اقتراح حملة ضد الناس اللي تفر العدادات

الحالة
موضوع مغلق

ولد الروضه

عضو نشط
التسجيل
31 أغسطس 2009
المشاركات
315
السلام عليكم أول شي..
هالايام زاد كلام الناس على سالفة فر العدادات وعن المكاتب والاوادم اللي ماتخاف ربها, ناس تعبد الدينار والدرهم لاذمة ولاضمير وأهم شي عندهم الربح, انسان تلقاه يبيع دينه على شي مايسوى, كلها جم دينار ياخذهم راح تكون وبال عليه وحسره يوم القيامة.
شباب عندي طلب حار للي عنده أي معلومة عن أي شخص أو أي محل يفر عدادات السيارات في الري وغيرها خل يبلغني بالعام عشان الناس تشوف وانا باذن الله اذا عرفت أي معلومة راح أتحرك بنفسي وأوصلها حق أمن الدولة وحق كبار المسؤولين وأبي مساعدتكم يااخوان.
لاتبخلون علينا بأي معلومه ممكن تساعدنا
 

lلعنزى

عضو نشط
التسجيل
8 أبريل 2010
المشاركات
64
الله يجزاك خير ويكثر من امثالك
 

B-A-1983-A-B

عضو نشط
التسجيل
9 فبراير 2010
المشاركات
5,076
الإقامة
حيث لا احد !
السلام عليكم أول شي..
هالايام زاد كلام الناس على سالفة فر العدادات وعن المكاتب والاوادم اللي ماتخاف ربها, ناس تعبد الدينار والدرهم لاذمة ولاضمير وأهم شي عندهم الربح, انسان تلقاه يبيع دينه على شي مايسوى, كلها جم دينار ياخذهم راح تكون وبال عليه وحسره يوم القيامة.
شباب عندي طلب حار للي عنده أي معلومة عن أي شخص أو أي محل يفر عدادات السيارات في الري وغيرها خل يبلغني بالعام عشان الناس تشوف وانا باذن الله اذا عرفت أي معلومة راح أتحرك بنفسي وأوصلها حق أمن الدولة وحق كبار المسؤولين وأبي مساعدتكم يااخوان.
لاتبخلون علينا بأي معلومه ممكن تساعدنا

يعطيك العافية اخوي وهذي احسن حركة تسويها حق الناس لان حزتها راح يقتنعون ان السيارة اللي عدادها وايد مو شرط تكون تعبانة وبالعكس ممكن تكون انظف من السيارة اللي ماشية ممشى قليل ويجذب الناس بعداده !!

موفق خو قلبي جذي خدمة الناس كلهم الشراية والبياعه بعد
 

Se7T

عضو نشط
التسجيل
25 يونيو 2009
المشاركات
1,079
وين وزارة التجاره ووين وزارة الداخليه ووين الناس الي قلوبها حيية
احنا ناس سذج بهالإمور لما نصيد واحد مانجرجره بالمخافر ونربي اللي وراه واللي قدامه بالقنون لا ... نقول حرام طبعا مو حرام عشام سواد عيونه ... حرام لأن مالنا خلق نروح ونجي ... اغلب اكلين المال الحرام ماتفرق وياهم وجمعو الملايين بالذات خجير البصرة اللي لايحللون ولا يحرمون ... شوفوهم اهم ومكاتبهم او شغل اغلبهم بالحراج نصب علني ومافي رادع ووزارة التجارة لاهيه تجمع الفلوس بغرفتها وقوانينها ... اذا في تضييق على المواطن بتلاقون هالوزارة جدامكم ... والداخليه مشغولة بمخافرها اللي كل يوم والثاني متسطر عسكري عندهم !
يبه ضايعه تبي تسوي حملة ... انطرني احنا مجتمع يعاني من الربادة والإتكالية بكل شي !
 

mxxy

عضو مبدع
التسجيل
28 فبراير 2007
المشاركات
2,663
الإقامة
Kuwait
والله يا جماعه أنتو مشيلين النصابين هم ( العدادات + البدي )


