مريض بالمستشفى كل ما يطلع أحد من عنده يـضحك

الموضوع في 'إستراحة المنتدى' بواسطة away1979, بتاريخ ‏19 مايو 2010.

  1. away1979

    away1979 عضو مميز

    التسجيل:
    ‏4 يوليو 2008
    المشاركات:
    10,917
    عدد الإعجابات:
    1,584
    مكان الإقامة:
    Kuwait
    مريض بالمستشفى كل ما يطلع أحد من عنده يـضحك




    (( قصة طريـفة و واقعيـة ))









    جلس ذلك الرجل على السرير الأبيض في إحدى المستشفيات .
    وكان كل جسمه شاش ورجلينه كلها جبس
    وما تسمع إلا الآهات
    ماغير يحن ويون من الأوجاع اللي فيه
    عاد أنا قلت يمكن إنه مسوي حادث قوي
    أو إنه محترق أو أو أو ... إلخ
    المهم جت الساعه 4 العصر
    وبدأ وقت الزياره
    أنا أستغربت من شي غريب مره
    كل من جاء يزور هالشخص يطلع من عنده ميت من الضحك
    أنا جاني الفضول وقلت وش السالفه ؟
    وعلى هالحال كل من جاء وسلم عليه ما تسمع إلا ضحكهم من وراء الستاير
    أنا قلت لازم أعرف وش السالفه ...
    انتهى وقت الزياره
    وأنقز له على طول !
    وأتشافا له وأقوله الحمد لله على السلامه
    عسى ماشر ومن هالكلام
    وأنا كل همي أعرف ليش يضحكون ؟
    المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى !
    قال لي : هههههههههه ليـش عاد أنت حاسدنا على الضحكه ؟
    قلت له : لا يـاخوي مو كذا السالفه والله لو عندك مليون كان يمكن أحسدك !
    بس إضحكوا عادي خذوا راحتكم بس بغيت أعرف السر يعني ؟
    إذا ما عندك مانع .
    قال لي : طيـب ولا يهمك ... أنت مثل ما تشوفني مكسر ومربط بالشاش .
    قلت له : أيـوه والله ... الله يشفيك .
    قال لي : يا طويل العمر أنا ساكن في شقه في الدور الثاني ، وعندي بلكونه مامن زيـنها ،
    وإذا نمت فتحت باب البلكونه وطفيـت النور وتسدحت على السرير .
    ويوم نمت على السرير . وغصت في أعماق أعماق نومي ،
    حلمت اني في يوم القيامه ! وحلمت مثل ما تقول ان الناس في مكان مثل موقف الباصات
    وفيه باصات رايحه للجنه وباصات رايحه للنار !!!
    المهم الجماعه ينادون بالأسامي .. فلان بن فلانه باص النار ... فلان بن فلانه باص الجنه ..
    وهكذا ...
    فلان بن فلانه .. هاه هذا أسمي .. وقلبي يـدق و يـدق .. روح باص الجنه .. اوووه الحمدلله أرتحت .
    ومشيـت أدور على الباص اللي مكتوب عليه إلى الجنه ... وحصلته ودخلت فيه .
    مشيـنا بالباص وبعد فترة جاتنا لوحه مكتوب عليها
    (( الجنه 50 كيلو )) ، (( النار 100 كيلو ))
    وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني .
    شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
    يا رجال وش السالفه .. المشكله الناس ساكتيـن وما أحد قلقان في الباص إلا أنا .
    قلت بدخل عالسواق وشفته معطيني ظهره ... هي أنت وين رايح ؟
    قال لي بدون ما يلتفت : رايح النار يا حبيبي .
    قلت له : أنا من أهل الجنه .. وليـش توديني النار يا وجه النحس ؟!
    وألتفت لي ... طلع هو إبليس !!!
    الله يلعنك . أنا من أهل الجنه .. يا ملعون لا توديني النار .. أنا من أهل الجنه .
    والله العظيم إني من أهل الجنه ، تو من شوي قايلين إسمي ، وقف يا ملعون ، وقف يا ملعون .
    وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ...
    قلت له : يا ملعون وقف !!! أبي أنزل !!!
    قال : والله الباص هذا مبرمج على انه ما يوقف إلا في النار ... تبي تنزل أقفز منه .
    وركضت على الباب وفتحته ... وهوووب
    ولا وعيت إلا في المستشفى ... قافز من البلكونه ... في الحوش !







    القصة حقيقيه ... وحصلت لواحد كان منوم في مستشفى المجمعة العام
    دخيلكم لا أحد يحلم تعوذوا من إبليس قبل تنامون :)

    هههههههههه

    منقوووووووووول :rolleyes:
     
  2. سهمك اخضر

    سهمك اخضر عضو جديد

    التسجيل:
    ‏22 أكتوبر 2009
    المشاركات:
    9,425
    عدد الإعجابات:
    8
    مكان الإقامة:
    الكويت
    انا انام على الارض اشوه
     
  3. نواره1

    نواره1 إلغاء نهائي

    ما يلامون الزوار ......:p:p
     
  4. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا


    زين ماجيك على ابليس عنده ليسن عمومي حق الباص ولا عنده واسطه بالمرور :eek::eek::p:p
     
  5. دربك أخضر

    دربك أخضر عضو نشط

    التسجيل:
    ‏12 فبراير 2010
    المشاركات:
    482
    عدد الإعجابات:
    14
    شكرا أوي

    حلوه
     
  6. الصدق منجاة

    الصدق منجاة عضو نشط

    التسجيل:
    ‏22 أغسطس 2009
    المشاركات:
    2,447
    عدد الإعجابات:
    0
    مكان الإقامة:
    kuwait in me
    هههههههه حلوه منك اوي :D:):D

    الحل الامثل ياخذ تاكسي جوال الفردوس موجود بالكويت اضمن :eek:

    و المفروض لانام مره ثانيه يقفل الباب :) والمشكله انه يفتح الباب وهو نايم او يسكن الدور الارضي :)
     
  7. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}


    .. توحـفهـ هذا رجــل ... ~ :p:D


    يذكــرني :. بالاطفـال لم يناموو ويحلمون وينفذونـه بالوآقــع :eek:


    " الحمدالله انوو ساكن بالدور الثانـ:)ــي مو التـاسـ:eek:ـــع " :cool:


    اووي اشــكـــرك ع طرح }{ لـ خفيف دم


    .
     
  8. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    ههههههههههههههه

    حلووووووووووووووه

    مشكوووووووووووور أوي
     
  9. صدى الصمت

    صدى الصمت عضو جديد

    التسجيل:
    ‏12 سبتمبر 2009
    المشاركات:
    623
    عدد الإعجابات:
    1
    مكان الإقامة:
    ▄█▒ بلد العز الكويت ▒█▄


    هذا واحد من الشباب عازمي صديق لخوي والقصه بالكويت في مستشفى الرازي وزاروه الشباب بالكويت !!!!!!!!!!!!!!!!!!!!!!!
     
  10. الشـارخ

    الشـارخ عضو جديد

    التسجيل:
    ‏13 مارس 2010
    المشاركات:
    234
    عدد الإعجابات:
    0
    يمكن توارد أحلام يا أخي :)


    شكر علي القصه ​