بحلفكم بالله

احمدحميد

عضو نشط
التسجيل
1 ديسمبر 2009
المشاركات
1,238
السلام عليكم -- سؤال اخرخش بقلبى ودي اسئله من زمان وحان الوقت السؤال الاول -- لو ردولك نص الى خسرته ترجع ثاني مره للبورصه -- السؤال الثاني اذا الله رزقك بورث او من السحوبات الدعاية ترجع البورصه -- الؤال الثالث اذا رتفع السوق ترجع البورصه --- ناطر التعليق لاني فعلا ؟
 

Scan

عضو نشط
التسجيل
9 ديسمبر 2007
المشاركات
145
الإقامة
Kuwait
احمد حميد عضو جديد
يدور السوالف......
بختصار البورصة مرض نفسي والعلاج الوحيد له الافلاس
سوااااا كنت مستثمر صغير ولا صانع سوق.!!!
 

Metalforever

عضو نشط
التسجيل
19 يوليو 2008
المشاركات
1,321
الإقامة
الكويت
الإجابة (عن نفسي طبعا):
1) لو ردو لي نص إلي خسرته: أظل بالبورصة :) ..
ولكن ، لو ردو لي 80% من خسارتي ، أخرج لمدة عام و أرد أرجع .... :)
2) إذا ورث: أدش البورصة ، أما إذا سحوبات الدعاية ما ظن أدش لأن المبلغ أصلا ما يكفي تدش بيه البورصة ... هههه
3) إذا إرتفع المؤشر طبعا برد البورصة ... إذا المؤشر نازل و ما زلنا موجودين ، فما بالك و المؤشر صاعد ، بس طبعا يكون في سيولة جيده ...
مصيرها تتحسن إن شاء الله ...

بشكل عام ، مهما كان حال البورصة ، أنا لا أتداول بأكثر من ثلث الكاش الموجود ...


أنا بخاطري أضيف سؤال: في أحد من الموجودين بالبورصة يقدر يخرج من البورصة و للأبد؟ :) :) :) :)
 

سهمك اخضر

عضو نشط
التسجيل
22 أكتوبر 2009
المشاركات
9,427
الإقامة
الكويت
يبه باقون بالبورصه لان ادمنا

ثانيا" ورثي ما افكر ادخل فيه نهائيا"

مبلغ سحوبات احرقه بالبورصه حرق

بعدين نزل السوق صعد السوق نحنو باقون
 
التسجيل
17 أغسطس 2009
المشاركات
495
شوف اخوي = بالمختصر
بني آدم طماع بطبعه
اذا خسر يبي يعوض
واذا عوض يبي مربح
واذا ربح يبي زياده
 

الشاطر

عضو نشط
التسجيل
20 يونيو 2004
المشاركات
1,489
ياليتى قعدت على غنمى ولادخلت البورصه لا بيت لاغنم لاسياره مثل الاوادم لانوم مثل الاوادم نفسيه زفت وانت ربحانه متحسف على البيع وانت خسران متحسف على عدم البيع شخصيه المتداول دايم تلقها متقلبه وخاصه المضارب يوم تلقاه ابو العريف ويوم كل ينشد يعطيك ميه وجه
 

troy1

عضو نشط
التسجيل
24 يناير 2008
المشاركات
903
اجيلتي 3 دنانير والبيع 900 فلس
وبردت عليها بكميه على سعر دينار و300 فلس
خسارتي فيها كبير بس ارباحهم والاسهم المنحه ساعدتني شويه

سلطان دينار وشي والبيع بـ 170 فلس
الصفوه 200 فلس البيع بـ 60 فلس
وصكوك والامان كلهم بيع بـ اقل من نص القيمه
وخسايري جايده الله يعلم فيها : )

