مــــعـــــركــــــة ابـــيــــــات صــــــعبـة ..........

[عبدالعزيز رشد]

عجيب يكتب شعر ويتغزلبة....................ومرة مال قلبة للدين وتخسبقبة

غدا عقلة شتات وبتلشبة.............هذا التذبذب بين النفس وانت تشعربة

معقولة عيني في عينك ياالي تقرا ، ماتشعربة

 

[عبدالعزيز رشد]

يادار وين الخل وينة ليالية..............وينة تري حبة بقلبي لحالة

تطري علي بغيبتة ثم انادية........وبكي علية الليل وبكي خيالة


غناء سارية السواس........كلمات ،،!!!!!!!!!!!!!فلان بن فلان الفلاني المسروقة

اسمعوها قبل (( يلتزم صاحبها الاصلي )) وعندي تحفظ علي الاغاني هذية

 

[ســـراب]

صـــح لســـانك

 

[بو شيشه]

تسلم يا بوالرشد
وين البيرق عنك

 

[عبدالعزيز رشد]

ياملي بين الاضلاع مخطوف.....................خطف الشبك لطراف جنحان طاير

حبك جرحني جرح ماهو بمشيوف.................كسر قفول امصندقات الظماير


حبك ملكني ملك من غير معروف.......................وانا لملكك ياحبيبي امداير


اهل الهوي دايم مساكين وضعوف....................ماعندهم غير البكي والعباير

 

[عبدالعزيز رشد]

اذا ماكنت تعنيني محد بالكون يعنيني.........سكنت بوسط وجدانك وبيك وسط وجداني


اعيش بهمي وبيني سبب مابينك وبيني..........مادام البعد عنوانك اكيد اموت عنواني

 

[عبدالعزيز رشد]

اشلون اسوي قصيدة تستحقها .....اشلون....

لايوجد عندي عاطفة لك يابنية..........

الزين في ليلة الجمعة يزفونة.................وانا عيوني من اسبابة سهيراتي

حدووة عني وانا حديت من دونة...........مالي جدا كود البكي وكثر التنهاتي

يبكي وانا ابكي وكلن تسهر عيونة............ياحمود ويلي علي وقتن لنا فاتي

ياحمود قلبي حزين وباح مكنونة.............وصويحبي ماسمع ياحمود وناتي

صحيح مايعرفون الهوي وشلون قانونة.........ولايستوي ياعرب لي صبر واسكاتي

 

[عبدالعزيز رشد]

خلف العتيبي،،،،،،،،، مجنون الشعر

توكلنا على الله والله اللـي يقضـي الحاجـات
ليا صرت قفول أبواب غيره مـا أنقفـل بابـه

بديع الصنع جبـار الخواطـر واقـي العثـرات
عزيـز الجـاه مـا غيـره الآه ولا كفرنـابـه

على ارض من منى نلقى ملكنا وابرك الحـزات
عسى عمره طويل وعطر الله قبر مـن جابـه

تجمعنا على الراي الرشيد وعاشـت الرايـات
ولا نرفـع شعـار الا بـشـرع الله وكتـابـه

ولا نخطي و لانرضى الخطى بين من الحـالات
ومن يخطي ولو هو من حدينا مـا حسبنـا بـه

ولا نخدع ولا نخدع ولو راحت علـوم وجـات
ولا يهزم بنا الجمـع الكبيـر إذا حضـر نابـه

اليا منا بطشنا بطشنا ما هـو مـن السهـلات
اليا شفنا البطوش امباطشي يبطش بطشنـا بـه

واعلام العالم المسموم مهما اشتـدت الحمـلات
ما ينقص من البحر قطـره ولايرفـع و جابـه

تعذبنا مـن الاسـلام والجهـل المركـب فـات
نحدث من حديـث اللـي هدانـا واهتدينـا بـه

وبعد ما قلت اقول ويستفيض القـول بالأبيـات
على هذا الزعيم اللي تعـود العـرب لأنسابـه

