبر عن أستنكاره لهذا الجنون بالعروض الخيالية.

 

[B-A-1983-A-B]

وليش أنتوا بعد مو عاجبكم أن الناس اتعبر عن استنكارها واستغرابها من هالبشر اللي يعرضون بأسعار ما أنزل الله بها من سلطان ولا تتناسب أبدا مع نوع العقار المعروض أو متوسط سعر العقار بالسوق وهم بعد ترى ما طقوه على أيده علشان يبيع بالسعر اللي يبونه بس قاعدين يعبرون عن رايهم وهذا مو عيب. وخاصة أن كثرة العروض المبالغ بأسعارها تعطي صورة خاطئة بأن هذه هي الأسعار السائدة وهو أبعد ما يكون عن الصحة. وأخيرا شكرا لكل من عبر عن أستنكاره لهذا الجنون بالعروض الخيالية.

الله يسامحك ياخوي يبة انا لو عندي جان شريت شقة 25 الف وهم راضي هالدور فلة بنص مليون ؟؟حبيب قلبي ان كل الفكرة اللي اقصدها ان الريال صاحب حلال حاط سعر بسلعته يمكن غالية يمكن رخيصة الله اعلم ماني خبرة بالعقار كلش بس انا اللي اعرفه دامة صاحب الحلال كيفة يحط سعر اللي يبي عاد اذا بينزل من سعره خير وبركة حق اللي يبي يشتري واذا مايبي ينزل هم كيفة شنسوي بعد !

عالعموم اخذ الامور بروية اخوي ولاتعصب ترى الامور سهاله ولو بالكيف لخليلك البيوت كلها على 10 الاف بالضحية بعد