شر البلية مايضحك:(

[fea014]

السلام عليكم..
والله ياجماعة بعد دخولي السوق من 2006 ومره الرصيد صاعد ومره نازل
وبالنهاية بعد توقيف الشركات!!
قعدت أفكر باللي يحصل كله ولقيت نفسي أداة مثل هالشركات صار يتحكم
فيني ناس وكأني شركة بتعلن أفلاسها
اللي حولي يستغربون مني ويقولون
حنا ماعرفنا لك مره عندك فلوس ومره مفلس
وقلت في قاطري مايدرون إني مره أجمل الميزانيه ومره الف وأدور
وبالنهايه إكتشفت إني شركة ورقه وتم توقيفي وماعندي الحين ألا الفقر
ودي أشبه اللي متعلم التحليل وعنده الاخبار وماشي صح بالسوق بإنه شركة تشغيليه وقياديه واللي مثلي الله يعينه شركة ورقيه مصيرها الإفلاس
ياجماعه السوق خبل فيني حسبي على اللي كان السبب
بس هذا اللي عندي

 

[بو راشد القرش]

الله يعطيك العافيه

ذكرتنى بصديق كان ناوى يشترى سيارة من مكتب بسعر 9 آلاف

راح البنك يبى يا خذ قرض ولم أخذ القرض وذهب إلى المكتب تفاجىء أن السياره نباعة

وقال شسوى بالفلوس وقام يفكر ويقول ما كو إلا البورصه أفضل شىء للربح السريع

وهو ما يعرف شىء أبيض مره وحده؟؟؟؟

وراح ثانى يوم البورصه وهو مايعرف أحد كأنه داش صالة أفراح وما يعرف أحد بالمره

وقام يطالع شمال ويمين ما يعرف أحد وقعد يفكره وما كو فايده ولما فكر يخرج شافه واحد

شايب وقاله باين عليك جديد وأنا أول مره أشوفك

وصاحبنه شرحله وضعه وقاله أنا أخذة قرض أبى أشترى سياره وما حصل نصيب

والحين أبى أجرب حظى يمكن الله يوفقنى فى البورصه

ورد عليه الشايب وقاله أنا حاظر أول شىء روح أفتح حساب بالدور 6 وحول الفلوس

وتعال وأنا موجود كل يوم ؟؟؟

وصاحبنا ما صدق الخبر ثانى يوم حول كل شىء وراح للشايب وقاله شترى هذا السهم

بكل فلوسك ولا تبيعه إلا بعد شهرين أو أكثر ولا تدرى شلون لم أقولك

ويا سبحان الله السهم صعد معاه أكثر من 150 بالمئه خلال الشهرين ولما شاف الشايب

وقاله بيع على طول ولا تناقش وصاحبنا لبا النداء وباع على طول ؟؟؟؟

وقاله الشايب الحين أخذ الفلوس وسكر الدين الى عليك والباقى أشترى أحسن سياره كاش

مو أقصاد ؟؟؟

وأخيرا وليس أأأأأأخرا تدرون شنو قال الشايب للولد قاله ياولدى البورصه تبى فلوس ميته

ما تبى فلوس تاخذها أقصدد؟؟؟؟

 

[طنش تعش]

الظاهر الشايب محلل فني ... بس بالتشيير !!!

 

[NEW حاكم السوق]

والله والنعم بهالشايب ..... هذوله أهل الكويت الطيبين ....

مو هالأشكال اللي طلعولنا مدري من وين!! وتو لبس العقال!! وقام يفر المسباح!! ويتبختر كأنه ملك السوق!! ولعبو بخلق الله هالمساكين بهالشركات التشيشي والفشيشي .... وعلبو بعضها شركات شرعيه وماهي من الإسلام بشيء!!!! لدرجة لبلع الفلوس بدؤو بالطعن حتى بفتاوي لجانهم الشرعيه !!! كلها لعدم الدفع!!!! وبلع البيزه!!! بالحرام .... لاحول ولاقوة إلا بالله ....

لابارك الله فيهم ... وعسى مال الناس زحير وسقم فبطونهم ....