عريب الأصل حر الفصل والمنشأ رفيع الـذات
غريب الوصف ما مثلـه ولا وصـف يحلابـه

على وجهه ملائكة الرضى ترسم لنا البسمـات
بعد صبح تبسـم وابتسـم لـه وابتسمنـا بـه

صليب الراي حلال المشاكل مخلـف الهقـوات
يكيل الصـاع بالصاعيـن لأخصامـه وحرابـه

يحايل بالحيـل ومحايلـي ويحلحـل الحيـلات
بحل من الحلول تحال مـن حلـه ومنسـا بـه

يوقت للحدث قبـل العبـث عقـارب الساعـات
ولا يضغـط زنـاد الا يدقـق ويـن مضرابـه

صميدع من مرفعـة الخشـوم ينـزل النعـرات
ولا قد ضاع حق عـن الفهـد والفهـد طلابـه

مخضرم والسياسه مخ راسـه مثبتـه بثبـات
عرفناها مـن الأحـداث والتاريـخ نقـرا بـه

يغيث المستغيث وينقل المسلـم مـن النكبـات
ما هو بمقامري يفرض الجزيه علـى أحزابـه

يجينا المستجيـر بيـوم تتغيـر بـه اللهجـات
لغـة مدفـع ومـا يدفـع وطيـاره ودبـابـه

يجازف ما يساوم ينهـي البيعـات والشريـات
ما عاد يباع في سوقه وابد ما عاد يشـرا بـه

فهد يا فزعة العاجز فهد يـا راعـي العـادات
فهد يا عزوة الشعب السعودي ومن تعزوا بـه

فهد يا صادق النخوة فهد يـا صامـل الوقفـات
قدمه مكرسه من أوتاد الحجاز ونجد واهضابـه

تحيزم لثعلب حزام أسـد وخـذ الحـذر مـرات
ترى المحسود عدوانه تصير اكثر من أصحابـه

حكيـم ولا توصـى منتبـه وتعـدل الغلطـات
وتلقى الراي مع راعي الغنم لو هـو بمشعابـه

صديقك من يقاسمك الهموم بساعـة الضيقـات
يصيبه هم مـن همـك وعنـك الهـم ينتابـه

ولا ينفع مع الخاين سعة بال وصبـر وسكـات
قليل أحسان حلـو لسـان دود الحقـد يرعابـه

ولا تامن من النجس القريب يـدور الفرصـات
ولو حطك بعينه واقتنعـت انـك مـن احبابـه

ولا تامن مبيعة العهـود وهـم اهـل البوقـات
إذا اصبح واحد منهم بعهد اصبح ولا امسا بـه

ولا تامـن منقبـة القبـور بكشفـة العـورات
يشيلـون الكفـن ويدمدمـون القبـر بترابـه

ولا تامن سحابة صيف يلقح باسـرع الأوقـات
أديار عامره بشعوبهـا راحـت مـن اسبابـه

ولا تامن لفروخ الداب لو عاشن وابوهن مـات
يجـن الصبـح بانيـاب تنسـل كنهـا انيابـه

ترى ما حل في بعض الدول تنبيـه وانـذارات
ومـن لا ينتبـه معـك يـا التيـار يغـدا بـه

صحيح اهل القرى ماياخذون الا على الغفـلات
عبر والمعتبر يعيـا الامـور وياخـذ احسابـه

حمانا الله ونكران الجميل مـن اخطـر الأفـات
قليل العرف والحيوان طبـق الأصـل تتشابـه

وتحييا يا ملكنـا للوطـن والشعـب و القـوات
امانك بعد امان الله يعيـش بنـا وعشنـا بـه

وعلى ولـي عهـدك جيـت بتحيـات مثنيـات
عدد محرم مـن المحـرم هـو كبربـه ولبابـه

على عبدالله اللي هامتـه خـرت لـه الهامـات
وكم عاقل وكـم جاهـل بعـد يخشـاه ويهابـه

يعلم ما يعلم رجل سلـم وحـرب وخـذ وهـات
طوى المصحف على صدره وشد السيف بنصابه

يمينه للوطن ساحة عطا جزلـه واب الجـزلات
يدين المفلس البائس تعلـق بـه وتنجـى بـه

كساه من التواضع ما يسر الصـدر والنظـرات
لبس للناس تـاج الحلـم والعـدل تعصـا بـه

ولك كف باصابعهـا تديـر الوجـه بالصفقـات
قرانيس الحـرار تطيـح مـن كفـه ومخلابـه

فسر عن ساعده للمعتديـن يسـدد الضربـات
على الاصحاب والاجنـاب يعدابـه ويبـدا بـه

شجاع بلقـى يـوم الجبـان يبـان بالاقـوات
ولو خاض البحر خضناه بالرجل وعبرنـا بـه

أبو متعب الليا حمي الوطيس ودارت الجـولات
كسبهـا وان بلاوهبهـا ردي الحـظ يبـلابـه

نوادر مهجتي في سيدي دايـم تجـي عذبـات
شعـور صادقـه ثـم صادقـه ماهيـب كذابـه

وعود المدح حماي الحـدود موجهـه الغـارات
تذود عـن الحمـى وتصـف طمـاع تهقوابـه

توجه من قواعد فهد بالخطه علـى الشاشـات
حفظك الله وزيـن فعلـك الفـذ افتخرنـا بـه

عليك البيض فوق البيض يا سلطان منشـورات
على الأشهاد ينظرها العقـاب بـراس مرقابـه

كريم النفس مشهـود الكرامـه طيـب المـدات
تغيب المرجله وان حضرت عنده هـي أولا بـه

حشا ما غيركم يا أهل الوطن لاهل الوطن قادات
ولا قـد قادنـا الا قايـد ٍعـادل ونرضـى بـة​

