أرجو مساعده بخصوص المذهب الجعفري

[yas10ser]

الله يعطيك العافيه اخوي رحالي
أدري اني تعبتك معاي

انا الحين قاعد اسوي الاجراءات بخصوص الحكم وما ادري متى اخلص منها و استلم ولدي

لأن الاجراءات تطول اللي سمعته

 

[rahaly]

كمل اجراءاتك وربك يسهلها .. ما نقدر نقول تطول قبل لا تجرب بنفسك
وبحسب تعاون خصمك

 

[yas10ser]

كمل اجراءاتك وربك يسهلها .. ما نقدر نقول تطول قبل لا تجرب بنفسك
وبحسب تعاون خصمك

تسلم على كل الردود اخوي رحالي
وماعندي بعد أي سؤال ثاني

والله يسهل دربك ودرب الكل يارب ويفرج همهم ويبدل حزنهم بفرحهم

 

[yas10ser]

أرجو الافاده بخصوص ايصال تحصيل رسوم

التاريخ العملية

2010-07-22 ايصال تحصيل رسوم
2010-06-24 حكمت المحكمة الإبتدائية بـ: قطعي
2010-06-24 جلسة الفروانية - حكم
2010-06-03 جلسة الفروانية - قضية محجوزة للحكم - الجلسة القادمة (24-06-2010)
2010-05-13 جلسة الفروانية - تأجيل لتقديم المستندات - الجلسة القادمة (03-06-2010)
2010-04-29 إعلان بجلسة
2010-04-27 سجلت القضية في دائرة أحوال شخصيه جعفريه في الفروانية برقم 964 سنة 2010
===============================

ماذا يقصد بايصال تحصيل رسوم 50 دينار ؟؟؟؟
علما باني انا من قمت برفع الدعوى بخصوص الحضانه واكتسبت القصيه

 

[مشعل المحامي]

اخي الكريم

1- مو ظروري انك رافع القضيه معناته بتكسبها

2- قدمت مستندات تفيد القضيه ولا لا

3- شرحت للقاضي موضوع قضيتك شرح كافي وملم بالوقائع ولا وكلت محامي ؟

 

[فريح الكوح]

يعني تم رفع استئناف .

 

[rahaly]

يعني تم رفع استئناف .

مثل ما قال الاستاذ ام ابنك رفعت استئناف ضدك وقامت بسداد رسم الاستئناف

 

[yas10ser]

مشكورين على الرد والله يعطيكم العافيه
بالنسبه لاخ مشعل المحامي و الاخوان رحالي و فريج
انا موكل محامي وانا رفعت دعوى اسقاط الحضانه وضمها لي بالمذهب الجعفري بتاريخ 27/4/2010
والقاضي طلب من المحامي الخاص بي ان يطلع عقد زواجها من المحكمه و بعدها يبنا عقد زواجها و حكم القاضي بقطعي و اسقاط الحضانه وضمها لي ــ الحضانه صارت عندي الحين \ انا المطلق

الطليقه استأنفت الحين و الجلسه القادمه بتاريخ ٢٦/٨/٢٠١٠ على حسب بيانات موقع وزاره العدل

بصراحه انا ليلحين ماشفت ولدي من تاريخ رفعي للدعوى بتاريخ ٢٧/٤/٢٠١٠ لحد الحين مايقارب ٣ شهور
والحين هم بعد لازم انطر شهر علشان جلسه الاستئناف وبعدها الحكم

الله كريم انشالله ومشكورين على الردود والله يبدل حزنكم بفرحكم و يفرج كربكم بإذن الله

 

[yas10ser]

أرجو الافاده اخواني واخواتي بخصوص تغيير المذهب

انا الزوج (شيعي) و طليقتي (شيعيه)
تزوجنا بالمذهب الجعفري (عقد الزواج مصدق بالجعفري)
و تطلقنا بالمذهب الجعفري
وقضية النفقه اللي تم رفعها من قبل الطليقه بالمذهب الجعفري و الاستئناف ايضا بالجعفري

يعني اللي أقصده كل اللي حصل لنا بالمذهب الجعفري

ولكن

الموضوع ::
لقد قمت برفع دعوى اسقاط الحضانه بالمذهب الجعفري
و بتاريخ 24\6\2010 صدر الحكم بقطعي لصالحي وضم الحضانه لي الحمدلله ( كون الطليقه متزوجه من اجنبي وثبت ذلك يعقد الزواج بالمحكمه )

ولكن طليقتي عملت استئناف واستلمنا صحيفه الاستئناف بتاريخ 28\7\2010
وكان موضوعها ان طليقتي تقول بأنها مذهبها السنه وليس الشيعه
وتريد تسقط حضانتي وتضمها حق اختها

فما العمل ( لان حرام تغير مذهبها علشان المصلحه الشخصيه

علما ان الجلسمه القادمه 26\8\2010

أفيديوني الله يخليكم ويسهل دربكم

 

[rahaly]

اخي الكريم

استقرت محكمة التمييز على ان المذهب عقيدة بالقلب .. وتصدق بما ينطق به اللسان
بشرط الا يكذبه واقع الحال

