خبر وفاتك بعد عمر طويل ومن حولك يقولون الله يرحمه

الموضوع في 'إستراحة المنتدى' بواسطة الوطنيه, بتاريخ ‏27 مايو 2010.

  1. الوطنيه

    الوطنيه عضو نشط

    التسجيل:
    ‏10 سبتمبر 2009
    المشاركات:
    509
    عدد الإعجابات:
    80
    تخيل ان هذا هو انت..

    وتوفاك الله في هذه الايام وفي هذا العام 1431 ...

    طبعا يوم توفيت ودوك للمستشفى وخلوك في الثلاجه عشان اجراءات شهادة الوفاة..

    تركت غرفتك وجهازك وجوالك واصحابك..

    واهلك وامك وابوك والدنيا كلها تبكي على فرقاك

    يجي اخوك يقول لامك يمه اخوي فلان توفى .. وامك تصرخ وتبكي ماتبيك تروح عنها ابد..

    يتبادولون الرسايل وفلان ابن فلان او فلانه بنت فلان توفى وبيصلون عليه في المسجد الفلاني بكره الظهر..

    جاء بكره واخوانك واهلك واصحابك ماناموا يبكوووووون عليك بجد..

    جاء بكره الساعه 10 الصبح وجابوك للمغسله والكل جاك وسلم عليك وقبل جبينك.. وانت مغطى كفونك ..بالابيض ..وريحة السدر تفوح في كل مكان..

    شالوك وودوك للمسجد وضعوك قدام الامام وابوك واخوانك واصحابك..تجمعوا كلهم في بيت الله.. في البيت اللي يناديك خمس مرات في اليوم وانت ولا هنا..


    صااااااااح المؤذن وقال

    الصلآآآآآآآآآآة على الميت يرحمكم الله..

    وكبر الامام الله اكبر

    والكل قرا عليك الفاتحه

    الله اكبر

    والكل دعا لك وتوسل لك عند اللي انت مقصر معه...وكبر وكبر وكبر وسلم..

    السلام عليكم ورحمة الله

    والتفتوا لبعضهم وتوافدوا لابوك واخوانك (احسن الله عزاكم الله يغفر له ويرحمه)
    شالوك على كتوفهم وودووووك المقبره..

    وكانوا فيه ناس هناك مجهزين قبرك والتراب


    جابوك وحطوك في الحفره ورصوك بكومه من الاحجار واللبن وكبو التراب ودعوا لك ومشوا..

    وانت

    تسمع قرع نعالهم اقفوا وخلوووووووووووووووك..

    وعزاك 3 ايام وينسووووونك..

    وانت

    ماعندك ولاااااااااشي.. جيت ضيف عند اللي يناديك خمس مرات ياعبدي تعال ابيك ..ياعبدي حي على الصلاة ياااعبدي الصلاة خير من النووووم...

    جيت ضيف عند اللي رزقك وعزك عن الحاجه والسؤال..

    جيت ضيف عند اللي خلاك في امان ..واغناك..

    جيت ضيف عند اللي غلطت على عباده واذيتهم..

    ياترى تتوقع ان فيه احد انت ظلمته يوم سمع بوفاتك قال ( الله لايحلله ولا يبيحه مات اللي اذاني)؟؟؟؟

    ياترى تتوقع احد بيجيب خبرك مع اللي تسولف معهم في النت.. والله محد داري عنك..

    ياترى حبيبك اوحبيبتك اللي انت فرحانـ(هـ) فيها ولا حتى تلعب عليهاااا ..وش بتسوي .. اتحداك تصيحـ(ي) عند اهلها وش تقول ؟؟؟ خويي او خويتي ماتت..

    بتسكت وبيعزونها صديقاتهاااا او اصدقائه وبتمر الايام تتزوج او يتزوج وتسحب على الذكريات...

    غرفتك بتقول ياااارب انا غرفة فلان كان يسوي فيها ويسوي فيهااااا

    سيارتك بتحكي

    جوالك بينطق

    اي ارض مشيت عليها بتقول يااارب فلان ا للي مات سوى كذا وسوى كذاااا

    وانت

    ماعندك حتى كلمه قلتها من قلبك تحاج فيها ربك..

    مت .. وناس زعلانه عليك.. مت اهلك ماذاقوا برك.. مت وانت لاهي مع اللي والله والله يجلسون معك بالساعات واذا قاموا نسووووووووووك..

    مت .. واللي عزك وعلاك وكبرك.. المنان الرب الرحمن.. ماااااااااااااااااجلست معه جلسه تقول فيهااااا الله اكبر وتبدى بالحديث معه وتقول الحمدلله رب العالمين وتركع له وتسجد له خمس دقايق بس..

