فرصـة إستثمارية ( مميزة)

[Golden8]

السلام عليكم ورحمة الله وبركاته



أرض 5000 متر للتأجير لغرض ملعب كرة قدم


في ( منطقة إجتماعية ) تكثر فيها بطولات كرة القدم الرمضانية


موقع الأرض مميز ( محاطة بـ 4 شوارع )


مكان الملعب مميز و معروف وواضح لجميع المارة

مواقف سيارات متوفرة بكثرة

قريبة جداً من جميع الخدمات

وبالقرب من كثير من المناطق السكنية وعليه إقبال كبير



سعر المتر للإيجار الشهري دينارين وربع

لمن يرغب في استئجار المساحه بالكامل فقط

غير قابل للمساومة ويمنع تدخل الوسطاء

( الرجاء للجادين فقط )


للإتصال

97766090

info@atQ8.com​

 

[ابو ذياب]

السلام عليكم
الله يوفقك ان شاء الله يااخوي
بس يالغالي يعني تبي فيها شهريا
11250 دينار ؟
بصراحه مبلغ عالي جدا
لان لو تسوي ملعب وتاجر الساعه ب 25 دينار
ونقول 8 ساعات باليوم يعني 200 دينار باليوم
يعني بالشهر 6000 دينار
تقريبا ماقدرنا نطلع الا نص ايجارك !
راجع سعرك اخوي والله يوفقك ان شاء الله

 

[AL-AMIR]

الآجار غاالي

ولكن ربي يرزقك من واسع فضله

 

[Golden8]

يا هلا يا شباب


جان زين تسئلون أهل الإختصاص قبل ما تقولون رايكم بالسعر

لأن هذا سعر ايجار المتر يزيد ربع ويقل ربع

فـ اسئلوا اهل الاختصاص بالملاعب وتعرفون هل منها فائدة او لأ

 

[Golden8]

رفــــــع ,

 

[simple23]

السلام عليكم يعطيك العافيه اخوي
بالنسبه لسعر الايجار احسه شوي غالي
مساحه الارض اللي حاطها تقريبا تكفي 3 ملاعب اذا ماني غلطان
اذا قلنا ايجار الساعه ب 25 ومتوسط ايجار للملاعب 6 ساعات لكل ملعب يعني 18 ساعه باليوم
يعني 450 باليوم
بالشهر نقول 25 يوم مثلا بمجموع ربح اليوم الواحد يطلع المجموع 11250 اللي هو قيمه ايجارك !!
هذا حلالك وانت حر والله يوفقك لكن الشي نسبه وتناسب مو دايم الملعب محجوز