أولا العداد :-

يعني شالمشكلة لم تكون السيارة ما شيه زياده عن غيرها 20 ألف زياده !! على فكرة يعني كل دوله ولها نظامها الي لازم الكل يمشي عليه يعني الكويت سيارات موديل 2008 طبيعي بتكون ماشيه 40 ألف يعني أو 50 ألف ، لكن السعوديه 2008 تلقاها ماشية مو أقل من 120 أو 140 وهذول اخوانه وربعنا سألوهم بالمنتديات والسيارات بيعها ماشي وكل شي أوكي عندهم . أحنا اهني عسى ما قتله ماشيه 10 آلاف زياده قالك اووووووووووووووه لالا طيح طيح من سعرها وتلقاه مو مطمن من شرائها حسباله الموتور قلة كفائته !! يبه عادي تره . فجذي الصراحه ما ألوم الي يسقط عداد السياره ما ألومه من ليس له حيله فاليحتال شي غريب يا أخي وللعلم (( أسأل عن مستخدم السيارة قبل اي شي ثاني يعني لو كانت الي تسوق السياره مرأة معروف ان البدي يبي يبجي من المعجون وإذا ولد شباب معناة يا الــ 2 أو 3 في بطء لوووول يعني اقصد المكينه لاحب بحسبتها وملينها على الاخر وإذا كان ريال كبير فلا شوي حلو وإذا كان من اهل العاصمه بعد افضل وافضل وطبعا لا تنسون ان في ناس يهملون الدهن ويهملون جلد السيارة والدسكات واشياء كثيرة مهمه اسأل عن مستخدم السيارة .




بدي السيارة ( الصبغ والمعجون )

ياخي يعني بالفحص يقولك السيارة كل شي فيها اوكي ومافيها مشاكل لا بالمكينه ولا بالشاص ولا بالجير ولا بالبككس ولا بالعمود الجاردن ولا بالهيئه الاماميه والسيارة نظيفه وانت تشوف ان مافيها دعمات وتلمع بالله اطيح من قيمة السياره ألفين وثلاثة آلاف علشان شوية معجون او شوية صبغ ؟؟؟!!!

يا جماعة والله ظلم احنا عندنا سيارة مافيها شي والله موديل 2008 لا مدعومه ولا شي لكن اضطرينا نصبغها بسبة زلغات من اطفال زلغوا السياره من الـ 4 ابواب وفيها معجون خفيف جدا جدا موجود عند طرف الباب الايسر يوم جينه نبيعها اغلب الشريطيه على طول يقولك لاااااااا لاااااااااا لااااااا السياره هذي مصبووغه السيارة هذي مثل ( المرأة المطلقه ))) !!!! السيارة هذي مدعومه ومصبوغه نزل لنا 1000 دينار ونزل لنا 700 دينار !!!! شالمصخره هذي .
 

ولد الروضه

عضو نشط
التسجيل
31 أغسطس 2009
المشاركات
315
أول شي مشكورين على مشاركاتكم
واخوي mxxy صحيح أن من له حيلة فليحتال لكن موبالحرام مثل (فر العداد) بشرعنا عندنا أصول تحكمنا وفي ادلة شرعية تضبط تعاملنا مع الناس والقاعدة الفقهية تقول: أن المباني تأخذ أحكام المقاصد. وهذا يعني أن الوسيلة لاتبرر الغاية فإذا كان القصد محرم ك(تقليل ممشى السيارة لترغيب المشتري) فإن الوسيلة الموصلة إلية محرمة وهي فر العداد.
فأنا أقول أن اللي يفر عداد سيارته بأي حال من الأحوال هذا انسان قد أخطأ خطأ شنيعا يحاسب عليه يوم القيامة, ولاتقول أن ماألوم اللي يسقط عداد سيارته بل تلومه أشد اللوم لانه ظلم الناس ويحسب أن العداد اذا مشى على العباد أنه راح يفلت من قبضة رب العباد, لايبا اللي يسقط عداد سيارته الله عز وجل يراه وهو على مايفعل رقيب وشهيد.
اخوي se7t أنا عن نفسي راح أسوي اللي عليي, وماعليي من وزارة التجارة اذا تقاعست, أقل شي أني راح أفضحه, على الأقل اذا حصلت أي معلومة عن أي شخص راح أنشره بالمنتديات والجرايد عشان الناس تعرف النصاب من النظيف.
والله الموفق
 

