للايجار للأجانب فقط والكويتي خله يدبر نفسه !!

[روبية]

صراحة كثير من الاعلانات تلقى المعلن يطلب مقيمين وأجانب فقط !!
والكويتي وين يروح اذا بديرته مايحصل سكن يأجره ولا يقدر يشتري بيت بسبب الأسعار وبالأخير البعض يشتري الأراضي السكنية ويبنيها عمارات ويسكن فيها أجانب !! ما أعتقد انه هالشي يصير بأي دولة غير الكويت .. وين المجلس مايتدخل ليش مايحسون بمعاناة المواطنين

 

[Q8Se]

لا تلومهم ياخي اذا اجرتم يا ماتدفع الايجار يا تزعجنا وبالاخر تدخلنا محاكم على حلالنا تلومنا

 

[روبية]

حلالك تسكن فيه من غير ماتحط اعلانات وتأجره لأن قانون الرعاية السكنية يمنع هالشي
وممكن البيت ينسحب وياخذه الشخص اللي يستحق الرعاية السكنية غير اللي مأجر بيته وقاعد ببيت ثاني ، هذا مو حسد لكن الرعاية السكنية للمستحق اللي ماعنده سكن ثاني.
ثانيا المحاكم تاخذ الحق بالكامل للمؤجر فلس فلس وعلى فكرة أكثر القضايا على الأجانب!!

 

[am7]

صحيح كلام الأخ Q8Se
الكويتي ما تقدر تطلعه من البيت الا بالطيب غصب ما تقدر
يقدر يجرجرك للمحاكم
و اذا دشيت البيت صارت عليك قضية مهما كان السبب ما تقدر تدش البيت

تأجر بسعر ارخص شوي مقابل بدون مشاكل

 

[يوسفاني]

لا تلومهم ياخي اذا اجرتم يا ماتدفع الايجار يا تزعجنا وبالاخر تدخلنا محاكم على حلالنا تلومنا

أي و الله صح كلامك ما يدفعون أيجار و يخلي الأيجار آخر أهتمامه و أذا دفع عقب ما ينشف ريجك حسباله دافعلك زكاة مو حق واجب عليه يارب ترزقنا مؤجر أجنبي عنده ذمه و ضمير و أبعدنا عن .... اللي يسكن و مايدفع أيجار و مزعجك و أذا طلع أدفع دم قلبك علشان تصلح ما خلفه من خراب و دمار

 

[Abdulla990]

لا تلومهم ياخي اذا اجرتم يا ماتدفع الايجار يا تزعجنا وبالاخر تدخلنا محاكم على حلالنا تلومنا

الكلام هذا مردود عليه
الحين المستأجر ما يقدر يزعل المؤجر بأي شي
لأن المؤجر عنده المفاتيح الرئيسية للماء و الكهرباء و التكييف و المصعد و السخان ,, الخ ,,و يقدر يتخلص من المستأجر في اي وقت
لكن انا اشك ان بعض الملاك يبي نوعية معينة من الناس و يتعذر بسوالف الايجار

 

[بو بـدر]

والله ياخوك انا قبل كنت مثلك اتحلطم واتشره على الي يأجرون فقط على الوافدين صحيح الاولى الكويتي بس اذا طلع نشبه وما يستحي شتسوي فيه

عالاقل الوافد يخاف ماهو طيب بس خوف على رزقه فيدفع بدون عوار راس

 

[يوسفاني]

الكلام هذا مردود عليه
الحين المستأجر ما يقدر يزعل المؤجر بأي شي
لأن المؤجر عنده المفاتيح الرئيسية للماء و الكهرباء و التكييف و المصعد و السخان ,, الخ ,,و يقدر يتخلص من المستأجر في اي وقت
لكن انا اشك ان بعض الملاك يبي نوعية معينة من الناس و يتعذر بسوالف الايجار

و االه ياخوك أذا فيك خير سكر عليه أي شي من اللي ذكرتهم تلقاه ركض للمخفر و رفع عليك قضيه ما تطلع منها لا وتلاقيه مو دافع أيجار قوت عين خلنا على الوافدين أحسن على الأقل ناس تخاف و تفكر بعقل

 

[Abdulla990]

ما يقدر يسوي شي اذا تجاوز تاريخ 20 بالشهر و هو ما دفع تقدر ترفع عليه دعوى إخلاء و يطلع غصب او تقطع عنه كل شي و لا يقدر يشتكي لأنك رافع عليه دعوى إخلاء

 

[مشروع حلال]

مادري

مالك الا بوراشد

راح يقولك بالشته اجر مخيم وبالصيف اجر شاليه

 

[KEMPES]

بعض الكويتين مو كلهم اذا اجرت له صج ما يدفع وياذيك ولا تقدر تطلعه حتى لو اشتكيت علية وغير هذا لما يطلع تعال شوف الشقه مكسره ومخرب .
الاجنبي على طول 10 ايام ما دفع يفنجرونه بره الشقه ومحسوب علية اجار .

 

[GOoOL!]

أحسن حل تأجر لكويتي إذا توه متزوج
لأنه بيتفيخر يدام مرته ويدفع

غير جي الأجنبي أريح
ومثل ما قالوا ممكن الواحد يقلل بالسعر شوي على حساب المشاكل