تصريح طازج...سعود الناصر..الاراضي متروسة بالكويت وخلوا الناس تسكن

الموضوع في 'اعلانات العقار' بواسطة خالد العليان, بتاريخ ‏29 مايو 2010.

  1. خالد العليان

    خالد العليان عضو جديد

    التسجيل:
    ‏23 مارس 2010
    المشاركات:
    530
    عدد الإعجابات:
    0
    الشيخ سعود الناصر ...رجل صاحب آراء واضحة وصريحة...والجميع يشهدله..استلم وزارتي الاعلام والنفط..تم استضافته من فترة قصيرة بديوان سعد بن طفلة وناقش العديد من القضايا...ابرزها قضية الاسكان...الرجل قال بالحرف الواحد التالي: اما بالنسبة لقضية الاسكان «فلا يقصون عليكم» بالقول ان البلد لا تحتوي أراضي سكنية فالبلد «متروسة» أراض ولا يقولون لكم ان هذه اراض نفطية فهذا ادعاء نعلم عدم صحته ولهذا «خلصونا وخلوا الناس تسكن».
    يعني اذا رجل بموقع الشيخ سعود الناصر يقول هذا الكلام..ويعلنها صراحة ان في الكويت اراضي (متروووسة)..وفي المقابل نشوف الكويتيين الغلابى اللي متزوج من 1994 للحين ماطلعله بيت...ولاقادر يشتري من ورى هالتجار..يبقى السؤال الكبير ...من هو المستفيد من عدم توفير الاراضي للكويتيين عشان يسكنون...؟
    قالها الشيخ سعود الناصر....لايقصون عليكم يالكويتيين...رسالة للي محتكرين الاراضي..خلوا الناس تسكن...
     
  2. نوط بو ربع

    نوط بو ربع عضو جديد

    التسجيل:
    ‏24 يناير 2006
    المشاركات:
    488
    عدد الإعجابات:
    0
    مكان الإقامة:
    الكويت ما قبل 1978
    ليش ما نفى الادعاءات اللي كانت تقول ان اغلب الاراضي نفطية وقت اللي كان فيها وزير للنفط ... علما بوجود قانون يسبق تولي الوزير لوزارة النفط وينص على عدم اقامة مشاريع سكنية او انشاء مناطق جديدة الا بموافقة وزارة النفط .
    اتفق تماما معاه انها ادعاءات الغرض منها الاحتكار كي تصل اسعار الاراضي الى ارقام فلكية كما هي الآن ... ولكن تصريحه وصل متأخر ومتأخر جدا ... لو كان تصريحك هذا في فترة توليك وزارة النفط لكانت تغيرت كثير من الامور ولم تصل اسعار الاراضي كما هي عليه الآن !! لكن التصريح بعد فوات الفوت وبعد مسمى وزير نفط سابق لا يسمن ولا يغني من جوع .
     
  3. مشروع حلال

    مشروع حلال موقوف

    التسجيل:
    ‏25 ابريل 2010
    المشاركات:
    49
    عدد الإعجابات:
    0
    مساعده

    مسوي ضجه في المنتده والأسعار راح تنزل وحالتك حاله

    ابي اسئلك شنو فهمت من هذا التصريج الطازج ( المراعي ) على قولتك

    الأراضي الموجوده خارج الديره تقدر تقول من صباح الحمد لين الوفره

    بالعربي الحكومه والتجار اللــــــــــــــــــــــه يحفظهم ايد وحده والأراضي عندهم
    يبقى عليك انك تفهم الموضوع عدل :):):):):):):)
     
  4. خالد العليان

    خالد العليان عضو جديد

    التسجيل:
    ‏23 مارس 2010
    المشاركات:
    530
    عدد الإعجابات:
    0
    وجهة نظر طيبة..
     
  5. خالد العليان

    خالد العليان عضو جديد

    التسجيل:
    ‏23 مارس 2010
    المشاركات:
    530
    عدد الإعجابات:
    0
    بالعافية عليك الحكومة والتجار...واشبع فيهم وخلك معاهم ايد وحدة...انا خلني مع المواطنين الغلابى..
     
