العد التنازلي لتصريف الاراضي...بدأ..بقوة القانون..استعدوا يالتجار

[المؤشراتي2]

نصيحه تجاهلوا الشريطيه والمطبلين والموتورين لانهم خسرانين

والخسران لا حرج عليه .الايام راح تعلمه لا تستفزونهم في ارزاقهم

 

[خالد العليان]

نصيحه تجاهلوا الشريطيه والمطبلين والموتورين لانهم خسرانين

والخسران لا حرج عليه .الايام راح تعلمه لا تستفزونهم في ارزاقهم

هلا المؤشراتي....يعطيك العافية...
انا بديت من تجاهل بعض المشاركات من بعض المناديب والكتاكيت...
الحجي معاهم خسارة ...وهذي نصيحة لصديقنا العضو 8،9\2008 لانه بجد النيكنيم الخاص فيه عزيز علينا..واقوله خلك من البعض لاتضيع وقتك معاهم...ماعندهم شي..
والله يرزق الجميع

 

[مشروع حلال]

ههههههههههههه والله شر البليه مايضحك

طبعا العضو مشروع حلال الضاهر حس انه الرمي صوبه لانه شكله شريطي وانبه ضميره بعد ماقرا المشاركه

حياتي مشروع حلال لييييييييييييييييييييييييييييييييييش زعلان وايد ومتضايق حدك ومقهوووووووووووووووووووووووووووووور نزلت الاراضي صعدت انت شكو شكلك ماتقدر تحط باسمك ارض اصلا من جذي مقهور

وبعدين انه قلت تاجر يمكن شيخ ويمكن مواطن بدون تحديد وبعدين شيوخنه احسن ناس ومايحاولون يخربون البلد مثل ماقاعد تلمح يا حلال

وفي ملاحضه اذا موعاجبك الكلام لاتقرا وشكلك خسران عموله توك ومقهور او ماودك تقل عمولاتكم من البيع ؟؟؟؟؟

فعلا شر البلية ما يضحك

لمه الواحد يسمعكم كلمتين في العظم ويطلب منكم المصدر الموثوق

او انه ابين انه كلامكم من نسج خيالكم وانكم مثل رقوة الصابون مرده تنشف او تنغسل تتضايقون وتتهمون الي يعارضكم اشريطي او مندوب او مثل التافه الي ينعت الناس بالكتاكيت وبدون

وانتو عددكم في المنتدى مايتعدى اصابع اليد والقدم

وفعلا الحسد مالي قلوبك ولا بعد عينكم حارهههههههههه

واذا انتو شفتو سعر الارض 85 سويتهو انهيار ولمه اتشوفون الأسعار الصحيحه سويته تبديل بين التجار ولا تسيل ولا تصريف
وقاعدين توهمون الناس بكلامكم

كل واحد فيكم امسوي نفسه محلل مخضرم واهو مايعرف كوعه من بوعه
ولاله شي بالعقار كلش بس متضايق ليش انه فاشل في حياته بلش فيها دين بدين

وراح اترفع عن تجريح الي تقصدونه من وره مقالتكم التافه

الأني فعلا فعلا كويتي قبل التأسيس

واشتري ارضي بكل ما أملك لانها غاليه يا محـــــــــــــــــــــــــــترم

 

[خالد العليان]

بالمختصر المفيد

ما عليه الذيب من صوت النعاج** وما يهز طويق حبات الثلوج

 

[قانون 8و9 2008]

انت يابو نسج خيال تشتغل بمصنع قطن والا نداف وبعدين منو معلمك هالكلمه وقاعد تكررها كل شوي

ترى اذيتنه كل شوي الاسعار ماتنزل وتنزل واوهام

شوف لو انت من تجار العقار يعني مو فاضي تدخل منتديات

ولو عندك حلال يابو تاسيس جان صرت لاهي فيه مو قاعد هني تكتب بدليات

وبعدين اول مره اشوف واحد يسولف انه كويتي وهذا اكيد مو ؟؟؟؟؟؟؟

وانت من اللي ياخذون معاش مقابل دخول المنتديات ونقل الاخبار للمعزب العود

 

[مشروع حلال]

انت يابو نسج خيال تشتغل بمصنع قطن والا نداف وبعدين منو معلمك هالكلمه وقاعد تكررها كل شوي

ترى اذيتنه كل شوي الاسعار ماتنزل وتنزل واوهام

شوف لو انت من تجار العقار يعني مو فاضي تدخل منتديات

ولو عندك حلال يابو تاسيس جان صرت لاهي فيه مو قاعد هني تكتب بدليات

وبعدين اول مره اشوف واحد يسولف انه كويتي وهذا اكيد مو ؟؟؟؟؟؟؟

وانت من اللي ياخذون معاش مقابل دخول المنتديات ونقل الاخبار للمعزب العود

حاطلك نك يديد علشان تغلط

فيك نقص

يا .................................. عليك الختيار

في كل الأحوال ماراح اغلط عليك

الغلط مردود عليك يا محترم

وتحرص من ردي القادم

وضبط نفسك

 