حسبي الله ونعم الوكيل .... فهو لهم أولا وأخيرا بالمرصاد ... يمهل ولايهمل

 

[zizo 40]

الله يعطيك العافيه

ذكرتنى بصديق كان ناوى يشترى سيارة من مكتب بسعر 9 آلاف

راح البنك يبى يا خذ قرض ولم أخذ القرض وذهب إلى المكتب تفاجىء أن السياره نباعة

وقال شسوى بالفلوس وقام يفكر ويقول ما كو إلا البورصه أفضل شىء للربح السريع

وهو ما يعرف شىء أبيض مره وحده؟؟؟؟

وراح ثانى يوم البورصه وهو مايعرف أحد كأنه داش صالة أفراح وما يعرف أحد بالمره

وقام يطالع شمال ويمين ما يعرف أحد وقعد يفكره وما كو فايده ولما فكر يخرج شافه واحد

شايب وقاله باين عليك جديد وأنا أول مره أشوفك

وصاحبنه شرحله وضعه وقاله أنا أخذة قرض أبى أشترى سياره وما حصل نصيب

والحين أبى أجرب حظى يمكن الله يوفقنى فى البورصه

ورد عليه الشايب وقاله أنا حاظر أول شىء روح أفتح حساب بالدور 6 وحول الفلوس

وتعال وأنا موجود كل يوم ؟؟؟

وصاحبنا ما صدق الخبر ثانى يوم حول كل شىء وراح للشايب وقاله شترى هذا السهم

بكل فلوسك ولا تبيعه إلا بعد شهرين أو أكثر ولا تدرى شلون لم أقولك

ويا سبحان الله السهم صعد معاه أكثر من 150 بالمئه خلال الشهرين ولما شاف الشايب

وقاله بيع على طول ولا تناقش وصاحبنا لبا النداء وباع على طول ؟؟؟؟

وقاله الشايب الحين أخذ الفلوس وسكر الدين الى عليك والباقى أشترى أحسن سياره كاش

مو أقصاد ؟؟؟

وأخيرا وليس أأأأأأخرا تدرون شنو قال الشايب للولد قاله ياولدى البورصه تبى فلوس ميته

ما تبى فلوس تاخذها أقصدد؟؟؟؟

قصه حلوه, يمكن حظ مبتدىء
تلاحظون إنه دايما اللى يدش جديد البورصه يربح بأول صفقه
لازم يجرون ريولنا وبعدها إدمان مزمن

 

[BIG.PUN]

اذا فيه فايدة من التشيير 150% وين هالشايب له عموله 50% من الربح

 

[بو راشد القرش]

الظاهر الشايب محلل فني ... بس بالتشيير !!!

محلل بالفطه

والله والنعم بهالشايب ..... هذوله أهل الكويت الطيبين ....

مو هالأشكال اللي طلعولنا مدري من وين!! وتو لبس العقال!! وقام يفر المسباح!! ويتبختر كأنه ملك السوق!! ولعبو بخلق الله هالمساكين بهالشركات التشيشي والفشيشي .... وعلبو بعضها شركات شرعيه وماهي من الإسلام بشيء!!!! لدرجة لبلع الفلوس بدؤو بالطعن حتى بفتاوي لجانهم الشرعيه !!! كلها لعدم الدفع!!!! وبلع البيزه!!! بالحرام .... لاحول ولاقوة إلا بالله ....

لابارك الله فيهم ... وعسى مال الناس زحير وسقم فبطونهم ....

حسبي الله ونعم الوكيل .... فهو لهم أولا وأخيرا بالمرصاد ... يمهل ولايهمل

أخوى هذولى الناس الى فيها خير

قصه حلوه, يمكن حظ مبتدىء
تلاحظون إنه دايما اللى يدش جديد البورصه يربح بأول صفقه
لازم يجرون ريولنا وبعدها إدمان مزمن

السالف فى عام 2006 مو الحين

وأنت عارف تكرم دخول الحمام مش زى خروجه

 

[بو راشد القرش]

اذا فيه فايدة من التشيير 150% وين هالشايب له عموله 50% من الربح

فى واحد فى المنتدى موجود وفيه خير ومتخفى والى يصيده راح يعشى

عياله ويعيش فوق النخل

بس راح أقول أول حرف أسمه أسد سليمان ملك

لول لول لول أبو الكنادره

 

[zizo 40]

قصة الشايب تذكرنى بقصه صارت مع صديق

قرر يدش السوق قبل سنه تقريبا بعز الأزمه
نصحته يستثمر بيزاته ببنك الخليج بحساب الدانه
يمكن يحالفه الحظ, السوق فيه لعب وما يعرفله الخبراء والمحللين

المهم صاحبنا قرر يدش السوق, سألنى أنصحه ب 3 أسهم بس
نصحته ب10 ونصحته يدش بالكسور عالخفيف حتى يتعلم
صاحبنا عنيد وحلفنى بالغوالى أنصحه ب3 أسهم بس مع إخلاء مسئوليتى إذا خسر
وفعلا نصحته ب3 أسهم: إكتتاب 33 فلس وإيفا 67 فلس والدانه 50 فلس

صاحبنا دش على الدانه بكل راس ماله 3000 دينار 60000سهم
سألته ليش ما سمع نصيحتى وشرا عالخفيف
قال إنه متفائل بالدانه على إسم بنته

