مارايكم في مشروع بيع لعب الاطفال ؟

[ابو ذياب]

السلام عليكم

مرحبا يااخوان كيف الحال

مارايكم في مشروع بيع لعب وادوات الاطفال

يعني تجيب العاب من الصين وتبيع اهني بالكويت

اشرايكم في المشروع طيب مربح

وهل في مشاكل بالجمارك لمن نجيب الالعاب من الصين

وشكرا لكم

 

[almhomoud]

السلام عليكم ورحمة الله وبركاته
مرحبااخوي بوذياب
خطوه موفقه بأذن الله ومشروع جيد
طالما إنك بتستورد بضاعتك من الصين بنفسك عليك بحسن الاختيار من الاشياء المميزة
والمدروسه واحسب احساب المراحل العمرية للاطفال .
و بتوفيق

 

[شكير]

بالتوفيق اخوي مشروع ناجح بأذن الله
بس اتعب على الموقع

 

[ابو ذياب]

مشكوورين يااخواني على المرور والتشجيع الله يعطيكم العافيه يالغالي ماقصرتم
زين يااخواني بخصوص الجمارك ودخول الالعاب بكميات كبيره
فيها مشاكل ومنع والا عادي حق اللي عنده رخصة محل العاب ؟

 

[ابو سعد الشمري]

الله يوفقك ويفتحها عليك

 

[.:. عطر .:.]

الله يوفقك اخوي .. حط في بالك اشلون بتصرف البضاعة و وين احسن الاماكن للتصريف و احسب التكاليف و ضبط امورك قبل تجيب البضاعة ...

بالنسبة للجمارك حسب ما اعرف انه حسب الموظف اذا شاف الكمية تجارية يطلب منك ترخيص استيراد تجيبه من وزارة التجارة بسهولة اما اذا شافها كمية عادية يسمح لك تدخلها عادي .

و ان شاء الله احد له تجربة يفيدك .

 

[.:. عطر .:.]

هذا الرابط فيه معلومات عن الجمارك و الاستيراد من الصين للكويت

http://travel.maktoob.com/vb/travel146655/

 

[ابو ذياب]

تسلم يااخوي عطر ما قصرت والله على الموقع
زين يااخواني اذا بفتح محل العاب تنصحوني باي المناطق افتح
وهل المحل يكون يطل على الشارع والا الافضل داخل السوق ؟

 

[.:. عطر .:.]

اخوي بو ذياب نصيحة اذا كانت هاذي اول تجربة لك بالتجارة جرب تطقطق بدون مسؤولية محل و اجار .

بالنسبة للمحل ما تحتاج يكون عالشارع الا اذا بتبيع قواري و ديارف و العاب كبيرة
اما الالعاب العادية فخلك على درب اليهال و هم طالعين من السوق و داخلين

ان شاء الله الاخوان اللي عندهم خبرة يفيدونك .

الله يوفقك .