[مشروع حلال]

ما عليه الذيب من صوت النعاج** وما يهز طويق حبات الثلوج

انت ما تبي ارد عليك بأي مشاركه

فلا تحط نفسك بموقف محرج

وللعلم انه مختلف معك في الراي ولاكن ما طلع مني الغلط وياك

ونقلك ومشاركاتك زينه

وانت طلبت مني عدم الرد على مشاركاتك

وحترمت رايك


اذا تقصدني بمثلك مردود عليك

ولا نوصل لي مرحلت الغلط

ان كنت مو عاجبك تجاهل مشاركاتي

والوعد جدام

 

[قانون 8و9 2008]

انه مافهمت ولا شي من مشاركت مشروع حلال

ارجو من الاعضاء اللي قرا المشاركه وفهم يوضحلي

وبعدين ياعمري شفيك مقهور وزعلان موعاجبك الموضوع لاتدخل المواضيع وايد

لاتضيع وقتك معانه مدامه كلام فاضي وخرابيط وتاليف

انت باين عليك اكبر من هالشي والمفروض انك تترفع عن هالمواضيع السخيفه اللي ماتعنيك

والله يعينكم على انفسكم تبون تقنعون الناس بوجهات نضركم غصب بس

مبروم على مبروم مايلفش

 

[خالد العليان]

هلا بالحبيب 9,8/2008
بجد انا معجب باسمك...يااخي النكنيم لحاله يقهر البعض..عموما صديقي..
ابشرك السوق الحين قاعد تنطرح فيه مئات الاراضي بشرق القرين..قبل تقرى اعلان هنيه واعلان هناك...كان قدامهم وقت للتصريف...
الحين بعد حكم المحكمة الدستورية..الشركات العقارية والتجار..بلشوا يلحقون يصرفون اللي عندهم...لان الجاي اعظم..
تحياتي

 

[الأرستقراطي]

مشكور أخوي العليان ،،، للأسف بعض حاشية الدماء الزرقاء ما يبون العقار ينزل لأنه ضد مصالحهم و لكني أشوف الأراضي ان شاء الله تحت ال 60 الف بالقريب المتوسط ،،، مبروك مقدما لمن صبر ،،،​

 

[قانون 8و9 2008]

ياجماعه بديت اشوف اراضي يديده اول مره تنعرض بالسوق ومساحات كبيره ومختلفه

 

[خالد العليان]

ياجماعه بديت اشوف اراضي يديده اول مره تنعرض بالسوق ومساحات كبيره ومختلفه

ابشر بالخير يالحبيب..
الحسبة الرياضية تقول1+1=2
الحسبة (الحلمنشية) الحين مع مقاومة التجار وتطبيل المناديب1+1=5
بالنهاية مايصح الا الصحيح..
الاراضي بدت تنزل السوق بعد كسر الاحتكار المفروض عليهم من قبل التجار والشركات..
حتى بيت التمويل الكويتي ماراح يغامر ينطر حكم محكمة الاستئناف اللي بشهر اكتوبر المقبل...اذا صبر لي ذاك الوقت يكون مقامرا كبيرا وليس (مغامرا )كبيرا..لان الحكم المتوقع راح يكون ضده وتأييد لحكم المحكمة الدستورية...و بتلك الفترة اذا كانت توجد اراضي كثيرة عند بيت التمويل..فانا ابشرك راح تكون الاراضي على افا من يشيل..
واذا الادارة تتبع نظام المتاجرة بعيدا عن المخاطر...فستقوم بتصريف مالديها الان..اما اذا كانت الادارة مقامرة..فانها ستنتظر شهر اكتوبر المقبل وهذا الامر استبعده..
شكرا

 

[قانون 8و9 2008]

شفت قبل شوي اعلان بموقع دليل الكويت ضحكني
ارض بالخفجي 550 م سعرها 9500 وتحتها ارض بالفنيطيس 450 م 130 مع ان الخفجي تبنيها باجر والفنيطيس تبنيها يمكن بعد 3 سنوات والله لو في منجم ذهب تحت الارض هم مايكون سعرها هالكثر غالي

 

[خالد العليان]