يعني بالضبط مثل اللي صايرلك

ما يصير امام المحكمة في مرحلة معينة يدعي احد الخصوم مذهب اخر لما يشوف ان مصلحته في الادعاء بهذا المذهب او ذاك

بحسب شرحك .. المحكمة ما راح تاخذ بادعائها بالمذهب السني

والله اعلم

 

[yas10ser]

اخي الكريم

استقرت محكمة التمييز على ان المذهب عقيدة بالقلب .. وتصدق بما ينطق به اللسان
بشرط الا يكذبه واقع الحال

يعني بالضبط مثل اللي صايرلك

ما يصير امام المحكمة في مرحلة معينة يدعي احد الخصوم مذهب اخر لما يشوف ان مصلحته في الادعاء بهذا المذهب او ذاك

بحسب شرحك .. المحكمة ما راح تاخذ بادعائها بالمذهب السني

والله اعلم

تسلم اخوي رحالي على الرد والافاده الواضحه

والله ياخوي اللي مايخاف الله يسوي كل شي
بس صعبه اذا الواحد بيغير مذهبه من الشيعه الى السنه او العكس علشان مصلحته الشخصيه لأن فيها ظلم وبالشرع حرااام

استغفر الله

اخوي رحالي هل حصلكم حالات مماثله لحالتي حسب خبرتكم وتجربتكم لموضوع الحضانه او غيرها

 

[abo-ahmad]

الله يفرج كربتك

اخي العزبز ما دام تقول عندك محامي فما له داعي كل هذا المحامي يعرف شغله اما جذي تضيع من كثرة الردود .

 

[fayoona74]

ياسر لاتحاتي وايد دام الام متزوجة صعب يتغير حكم اول درجة وعيالك بييون عندك والله يعين قلب امهم

 

[yas10ser]

والله شسوي من كثر ما احاتي لاني مو شايف ولدي من تاريخ 23\4
عالعموم الحمدلله على كل حال

تسلم اخوي ابو احمد والله يفرج كرب الجميع يارب

تسلمين اختي فيونه وعسى الله يسهل و ينور دربج و درب الجميع

 

[الحـــوت]

اخوي ياسر
انا من اللي متابع موضوعك ولكن ماعندي اي تعليق إلا هالتعليق
اخوي نصيحه مني لك
اولا الله يصبرك ويرزقك باللي احسن منها
ثاني شي انت ريال وقلبك غير قلب الأم لما تبعد عن عيالها
يعني انصحك وخر عن المحاكم وخل الحرمه ترتاح بدنياها وخلي ولدها عندها حرام تحرمها منه . ولو كانت مخطئه بحقك وتزوجت غيرك
ولا احد ممكن يعوضها عن ولدها .
الله ينور دربك بهالشهر الفضيل
وارحموا مافي الأرض يرحمكم مافي السماء
تذكر الأيام الحلوه اللي عشتها مع مرتك وخلها تعيش حياتها بالطريقه اللي تشوفها تناسبها .

 

[yas10ser]

اخوي ياسر
انا من اللي متابع موضوعك ولكن ماعندي اي تعليق إلا هالتعليق
اخوي نصيحه مني لك
اولا الله يصبرك ويرزقك باللي احسن منها
ثاني شي انت ريال وقلبك غير قلب الأم لما تبعد عن عيالها
يعني انصحك وخر عن المحاكم وخل الحرمه ترتاح بدنياها وخلي ولدها عندها حرام تحرمها منه . ولو كانت مخطئه بحقك وتزوجت غيرك
ولا احد ممكن يعوضها عن ولدها .
الله ينور دربك بهالشهر الفضيل
وارحموا مافي الأرض يرحمكم مافي السماء
تذكر الأيام الحلوه اللي عشتها مع مرتك وخلها تعيش حياتها بالطريقه اللي تشوفها تناسبها .

تسلم اخوي الحوت على الرد الطيب

والله ما أدري شنو اقولك بالنسبه لطليقتي الله العالم اهيا شنو سوت فيني
ما أقدر أكتب تفاصيل كل شي بالمنتدى والله يستر عليها

كلامك عدل ان قلب الام يحن اكثر من الاب والياهل أحسن له يظل عند امه ... لان الام تربيه وتداريه احسن من الاب

بس في نقطه مهمه اذا كانت الام غير صالحه و مو زينه وسيئة السمعه وتسبب الكثير من المشاكل من موضوع تزوير وغيره وغيره وغيره ... ((الله يستر عليها))

هل تأمن اتخلي ولدك يعيش عندها ... وفوق كل هذا متزوجه من اجنبي ويابت منه بنت
و ولدي طول الوقت عند المربية وحتى بنتها عند المربية

فأنا اللي طلبته حقي بالشرع (ان الحضانه تسقط منها وتنضم لي لانها متزوجه من اجنبي ) وبس لا اكثر ولا اقل علشان أحمي ولدي

وانا عمري مافكرت اني أأذيها أو أسبب لها مشاكل

شاكرلك اخوي
وعسى الله يعطي كل انسان على قد نيته ويفرج همه

ومبارك عليكم الشهر