تخاريف مسافر

الموضوع في 'إستراحة المنتدى' بواسطة ready set go, بتاريخ ‏26 مايو 2010.

  1. ready set go

    ready set go عضو جديد

    التسجيل:
    ‏11 مايو 2010
    المشاركات:
    430
    عدد الإعجابات:
    0

    تخاريف مسافر



    زماننا هذا هو زمن النفاق ...



    الواحد ما يعرف الثاني و يقول له يا الغالي !!!!



    الواحد قبل لا يدخل على المسؤول يعدل غترته ، و يسكر الزرار الفوقي (و يزنط عمره )



    و يسأل المسؤول أبو منو ؟



    الواحد يقضي وقت طويل في النت و المنتديات ، و إذا قاله ولده أو زوجته كلمه وحده



    قال بعدين ، بعدين ( بدون لا شوفهم ) أنا مشغول الحين




    الواحد في الدوام مخلي شغله، و مبقق عيونه على الكمبوتر ، و الا سوالف مأخوذ خيرها



    الواحد من يشوف الجريده ، قبل لا يقرأها ، يغم قلبه ، من الأخبار الكئيبه



    و الله يا جماعه الكويت ما كانت جذيه ، إشفينة ، لا بورصة سنعه، لا مجلس مثل العالم



    لا تعليم محترم ، لا شوارع منظمه، لا إحترام للقانون ، لا مستشفيات تفتح النفس ، حتا



    الرياضه من سيء إلا اردي... وين المسؤولين ، وين صناع القرار ، وين أصحاب الضمائر، وين



    راحوا الكويتيين الأوليين !!!!...ما أقول إلا الشكوي لله

     
  2. ابو عيسى

    ابو عيسى عضو نشط

    التسجيل:
    ‏6 يوليو 2004
    المشاركات:
    975
    عدد الإعجابات:
    0
    مكان الإقامة:
    عريفجان
    السلام عليكم

    انا عندي اقتراح

    تخيل تبدي يومك مثل ايام قبل

    تقوم من النوم تصلي الفجر الساعه 5 تبطل التلفزيون قرأن
    بعدين نشيد وطني ورسوم متحركه

    وماعندك غير قناتين الاولى والثانيه بالانجليزيه

    ماتشوف بالتلفزيون لا اخبار محلية اللي ماوراها غير مشاكل الداخلين علينا ولاالعالميه ولا هالاشكال اللي كل من يطلع ويسب ويلعن والعياذ بالله ,,,,

    والجريده يكسرون اقلام الصحفيين المرتزقه

    وخلالاص الساعه 12 نشيط وطني وخلالاص مافي تلفزيون

    تضن تبي تحس بأمان :)
     
  3. سايكو

    سايكو عضو جديد

    التسجيل:
    ‏21 مايو 2010
    المشاركات:
    50
    عدد الإعجابات:
    0
    اذا كثرت الذنوب ... عم البلاء
     
  4. هامور 2000

    هامور 2000 عضو نشط

    التسجيل:
    ‏7 نوفمبر 2007
    المشاركات:
    1,778
    عدد الإعجابات:
    1
    يا اخوي تغير من الداخل عشان ترتاح


    اذا تشوف كل شي سلبي عمرك ما راح تشوف شي زين
     
  5. الاحمـد

    الاحمـد عضو نشط

    التسجيل:
    ‏16 يونيو 2008
    المشاركات:
    1,425
    عدد الإعجابات:
    2
    ياخوك هاذي من علامات الساعه

    كلن مشغول بدنيااااه


    الله يرحمنا برحمته
     
  6. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    هذي هي الحياه وهذي هي الدنيا

    كل ما يكبر الواحد تكبر مسئولياته وتزيد عليه ضغوط الحياه

    على باله الحياه تغيرت وصارت اسواء

    شوف الاطفال الحين كل واحد بلاك بيري ومن مكان ترفيهي

    لمطعم لمجمع لمادري شنو

    بالله عليكم هذا لما يكبر ويحس بالمسئوليه وضغوط الحياه

    شنو راح يقول ؟

    اكيد بيقول الحياه تغيرت للاسواء !

    واذا تبون تحسبونها عدل ردوا للكويت ما قبل النفط

    وراح تعرفون انه الكويت تغيرت للافضل

    والحمدلله والفضل والمنه على النعمه اللي احنا فيها​
     
  7. الحـــوت

    الحـــوت موقوف

    التسجيل:
    ‏3 أكتوبر 2007
    المشاركات:
    174
    عدد الإعجابات:
    0
    ايه نعم
    الحمدالله الدنيا تحولت للأفضل
    طالع ايام اول بعدد الوفيات والأيام هذه بعدد الوفيات؟
    ايام اول اذا سافر الواحد تنقطع اخباره والحين اذا سافر كأنه قاعد يمك؟
    الحياة السهله والمريحه تكييف . ماي حار بارد . تلفزيون كشخه . انترنت.؟
    قبل تعرض سيارتك بالشارع وترد تلقاها وحده من اثنين يامزلوغه يا مبيوقه . ولكن الحين سيارتك عند البيت وقاعد تستعملها وتنباع جنه البخت؟
    قنوات التلفزيون تختار وتنقي اللي تبيه واللي ماتبيه تمسحه , ولكن قبل غصب عنك راح تحظر قناة ولا ثنتين واذا ماعجبك تطق راسك بالطوفه.
    العلاج ساعه ولاساعتين مسويلك عمليه وطالع من المستشفى. قبل تنطر ساعتك وتجهز نفسك للموت.
    الحمدالله على كل حال
    وسبحان الله وبحمده سبحان ربي العظيم
    سبحان الله وبحمده سبحان ربي العظيم
    سبحان الله وبحمده سبحان ربي العظيم