شفر عقدني تطلع كلمه safe mode

[hbtko]

يا جماعه الموتر شفر ال تي زد 2005

احيانا تطلع هالكلمه ورحت من الدعاميه لي الداعميه وقال تصفيه
وصفيته برا تصفيه عامه
ةبعدين رجع نفس الكلمه
ولما تطلع هالكلمه يطيح العزم وتدوس بانزين ما تمشي حدها 50

وتطفي وتشغل وتروح
واحيانا ترجع محد مرت عليه
وشكرا

 

[الله ثم الوطن]

اخـــــــــوي طال عمرك ابي اقولك اللي عندي يمكـــــــــن يفيدك ,,,,,,,

هالكلمـه يعنـي امـان لـك وللمكينـه في شـئ داخـل المكينـه مو معير او في شئ مو مضبوط انا اذكر ان المشكله هذي صارت لواحد كان يشارك بمنتدى اس اس فور ايفر ss4ever حق شفرات اس اس ولومينات ... مشكلـتـك حلهـا اولا عند الله سبحانه وثانيــا عند عضـو اسمــه capyss واحد من الشباب كويتي اذكر قالنا هالمشكله بالمنتدى وقعد فتره طويله سوا كل شئ واخر شئ طلع شئ بسيط لازم تدور على العضو وتراسله او دزلي رقمك خاص افهمك واعطيك بياناته وخوش رجل هو وينصح وعنده خبره بالشفرات كل شئ ,,,, لان نفسك راح كل مكان محد لقى العله وبتوفيق الله سبحانه عرف المشكله ...

اتمنـــــــــــى اني اكون افدتـك ولو بشئ بسيط وانا حاس بمعاناتـــــــــــــــــك لما تروح وكاله يقولون تصفيه ومادري شنو وياخذون منك فلوس وترجـــــع نفس المشكله ... تحياتي

 

[Riskman]

صارت معاي من قبل
المشكله في المترجم مال السيارة او اظن الجديد ما يتعدى 120 دينار بس لازم له رقم علشان يتعرف على السيارة.
او انصحك نركب طرمبه بانزين مالت مرسيدس قبل لاتبدل الكمبيوتر او المترجم.

انا بدلت الكمبيوتر 5 مرات تقريبا بس اخر مره بدلت الكمبيوتر + الطرمبه او ضبطت.

اظن هالمشكله تصير اكر اذا صات الجو حار

بالتوفيج

 

[w_e_e_b]

من خبرتي والله اعلم انه المشكله بالمترجم الى فوق الشوته والله اعلم
ميكانيكي قديم

 

[hbtko]

الاخ الله ثم الوطن
الاخ رسك مان
الاخ ويب

مشكورررين وما قصرتوا والله يجزاكم خير
بطبق نصائحكم وانشالله تضبط

 

[free-boy]

سولها برمجه وانتها موضوعها انت الظاهر مبدل بطاريه ... تدري شلون جرب هالحركه .. خلها على الناريه 10 ثواني او اكثر بشوي و افصل راس البطاريه ... خله دقيقه مفصول و بنفس الوقت تخيل السويج على الناريه .. و بعدين ركب اصبع البطاريه مره ثانيه و السويج على الناريه .. الحركه هذي تعيد لك برمجة السياره و كأنها طالعه من المصنع و تراها ما تأثر ولا شي بالعكس ممتازه

 

[بوعبدالله 11]

كلام الاخوان كله صح والعله اما من المترجم او سنسر الاقزوز حصلت معاي قبل
والارجح المترجم

وبالتوفيق ان شاء الله

 

[بو محمد 999]

انا صارت حاله مقاربه كان عندي لومينا 2003 رحت لكهربائي فك الديلكو ونظفه بالهواء وشغل السياره واوكي اشتغلت

كانت السياره تدق سلف بس ماتشتغل


بعد فتره رجعت الاعراض رحت لكهربائي ثاني طلع واير من الديلكو للمترجم بدله لي وصارت السياره اوكي


ارجوا اني اكون افدتك

والسلام

 

[hbtko]

free boy
بو عبدالله
بو محمد

اطال الله بقائكم وامدكم بالصحه ووفقكم
وانشالله بجرب حركه البطاريه
وبشيك على واير الديلكو والسنسر

 

[عبدالعزيز1123]

السلام عليكم اخوي انا صارلي مثلك عندي يوكن 2005 ويطلع لي علامات ومحد عرف من شنو
وقالو لي افحص كمبيوتر وفحصت بالشويخ عند كراجين وكلهم طلعو لي خرابات ويبون يصلحون لي ب200 دينار وواحد قالي شيل البطاريه وركبها مره ثانيه ويتبرمج بروحه وراح يروحون وسويت مثل ماقال لي ومشالله السياره مافيها اي شي