مشكله مع الوزاره

Cozmo

موقوف
التسجيل
11 مارس 2008
المشاركات
5,333
الإقامة
دار جابر وسعد ومن بعدهم صباح ووليه نواف راعي العهد
السلام عليكم
انا موظف مدني في وزارة الدفاع
تم نقلي الي مقر عمل جديد وكان الاتفاق على مقر عمل معين وعند الذهاب لاكمال باقي الاجراءات اكتشفت انه مقر العمل مغايير للذي تم الاتفاق عليه في البدايه
وعليه قمت بمخاطبة المسؤول السابق واخلى مسؤوليته من الموضوع

وبسؤال مقر عملي الجديد عن امكانية النقر الي ادارة اخرى بمعرفتي بلغوني انه النقل لاداره ثانيه مستحيل بدون ذكر اي سبب مقنع

وعليه قدمت استقالتي

وكل مره اسأل شصار على الموضوع يقولون لي الموضوع بعده عن الشؤون الاداريه او ما وصلنا اي خبر

الي ان ابلغوني بالفاجعه الكبرى انه الاستقاله صارت قرار فصل !!!!
بسبب الانقطاع عن العمل لانه تم اصدار مباشر عمل لي في مقر العمل المنقول اليه

فقلت لهم اوكي نصيبي والله كاتب لي قرار الفصل هذا
عطوني قرار الفصل
علشان اروح اتوظف في القطاع الخاص
ما عطوني قرار الفصل !!!!!
3 شهور وانا انتظر قرار الفصل
ولا زال راتبي الشهر ينزل بشكل منتظم لا وزايد بعد !!!!

الا ان تقدمت بشكوى رسميه الي ديوان الخدمه المدنية وفور تدخلهم في الموضوع وكيل الوزاره اتصل علي يطلب مقابلتي وقالي خلاص راح نعطيك استقالتك
هذا الكلام على اخر شهر 3

ومن بعد مقابلة السيد الوكيل الي يومنا هذا وانا انتظر استقالتي

والاسبوع الماضي قابلة السيد الوكيل مره اخرى وابلغني انه قرار الاستقاله سحبوه والرواتب الي اخذتها عن الاشهر الماضيه راح يتنازلون عنها بشرط الغاء قرار الاستقاله والنقل الي جهه اخرى داخل الوزاره

آمنا بالله ... ننتقل خير وبركه
وانا في طور البحث عن مقر عمل جديد اتفاجأ انه راتبي وقف عن شهر 5
انزين اشلون يوقف بالوقت الي تقولون لي شوف لك اداره ثانيه وبنسحب كل شي والي فات مات ونبدي صفحه يديده ؟؟
انزين بلغوني على الاقل ؟؟؟

ما تم ولا شي بهذا الخصوص

فانا اليوم بحيره من امري

وخاصه انه تم اضاعة العديد من الفرص الوظيفية الي كانت كفيله انها تغير مستقبلي بشكل كامل

وحاليا دخلت في مشكله قضائيه مع احد البنوك المحلية لعدم سداد قسط البنك الخاص بشهر 5

فهل يحق لي بموجب القانون والاضرار الي حصلت والفرص الوظيفية الي ضاعت علي اني ارفع قضيه على الوزاره واطالبهم بتعويض ؟

وآسف على الاطاله
وشكرا
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
عزيزي سالفتكفيها شي مو مضبوط اللي فهمته انك لما انتقلت ماعجبك المكان اليديد فانقطعت عن العمل مدة 15 يوم متصلة وبالتالي تعتبر استقالة ضمنية واسالة كثيرة محل تساؤل مثل شلون وكيل الوزارة يتنازل عن الرواتب اللي صرفت لك بدون وجه حق وليش سحبو قرار الاستقالة او الفصل
انصحك تراجع الشئون الادارية قسم البحث القانوني تعرف وضعك بالضبط واترك عنك الكلام الشفوي من غير مختص وسالفة وقف راتبك شي اوتوماتيكي يتخذ لما يكون عندك ايام انقطاع
اذا فعلا عليك انقطاع بدون عذر والوكيل ابدا تجاوب غط المدة بطبيات او اطلب منه ان يحسبها لك من رصيد اجازاتك بعدها اذا مو حاب تكمل بالوزارة قدم استقالة مو انقطاع دير بالك
وسالفة التعويض نجاوب عليها لما تراجع الادارية ونعرف مك تفاصيل اكثر دقة
 

مودQ8

عضو نشط
التسجيل
26 يونيو 2009
المشاركات
138
الإقامة
الكويت
وضح موضوعك بالتواريخ وتسلسل القرارات وبعدين بهذه الفتره كنت مداوم والا لا لان موضوعك مو مفهوم
 

Cozmo

موقوف
التسجيل
11 مارس 2008
المشاركات
5,333
الإقامة
دار جابر وسعد ومن بعدهم صباح ووليه نواف راعي العهد
خلاص ما عاد له لزمه
حولونه فصل اليوم بعد ما ضاعت الفرص كلها للنقل والوظيفه اليديده
حسبي الله ونعم الوكيل عليكم يا مسؤولين وزارة الدفاع الي تسببتوا في الي صار لي
 
أعلى