وبـ شهر يناير او فبراير 2009 ..
شفت الاسعار فرصه وياتصيب يا تخيب , يا اعوض يا ادمر نفسي :/ !
خذيت قرض 45 الف وزدت عليهم من عندي 20 الف
وحطيتهم كلهم بالصفوه وتمويل خليجي وبوبيان ..
وحمدالله كلهم دبلو معاي .. والصفوه بعتها بربح 3 اضعاف وشي
بأرباح الصفوه بس عوضت كل خساير السنين اللي طافت وطلع معاي ربح من فضل الله ماتوقعته
وفكرت اخذ قرض الاسكان واشتري بيت وسياره والباجي اطقطق فيه بالبورصه ههههه

بس شنو تتوقع سويت ؟
حمدت وشكرت ورضيت بما اعطاني الله واقتنعت وطلعت ؟
هههههههه طبعا لأ !
كنت ابي دبل أخير عشان تطلع علي امنياتي بـ نص القيمه هههههه !!
واخذت ابيار بـ 106 وبـ 99 فلس والبيع بـ 53 فلس
قالو الخرافي راح يدش فيها وسعرها العادل 240 لول خرطي
ودبي الاولى 102 فلسين والبيع شي بالـ 70 وشي بالـ 50 وشي بالـ 40
استراتيجيا 68 فلس والبيع شي بالـ 50 وشي بالـ 40 وشي بالـ 30
وعقب اخذت كل اللي بقى حروة الـ 30 الف وحطيتهم بالمستثمرون وجراند وميادين
هههه وشوفة عينك :/
والحمدلله على كل حال


واتوقع ربحت ملوينين او دينارين ... ماكو فايده برد واحطهم بالبورصه
كل ما احاول اتداول بس بالربح من غير راس المال .. ماعرف , وهذي النتيجه !!!
الله يشهد علي انه عمري ما سحب جّيك واحد او دينار واحد من هالبورصه !
رغم كل اللي ربحته !
لووول والحين لو بطلع ... الخساره يبيلها 3 بعارين يشيلونها معاي :/

ادمان الله المستعان ويفكنا شرها ويعطينا من خيرها ويقنعنا
اللهم آمين
وسوري عالطواله
بس كان الكلام ذو شجون :p
 

F*N

عضو نشط
التسجيل
23 فبراير 2009
المشاركات
142
هيضت شجونا الله يهداك
انا داش ب68 الف
اكتتاب اجل 240الف بسعر 150 وتفسخ بسعر 87 اعتقد
تمدين ا اجل بسعر 580 الكميه 80 الف تفسخ ب370 اعتقد
ابراج 160 الف ب14 الف والحين واقفه ويمكن مفلسه
الدار 20 الف بسعر 190 وواقفه
تمويل خليج 40 الف وشوفه عينك

الباقى بجيبى 2850 بسافر فيهم اوربااااااا

نهايه القصه وعاشو عيشه سعيده
والحمدلله على كل شى
 

sds2

عضو نشط
التسجيل
1 يونيو 2008
المشاركات
663
احمد حميد عضو جديد
يدور السوالف......
بختصار البورصة مرض نفسي والعلاج الوحيد له الافلاس
سوااااا كنت مستثمر صغير ولا صانع سوق.!!!




صدقت في هذا التعليق ااويدك ...
 

الشاطر

عضو نشط
التسجيل
20 يونيو 2004
المشاركات
1,489
لووول والحين لو بطلع ... الخساره يبيلها 3 بعارين يشيلونها معاي :/