العساف7777

عضو نشط
التسجيل
22 أغسطس 2007
المشاركات
1,431
الإقامة
][الكــ. .K.U. .ـــويت][
السلام عليكم

الله يجزاك خير وكثر الله من امثالك


لازم تقطع راس الحية

لازم يقاضون اللي يلقون عنده جهاز فر العداد

وبمنعون اي محل يستخدمه

وتنتهي المشكله
 

ADEL ALAZMI

عضو نشط
التسجيل
22 أبريل 2010
المشاركات
1,639
الله لك الحمد والشكر

كيف يناامون واهم يضحكون ع الناااس على شان جم دينار

الله يهديهم .... مااقول غير .. دنياك لو تعطيك زين المعوشه % تالي سوالفها يعود على مااش

شكرا صاحب الموضوع
 
التسجيل
28 أغسطس 2009
المشاركات
107
الحمدلله الذي عافانا من طمع الدنيا يااخي ولد الروضه لاتشغل بالك بناس ذبحها طمع الدنيا كانه يبي يعيش العمر كله ولايموت مايدرون ان الموت ياتي بغته صدقني الناس الي تكلم عنهم مومرتاحين بحياتهم نهائيا لوفيهم خير مايرضون بليس ويغضبون ربهم لان بليس يقول عجبا لاابن ادم يكرهونني ويسمعون كلامي ويحبون الله ويعصونه الي عليك بس شي واحد قول حسبي الله ونعم الوكيل اللهم ابعد عنا الطمع والبخل سبحان الله وبحمده سبحان الله العظيم
 

mxxy

عضو مبدع
التسجيل
28 فبراير 2007
المشاركات
2,663
الإقامة
Kuwait
أول شي مشكورين على مشاركاتكم
واخوي mxxy صحيح أن من له حيلة فليحتال لكن موبالحرام مثل (فر العداد) بشرعنا عندنا أصول تحكمنا وفي ادلة شرعية تضبط تعاملنا مع الناس والقاعدة الفقهية تقول: أن المباني تأخذ أحكام المقاصد. وهذا يعني أن الوسيلة لاتبرر الغاية فإذا كان القصد محرم ك(تقليل ممشى السيارة لترغيب المشتري) فإن الوسيلة الموصلة إلية محرمة وهي فر العداد.
فأنا أقول أن اللي يفر عداد سيارته بأي حال من الأحوال هذا انسان قد أخطأ خطأ شنيعا يحاسب عليه يوم القيامة, ولاتقول أن ماألوم اللي يسقط عداد سيارته بل تلومه أشد اللوم لانه ظلم الناس ويحسب أن العداد اذا مشى على العباد أنه راح يفلت من قبضة رب العباد, لايبا اللي يسقط عداد سيارته الله عز وجل يراه وهو على مايفعل رقيب وشهيد.
اخوي se7t أنا عن نفسي راح أسوي اللي عليي, وماعليي من وزارة التجارة اذا تقاعست, أقل شي أني راح أفضحه, على الأقل اذا حصلت أي معلومة عن أي شخص راح أنشره بالمنتديات والجرايد عشان الناس تعرف النصاب من النظيف.
والله الموفق


والله يخوك اهوه حرام حرام اكيد ما يصير وهذا غش ، لكن بالنسبه لي إذا انه راح اعيش بجتمع قاعد يغشني ويغش الناس لازم تغشه قبل لا يغشك يعني انه لو اعرف هالناس والفئات عدل ماراح اقول حرام وراح اغشهم . لكن شنو ذنب هالناس المساكين وخاصتا الي يبي يستعمل السيارة .
 

