ايهم افضل يااخواني جابر الاحمد او شمال غرب صليبخات

[العوشز]

ياجماعه انا وصلني الدور في جابر الاحمد ولكن بيني وبينكم اقدر اشتري في شمال غرب صليبخات وابي رايكم بكل صراحة اي افضل جابر الاحمد او شمال غرب صليبخات

 

[المطبه]

من صجك بتشتري في شمال الصليبخات والدور واصلك في جابر الاحمد تري مايفرق بينهم ألا شارع واحد ​

 

[قلم حر]

مدينة جابر _ المدارس والمساجد والجمعيه
وكل الخدمات الحكوميه جاهزه
وقريب راح توصل الكهرباء
اما شمال الصليبخات ماكو شئ للحين يردمون بالارض

اذا اخذت شمال الصليبخات راح تدفع فلوس وتتأخر سنوات

هذا رأيي ويمكن اكون صح ويمكن اكون غلطان​

 

[مستريح]

بالطبع شمال غرب صليبخات افضل واقرب الي الخدمات وتابعة للعاصمة واقرب للبحر واذا تقدر تشتري اشتري فيها او انتظر يمكن يطلعلك موقع زين في جابر الاحمد وتبدل وتدفع الفرق لشمال غرب صليبخات اقل بدال ماتدفع خمسين الف وتشتري قسيمة في شمال غرب صليبخات يمكن تدفع ثلاثين الف بس

 

[طارق55]

ادخل قرعه جابر الاحمد ولاتتردد .. وسبحان الله تري الارض حظوظ .. تشوف واحد يقولك عندي قسيمه ثلاث شوارع وفعلا لو تشوفها مقموته وداخل المنطقه ولو تحط لك كرسي بره بالارتداد تشرب قهوه تشوف ثلاثين دريشه تطل عليك .. وفيه قسيمه شارع واحد بس تطل علي رواق المنطقه شرحه وتأخذ راحتك علي الاخر ومافي احد يطل عليك ولايشوفك حتي لو اهلك قعدوا بجانبك .. صدقني شغله البيوت شغله يبيلها تجربه .. وانك تروح عند واحد يبني وتقوله خلنا نفتر بالمنطقه .. راح تتغير قناعات مئه بالمئه .. انا والحمد لله قسيمتي زاويه و رواق منطقه .. لو يعطوني ثلاث شوارع داخل ماراح اخذها مع ان يمكنها بالمكاتب اغلي من قسيمتي .. لله الحمد والفال لكم ان شاء الله
=========
الاخ مستريح

تري جابر الاحمد قريبه وايضا تابعه العاصمه

----------------
ركزا علي رواق المنطقه .. اكثر من الداخل .. وراح تشوفون الفرق

 

[adelO]

ادخل قرعه جابر الاحمد ولاتتردد .. وسبحان الله تري الارض حظوظ .. تشوف واحد يقولك عندي قسيمه ثلاث شوارع وفعلا لو تشوفها مقموته وداخل المنطقه ولو تحط لك كرسي بره بالارتداد تشرب قهوه تشوف ثلاثين دريشه تطل عليك .. وفيه قسيمه شارع واحد بس تطل علي رواق المنطقه شرحه وتأخذ راحتك علي الاخر ومافي احد يطل عليك ولايشوفك حتي لو اهلك قعدوا بجانبك .. صدقني شغله البيوت شغله يبيلها تجربه .. وانك تروح عند واحد يبني وتقوله خلنا نفتر بالمنطقه .. راح تتغير قناعات مئه بالمئه .. انا والحمد لله قسيمتي زاويه و رواق منطقه .. لو يعطوني ثلاث شوارع داخل ماراح اخذها مع ان يمكنها بالمكاتب اغلي من قسيمتي .. لله الحمد والفال لكم ان شاء الله
=========
الاخ مستريح

تري جابر الاحمد قريبه وايضا تابعه العاصمه

----------------
ركزا علي رواق المنطقه .. اكثر من الداخل .. وراح تشوفون الفرق

كلام طيب ونصيحة صادقة .. جزاك الله خير وبارك الله فيك

 

[mr_n]

شباب الرعاية السكنية يقولون باقي تقريبا 400 بيت حكومي في غرب الصليبخات .

ماهو الأفضل بنظركم بيت حكومي في غرب الصليبخات أو قسيمة في جابر الأحمد ؟

 

[alsa3eb]

شباب الرعاية السكنية يقولون باقي تقريبا 400 بيت حكومي في غرب الصليبخات .