 

[الهمس الخجول]

صح لسانك عبدالعزيز \ أبيات جداً جميله

 

[عبدالعزيز رشد]

صح لسانك عبدالعزيز \ أبيات جداً جميله

صح بدنك .. ياالهمس الخجول....
والله يوفقج دنيا واخرة.......وتأخذين شهادتك العليا ........

 

[عبدالعزيز رشد]

احلا بنت في العالم ............

ياحولك وياحلو ايدينك.......................ويازينك وياحلو عينك

وياحولك مع رفعة ايدينك..............ويازينك مع رفعة اجفونك

منو يقدر يزعلونك ..........................يرجون الله و يبكونك

ياعل الناس يفدونك......... ..................................

 

[عبدالعزيز رشد]

يحول أشول الحق جتني طروشه
جتني مطاليبه وانا عنه منحاش

اليوم كن بداخل الصدر هوشه
مثل اختراش الريم في داخل الجاش

يالله عسى عطفك ولطفك نحوشه
يالله بحسن الخاتمه عند الاقراش

دنياك لو تعطيك زين المعوشه
تالي سوالفها تعود على ماش

ياما خذينا بأول العمر شوشه
وياما مشينا في مظاهير وأدباش

في خايعٍ وبل الثريا رشوشه
نجن الزبيدي في صحاصيح ودشاش

وياما جلسنا مع مرودع نقوشه
في سهلةٍ ماحدرنا زل وفراش

في وسط روضٍ مخضراتٍ خفوشه
نبته جديد ومبعدينٍ عن الطاش

نبنوب لا خبله ولا أهي مخروشه
عنق الفريد ان ذيره زول حشاش

قامت تخاطبني بنفسٍ هشوشه
بس الكلام وعرضه أبيض من الشاش

بسرار في وسط القلوب مخشوشه
بين الثنين ولا درى عنهن الواش

ربعة وفا ولا السلب ماننوشه
ماني لوجه معذب الحب خماش

واليوم مالي مع هل الصيد نوشه
عطيتها غيري بلاسوم ببلاش

عند الطبيب وصار عندي وحوشه
ومن الإقامة صابني خوف وخراش

ذالحين شفني جالسٍ عقب دوشه
أصلب عضاي وكن بالجسم هشهاش

خليت ديواني ومجلاس حوشه
عقب المعزة ساكنٍ دار الإنعاش

والنفس ضاقت عقب ماهي بشوشه
مثل المقيم اللي على نو مطراش​

 

[عبدالعزيز رشد]