ولد الديرة

عضو نشط
التسجيل
29 سبتمبر 2004
المشاركات
446
والله يخوك اهوه حرام حرام اكيد ما يصير وهذا غش ، لكن بالنسبه لي إذا انه راح اعيش بجتمع قاعد يغشني ويغش الناس لازم تغشه قبل لا يغشك يعني انه لو اعرف هالناس والفئات عدل ماراح اقول حرام وراح اغشهم . لكن شنو ذنب هالناس المساكين وخاصتا الي يبي يستعمل السيارة .

اسمح لي اخوي كلامك متناقض شلون تقول الغش حرام وفي نفس الوقت تقول لازم تغش لان الناس يغشون على وزن الناس تبوق لازم ابوق معاهم اخوي في كل مجتمع فيهم الصالح والطالح ولو خليت خربت فخليك امين مع ربك ونفسك بارك الله فيك ولا توكل عيالك بفلوس حرام
 

اسكاليد

عضو نشط
التسجيل
4 أكتوبر 2009
المشاركات
703
صراحه احي ولد الروضه علي اخلاقه العاليه

وخوفه علي عيال ديرته الله يعطيك علي قد نيتك يالغالي ..
 

mxxy

عضو مبدع
التسجيل
28 فبراير 2007
المشاركات
2,663
الإقامة
Kuwait
اسمح لي اخوي كلامك متناقض شلون تقول الغش حرام وفي نفس الوقت تقول لازم تغش لان الناس يغشون على وزن الناس تبوق لازم ابوق معاهم اخوي في كل مجتمع فيهم الصالح والطالح ولو خليت خربت فخليك امين مع ربك ونفسك بارك الله فيك ولا توكل عيالك بفلوس حرام



يامعود انت صدقت هههههه ، اخاف حسبالك انه منهم بعد :p .

السالفه ومافيهاا أقولك ان في ناس وايد مظلومه تبي تشتري شي نظيف علشان تستخدم وتجرب ، ويييون شريطيه يكسرون بالحلال وهم يفرون العداد هذول يستاهلون انك تغشهم ولا لأ ؟؟؟؟ يعني مثل ما اهمه اعتدوا علي انه ماعندي مانع اني اعتدي بمثل ما اعتدوا علي .... يعني مثلا خلنا بشي بسيط انت رايح تبيع موبايل روح بيعه على محل وسو روحك غشيم شوووف النصب الي قاعد ينصبه علييك وتلاحظ ان يطيح من قيمته لأن شافك غشيم يغشك ويخدعك ،، شفت هالشكال وربي اني اروحله بعد فتره مو بس اغشه ألا أخسره اشكره عيني عينك واسوي عليه افلام ما صارت ولا ستوت .... لكن حرام ان الواحد يسوي جذي مع الناس المساكين ومع المحلات او الناس الي تشتري وتبي تترزق الله او تبي تستخدم قصدي أقوووول (((( فتحوا عيوونكم عدل واحنا في زمن ماله أمااان )))) لحد يقول حرام وما حرام تره حرام علينه ان نسكت . والله ما يحب المؤمن الضعيف . وهذا الي اقصده .


وانه قصدي اضم صوتي مع الي يقول بإنشاء قانون يجرم هذه الفعله الي اهيه غش في غش . وشكرا عزيزي .
 