:p

هههههههههههههه نسيتنى الغنم شر البليه مايضحك

الله يعوض علينا وعليكم

واحد من الربع يقول كل ما ادش دوانيتنا الا اخوانى وربعهم يسولفون واجى للشيبان ولا اشتر هالسهم وبيع هالسهم يقول وهو دكتور ميسور الحال جمعت ما عندى وطلعت 7 الاف ودخلتهم السوق اول سهم شريته الخساره فيه تقريبا 140 دينار مع العموله ما قدرت انام طول الليل وانا اتحلطم واتوعد الصبح بعتهم وحلفت ما ادش السوق يازين اللى من اول طراق يتعلم
 

abubatoul

عضو نشط
التسجيل
6 سبتمبر 2008
المشاركات
635
واحد من الشباب سألوه :
شخبار البورصة معاك ؟
قال : طردوني والله ...!!!!
قالوله : ليش اشسويت ؟ :confused:
قال : ما سويت شي ... بس خسرت كل فلوسي .::verymad::. وماعندي الحين ولا فلس .. فطبعا بيطردوني :D
شكلنا ناطرين للطرده :cool:
 

قـلـب الأسـد

عضو نشط
التسجيل
16 مايو 2010
المشاركات
107
السلام عليكم -- سؤال اخرخش بقلبى ودي اسئله من زمان وحان الوقت السؤال الاول -- لو ردولك نص الى خسرته ترجع ثاني مره للبورصه -- السؤال الثاني اذا الله رزقك بورث او من السحوبات الدعاية ترجع البورصه -- الؤال الثالث اذا رتفع السوق ترجع البورصه --- ناطر التعليق لاني فعلا ؟


اهلين بو سنسونه جني عرفتك من بدلياتك :)
 

Cozmo

موقوف
التسجيل
11 مارس 2008
المشاركات
5,333
الإقامة
دار جابر وسعد ومن بعدهم صباح ووليه نواف راعي العهد
ادمان البورصه ما اعتقد بطلع
 

level-1

عضو نشط
التسجيل
6 سبتمبر 2007
المشاركات
1,126
:)
واحد من الشباب سألوه :
شخبار البورصة معاك ؟
قال : طردوني والله ...!!!!
قالوله : ليش اشسويت ؟ :confused:
قال : ما سويت شي ... بس خسرت كل فلوسي .::verymad::. وماعندي الحين ولا فلس .. فطبعا بيطردوني :D
شكلنا ناطرين للطرده :cool:

:)95% من الشباب حلاتنا:cool: عليهم انذارات وينطرون الطرد باى كسره او اى فاول (غير متعمد) طبعا الله يرزقنا معاكم من فضله سوق ادمان حتى لو تخسر:D
 

خالد الرخيمي

عضو نشط
التسجيل
26 مارس 2010
المشاركات
95
الإقامة
الكويت
سؤال ابي شنو معناة الاجل وهل الاجل يعطزني وانا ماعندي فلوس ولا شنو بالضبط ؟ وهل تنصحون فيه
 

معشي الجن

عضو نشط
التسجيل
2 فبراير 2008
المشاركات
1,668
الإقامة
جزيرة قاروه
السلام عليكم -- سؤال اخرخش بقلبى ودي اسئله من زمان وحان الوقت السؤال الاول -- لو ردولك نص الى خسرته ترجع ثاني مره للبورصه -- السؤال الثاني اذا الله رزقك بورث او من السحوبات الدعاية ترجع البورصه -- الؤال الثالث اذا رتفع السوق ترجع البورصه --- ناطر التعليق لاني فعلا ؟

والله يا خوي لو عندي بس دينار ويصير أضارب فيه ,, لأضارب لين أخسره أو أربح ,,, حبيبي قمار شرعي و أدمان :)
 

ROPAN

عضو نشط
التسجيل
4 يوليو 2009
المشاركات
172
الإقامة
الكويت
اما انا فلحمدلله اول يوم دشيت من حوالي سنه ربحت 53 دينار
وماكنت ادري شسالفه
وشريت وبعت وطلعلي بأسبوع حوالي 400 دينار
وراس المال كان 15000 حسيت اني راح انافس الخرافي بيوم
وبعد هل اسبوع وتحديدا 27_6_2009
عينك ماتشوف الا النور ماقمت ادري منو طقاقي
وصارت المحفضه كله احمر وكمخ علي الراس
والحمدلله خسرت اكثر من النص والباقي رايح
:)
 
أعلى