قال الذي زين المعاني قطفها
أمثال مبداهن عن الشك مفرود

أمثال عنهن قاصر العرف يفها
من حيث درب العرف طلعات وصعود

لو كل من قال المثايل عسفها
ما صار نقص بالمعاني ولا زود

والبندق العوجا تجنب هدفها
الى صار منظرها عن القطر مصدود

وغاية جميع الخلق محد عرفها
رضا جميع الخلق ما هو بموجود

لا شك تدي كل نفس نصفها
ترى كلام العدل يظهر له شهود

من رابع العاقل لنفسه صرفها
عن تيهة يشقى بها ما بها فود

اسمح عن الليل تيهته ما عرفها
يمكن يرد اليالقى الدرب مسدود

لومي على اللي تيهته قبل شفها
ومن العيا كنه عن الرشد مطرود

نفسه على شين المماشي حذفها
اصبح ذميم لوه من نسل محمود

لا يفتخر بافعال ناس وصفها
لها الفخر كانه وقف ماقف العود

ما كل اجاويد تبعها خلفها
لا بد ما يخلف حمد سيرة حمود

كم واحد يمت جدوده نسفها
على الشمال ورد مع دربه ورود

ضرب دروب ما نشد عن كلفها
وكدر سماه وصار بالجهل مزيود

نفسه خطا غيره لعب في شرفها
اصبح بخيت لابس ثوب مقرود

كم واحد ربعه يعدل عجفها
من نشوته صاروا مشاكيل وفهود

عنهم مهمات الافاعي كتفها
ماحد يجيهم بطش والحق مريود

لومي على راع مماش حرفها
عن درب ابوه ودرب جده هل الجود

اقول له دنيا بلا مدح عفها
ترى تلاي الجسم للقاع والدود

انتم بثر ناس تقدم سلفها
مرحانها تسفي خلايا من الرود

هذي مبانيها وهذي غرفها
بقى العمار وباني القصر مفقود

وغيره بيوت للفداوى رففها
مثل الجبال السمر وألوانها سود

محلي حلاها عقب سيرة صلفها
في خايع نبته لها ارقاب عاصود

كم فيضة زين المباني كنفها
بيوتها للخيل عن مرتع الذود

قب مطاليب المقفي نحفها
ياما نضح منها العرق نضحة الجود

لا من كساب الزعيمة خطفها
صاح الصياح وجاوبه حس بارود

كل ركبها ما نشد عن كلفها
جنك على الداعي مع الحزم جلعود

كم ابلج عنه الجبانة كشفها
خلي بجيش القوم حاوي ومردود

وكم ابلج نفسه حياها قصفها
اصبح فؤاد امه من الحزن ملهود

هذي سلوم اللي تقافت صففها
يوم الهوا عدل لركابها القود

واليوم ترحم حالها من ضعفها
ما كنهم شيفوا بمرباع وعدود

مضما البكار اللي تنفض شعفها
لو تاصله عينت به ربق وهنود

قلي علام الوقت هذا صدفها
واقول لكل هذا اخر الوقت مشهود

محد تصاريف الزمان اكتشفها
تغيرت سلم على الخلق مقدود

دنياك بالقفلات يضرب صلفها
لمحة بصر ما له سنا برق ورعود

غدارة لو اضحكتك بطرفها
تراك عقب الضحك ببكاك ما عود

ان اقبلت قامت تمشط زلفها
هنوف عرس طيبها المسك والعود​

 

[عبدالعزيز رشد]

اليوم انا مريت لي ربع عجمـان.............. مستانسيـن وبالخبـر مستهميـن

ربع لنا بالعون ماهـم بقشـران................. وافين فى كل المعانـى وذربيـن

قلت الخبر قالوا نبى الشيخ راكان............. اميرنا وابـن الفهـود المسميـن

مشيت معهم مستهـم وعجـلان............... حق على زيارتى لابـن حثليـن

لقيت لى رجل من العقل مليـان............... رجل من فهود الرجال الذكييـن

الرجل يأهل المعرفه قلب ولسان........... وبشارة تبقى على العسر والليـن

وان كان فى راكان طابن الاظنان................ ما هو كثير مسنع بيـن جديـن

هذى زيارة خير يا نسل ضيدان.................... اقولها مسرور من خاطر زيـن

اقولهـا ماهـوب زور وبهتـان...................... الرجل له عند اهل العرف تثمين

امير يام مهديـة كـل شيطـان................. زينيين للصاحب وللقوم شينييـن

من فضل ربى كل ابونا بميـزان................... الله يثبتنا علـى الحـق والديـن

فى فضل ابو سالم هلا يا قهيدان............ اللى حمانا من جميع الشياطيـن

فى نعمة عشنا شبـاب وشيبـان.............. نشدى لزرع ناعم فـى بساتيـن

من قال له قول على غير وكدان.......... يفشل الى منه حكى فى الدواوين

وانا حكيت الحق والحق وجـدان................ الشاهـد الله والمخاليـق داريـن

 

[عبدالعزيز رشد]

قال الذي وان جهـل معنـاه فسّـر................فسّـر معانـي كلمـتـه باللبـاقـه

مانيـب فـي رد الجـواب اتعسـر................مالي مـع احـدٍ بالتعّسـر علاقـه

أبني من أمثالـي رصيـفٍ مجسّـر................مـن لا تحـذّر منـه بتـر بساقـه

وأضمن كلامي كان مـولاي يّسـر..............عن الهجـا بالنـاس ولا الطفاقـه

جيل مثل طلع النخـل حيـث بسّـر...............اليا انتصـف بامـه تحـلا مذاقـه

الله مـن قلـب غرامـه تحـسّـر..................مـن فقـدة أيـامٍ عليهـن شفاقـه

خطرٍ ضلوعه مـن نهيتـه تكسّـر...............تكسـر اغصـان الهشيـم الدقاقـه

أشوف نـاس بالسوالـف تجسّـر...............علـى تعاجيـب الفتـاة الدقـاقـه

لو هو كبير السن والجسـم مسّـر..........والوجه بان من المشيـب احتراقـه

يبـي مثـل فـرخٍ نقـوره ينسّـر...............من جوف خرب صلف الاطلاق عاقه

تالي الصبا مثل الحويض الموسّـر.............وسره ضعيف ودرعت فيـه ناقـه

العاقل اللي يفهـم الضـرّ والسّـر............ولا يرتكب عسر المراقـي عشاقـه

لا شفت مالك مصلحـة لا تخسّـر..............ان كـان مالـك بالخسـارة لياقـه

 