    انا ماقلت هالكلام الا والله اخشى واخاف اني ما الحق على رمضان ويقدر ربي سبحانه ان 1431 اخر سنه اتنفس فيهاااا..
    ارجوك حاسب نفسك
    ولاتعتذر للي ظلمته ولكن كف اذاءك عنه
    وصل فرضك

    وركز بأيميلك كل شي ترسله ينعاد ينرسل

    واذا كان فيه اثم يزيد وانت ماتشوفه
    رحمة من ربي تغفرلك ذنوبك

    اللهم اتنا في الدنيا حسنه وفي الاخره حسنه وقنا عذاب النار


    ((منقول للأمانه))
     
  2. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    وجان تصكني قشعريره !!


    جزاك الله خير

    وذكر إن الذكرى تنفع المؤمنين
     
  3. احمد knpc

    احمد knpc موقوف

    التسجيل:
    ‏18 سبتمبر 2009
    المشاركات:
    305
    عدد الإعجابات:
    0
    مكان الإقامة:
    الكويت
    اللهم انى أسألك حسن الخاتمه
     
  4. nokhitha

    nokhitha موقوف

    التسجيل:
    ‏1 ابريل 2010
    المشاركات:
    182
    عدد الإعجابات:
    0
    يا عمي هذا منتدى اقتصادي ولا مواعظ!!!!! الكل يعرف ربه شنو هل موديل منتدى اقتصادي و الناس تنطر اخبار عن السوق الاخ مسويلنا درس ديني
     
  5. باشا

    باشا عضو جديد

    التسجيل:
    ‏7 نوفمبر 2009
    المشاركات:
    160
    عدد الإعجابات:
    0
    جري ايه يا وديع .... ( يا رب حسن الخاتمه )
     
  6. بدر2000

    بدر2000 عضو جديد

    التسجيل:
    ‏16 ابريل 2010
    المشاركات:
    16
    عدد الإعجابات:
    0


    ربك معاك بكل وقت طال عمرك


    و الدين المفروض انه معاك في كل وقت ما تاخذه في مكان وتتركه في مكان



    و الله يحزاه خير على الكلام الطيب الي انقله .. و عسى الله ان ياجرنا وياه

    ..


    ..

    ..​
     
  7. عبدالله الطيب

    عبدالله الطيب عضو جديد

    التسجيل:
    ‏29 يونيو 2008
    المشاركات:
    267
    عدد الإعجابات:
    0
    قصه روعه جزاك الله خير

    احسن من الاخبار الاقتصاديه الى نصها تاليف وجذب واحلام :) :) :)
     
  8. سرور

    سرور عضو نشط

    التسجيل:
    ‏11 أغسطس 2009
    المشاركات:
    6,206
    عدد الإعجابات:
    4,365
    كلمة أعجبتني عندما قال أحدهم(نحن أموات أبناء أموات) . اللهم ارحم المسلمين والمسلمات وجميع من شهد لك بالوحدانية.
     
  9. nokhitha

    nokhitha موقوف

    التسجيل:
    ‏1 ابريل 2010
    المشاركات:
    182
    عدد الإعجابات:
    0
    ونعم بالله ما قلنا شي يالغالي بس هذا الكلام مو مكانه هني و ما في داعي احد يزايد على الثاني في الدين كلنا مسملين و لله الحمد و الأعمال بالنيات
     
  10. ابو نواف محترف

    ابو نواف محترف عضو نشط

    التسجيل:
    ‏12 ابريل 2010
    المشاركات:
    641
    عدد الإعجابات:
    2
    مكان الإقامة:
    السعوديه بلدي
    الله يهديك ويصلحك اخوي دين نصيحه وبعدبن ردك ماله معني == الله يجزاك خير ياصاحب المؤضوع
     
  11. الشاطر

    الشاطر عضو نشط

    التسجيل:
    ‏20 يونيو 2004
    المشاركات:
    1,357
    عدد الإعجابات:
    4
    جزاك الله خير هذه هى المواضيع المهمه اللى لازن نتذاكر فيها وخاصه اخر الاسبوع

    اللهم انا نسألك حسن الخاتمه

    ياناس اولادكم لهم عليكم حق وكذلك زوجاتكم واوالديكم لهم عليك حق وهم اهلكم وجماعتكم

    خلوا نهايه الاسبوع سعيده لهم

    طلعوا العيال نفهوا عنهم واحسنوا معاملة زوجاتكم وصلوا ارحامكم والله الدنيا ماتسوى

    واحد مطلعينه بالتلفزيون يقول مافيه احد من اللى بالصاله يكلم مرته لاتعمى قلوبكم الفلوس والخسائر
     