طبعا الدانه صعد ونصحته يبيع وما يطمع, أنا نفسى شريت بال50 وبعت بال 63, بس صاحبنا قال إنه ما راح يبيع إلا إذا وصل السهم لحد معين فىباله

وطبعا السهم إستمر بالصعود ورفيجى يشكرنى يوم ويعزمنى يوم
وقط السهم قبل أشهر على 200 فلس يعنى 12000 دينار
رد صاحبنا إستثمر 9000 دينار بحساب الدانه وسافر واستانس مع العيال بال3000 الباجيين

دق على قبل أسبوعين وعزمنى على مطعم 5 نجوم, ربح 5000 بسحب الدانه


ما أدرى هذا حظ أو توفيق من ربنا أو الإثنين, طبعا أنا مستانس وأتمناله التوفيق دايما, لإنه يستاهل وبصراحه أحب أنعزم على المطاعم الفخمه

 

[NEW حاكم السوق]

عسى الله يوفقك ووياه ... الرزقه وألأجل بيد الله عزوجل
والرجل متوفج من رب العالمين .... وتفائل فيه
أحسن من بعض المناحيس .... الله يبعدهم عن الجميع

 

[اسهم]

دق على قبل أسبوعين وعزمنى على مطعم 5 نجوم, ربح 5000 بسحب الدانه

ترى عقب الخساير والساعه وحدة تصير السوالف حلوة

سحب الدانة مافي ب 5 الاف خلوها من 3 شهور كل فايز الف دينار و مايصير اكثر من نفس الشخص يفوز باكثر من الف وكل اسبوع الف لعشر فائزين ...

 

[zizo 40]

ترى عقب الخساير والساعه وحدة تصير السوالف حلوة

سحب الدانة مافي ب 5 الاف خلوها من 3 شهور كل فايز الف دينار و مايصير اكثر من نفس الشخص يفوز باكثر من الف وكل اسبوع الف لعشر فائزين ...

والله أنا ما تحققت من الموضوع, يمكن ما فاز ويمكن فاز بمبلغ راهى وما يبى يقول, وما أظن هذا المهم بالقصه, الحكمه إنه ممكن نربح بسوقنا ومو الكل خسران, والمساهم لفتره طويله عنده فرصه أكبر للربح إذا إختار أسهم زينه وأرباحها طيبه.

أتمنى القصه تعطى بعض الأمل لصاحب الموضوع والأخوان اليائسيين من الوضع الحالى للسوق

تصبحوا على خير

 

[باحث قانوني]

ترى عقب الخساير والساعه وحدة تصير السوالف حلوة

سحب الدانة مافي ب 5 الاف خلوها من 3 شهور كل فايز الف دينار و مايصير اكثر من نفس الشخص يفوز باكثر من الف وكل اسبوع الف لعشر فائزين ...

http://www.youtube.com/watch?v=dqlUc1LEjQw&feature=related

 

[mon406]

توجد قصه حصلة لاأحد أقربائي
يقول بعد التحرير بكم سنه وبعد إفتتاح البورصه بفتره وتعدلت الحركه كان عمره في أوائل العشرينيات ولديه مبلغ بسيط وحب يدخل البورصه
يقول أول يوم دخلت البورصه وأنا مفتخر على أساس بأني من أصحاب المال مسكني رجل كبير بالسن ( توفى الله يرحمه إن شاء الله ) وبعد أن سألني عن أسمي قال له يا وليدي مبين عليك صغير العمر فدير بالك من البورصه شفت هؤلاء الموجودين أكثرهم نسميهم أصحاب التكاسي وهم أصحب رؤس الأموال الصغير مثلك نحن المقتدرين نرفع السهم لإيهامهم بطلوع السهم فيتداولونه بقوه للربح فيوصلون السهم للحد الذي نريده وفي الخفاء نحن أصحاب رؤس الأموال والمحافظ نبيعهم وبعد التضخم ينزل سعر السهم ونتركه قيقومون ببيع السهم وعند سعر معين نحن نشتريه ونزيد الطلب عليه و هل مجره فأنصحك يا وليدي أترك السوق عنك وإلا سوف تنضم لأصحاب التكاسي

وهذا الذي أراه الماشي في سوقنا وأنا إنضميت لأصحاب التكاسي من عام 2007 والله يستر الخساره حتى الآن أكثر من 70 %

فأنصح الذي لم يقص في البورصه حتى الآن الإبتعاد عنها إلا الذي عروقه بالماء سواء من علم أو معرفه في باطن الأمور اما البسطاء روحو أستانسو بفلوسكم وونسو أهلكم أبرك من ....... والصناديق​

 

[Cozmo]