[عبدالعزيز رشد]

والله هذي قصيدة الامير الراحل .الشيخ جابر الاحمد الجابر الصباح ، رحمة الله
في ردة علي الشاعر مرشد البذال.رحمة الله الذي قال لة
يابومبارك ماطري لك طواري..................تحيي الرسوم الاولة بالمظاهير

ياشيخ لاتنسي هذيك المساري........يومك تصلي الصبح فوق من الصير

ورد علية الشيخ ./ جابر الاحمد الصباح...وقال


قـولـك تـراه الـيـوم صايـر وجـاري (---------- ) الـلـه يـجتـزي ذيــك الايــام بـالـخـيــر

يـامـا سـريـنـا يــم ذيــك الخبـاري ( ---------- ) مـجـهـامـنـا كـل يـوم مـثــل النواطيـر

مانـعـرف الـتـنـتـات هـي واللـواري(---------- ) لــهـــن دوي يــشتـبـــهــن الـزنـابــيــر

نـمـر بالـرـيضـان خـضــر قـفـاري ( --------- ) زاه عـشـبـهـا مــع فـيــاض مـزاهـيــر

لا من طلع (مـخـتار) عقب المساري (----------) فــي مـوقـعـن مـافيه جــرة مـظاهـيـر

اوهد صوب الـروض وسـط الـنهاري(----------) غـمـر وصـفـف يـاحـسـيـن الـتـصـاويــر

والـيـا نـزل عـيـنـه تشعشـع بناري (----------)نـشـوفـهـم جـنــب الــذواري مـخـامـيــــر

مـثـل الـمـلك جالس وحولـه جـواري(----------) والـلـه مـاصـخـي بـه بـخـيـشــة دنـانـيــر

مــاهـمــنـا بـــرد ولاهـــوب ذاري (----------)يـوم ان لـلـمـقـنــاص بـالـنـفــس تـاثـيــر

والـيـوم كـل واحــد يـصيـد العفـاري(----------)وصـاروا جـمـيـع الـنـاس كـلـهـم صقاقير

اصـبـر تـشـوف الطير فوق القـواري (----------)مـطـلـعـه راعــيـــه مــع ســكـــة الــجـيــــر

 

[عبدالعزيز رشد]

اشلون اسوي قصيدة تستحقها .....اشلون....

لايوجد عندي عاطفة لك يابنية..........

لغز في عيونك........مدري دموع

 

[عبدالعزيز رشد]

اقوي بيت شعر قراتة في حياتي ...للمتنبي.... ويقول فية





يازارع المشموم فوق السطوحي ...............لاتزرعة ياشيخ عذبت روحي

 

[عبدالعزيز رشد]

ألا يـا عشيـري ويـن أنـا وأنـت.........أشوف الجفا جت لة دلايل


تبينـت لـي بـالحـرب و أعلنـت.............نسيت المودة والجمايل


وأظنــك علـى مثلـي تمـدنـت..........قصرت الشعر والفرق مايل


علامـك تقـص الـرأس لا هنـت.........حسافة علي ذيك الجدايل

 

[عبدالعزيز رشد]

آآآآآآآآآآآآآآآآآآآآآآآآآآآآآآآآآآآآآآ

لا تقـول إن المـرض هـذا خطيـر........كم مرض طاب ومبارية مات


الرجـال شطـار كان أنـك شطيـر..........كان لك دورة لهم سبع دورات


ولا تقول أسبق على العـدا الغديـر.........ان جهمت ركاب غيرك ساريات


يظهـرون ثنيـن من رحـمٍ ستيـر........صلب رجل من عذارات صايبات


الإخـوان إخـوان ما فيـهم خشيـر.........مير بس ان الفعل افتخات



وللعلم ياقارئ قصيدي ،، انا فعلا مريض وعاني من انفصام في الشخصية واعترف اني اوذئ من حولي....و هذا المرض لة 3 سنوات وانا اعاني منة ،، والله العالم يتسبب في موتي و نحل جسمي