  6. أبوعلي1

    أبوعلي1 عضو جديد

    التسجيل:
    ‏8 يوليو 2009
    المشاركات:
    281
    عدد الإعجابات:
    0
    مكان الإقامة:
    الكويت
    اخوي خالد الله يسعد قلبك للمشاركة

    نقول ماقصر الشيخ للتصريح لكن وين موقفه يوم كان بوزارة النفط يوم كل شوي الحكومة تتحجج بمسالة الاراضي تحتها نفط وتحتاج للتنقيب انزين معقوله وهوا شيخ مايقدر يبين ويظهر اكثر من هالحقيقه خصوصا انه بعينه شاف الكثير من التجاوزات اتكلم عن الاسكان والاراضي

    اخوي خالد اكرر شكري لشخصك الكريم عسي الله يوفقك
     
  7. خالد العليان

    خالد العليان عضو جديد

    التسجيل:
    ‏23 مارس 2010
    المشاركات:
    530
    عدد الإعجابات:
    0
    ابو علي يعطيك العافية على الكلام الطيب...
    بتلك الفترة ماتدري شنو كانت الظروف اللي واجهت الشيخ سعود الناصر....عموما الشيخ سعود اشعل شمعة..افضل من باقي الشباب اللي بالمنتدى اللي بس يلعنون الظلام...
    التصريح الاخير حجر صغير سقط في المياه الراكدة...وجعل المواطنين واعضاء مجلس الامة يتسائلون...اذا الاراضي متروسة ليش الكويتين الغلابى عايشين بالشقق...واذا الاراضي متروسة ليش الاسعار المبالغ فيها الحين...
    ياخوك التجار قدامهم السوق كبيييير...خلوا مختلف انواع التجارة وجابلوا اهم قطاع يهم المواطن الكويتي...جابلوه بلقمته...وتعال شوف ارتفاع الاسعار في مختلف انواع الاغذية...وجابلوه بسكنه...واعتقد انك شايف اسعار العقار المجنونة...
    اخيرا...ماعندي مانع اذا التجار يمصون عرق المواطن الفقير...بس في حال استثمروا هالاموال الطائلة في الديرة...التجار ياخذوا الاموال من هنيه ويستثمرونها في الخارج...
    يعني باختصار لاطبنا ولاغدا الشر
    شكرا على المرور والطرح الراقي يابوعلي..
     
  8. مضارب عقاري

    مضارب عقاري عضو نشط

    التسجيل:
    ‏10 ديسمبر 2006
    المشاركات:
    1,898
    عدد الإعجابات:
    1
    افتقدناك يا بو فواز اين انت من الحكومة
     
  9. أبوعلي1

    أبوعلي1 عضو جديد

    التسجيل:
    ‏8 يوليو 2009
    المشاركات:
    281
    عدد الإعجابات:
    0
    مكان الإقامة:
    الكويت
    خالد العليان والله اني مع كلامك مليون بالمئة والشيخ علي رؤسنا من فوق والله يطول عمره عالاقل قال شئ غيره عجز يقوله والتجار اهم المشكلة وكلنا ندري وشايفين والمواطن المسكين اللي قد حاله ضايع بالطوشه وكل شئ ضده

    الله يوفقك ويعطيك العافيه اخوي خالد لكلامك اللي ينوزن بالذهب*
     
  10. شمس العصر

    شمس العصر موقوف

    التسجيل:
    ‏27 يوليو 2008
    المشاركات:
    772
    عدد الإعجابات:
    0
    مكان الإقامة:
    الكويت الحبيبة
    بتوفيق 0 اخ خالد العليان 0 ذبحونة الدلالين عايشين فى وهم متا يصحون مانى عارف
    بوعليان كلامك عين العقل
    ونشكر مشاركاتك الطيبة
     
  11. خالد العليان

    خالد العليان عضو جديد

    التسجيل:
    ‏23 مارس 2010
    المشاركات:
    530
    عدد الإعجابات:
    0
    على راسي ابوعلي...
    يااخي قسما بالله استمتع لما اناقش واسولف مع انسان محترم..
    الله يخليك لعيالك واهلك..
     
  12. خالد العليان

    خالد العليان عضو جديد

    التسجيل:
    ‏23 مارس 2010
    المشاركات:
    530
    عدد الإعجابات:
    0
    شمس العصر يعطيك العافية...مفتقدينك يالحبيب..
    في موضوع مطروح بالمنتدى جامع الدلالين كلهم...اللي يبي يعرفهم من زوار واعضاء المنتدى يدش على موضوعهم...ويعرفهم واحد واحد..
    شكرا على المرور