اشكرك اخوي خالد العليان على الرد على بعض الأخوه المستفزين
واقولك وسع صدرك وماني عاجز عن الرد عليهم لكن ياخوك هذي مو الغاية
ولاياخذونك في معارك جانبية ويبعدونا والاخوه المتابعين عن الموضوع الرئيسي
وارد للسؤال الرئيسي الي يتعامون بعض الأخوه وماعندهم غير التشكيك في صحة الموضوع وانها تمثيلية !!
طيب بارك الله فيك خل اجاريك واقولك انت صح والموضوع كله تمثيلية "صدتني" !
هالحين شنو اخر حلقة من هالتمثيلية الي المفروض ان المشكلة فيها تنحل وشلون تنحل؟!!!!!!!!!!!!!!!!!
ليش ما تخلي التمثيلية واقعية أكثر ، انت تقول واحد معاشه 5000 و مو موفر شيء ولا مستعد ياخذ قرض على هالمعاش ، هذا مثال ما يساعد على توضيح أي فكرة ، مع احترامي الشديد لك
الأكثر واقعيا المثال الآتي:
معاش الزوج من الطبقة الوسطى العادية 1500 صافي التامينات
معاش الزوجة 1100 دينار صافي التامينات
الزوج محوش 20 الف مني مناك ، من صوب الوالد
الأسرة مقبلة على شراء منزل ، الزوجين يختارون سيارات متواضعة للتوفير
المصاريف الشهرية 600 دينار بدون السكن ، زائد 200 لتأجير سيارتين
القدرة الائتمانية للزوج 55 الف على 15 سنة (40% من المعاش = 600 ناقص 100 دينار للسيارة = القسط 500 دينار)
القدرة الائتمانية للزوجة 35 الف على 15 سنة ( نفس الحسبة ، القسط 350 دينار)
وعلى فكرة بيت التمويل حسبته العقارية أرخص من جذي بعد ، و اذا أجرو سيارات على أساس شهري بدون عقد سنوي ما ينحسب قسط السيارة و يقدرون ياخذون قرض أكبر بوايد.
يبقى لهم 900 دينار يلعبون فيها بعد خصم جميع المصاريف و الأقساط!
55 الف قرض الزوج + 35 الف قرض الزوجة + 20 الف كاش + 70 الف التسليف = 180 الف
يشترون بيت بالعقيلة أو المنقف أو أي منطقة مناسبة
و إذا عايلتهم صغيرة يأجرون دور على ناس و يكونون مرتاحين أكثر
هذا مثال على أسرة من الطبقة الوسطى (جامعيين) و قادرين يشترون بيت اب منطقة زينة و مرتاحين على الآخر و معاشاتهم نص اللي انت تقوله!
إحسبها عدل و توكل على الله
)