  12. ضيف عابر

    ضيف عابر عضو نشط

    التسجيل:
    ‏8 يناير 2010
    المشاركات:
    217
    عدد الإعجابات:
    28
    الله يجزاه خير من كتبه ومن نقله
     
  13. style_kuw

    style_kuw عضو جديد

    التسجيل:
    ‏3 يناير 2009
    المشاركات:
    363
    عدد الإعجابات:
    0
    اشهد بالله شيطانك قوي ياأخوي الرجل جزاه الله ألف خير ينقل موضوع للموعظة ووقفه لمحاسبة الذات الدنيا فانية فل تقل خيرا أو تصمت
     
  14. mon406

    mon406 عضو نشط

    التسجيل:
    ‏31 أغسطس 2009
    المشاركات:
    522
    عدد الإعجابات:
    3
    مكان الإقامة:
    الكويت
    جزاك الله خير
     
  15. بحراوي

    بحراوي عضو مميز

    التسجيل:
    ‏18 يوليو 2005
    المشاركات:
    1,388
    عدد الإعجابات:
    0
    مكان الإقامة:
    الكويت
    :confused: بدال ما تكتفي وتقول للشخص ( جزاك الله خير )

    والله ونعم الكلام الي قاله اخونا الوطنية ، لله الامر من قبل و من بعد يا خوي وشغله ثانية التوافيق دائما تأتي من رب العالمين لاتقولي منتدى اقتصادي او اجتماعي او سياسي او ثقافي ، ذكر الله حاضر في كل وقت وزمان ومكان جزاك الله خير ويهديك ويهدينا معاك :)
     
  16. سهمك اخضر

    سهمك اخضر عضو جديد

    التسجيل:
    ‏22 أكتوبر 2009
    المشاركات:
    9,425
    عدد الإعجابات:
    8
    مكان الإقامة:
    الكويت
    اقتراح نقل الموضوع لاستراحه المنتدى

    لان الكلام منقول من منتدى سعودي

    كل سوالف تشبه الدوانيه او الاستراحه

    وجزاك الله خير على النقل لكن لو حاطه بالاستراحه

    بيكون عليه اقبال اكثر
     
  17. قـلـب الأسـد

    قـلـب الأسـد عضو جديد

    التسجيل:
    ‏16 مايو 2010
    المشاركات:
    107
    عدد الإعجابات:
    0
    جزاك الله خير وهذا الكلام ينفع في اي مكان واي زمان وياريت الاخوه الاعضاء يقرونه عشان تهدا نفوسهم ويتذكرون ان المال والدنيا زائلين وارجو من المشرفيين عدم نقله حاليا حيث ان الكثريين من الاعضاء لا يزرون الاستراحه وانا واحد منهم
     
  18. bnyder2002

    bnyder2002 عضو نشط

    التسجيل:
    ‏25 مايو 2003
    المشاركات:
    1,857
    عدد الإعجابات:
    1
    مكان الإقامة:
    kuwait
    تاريخ التسجيل: Mar 2010
    المشاركات: 32





    الله يجزاك خير ياراعي الموضوع واللي ناقله ........بس الحبيب اللي موعاجبه الموضوع يمكن نازل عليه السهم من 1400 الى 42 فلس عنده تمويل خليجي
     
  19. 7aboob84

    7aboob84 عضو جديد

    التسجيل:
    ‏11 سبتمبر 2009
    المشاركات:
    151
    عدد الإعجابات:
    0
    الرجل صاااج يا جماعه هذا منتدي إقتصادي بحت لايكون عندنا خلط وااحد يقول فلان مريض إدعوله والثانى يقول انتقل إلى رحمه الله عندنا إعلان سيارات ومكاين للبر ويختلط الحابل بالنابل كلنا نحتاج النصيحه والتذكير لكن بالمكان الصحيح يا اخوان ..شبيتوا على الرجل ماخليتوا عليه كلمه لا وواحد يقوله شيطانك قوى بالله عليكم شنو هالأخلاق تعتقدون هذا يعرف النصيحه ؟؟؟ عموما جزاك الله خير على النصيحه لكن نتمنى يكون بمكانها شكرا
     
  20. مضارب شجاع

    مضارب شجاع عضو جديد

    التسجيل:
    ‏8 مايو 2007
    المشاركات:
    4,707
    عدد الإعجابات:
    1
    بصراحة جزاه الله خير من نقل الموضوع وهذا شئ طيب انه يذكر كل من ينسى ان وراه حساب وقبر
    ولكن يا اخي بنيدر ماله داعي تتشمت فى الناس وتتطنز على سهم نزل وخسر المساهمين
    وأنصحك ان لا تعيب على الناس وترى الله يبلاك فى مصيبة او سهم يخسرك كل حلالك