ارجو الاجابة والافادة

[بطالي]

السلام عليكم ورحمة الله وبركاتة

انا شاب عمري 22 ونسبتي ادبي 75 بس ما الله كتب اكمل تعليمي
وودي اسجل فالداخلية او المطافي


من يعرف متى تسجيل الرقباء الاوائل في الداخلية ووين مكان التسجيل بالضبط واستلام المظاريف


* ومتى التسجيل في المطافي كذالك وهل تسجيلها في التطبيقي ؟

واللي عنده نصايح لا يوفرها انا ادور الفائدة
وفقنا الله وياكم

 

[بطالي]

ماودكم تفيدونا ؟

 

[ح.الموسوي]

السلام عليكم اخوي
تسجيل الداخليه يبدا من نص شهر 7 الى اخر 8
طبعا مكانهم معرف اكاديميه سعد العبدالله للعلوم الامنيه اللي بعد مرور العاصمه
البوابه اعتقد رقم 4 اللي مقابل المرور من داخل تروح لهم تاخذ المغلف وتسجله وتكمل اوراقك
وبعدها تروح المقابله واختبار الرياضه والله يوفقك وتدش ان شاء الله بس ياخوك الداخليه والجيش يبيلهم صبر وطوله بال انا قدمت استقاله مره ورديت دشيت وشديت على روحي لين خلصت يعني لازم تصبر

 

[بطالي]

تسلم تسلم يالموسوي

ماقصرت والله

 

[المعكاز]

الله يوفقك انا بتسجيل الداخليه اخوي ابي انصحك وانت كيفك قدم على ضباط الشرطه طالبين ادبي نسبه 73 واذا ماتوفقت بالتسجيل يدقون عليك ويسالونك اذا بتحول ملفك رقباء اوائل ولا الا التسجيل يبدا اول 7 وتسجيل الرقباء الاوائل فاتح الحين تقدر تستلم مقلف وتختبر بس رايي قدم ضباط اول والله يجيبلك اللي فيه الخير انشالله بالتوفيق انشالله

 

[بطالي]

مشكور يالمعكاز ويعطيك العافية بس ماتوقع يقبلوني فالضباط
لاني ما اوافق الشروط

ثانيا : الشروط الخاصة :





مع مراعاة الشروط العامة ، يشترط فيمن يقبل بكليه الشرطة للحصول على درجه البكالريوس في علوم الشرطة المعادلة لمؤهل الجامعي مايلي :





1- ان يكون حاصلا على شهادة الثانويه العامة او يعادلها ، و ان يكون مجموع درجاته فيها حسب النسبة التي يحددها سنويا كجلس الاكاديمية ، و الا يكون قد مضى على المؤهل الدراسيين ، مالم يكن قد استمر في الدراسه باحدى الجامعات او المعاهد العليا .





2- الا يزيد عمرة عن واحد و عشرين سنه ميلاديه في اول سبتمبر من العام الذي يتقدم فيه للإلتحاق .





3- الا يكون متزوجا .





4- الا يكون من العاملين بالدولة او القطاع الأهلي .

 

[AL-AMIR]

اعتقد والله اعلم ان تسجيل الرقباء الأوائل والضباط مفتوح حاليا

وينتهي يوم الخميس الجاي

والله يوووفقك يا رب

 

[M F]

حرام عليك 75 وتسجل رقيب
كمل دراستك احسن
او على الاقل دش التربية الاساسية واذا خلصت انشالله دش ضباط اختصاص
لا تستعجل وبيعدين تندم ترا الرقبا ماكو مستقبل لها

 

[tears]

تكفه تكفه تكفه الله يخليك يا خوي لا تغلط هالغلطه و تقيد نفسك بالسلك العسكري
و خل عنك الراتب و هالسوالف و كمل دراستك اشتغل بمكان محترم الله يخليك لاحد يأثر عليك

شكرا