بوجويس88

عضو نشط
التسجيل
28 فبراير 2009
المشاركات
168
تسلم ولد الروضة على اقتراحك الهادف

و انا فضحت محل لعب علي بسيارة عداده ملعوب فيه و حطيت موضوع و بالصور بعد و الناس تفاعلوا وايد بالموضوع و لكن للأسف الموضوع تسكر من قبل الادارة و صار محد يقدر يشارك

و هذا رابط الموضوع http://www.indexsignal.com/vb/showthread.php?t=234749
 

knet

عضو نشط
التسجيل
11 مايو 2010
المشاركات
68
طول عمري وانه ما أحب اشتري المستعمل وخاصتا الالماني والامريكي
 

OP2

عضو نشط
التسجيل
4 مارس 2010
المشاركات
31
شباب يعطيكم العافيه

في كراج بالري ينزل العداد

صارت جدامي قاعد اصلح سيارتي والكراج الي يمه ينزل عدادات

ودي اقول اسمه بس خايف من الشريطيه يروحون له
 

ولد الروضه

عضو نشط
التسجيل
31 أغسطس 2009
المشاركات
315
يعطيكم العافيه على مشاركاتكم وتفاعلكم, بوجويس ماسويت شي حق راعي المكتب ؟
وبالنسبة حق اخوي op2 عطني اسم المحل بالخاص اذا ماتبي أحد يشوفه وانا بروحله بنفسي وببلغ وزارة التجارة, أنا جاد ياجماعه أي واحد عنده أي معلومه خل يبلغني, خلونا انظف الديره من هالأشكال.
 

كلك ذوق

عضو نشط
التسجيل
6 سبتمبر 2009
المشاركات
140
اخوى فيه مطاعم تبيع البيبسى ابو 100 فلس 150 ...بدكاكين على 100 فلس وفيه مطاعم 100 فلس تبيعه ..

اشلون عليهم

اخوى فى مطاعم تبيع سندويش المشكل 100 فلس مطاعم تبيع المشكل على 300 فلس اشلون عليهم
القائمه طويله على بما انه نصب حبيت اقولك

بطاريات السيارات قبل على 8 دنانير وانت الى طالع الحين ارخص بطاريه ما تصيدها 20 دينار يقولى راعى المحل البترول ارتفع وراعى المطعم يقولى البترول ارتفع

فيه امور وايد اللعن من العداد
خلها على الله
 

بو بـدر

عضو نشط
التسجيل
7 أغسطس 2009
المشاركات
463
الإقامة
الكويت
اخوى فيه مطاعم تبيع البيبسى ابو 100 فلس 150 ...بدكاكين على 100 فلس وفيه مطاعم 100 فلس تبيعه ..

اشلون عليهم

اخوى فى مطاعم تبيع سندويش المشكل 100 فلس مطاعم تبيع المشكل على 300 فلس اشلون عليهم
القائمه طويله على بما انه نصب حبيت اقولك

بطاريات السيارات قبل على 8 دنانير وانت الى طالع الحين ارخص بطاريه ما تصيدها 20 دينار يقولى راعى المحل البترول ارتفع وراعى المطعم يقولى البترول ارتفع

فيه امور وايد اللعن من العداد
خلها على الله

الشق عود
 

قناص_السوق

عضو نشط
التسجيل
8 يناير 2009
المشاركات
1,348
السلام عليكم أول شي..
هالايام زاد كلام الناس على سالفة فر العدادات وعن المكاتب والاوادم اللي ماتخاف ربها, ناس تعبد الدينار والدرهم لاذمة ولاضمير وأهم شي عندهم الربح, انسان تلقاه يبيع دينه على شي مايسوى, كلها جم دينار ياخذهم راح تكون وبال عليه وحسره يوم القيامة.
شباب عندي طلب حار للي عنده أي معلومة عن أي شخص أو أي محل يفر عدادات السيارات في الري وغيرها خل يبلغني بالعام عشان الناس تشوف وانا باذن الله اذا عرفت أي معلومة راح أتحرك بنفسي وأوصلها حق أمن الدولة وحق كبار المسؤولين وأبي مساعدتكم يااخوان.
لاتبخلون علينا بأي معلومه ممكن تساعدنا


شكووووووووووووووووووووو امن الدوله و الله شكله انت الي تبيييييي معلومات و بتنزل عداد بس مو عارف و ين وسويت هالحيله
 
الحالة
موضوع مغلق
أعلى