ماهو الأفضل بنظركم بيت حكومي في غرب الصليبخات أو قسيمة في جابر الأحمد ؟

أخوي الباقي تقريبا 340 بيت حكومة بس القسيمة أفضل بكثير من بيت الحكومة

 

[mr_n]

أخوي الباقي تقريبا 340 بيت حكومة بس القسيمة أفضل بكثير من بيت الحكومة

كلامك صحيح بس انا أقصد بيت حكومة في غرب الصليبخات وقسيمة في جابر الاحمد .. ايهما افضل

 

[born2fly]

السلام عليكم أنا من اهل المنطقه غرب صليبخات افضل بكثير فا لاتردد اذا كان في مجال لان ٤٠٠ وحده سكنيه او اقل وتابعه للعاصمه والان المنطقه اغلى بكثير في البدل وجميع الوحدات السكنيه موقع زين بالتوفيق

 

[mr_n]

السلام عليكم أنا من اهل المنطقه غرب صليبخات افضل بكثير فا لاتردد اذا كان في مجال لان ٤٠٠ وحده سكنيه او اقل وتابعه للعاصمه والان المنطقه اغلى بكثير في البدل وجميع الوحدات السكنيه موقع زين بالتوفيق

يعني يالغالي تفضل غرب الصليبخات حتى لو كان بيت حكومي ؟

 

[طارق55]

لاطبعا القسيمه افضل واغلي سعرها بالسوق .. لانه بيت الحكومه طلع ولا نزل يضل بيت حكومه .. ومساحات ضايعه ومن هالسواف غير لما تخطط القسيمه علي مزاجك .. شوف اخوي .. محد يعلم بالمستقبل .. يمكن صليبيخات تتضبط وتصير حلوه وغاليه .. ويمكن يطلع في ارضها ماي وايد وتنزل سعرها بالحضيض .. وراجع موضوعي عن الارض السبخه .. منو يشتري ارض ويقط عليها عشره الاف رايحه بالهواء ويمكن اكثر .. اذا ماسوو الواجهه البحريه الي يقولون عنها .. وفيها ريحه علي ماقالوا تصير منطقه عاديه جدا .. ويمكن العكس هذا بعلم الغيب .. لكن انصحك ادخل بجابر الاحمد يمكن يطلعلك قسيمه ثلاث شوارع تبيعها ب 55 الف او 60 شئ عادي اذا كانت علي رواق المنطقه .. لاتورط نفسك بشئ وبعدين تتحسف .. ادخل جابر نصيحه

 

[المؤشراتي2]

تبي النصيحه
ادري في ناس راح تزعل بس الحقيقه

شمال صليبيخات مقابل محطة الدوحه =ام الهيمان الثانيه

نفس الاعراض محطة تنفث غازات وكبريت قاتل والهواء في الكويت دائما شمال

 

[بومحمد63]

ادخل قرعه جابر الاحمد ولاتتردد .. وسبحان الله تري الارض حظوظ .. تشوف واحد يقولك عندي قسيمه ثلاث شوارع وفعلا لو تشوفها مقموته وداخل المنطقه ولو تحط لك كرسي بره بالارتداد تشرب قهوه تشوف ثلاثين دريشه تطل عليك .. وفيه قسيمه شارع واحد بس تطل علي رواق المنطقه شرحه وتأخذ راحتك علي الاخر ومافي احد يطل عليك ولايشوفك حتي لو اهلك قعدوا بجانبك .. صدقني شغله البيوت شغله يبيلها تجربه .. وانك تروح عند واحد يبني وتقوله خلنا نفتر بالمنطقه .. راح تتغير قناعات مئه بالمئه .. انا والحمد لله قسيمتي زاويه و رواق منطقه .. لو يعطوني ثلاث شوارع داخل ماراح اخذها مع ان يمكنها بالمكاتب اغلي من قسيمتي .. لله الحمد والفال لكم ان شاء الله
=========
الاخ مستريح

تري جابر الاحمد قريبه وايضا تابعه العاصمه

----------------
ركزا علي رواق المنطقه .. اكثر من الداخل .. وراح تشوفون الفرق

مع لن مالي شغل بالموضوع

لكن اشكرك بعنف على النصيحة المجانية

 

[BREMEN]

بالطبع شمال غرب صليبخات افضل واقرب الي الخدمات وتابعة للعاصمة واقرب للبحر واذا تقدر تشتري اشتري فيها او انتظر يمكن يطلعلك موقع زين في جابر الاحمد وتبدل وتدفع الفرق لشمال غرب صليبخات اقل بدال ماتدفع خمسين الف وتشتري قسيمة في شمال غرب صليبخات يمكن تدفع ثلاثين الف بس

مافي فرق بين شمال غرب صليبخات ومدينة جابر الأحمد واللي يفصل بينهم شارع واحد فقط والمنطقتين تابعتين للعاصمه ومدينة جابر الاحمد جاهز من كل النواحي للسكن.

اخوي ملاحظك وايد ترفع بمنطقة شمال غرب صليبخات وبنفس الوقت تعرض أراضي للبدل فيها ممكن تفسر لي هالشي ؟؟؟










.

 

[@sTorm@]

مرحبا شباب انا عندي قسيمه بشمال الصليبيخات وقبل كم يوم رحت للاسكان سالتهم عن المنطقه قالولي بس نخلص راحت نعطيكم المقاسات للبيوت من ناحية الواجهات رد علي المهندس بعد سؤالي له قال ماراح تستلمون القسايم قبل السنه او السنه ونص تقريبا

شكرا