مشاء الله كل واحد يقول قصته مع السوق
كلامكم يفرح والله

انا قصتي مع السوق كانت بدايتي في منا يوم كان السهم على 300 فلس وطار لي الدينار و 800
شريته ب 300 وشوي ما اذكر بالضبط وبعته عند ال دينار و1800

هذا كان بدايتي الفعليه بالسوق والي كون راس المال الي عندي حاليا

والحمد لله فعلا كانت بدايه موفقه وصح كلام الاخوان ضربة حظ كانت


لكن الله يرحم ذيج الايام يا منا

 

[مضارب شجاع]

فى واحد شايب عمره ما دش البورصة ولكن من كثر الكلام عنها ومن ربعه الشياب ،
فكر وقال ليش ما ادش واجرب
راح وباع من معاشه وأخذ قرض فوقهم وطلع له 50 الف دينار
وعلى طول حولهم شيك للمقاصة
وبما انه مو فاهم شئ عن الاسهم وعن طريقة التداول
قال للموظف لو سمحت حطهم بالحساب
، والموظف قال له حاضر
كم رقم التداول
عطاه الشايب رقم التداول وحط الفلوس ورجع للبيت مستانس
وكل يوم يسمع ويتابع اخبار الاسهم ، وبعد سنة صارت الازمة المالية
والكل يشتكي من الخسائر والمصائب والانهيارات فى الاسعار
فكر وقال ليش ما اروح البورصة وأسئل عن حلالي !! يمكن اكون خسران او اكون ربحان والله يستر ::verymad::
ودق سلف وراح لمبني البورصة وعلى طول راح الى الموظف اللي حطه له الفلوس عنده
وقال له ها يا الاخو بشر عسي ما خسرنا وان شاء الله نكون ربحانين !!!
الموظف قال : لحظه اشوف الحساب !!
الموظف يشك وقال له حجي انت الموجود عندك كاش 50 الف دينار !!!!
قال الشايب شنو لا ربحت ولا خسرت !!!
الموظف قال له : انت ما شريت ولا سهم علشان تربح او تخسر ، انت حاطهم كاش فقط ما طابت شراء ولا مره !!
الشايب قال : و الله انى كنت اعتقد الفلوس بروحه من غير ما اتكلم هى تشتغل بروحها وهى تربح بروحها !!!
الموظف قاله حجى خيره لك لو انك شاري فيهم اسهم يمكن ما تحصل ربع رأس مالك
والشايب قال للموظف : تدري شلون اسحب الفلوس كلها وخلاص ما اراح ادش مره ثاني .
قصة واقعية وحبيت اقولها لكم وعسي تعجبكم .
__________________
سوق الكويت لحرق الأوراق المالية

 

[NEW حاكم السوق]

بارك الله فيك يالمضارب .... والله فيها الكثير من العبر ... ياسبحان الله له الحمد والشكر
"ماكان ليصيبك ماكان ليخطؤك! وماكان ليخطؤك ماكان ليصيبك"
"الرزقه وألأجل بيد الله سبحانه"
لاإلله إلا الله سبحانه

 

[fea014]

كل الشكر لكم

الله يعطيكم العافيه ياجماعه على مشاركاتكم وماقصرتوا
مع هذا كله تراني كتبت قبل هالمره موضوع تحلى ببرود الاعصاب!!
وانا الحمدلله مع إني شبه مفلس وموقوف حالي حال الشركه اللي إستثمرت فيها لكن مبرد أعصابي ومريح بالي لين الله يفرجها ومافي شي يصعب ويتعسر ألا مايفرج ويتيسر وكله من رب العالمين
أسأل الله التوفيق لي ولكم
ويجعل كيد أعدائنا في نحورهم

 

[عبدالله_22]

ما تعطون نصيحه حق واحد عمره ما تبخر تبخر واحترق
انا اول ما دشيت السوق خذيت اجيليتي ب 800 وللحين خسارتي تقريبا الف وخمسميه
وهم انا توني بالعشرينات وحبيت استثمر اللي باقيلي من القرض
الله لا يهينكم اذا في شايب ينصحني ويدوبلي راس مالي
يرسلي رساله على الخاص وله مني كل يوم ادعيله

 

[zizo 40]

ما تعطون نصيحه حق واحد عمره ما تبخر تبخر واحترق
انا اول ما دشيت السوق خذيت اجيليتي ب 800 وللحين خسارتي تقريبا الف وخمسميه
وهم انا توني بالعشرينات وحبيت استثمر اللي باقيلي من القرض
الله لا يهينكم اذا في شايب ينصحني ويدوبلي راس مالي
يرسلي رساله على الخاص وله مني كل يوم ادعيله

لازم يكون شايب