محتاجه مشروع على قد فلوسي ابي نصيحتكم

[حاله كسيفه]

السلام عليكم ورحمة الله وبركاته



خواني بغيت استشيركم بشغله

انا ودي اسوي مشروع وفلوسي على قدي تقريبا يمكن 10000 واكثر شوي

ابيكم تنصحوني شي بشي مرغوب ومربح

يعني غير المطاعم والغنم
ابي شي مو خساره اقط فلوسي عليه

اتمنى تفيدوني

 

[مشروع تاجر]

مطعم مندى والربح اكيد بس شرط عماله ممتازه

 

[ashraf]

مكتب عقارى

 

[حاله كسيفه]

بعد ماكو افكار

 

[بو علي]

صالون رجالي والمحل موجود

 

[jamal5]

شئ يتعلق بالاكل
انتاج منزلي
نوع عادي حق اخوانك الفقارى او اللي ايدهم ما تعطيهم يدفعون وايد
ونوع اخر تغليف فاخر ومنتج جودة عالية يصلح هدية او حق سفر
مع ابتكار شغلة جديدة لمنتج قائم
يعني مثلا خلطة تمر مع شوكولاته بس شئ جديد وطعم جديد وغريب .مع اضافة الوان براقة وهلم جرا
.
لاتنسى تطلب رب العالمين ان يلهمك فكرة ما عملها احد تكون ذخر لك ولذريتك ل 200 سنة قدام..........الله كريم
ولاتنساني بالهدايا.....
..اسمك حالة كسيفة وعندك 10000 دك يالظالم...تقص علينا اخوي..

 

[أبو محمد 776]

مرحبا

والله ياخوى مو بس انت اكثر الناس طلعت من البورصة وماتدرى وين تودى فلوسها مو عارفه تستثمرهم بمشروع

 

[.:. عطر .:.]

مادري ليش بالدول الثانية يسوون مشاريع بألف و الفين و احنا الواحد عنده 10 الاف و مو موفي معاه يسوي مشروع !؟
اتكلم صج والله ... يمكن حياتنا معقدة .

 

[MaSMoO7]

والله اخوي ماادري اختي ماادري شقولك او اقولج ؟ ... بس لي انتقاد عليك شلون تبي الله يرزقك وانت مسمي نفسك (حالة كسيفة) وماشاءالله عندك عشر آلاف وأكثر على كلامك وتقول حالة كسيفة !!!.. آنا أقول قول الحمدالله دائما وابدا لا ربك يخفس فيك .. ي
قول سبحانه ( ( وإذ تأذن ربكم لئن شكرتم لأزيدنكم ولئن كفرتم إن عذابي لشديد )
صدق الله العظيم

والله يوفقك اويوفقج بالمبلغ ويرزقكم مشروع طيب وتتهنون فيه .. بس اهم شي قولوا الحمدالله ياناااااااااس .. والله في ناس باليوم مايحصله ايدام .. وهم يقول الحمدالله ... وناس الله منعم عليها ويتشكون !!!

 

[مشعل المحامي]

الرد عندك بالخاص
وموفق خير

 

[بوحمزه]

اختي اذا حابه
اطلب لج شي من الصين

وانا عندي صنادل اقل طلب 100 حبه وبيعهم حلو ومربح
وعندي البايب الي بتوقيعي تقدرين تسوقينه هني والحمدلله اقبال عليه كبير

الله يوفقج

 

[Cozmo]

حلاق في منطقه سكنيه
شرط يكون في الجمعيه
حلاق هندي وشوفي الربح

والله يرزق