مبروك...قانون المدن الاسكانية الجديدة

شرح بسيط...
جميع القوانين تصدر من اللجان المشكلة في مجلس الامة..وكل لجنة من 5 اعضاء ويتم التصويت على القوانين داخل اللجان..ويؤخذ برأي الاغلبية..اذا تمت الموافقة على القانون في اللجنة يتم رفعه الى جدول اعمال مجلس الامة ليصبح النقاش جماعيا..
وكل قانون يمر في مداولتين في النقاش مع جميع اعضاء مجلس الامة..ويجب اقرار القوانين من خلال مداولتين وليس مداولة واحدة ليصبح قانونا نافذا في حال الموافقة عليه من غالبية اعضاء المجلس..بعدها يتم رفع القوانين الى صاحب السمو امير البلاد حفظه الله..وسمو الامير..يقوم باعتماد القانون ويصدر به مرسوما اميرا...وهنا يصبح القانون واجب التنفيذ...
هذا شرح بسيط لفكرة اصدار القوانين...
اليوم الموافق الاربعاء9/6/2010 تم الموافقة في المداولة الثانية على قانون المدن الاسكانية..والحين البلدية ملزمة بتسليم الرعاية السكنية أراضي تتسع لـ 200 ألف قسيمة خلال 3 سنوات.. وخلال 6 سنوات يمكن انجاز 53 ألف وحدة سكنية، وبذلك ننهي 80% من الطلبات الإسكانية...حسب كلام احمد السعدون..
مبروك للجميع...الحين صار قدام المواطن الكويتي العديد من الخيارات للسكن وبقوة القانون ايضا...
للمراجعة هذا الرابط
http://www.alaan.cc/pagedetails.asp?nid=53905&cid=30

 

[سويسرا]

تتوقعون وين 200 الف ارض صايرة الاراضي من قبل البلدية


لتوفيرها للمواطنين من قبل الاسكان

 

[خالد العليان]

تتوقعون وين 200 الف ارض صايرة الاراضي من قبل البلدية


لتوفيرها للمواطنين من قبل الاسكان

سويسرا...يعطيك العافية...
معاك خريطة الكويت...
الاماكن متوفرة وتبي اللي يعمرها يالحبيب..

 

[سويسرا]

جزاك الله خير


كل الاماكن بعيدة مافي اقرب حق الدوام

 

[مشروع حلال]

جزاك الله خير


كل الاماكن بعيدة مافي اقرب حق الدوام

تصبر يالحبيب خطة الحكومه متكامله يبي يحلون المشكله الأسكانيه لازم يتوسعون تخيل اعيالنه وين راح يسكنون بيصير عندنه دائر ثامن وتاسع وعاشر

القطارات على الأبواب

200،000 طلب اسكاني × 400م مساحة البيت = 80000000 م + 50 % من المساحه الجماليه للخدمات = 80000000م + 40000000 م = 120000000م

يعني 120 مليون متر مربع هذي المساحه مو متوفره الا خارج المنطقه الحضريه

 

[خالد العليان]

جزاك الله خير


كل الاماكن بعيدة مافي اقرب حق الدوام

هلا سويسرا...
ياخوك الاراضي القريبة كثيرة جدا...في اخبار عندي عن توفير مناطق سكنية قريبة جدا...بس اتأكد من المعلومات من مصادر سكنية...راح اعلن عنها..
وبعدين يالحبيب الكويت من اولها لاخرها تقطعها بساعة...
تعال شوف اخوانا السعودين..بعضهم يقطع يوميا اربع ساعات عشان يطلعون من بيوتهم على مايوصلون الدوام..واربع ساعات عودة..
وفي مصر فيه ناس عايشه بالاقاليم ويداومون بالقاهرة..يوميا مواقل من 3ساعات طريق بالقطار عشان يلحقون على دواماتهم..
احنا الحمدلله بديرة خير..

 

[سويسرا]

ليش نبي قريب


من ناحية الدوام والاهل والمدارس القربية يعني الواحد يصير عمرة فوق 40 سنة يالله يحصلة بيت

متى يتهنا في البيت اي قطار هذا كلام حق الاجيال اما احنا راحت علينا

نسمع عن مشاريع لكن متى الانجاز المواطن تعب من الوعود وغيرنا في دول الجار

اعمار الشباب على 25 سنة تطلعلهم قسائم وبيت مالوم التجار الي يشتري حق عيالة داخل الديرة يضمن الارض لهم

الصراحة الي عندة فلوس الحين خلة يشتري لانة الاسعار مالها صاحب ماتدري محد يعلم الغيب

نسمع عن نزول لكن مانشوف شي


تثمين الصوابر والجليب راح يرفع الطلب على القطاع السكني الداخلي
حتى لو تم تصريف الاراضي من الشركات راح تلاقي طلب من التجار واصحاب التثمين

بعدين الي راح يطلعلا بيت اخر الدنيا راح يؤجر البيت لانة تعود على السكن والمكان الي فية داخل الديرة

والله كريم ويرحم الحال والحمد الله على كل حال