وين فلوس الصفقه ما تشيل السوق

[بروفو]

وين فلوس صفقة زين افريقيا الكل يقووول ان الخرافي قبضها او على الاقل جزء منها...وين هالفلوس ما تدخل السوق وتنتشلنا من هالدمار والا العالم واثقه ان اغلب هالفلوس رايحه المحروووووسه وبورت غالب ثانيه لان الكويت مجرد بير ينزعب منه بس ولما ينشف حتى صخره ما ينقط فيه...بعرف زينهم هالتجار ليش ما يدعمون اسهمهم على الاقل...خذوا اراضي بفليسات وتسهيلات بنكيه وصاروا حيتان وينهم عن سبب رزقهم من بعد الله والا تعودو هات هات وبس.....سوق يتداول على 20 مليون صج مثل ما قال احد الزملاء سوق يفشل....حسبي الله ونعم الوكيل

 

[مليونير بعد سنه]

الرجال الحين في مدينة (صــــــور) لبنان ياخيووووووووو قاعد بالقصر وين فاضي لكم

يقعد من النوم بعد مايسكر السوق مايمدي ويتعذر منك

 

[مشاريع]

يا عمي من صجك يدخل فلوس الصفقة في السوق الريال شفته بالجرايد لمن سمو الأمير زاره قاعد في لبنان بقصره مع عياله وكان في القصر قتيبه الغانم يعني كل الكبار قاعدين بره بس أحنا موجودين في المنتديات ونتحلطم وسلامتك

 

[بروفو]

قصره طال عمركم في صوفر ...صور مالت الفقاره

 

[مليونير بعد سنه]

مهتمين حيل في اخبار صاحبنا

محافظ صوووووووووووووووووووووووووووور

 

[بروفو]

شوبدنا نعمل يا مليونير بعد عمر طويل

 

[alshammery]

وانا اسال سؤال صفقة بيع الوطنية للاتصالات قبل 3 سنوات مشاريع الكويت اخذت 550 مليون دينار ربح وباقى شركات التابعة مثل الصناعات المتحدة 35 مليون دينار وباقى الشركات التابعة كل اخذ نصيبة من البيعة هالفلوس الضخمة واللى تقارب 700 مليون دينار كويتى يعنى 2.4 مليار دولار وين راحت وليش شركة مشاريع الكويت بعد سنتين من الصفقة اصبحت مديونة بالعقل واحد يجيلة ربح 550 مليون وبعد سنة يصير مطلوب دين ب600 مليون فى تفسير ؟؟؟؟؟؟

 

[بروفو]

اي والله وين راحت كل هالفلوس والمصيبه الكل يتعذر بالازمه...والطامه الكبرى اللي مسمين نفسهم شركات اسلاميه ليش تاثروا بازمة امريكا ....يعني اسلاميه بالكويت ......بالخارج...حسبي الله عليهم

 

[مليونير بعد سنه]

هذا يسمونة العب مع الكباااااااااااااااااااااااااااااااااااار

كل يوم يخترعون سالفة جديدة وتعثر جديد

الاهدف تنزيل سعر السهم ولم الاسمهم من تحت

الاهدف الثاني دعم حكومي مرتقب

زيادة الخير خيرين

ولا شكو باليونان نملك بقبرص ونتنازع عليها وياهم ولا شنو

ولا نملك برذارز اللي فلس

التئثير محدود لسوقنا هذا المفروض

بس لازم لزوم الشغل والربح السريع

 

[بو ضاري 2005]

ولا صفقة التمدين وين بس كلام ههههههههههه سوق الله يكرمكم ازباله

 

[مليونير بعد سنه]

انا كل شي عادي صار عندي بعد الازمة لا شي واحد بـــــــــــــــــــــــــــس

الحين دولة عظمى امريكااا والكونغرس الامريكي يشيل دول ويحط طول ويشن حروب


ماعرف ان اجليتي تتلاعب بالاسعار لا الحين______________________ليش في هالتوقيت بضبط


والله عفيه عليهم الظاهر مشغولين بالقاعدة قبل مو مفكرين))

 

[مضارب بورصوي]

اي والله لعبو فينه

 

[ابو نواف محترف]

اي صفقه تبيهم يدشون علشان تحصل كم بيزه وضحكتني تموت مايعطونك فلس واحد

 

[بروفو]

اي والله سوق حراميه وشلايتيه

 

[alshammery]

ولا صفقة التمدين وين بس كلام ههههههههههه سوق الله يكرمكم ازباله

قالوا الصفقة حقة التمدين راح تتم مع اول شهر مايو واحنا اليوم فى اواخر الشهر هالصفقة قبل سنتين تكلموا عنها وتذكرون سهم تمدين استثمارية طلع من 300 فلس الى ان وصل 950 فلس ولم تتم البيعة فى احد حاسبهم طبعا لا قبل كم يوم السوق السعودى غرم البراك مال زين 50000 ريال لانة تعود على سوق اسمة سوق الكويت للاوراق المالية محد يحاسب المتلاعب

 

[بروفو]

لا وكانهم سامعينا شينة الحلايه قاعدين ينزلون بسعر قرووووب الفلس زين.....استثمرتوا في زين احنا نعلمكم.....مع الخرافي الكل خسران ومع الجناعات تموت جوعان والمرازيق تعيش عريان....والبحر اكيد غرقان....ومع تمويل الخليج لا تصدق تطلع ربحان...لو سعره فلسين تتم حيران...ليش ما يصعد اذا وضعه مزيان....يقولولك مضاربة حيتان انزين ليش المشتركه كسبان...واخيرااا انا زعلان وزهقان لاني خسران.....

 

[جديد قديم]

لا وكانهم سامعينا شينة الحلايه قاعدين ينزلون بسعر قرووووب الفلس زين.....استثمرتوا في زين احنا نعلمكم.....مع الخرافي الكل خسران ومع الجناعات تموت جوعان والمرازيق تعيش عريان....والبحر اكيد غرقان....ومع تمويل الخليج لا تصدق تطلع ربحان...لو سعره فلسين تتم حيران...ليش ما يصعد اذا وضعه مزيان....يقولولك مضاربة حيتان انزين ليش المشتركه كسبان...واخيرااا انا زعلان وزهقان لاني خسران.....

و مع ربك لا تحتار و لا تعيش غلبان ,,,, حقك بيرجع لو طال الزمن , الصبر الصبر يا خوي لا تهتز من السوق ولا تيئس فجعان.

 

[مستثمراستراتيجي]

ما من فلوس